藍天使餐廳 (已結業)

今天下午，又是我出外逛逛，拍拍照的時候。今天前往的地點是黃大仙。在參觀完黃大仙祠後，當然是要醫一醫肚了，所以我就走進隔鄰的龍翔廣場搵食，搵呀搵，終於找到了藍天使。其實我已不是第一次光顧藍天使了，這次光顧藍天使，發現它的用餐環境，較之前一次光顧，已有所改善，至少照明已較以前光亮得多。我點選了一客鮑魚火腿燴闊麵，配以忌廉磨菇湯及凍檸水。過了五分鐘左右，牛油餐包及忌廉磨菇湯端上來了。不一會，凍檸水也端上來了。首先吃牛油餐包，它的牛油鮮香味，相當教我回味。接著喝忌廉磨菇湯，它的忌廉磨菇湯，並不是一般餐廳把磨菇切成片狀，而是一粒粒的磨菇碎。雖然如此，喝起來也相當滋味，口感一新。再過十分鐘左右，主角鮑魚火腿燴闊麵終於端上來了。我吃下闊麵，覺得相當煙靭彈牙，配以香濃的白汁，配搭得相當恰到好處。至於鮑魚、火腿等配菜，相當鮮美，就連配角蔬菜如青瓜、黃瓜等，咬起來亦十分爽口。吃呀吃，當全碟只剩下白汁時，我感覺到還意猶未盡，於是便用餐匙，把碟上餘下的白汁"畢"起來喝，一於實行"汁都撈埋"。無他，白汁真的十分滋味了。最後喝凍檸水，喝起來，感覺怡人、清爽。整體來說，這套餐的價錢，加上服務費，是貴了一點，但是食物

傍晚跟友人到黃大仙龍翔中心的藍天使餐廳共膳，聽說藍天使是黃大仙下邨數家西餐廳中數一數二（是嗎？）的了，吃罷我認為銜頭應歸咎為黃大仙下邨的西餐廳的確不多吧～某侍應服務態度很差，由點菜，遞刀叉，遞餐，收錢都有很濃列的不耐煩氛圍。我沒有踩到你尾巴吧？怎麼就問多句眉頭眼額都那麼繃緊。點了個咖喱牛腩飯，平時沒好沒壞的我都吞聲哽下去，這碟真的很糟糕～椰奶下的太多，咖喱偏甜了～牛筋腩全是瘦肉，而且炆得不夠，難咬，平時餐廳的牛腩都是切塊的，這間餐廳卻切條的，這圖看下去真像小弟家裡貓砂盆裡面的小妖牛筋那些軟組織應該很有嚼勁，咬後即溶的，這次的牛筋真的嚼勁200%，韌過我條命～小弟要求多少少飯，那侍應沒寫，我再強調要多飯，飯是多了，看！就是飯左上角那些，多麼悽楚可憐喲～倒不如不多～凍朱古力，水多過粉，淡而無味～唉，仲要收我五十蚊，加一服務費真的交得很不甘，不如我給多五元任我給她們面色倒好。以後還是不來了！

昨天去了黃大仙返學,同朋友一齊食左飯先,都唔知食咩好,一路行一行下就見到呢度,見有特價的焗豬扒飯套餐都係38元,好抵食喎,朋友就話價錢平過散叫,所以就入左去呀.唔使等位,都好多位呀,見好多客人都食鐵板餐,好似好好味又香咁喎! 朋友叫焗豬扒飯,羅宋湯,熱檸茶,我叫左一個磨菇龍俐柳意粉,羅宋湯,熱檸茶,42元,其實晚餐嚟講價錢都好抵食.唔知味道食點呢?我記得好多年前都嚟過呢度食嘢,不過唔太記得食咩及味道了.好快就先上湯及餐飽,羅宋湯個顏色好深色,都好多料的,不過真的好普通冇咩特別,餐飽好大個,都暖及軟的,ok.個意粉都等左唔係好耐就嚟,賣相都幾好,朋友的焗豬扒飯賣相都幾吸引呀.我的龍俐柳味道一般啦,成塊龍俐柳都好大塊的,上面有些芝士,有些磨菇,龍俐柳冇咩味,d意粉都有d乾,味道ok的,但真係好普通的呀.朋友話佢個焗豬扒飯都ok,不過佢話食左個飽都飽晒,所以都食唔晒呀!

因為住得幾近,周圍又冇幾間西餐廳所以平時放假都會去食下既幾年前果時係好好食但係E家越尼越差我地叫左幾個鐵板餐有牛扒有羊扒等好耐先尼我地食埋前菜,飲埋湯都等左好耐個羊扒勁淡,只食到汁味我叫左全熟牛扒之後一切開就流晒血連個汁都搞到響晒味以後都唔會再食

下午茶時間入坐,黎左個唔熱既多士同西多士!下午五點四十分入坐,但坐到六點四十五分竟然被趕走,佢竟然話下午茶話唔可以坐咁耐喎!態度十分惡劣!仲要話下午茶只可以坐一個鐘!

去黃大仙拜神前，食咗嘢先，本來諗住食吉野家，見到對面有間裝修都ok嘅餐廳，就去試下叫咗一個焗豬扒飯同一個海鮮炒飯，2款都係餐牌有圖參考嘅，心諗都唔會太差啦！啲嘢飲好快上，熱檸茶同熱華田，冇乜特別啦，嘢食都隨後上，個豬扒都算收貨，但個炒飯又亁又寡，真係好冇誠意囉！最後食淨一半，寧願拜完再食！

D野都好食既.D野又平我成日去食早餐架.[].最岩D學生哥裝修左之後好睇左~好清新=]坐得舒服.不過.冇乜野簡.同我N年前食個D差唔多啦.D服務員係友善既~~~

藍天使剛裝修完, 環境唔錯卡位坐得都幾舒服, d羅宋湯好似比先前好飲咗, 個飽又夠熱, 好想食多個. 跟住食左個紐西蘭牛柳7成熟, 一d都唔差喎, 仲幾好食, 又好抵食, 仲有杯餐飲熱奶茶不能不提, 又香又滑, 我朋友杯凍咖啡都不錯. 而d侍應又好禮貌又好笑容. 今次真係食得好開心, 下次一定再黎食過.

琴日朋友生日... 近近地揀左佢屋企附近既藍天使,入到去覺得環境唔錯 卡位都坐得幾舒服....坐低一陣就嗌野食,食焗飯既食扖既食天使麵既都有 湯方面 羅宋湯咸左少少 忌廉就OK 普普通通咁 朋友嗌左個肉醬鴨胸焗飯 賣相唔差,食落飯又唔會太乾 另外一位朋友嗌左蜆肉天使麵 D白汁煮得o岩o岩好唔會太多唔會太少 而我就嗌左個紐西蘭牛柳 其實七十幾蚊食到d咁既牛柳真係好抵 食8成都唔會覺得好老好"un"又大件 真係好抵食 最後一位朋友食鵝肝龍利柳又係好抵食...所有野都配合得o岩o岩好!VERY GOOD! 另外要提一提D侍應 D侍應會不停地主動幫我地加水 落單時又好禮貌 同我地介紹D扖既分別 邊樣好食D 仲好好笑容添!下次一定再黎食過呀

1. 照燒牛扒定食$42 ~ 牛扒切條上,十分難食,”哪”到塊牛扒無味,完全靠醬汁佐飯,但燒汁太咸. 前菜的沙律唔新鮮,內有薯仔粒,西芹粒,少量菠蘿粒及大量紅蘿蔔粒.2. 鵝肝鑊仔牛柳伴天使麵洋蔥汁$80 ~ 牛柳有三小塊,非常麻麻,無牛肉味兼唔新鮮.天使麵唯有靠汁伴,但汁也很差,無洋蔥味,只得咸味. 餐飲加錢叫了士多啤梨奶昔,好彩都OK.

因為方便，所以間中都會幫襯，初初D食物都OK，但就一次比一次差，而最差的是侍應的服務態度，坐咗十幾分鐘，就水都無杯俾你，要你叫才有，當個餐送到，但見你還未食完餐飽飲完湯，就黑口黑臉咁企响度，好似怪你阻住佢咁，還有所謂送的10元coupon，佢地跟本唔想你用，個餐牌下方竟印著以上套餐不可使用10元贈劵，衹有扒餐個menu才沒有這個條款，咁即係要局你食扒啦，咁都算啦，到埋單時，個侍應離天隔丈遠，我們舉手示意要埋單，但個侍應竟然唔過嚟，就响原位大叫xx枱埋單，咁張coupon點俾你呀？我已即時再舉手示意佢過嚟收coupon，但佢就話已經出咗單啦，唔用得啦！還怪我出單前唔出示coupon嘩！有無攪錯，你都唔埋嚟點俾你呀，最後重出埋經理來諸多解釋，跟本就唔想收coupon，咁不如就唔好送啦，送俾人又出埋D0拿0查招嚟拒收，最好笑就係我話個餐牌所印的條款，個經理話其實唔係既，樣樣套餐都可以用coupon，你問我0麻，唔係0麻，白紙黑字寫响度，咁即係想誤導D客啫，還狡辯這是爲方便D客喎！咁嘅服務質素，想我再幫襯都幾難囉。

見呢間環境唔錯, 諗住食物都應該唔差. 點知...先嚟一碗羅宋湯, 完全唔覺係羅宋湯, 一d蕃茄酸味都冇, 只覺得係一碗鹹味菜湯. 焗腸仔肉醬飯: 都係一樣冇蕃茄酸味! d飯焗到乾晒 ! 紅酒燴排骨飯: 個汁完全食唔出有紅酒味! 排骨尚算淋.

一年一度新春重頭戲, 就是往黃大仙拜神祈福, 年初四雖紅色假期已完, 但來參拜的善信仍有不少, 買了燒味生果, 但原來仍在擴建中所以不準放下祭品停留參拜, 在此情況下唯有急急的完事. 在祈福過後, 兩口子還沒有什麼到肚, 就往附近的商場看看有什麼可吃的這裡環境暗暗, 格局有點像花園餐廳, 下午茶供應至六時, 可供選擇的也很合口味, 見鄰檯下午五時多已据著鐵板大餐, 香味飄過來倒是吸引, 也想起童年父母親帶著一起据扒的日子, 現在憶起真的萬段滋味在心頭沙爹雞中翼湯米粉 - 沙爹味超濃郁, 雞中翼也醃得非常入味, 煎香了吃下更見可口, 米粉雖不是銀絲, 但也幼滑, 從沒想過在這餐廳會吃到如此美味的, 原全是驚喜之作, 同行朋友嚐過也贊口不絕蕃茄肥牛湯米線 - 湯底蕃茄味突出, 酸味也適中, 醒胃可口

之前經過吃了牛扒餐，牛扒用料非常差差過快餐店，重點是下午茶時間去的，成班師奶侍應起到吹水吹到好大聲，d野已經難食重要看師奶做show，blue angel cafe老闆你至叻，叻你至叻你地師奶都做啊head。

除了地利方便,就近巴士站外,實在諗唔到可以比笑臉的理由.是日有點事一大清早便要往慈雲山跑,早 餐都未食,肚子有點"咕咕"作響,只要一入商場,最就手方便的一間.門面真的幾舒服,柔和的燈光,舒適的座椅,望望餐牌,選擇亦不少,為求快捷,只選了鮑魚火腿絲湯通粉配餐肉蛋及熱檸檬茶.鮑魚火腿絲湯通粉 : 份量雖然不多,問題並不在此,而是第一啖食落口,不單質感,口味,完成是坊間的快熟通粉,要食快熟通粉不如自己煮,而且淥得太長時間,通粉是又淋又咸,餐肉及蛋中,雞蛋是煎得過火,整隻蛋有一半以上是發黑的,睇見都唔想食.好彩伙計肯同我換.埋單要二十二蚊,算是合理的,不過質素真的差不想再來.