薩莉亞意式餐廳 (奧柏‧御峯) (已結業)

今日約左朋友係公司附近食午餐，因為怕人多要等就去左薩莉亞食，而且薩莉亞出名平，一開始都怕人多，點知去到即係有得坐，點左一個雞肉沙律，一個意粉同一個pizza，兩個人食都好夠飽，最值得讚係個pizza，味道香濃仲要個邊係脆口熱辣辣，應該係岩岩整就上菜，抵讚👍🏻，卡邦尼意粉份量好多，出面四五十蚊都無咁既份量，一開以為無煙肉，點知食食下先知收埋係個底度，沙律🥗普通無咩太大驚喜，但環境食物質素同價錢黎講，絕對係超值既選擇☺️

薩莉亞呢間意大利餐廳差唔多個個都識，多款式，價錢大眾化，分店都多。自己就未食過正宗意大利菜，但感覺呢間野唔係偏向意大利菜式，只係一般西餐同小食。夜晚諗唔到同男朋友食咩，就提議黎食薩莉亞，因為男朋友係澳洲咁多年都未食過呢間！我地叫左辣味雞翼，燒魷魚，卡邦尼意粉同一個蘑菇意大利飯。雞翼同燒魷魚我就次次黎都會叫，個人覺得好好味，好抵食！卡邦尼意粉有隻溫泉蛋，芝士味都夠濃味道唔錯既，男友覺得好食，但我略縑意粉過硬。黎咁多次都冇試過個mushroom risotto，今次就一於試下！不過對佢有少少失望，飯唔夠飽滿，個汁唔夠creamy，個味同想像中唔一樣，不過份量係好夠既。 總括黎講都係好食既，起碼對得住呢個價錢

相信薩莉亞呢間意式餐廳對香港大眾嚟講一啲都唔陌生,因為佢哋嘅連鎖式經營已經幾乎散佈喺每一大區嘅角落,愈開就愈多分店,而基本上繁忙時間之下佢哋每一家嘅門口都人潮湧湧。真係冇留意都唔知,原來呢間舖頭係由日本嘅飲食集團開發,難怪食物味道同質素都均有一定水準嘅保證 今日陪阿肥番嚟大角咀區剪頭毛,所以就嚟咗奧柏御峰呢間分店食午餐,我哋兩條友嚟基本上次次嚟都會叫到一枱都係嘢,因為價錢實在太大眾化喇,同埋味道平均都水平以上,所以如果要我揀食乜嘢西餐好,呢間意大利餐廳算係我必然嘅首選,pizza XXX我就真係十年都未必會去一次。 我哋淨係食個lunch,都點咗以下咁多樣嘢： 必點粟米忌廉湯$12蚊👉🏻呢個湯真係我每一次嚟都一定會叫嘅,粟米茸超正,係日式嘅味道,大愛 阿肥飲周打海鮮湯$12蚊佢就反而次次都係飲呢個味,唔飲粟米,haha口味嘅嘢真係人人唔同,各有所愛 至愛甜蝦沙律$24蚊👉🏻初初開業嘅時候我記憶中甜蝦嘅份量冇而家咁多,唔知係咪因為集團改良咗?甜蝦真係多到令人十分之滿足,配埋生菜+沙律醬,極度開胃 新出小食:脆脆蝦$19蚊👉🏻見佢新出品阿肥就叫咗嚟試下,都OK好食,脆卜卜,亦有千島醬附上,

今晚同男朋友旺角行完街，掃左好多小食，又吾想食甘多野，但又想搵個地方坐下喎。嘻嘻，好煩🤗所以就決定去薩莉亞食啲小食甘。我地去左大角咀呢間食，之前都有食過，覺得人吾太多，坐得舒服。但估吾到今次會FUll場派飛。第一次見甘多人食。不過等一陣都有位，2人枱好快咋。蒜香法包:必食啦，個包又香又軟。一人食一邊岩岩好啦蜆:好好食，無沙，就甘落啲黑椒鹽已經好入味。甜蝦沙律🥗：好多甜蝦，生菜做底。加埋個沙律醬，好食！人氣NO.1腸仔:又係每次都必食，外皮脆。夠哂熱，我覺得沾茄汁真係好好食！雜菇意粉:吾好睇佢甘普通，佢有用蘑菇汁去煮，好香菇味咖！分量都好正常食左5樣野係99蚊，雖然係小食，但都飽，好滿足啦

當你消費價錢有限制嘅時候，但係又想食好嘢，我就會不自覺咁諗起食呢間餐廳。有一個係我同朋友每一次你都會食嘅一個招牌菜，就係佢嘅溫泉蛋多利亞飯。呢個返20幾蚊，但係佢嘅肉醬真係好好食，再加埋少少芝士同埋溫泉蛋撈埋一齊，下入口嘅感覺感覺真係好幸福，會令人不自覺咁”um~~🤤”左一聲。同埋佢嘅份量恰到好處，同朋友兩個人share食，會覺得啱啱好！唔會好肥亦都唔會好漏！再加上佢有一個加$8就可以任飲嘅飲品吧加多八隻雞翼啱啱好兩個人食嘢都係幾十蚊就走得！真心推介，一間平靚正嘅意大利餐廳！！😍

位於大角咀的抵食西餐非薩利亞莫屬雖然店裡位子很多 但是到了用餐時間還是要抽號碼牌等十來分鐘食物選擇種類相當豐富意粉 Pizza🍕 沙拉🥗排餐 應有盡有首先上菜的是野菌義大利麵味道普普通通一大盤熱騰騰鐵板蛤蜊味道還算不錯👍有些殼裂開了 吃的時候要注意一下香菇野菌薄餅只要32蚊還蠻好吃真的是好划算呀海鮮薄餅這個也很好吃 用料實在！起司雞肉焗飯這是滿重口味的一道 有點焦掉可是味道很香很濃郁總體而言食物具一定水準是抵食西餐的好選擇

吞拿魚蕃茄辣汁意粉🍝（$29）吞拿魚，蕃茄蓉，辣汁，依個配搭都唔錯下，聞落好香，食落好惹味😍，少少辣，至於意粉煮到岩岩好，唔會太淋，唔會太硬，不過比較少汁🤔-雞肉野菌雙享pizza🍕（$32）Pizza 份量比較小，但食完都好飽肚，批底唔算薄🍕，有好多雞肉和野菌係pizza，十分足料，平平地大約$30 就食到個pizza，味道都唔錯😘-羅勒墨魚仔🦑（$17）墨魚仔係細細隻，食落冰涼，幾有咬口，仲有好多羅勒醬，十分開胃👍🏻👍🏻每次去都係必食之一😍-鐵板燒雞雞球（配白飯）（$47）雞扒燒得好香，配埋照燒汁👍🏻，而薯角十分香脆，粟米好甜，好好食😀-一杯汽水🥤（任飲）（$12）-一分錢 一分貨，想平平地食餐飯，而且選擇又有咁多，有pizza，意粉，飯，前菜，梗係食薩莉亞，真係好抵食 ☺️多人一齊食仲可以試曬每款食物🤤-

嚟自日本嘅連鎖意式餐廳「薩莉亞意式餐廳」，晌小弟心目中，可以講喺打破平嘢無好嘢定律嘅一家餐廳。佢哋以平價、抵食作招徠，主菜廿零三十蚊就有交易，自助飲品吧收費$12位就可以任飲，所以，食乜？真喺唔使費煞思量，想點乜就乜，難怪經常人山人海。一行3人，有我、老婆同佢姨甥仔，等咗無耐就有位，因為呢度流轉快。簡約嘅西餐廳格局，光猛，整潔，被安排4人卡位，更闊落舒服，簡單貼張相交特待餐廳環境嘅一角。佢哋嘅餐牌大大本，印刷精美，全部都圖文並茂，且影得好靚。菜式選擇非常多，定價極有吸引力，唔收加一，但溫提一下只收玩金。中華海草 $9海草翠綠清新，又喺有益健康之物，口感爽爽哋，灑上芝麻，作為前菜過吓口癮，確喺唔錯，況且，只賣$9，唔啱食都唔覺大損失嘛。羅勒墨魚仔 $17晌美孚店都食過一次，$17俾到一大碟，唔可以唔講多次抵食。墨魚仔完整唔會碎濕濕，冰涼軟熟而有咬口，仲落咗好多羅勒醬，清爽不俗。黑椒雞肉薄餅 $35+雙重芝士 $6依度啲份量相對比較細，所以點個薄餅質飽大家。批底厚度為所謂薄批與厚批之間，直徑9吋左右，有唔少雞肉晌面，但雙重芝士就無花假，堅多，食起嚟寧舍「芝」味。肉醬多莉亞 $27喺店家嘅招

講到薩利亞，不可不提真係佢地既無敵價錢，令到一眾平民都可以初嚐意大利菜入門版，是否玄門正宗不在此討論，但起碼都叫做多個選擇，幾十蚊有易，一家大細都嚐到。- 肉醬多利亞，濃濃的茄味芝味，絕對係開胃之首選。呢個係我每次必點的。- 溫泉蛋卡邦拿意大利粉，三個之中呢個最出色，溫泉蛋恰到好處，打散後與意大利粉沾上一起吃，外接雖平凡，但係屬於今日 三款中比較出色的。- 邦哥尼意粉其實我今日只係二人幫襯，不過擔心唔夠食，所以叫定多個 share 來食，呢個係下次最唔會再 encore 的，完全普通。埋單連飲品，平均每人 $56 ，比茶記貴少少，不過呢間分店人不多，所以可以坐得比較舒服，而且飲品多選擇，所以都係抵既。

上完教會，跟教友們一同上意大利餐廳。蒜香法包脆是脆的，可惜無甚蒜味，像是一塊烘過的牛油法包而已。煙三文魚質量不錯，煙燻味濃，油份充足，我們用來鋪在法包上吃，令法包更美吃。辣味雞翼果然是辣的，雞翼無雪味，肉質尚算嫩滑，教友們不大吃得辣，相讓小人，結果四隻之中小人吃了三隻！周打海鮮湯是一人一客的，裏面好像有些魷魚和魚肉的物體，味道較一般西餐廳的白湯較佳，惟份量少得可憐，兩口喝完。農舍薄餅是個厚底薄餅，上面的蘑菇和芝士極香，建議下些辣椒仔辣汁更能提味。雖然餐廳價錢便宜，食物的質素還是不錯的。

早已聽聞薩莉亞便宜好食，但每到食飯時間都有排長龍，所以未能試食。今天特別6：00左右前來，希望不等位。果真皇天不負有心人，能順利即時入座。單看餐廳價錢真的非常大眾化，而且不設加一服務費。自助飲品每位都只需$12,選擇亦十分多元化，有多種汽水，茶包，連咖啡也包含在內。煙肉波菜：以橄欖油煮，不油，菜帶點煙肉咸香，是一健康選擇。肉眼鐵板：肉眼扒蠻大件，偏瘦，蒜蓉汁咸了一點。配菜薯角十分香脆，粟米有預先以牛油略煮，所以香甜好食。黑松露野菌意粉：黑松露配意粉是安全配搭。此意粉以黑松露醬煮成，食得出是一般平價黑松露醬，但以$34便能吃到黑松露意粉，所以還蠻抵食。煙三文魚蝦薄餅：不過不失，三文魚及蝦的份量不少。 一個薄餅可夠3人食用。另外值得一提的是，此店服務員態度良好，上菜速度快，每碟食物上桌時都是熱辣辣，對介意食品温度的人，是一好選擇。

Cheap food, looks good on menu ... not so much when you get your food. Would not come here again. The dish I ordered is new in menu, but the meat "Rib eye" overcooked dry and tasteless. There was 3 small potatoes almost sad to look at and the consistency was as bad.The pizza also tastelessMy suggestion is find another place to eat.

放工一開openrice大神就見到薩莉亞，於是就展開左個豪食薩莉亞既旅程!地方夠大，完全唔洗等位仲可以舒舒服服坐卡位嗌左餐牌封面頭2款唔得輸啦掛!醬汁好味，好fresh三文魚麻麻地隱若有陣膠袋味蒜汁魷魚略為咸左少少但質地岩岩好唔係"梅"又唔會韌!辣味雞翼夠香不過都有d辣，食唔到辣既朋友就要揀第樣啦!由於似係神戶過既焗飯，所以都有d祈望，好在冇令我失望! 夠熱又焗得夠香，肉醬芝士同飯既比例岩岩好，味道又適中唔會太咸太酸絕對對得住個價錢有餘!!!溫泉蛋卡邦尼意粉夠滑，略嫌唔夠熱同少芝士，要再加!食完都係$152落樓，又平又豐富既晚餐!

激鬼死，有位經理態度較為差，見到我叫極佢都唔理❗️之後仲同我漏單添‼️‼️份量OK，價錢適中，味道什佳👍👍，加9蚊有任飲，都幾好😋😋下次可能都會幫襯，不過唔會响返學時間lor

午餐: 兩份PIZZA、意粉、小食這家店 對於平吃西餐算是很大眾的選擇PIZZA推薦水牛芝士再加倍芝士、相對其他店, 這連鎖店實惠便宜意粉加上辣椒仔吊味, 還是不錯的辣味雞翼調味得不錯, 每次都很莣味, 如果可以辣點更讚飲料吧很多選擇, 有咖啡, 茶, 汽水等等不過當天, 朋友吃完肚子痛, 雖然我沒事, 但朋友屬於腸胃比較敏感的類型,所以不推薦腸胃差的朋友吃蜆這類的海鮮(中午時間或晚上都比較多人, 所以要早點去, 否則大多數要排隊等候)