薩莉亞意式餐廳 (慈雲山中心)

營業中

休息中

對上幾個月前食呢間個陣汽水機見有d蚊滋仔飛黎飛去，就巳經即時唔飲汽水改飲熱飲算，個日無事，事隔幾個月原先想試下低椰xx, 但見劣評都係試多次呢間d餐話哂都抵食，點知坐低今次係見到小型size小強係牆身，之後試左鐵板蜆，點知食一兩粒巳經有沙，有幾舊仲要食落要成舊吐。難怪19蚊咁平了。。雖然有應有既味，但衛生問題真係博唔過，我就隔左幾個鐘就肚瀉了。。。仲有d雞都中間位有d未熟，雖然味道pass, 但都呢間無下次了

呢餐真係抵到爛 3個人每人38蚊就食到以下既野 蒜蓉包包邊香脆包身夠熱所以蒜蓉食落更香 香焗白汁雞肉菠菜朋友推介呢個真係好味不過估唔到無飯跟埋黑松露野菌忌廉意大利粉意粉唔會太硬黑松露同野菌呢個配搭真係無得輸甜蝦沙律亦係朋友介紹既蝦身幾爽係唔錯既 !肉醬多利亞就不過不失喇如果38蚊黎講呢餐真係好抵食 !所以要求都唔會太高😂

已經好奈冇食過依間，心血來潮突然之間好想食依間嘅芝士薯角，就再去食啦。再去食個陣先發現原來仲有pizza食，加多3蚊仲可以加double tim，真系好抵，所以就叫左個pizza食，三十幾蚊一個pizza真系又抵食又ok好食。正！而芝士薯角依舊都好好食。

尼個餐廳特別在要飲品就直接加錢換任飲，其實飲多兩杯都抵番呀 而中意佢款式多 味道岩 唔會太咸 而平均都係$30一碟 幾個朋友 可以叫唔同款share食 一個晚餐除番開都係$50但已經可以食到勁飽又任飲！頹餐得黎又豐富

鎖餐廳不盡是質素穩定的保証，但經常吃薩利亞也少有遇上失望時刻。是日晚上，補習完成來到慈雲山吃薩利亞。晚上9時，1-2位也需要輪候15-20分鐘，人流裡也反映大家對此店的喜好。當然，薩利亞的西餐較為廉價，是受歡迎的主因之一。安坐後，便如慣常，按鈴鐺呼喚侍應生點菜。點餐的過程是流暢的，上菜的效率也相當高。喉嚨痛，與辣味雞翼緣慳一面，在餐牌眾多選擇裡，也選得到不辣的選擇。先來是煙肉炒菠菜和白酒。白酒（$27）便有250ml，由於侍應生落錯了單，意外附上多一杯小白酒，相當照顧客人感受。這個價錢的白酒也嚐到甜酸感覺，加上是冰冷的酒，所以易入口之餘，佐油膩食物也是不俗選擇；是自費自助添飲汽水以外的選擇。推薦指數: 4/5煙肉炒菠菜（$17）是餐牌沙律以外的菜類選項。畢竟，到外吃飯也得找點菜來吃。煙肉不算多油，偏乾身，倒是油香滲入熱辣的菠菜裡頭。菠菜已去掉大部分的根部，非常嫩滑。而且，沒有出水情況，炒得乾爽，咸香又好吃。後來的有馳名白汁雞肉焗飯（$28）。茄汁炒飯上裹上熱騰騰的白汁焗個焦香，旁邊的焦塊相當惹味可口，中間的醬汁用湯匙撥開，便向下傾瀉，佐飯佐菠菜極佳！濃厚的白醬也帶點芝士香，而炒飯的酸甜

成日去薩利亞食野，因為個價錢係一般學生同基層市民負擔到，再加上任飲呢個設計 好適合我。平時Lunch hour 夜晚既餐牌同價錢都差唔多，所以一得閒就會同屋企人，同學去食，唔洗煮又可以食平野。呢個係我最中意食既沙律，酸酸甜甜好過癮 ，又有蔬菜好健康。其實仲有好多好好食既野，例如有肉醬多利亞，雞肉多利亞，卡邦尼意粉，菠蘿煙肉Pizza，蒜蓉包，鐵板餐等等，好適合一家人黎食飯。我覺得仲有好處就係免加一，因為依家好多餐廳都加一，好唔抵。不過可以改善下等位同衛生方面，同埋有時d熱飲機有問題。

甜蝦沙津醬汁可另上，按自己喜歡而加上，其沙津醬有點像千島醬..但味道又沒有咁濃..微甜帶酸.. 不錯!滿滿的甜蝦! 份量挺足!黑椒蜆肉鐵板煮蜆肉尚算飽滿，黑椒惹味中帶點點鮮，但間中一兩隻蜆內有沙~雜菜湯味道正常 ，挺多雜菜!甜蝦多利亞佈著濃濃的白汁及芝士， 底層是飯底~每一匙飯入口都佈著濃濃芝味 ，真係可一個人食晒一碟!大推介!

話說成日經過見到下就好多學生排隊等位食，成日繁忙時間都full曬，咁今日就去試下究竟有幾好食啦對於芝士迷既我 叫左肉醬多利亞，芝士薄餅，蒜容包，卡邦尼意粉。 每一樣野都好好食，好入味，仲有得再自己任落芝士粉，雖然每份份量唔多，但兩個人叫兩三個價錢都係平均40至50蚊，仲有自助沖野飲每款汁味道岩岩好，好重芝士食完無耐就好口渴，我諗係食左好多味精，不過我都仍然好想食第二餐呀，終於明白點解成日見到咁多學生哥黎食啦

薩利亞完全係平靚正嘅一間餐廳，雖然一到食飯時間就無限多人等位，但只要錯開個人流就可以，薩利亞嘅食物完全係高水準，而且又快，最鍾意佢個雞肉多利亞(好似係咁叫)，有好多汁嘅焗飯，份量細但可以叫多幾樣唔同嘅野食，其他飯/意大利麵都有食過，都係好食，而小食同pizza都有好多款，水牛芝士pizza簡直係芝士達人嘅恩物，拉絲個種感覺真係令人興奮

今日黎左殺你呀食午餐，一點半黎到都要等位，証明呢間餐廳幾受附近食客歡迎。菠菜同個芝士汁好夾，煮得好林，無渣好易咬，雞肉粒煎到好香口，脆卜卜既，份量都唔少。因為個菠菜太多汁唔想浪費，叫左個蒜蓉包點芝士汁，蒜蓉包唔會焗到硬晒，中間仲係軟熟，但略嫌油左d，而且10蚊對比起佢其他菜包會貴左d。呢個雲吞太大陣奶味，非常漏，我唔太鍾意。雞肉多利亞先係今日既主菜，佢隻汁同其實芝士汁唔同，會再甜dd，而且好夠汁，唔會食到半路無晒汁得d飯，不過有好多雞皮，食果陣要小心揀出黎。4個餸埋單都唔洗100蚊，經濟實惠！

如果二人喜歡嘗試多款食物而需要超經濟，這裡最好不過此麵偷食完一定呃唔到人，因為棚牙出賣左你。肥朋友話要食，所以就叫……但我內心好保留，黑色既，睇睇menu話用Olive oil……只可以話唔岩我口味但肥朋友就好鍾意增加我們的纖維吖，沙律醬味道不錯，雖然波羅雖然是罐頭的但整體幾吸引，清哂。好新鮮既pizza,即出爐架趁熱食唔講甘多著，芝士藕斷絲連極之不推介，辣味雞奕，辣味…………有d唔入到雞肉，所以送上陣雪味？怪味？唔知啦。另外雞肉又肥………唔岩我啦應該，肥朋友清哂，一隻不留，証明我地口味唔夾。值得讚既飲品吧，幾整齊，下次想試鐵板扒，見到好多人叫

晚餐去食無乜人,唔洗等位。記得以前係第二間食,要等好耐位。三個salad,三個Spaghetti,兩碟蒜包,八隻雞翼。人均消費70蚊,好鬼平。三文魚沙拉都係幾塊三文魚加d生菜,蜜糖雞翼都好甜下,雖然唔覺覺有蜜糖味,但都甜甜地,幾妹味,不過都係鐘意食m記炸雞多d,蒜包好脆,烤到岩岩好,好香蒜味,外脆內軟,食飽都要叫多碟食,食物質素一般般啦,不過叫做有個位坐低吹下水,好似每人加12蚊可以任飲汽水。坐幾耐都無人理你 最愛個墨汁意粉,食到成個嘴都黑曬。有意粉,飯,仲有牛扒餐tim,都好平,不過就無試,如果要求唔高既,都唔錯。可能我地遲去食,好快話last order,同埋間鋪得返兩三台客,d啊姐做清潔。做清潔唔係問題,問題係佢囉支地拖抹燈罩,但係燈罩下面就係d餐碟,刀刀叉叉。真係食曬塵 你會唔會比錢食千年塵??

慈雲山嘅呢間分店經常都人山人海，假日最少都要等半個鐘其實係呢度食野係冇野飲，要加12 蚊先有我叫咗個煙肉菠蘿pizza，份量不多，一個人絕對可以食哂，不過味道還好，有芝士味，但唔夠熱同香脆，仲有煙肉份量太少了我另外叫咗蕃茄海鮮意大利意，醬汁份量不多，乾爭爭甘蜆肉亦不太新鮮，最好都係甜蝦沙律，嗰度沙律醬好好味，配甜蝦味道出色。

今日晏晝得閒，去左慈雲山中心同朋友食午餐。去到四點幾，冇乜人，好快有位。入到去都係叫例排既飯同麵，叫左個焗飯，雞肉好夠，不過落得好多奶油，食幾啖已經開始有啲濟，女仔食一個已經勁飽。另外，仲叫左個海鮮意大利粉，海鮮好足料，蕃茄醬唔太濃，不過蕃茄味好足，好滿意呢個汁。整體黎講，啲野食幾好食，價錢都好平。

今日肚餓 突然想食意大利菜 係街行行下 見到薩利亞 就行左入去 點了一個三文魚菠菜意大利粉同埋周打海鮮湯， 煙三文魚質素不錯，忌廉味濃郁，意大粉幾有咬口，不過湯有d 稀，好快就飲完。環境幾舒適，服務員態度不錯。唯一就係野食令我覺得好口渴，但係個冇野飲，不過價錢都算幾抵食一大班人食最適合，我下次都會去返呢到食。