薈萃冰室 (已結業)

今日又嚟呢區做嘢，諗住又再嚟食佢個雞髀🍗飯。搞乜鬼，做乜個餐牌變晒！原來轉咗新餐牌，好彩仲有雞髀飯揀。用手機App落單，見到個「日式豬軟骨飯」，豬軟骨都係「賣飛佛」就叫咗嚟試下 …. 跟餐+$9就有特飲，我就叫咗青檸柚子梳打，另外見到佢有個寫住「日本直送」嘅芝士多糕，跟餐+$18，貪得意叫咗一件試下。豬軟骨唔似出面果啲餐廳冇軟骨扮軟骨果種，呢個真係有白色半透明軟骨，個汁調教得好好味，只係豬軟骨燜得未夠淋青檸柚子梳打略嫌甜咗啲個芝士餅細細件，跟餐份量就一流，份量唔會過多，件餅冇出面果啲芝士餅咁溜，甜度剛好，日本直送非本地土炮製作扮日本其實就好抵食。埋單$95，個職員仲話憑即日收據可當$5用。難得仲有小店唔係「交行貨」嘅食物（茶記/冰室計），推薦👍

求其入一間茶記，叫左西多雞髀 等左都10分鐘，但出到黎雞髀又熱又多汁，仲要有香草醃過，同平時連鎖茶記味道唔同，有水準。西多士味道正常，整體黎講可以一試，入到去無咩人坐得舒服。

工作關係，今日嚟到呢區搵食。見有位入嚟一試，原本見佢唔多人，諗住都係醫肚質素。冇乜期望 …..入到嚟，樓面各有各忙，招呼一般坐低望望隔離枱，有兩三枱都係雞髀飯，賣相都幾靚仔，本住試下無妨心態叫左個雞髀飯由落單到個餐嚟到都係兩個零字，跟餐都係大路嘅鬼佬菜伴碟，蔥油加埋豉油蛋黃撈飯都ok，主菜雞髀係香草，食落夠味唔過鹹，亦唔係一般餐廳椒鹽味，幾特別，都算幾好食。埋單$61連凍飲，尖沙咀區嚟講唔算太貴。對住門口隔離坐，客人出出入入又熱又凍影響整體評分

剛開業的冰室 經過看到環境幾不錯就進來試試 第一次過來就遇到明星唐文龍 本人好大隻 我點佐個乾炒海鮮烏東唔錯👍 下次可以再來試一試其他 仲有焗飯看住都不錯 仲有老闆娘都幾靚女🤔