蕎道樂居酒屋 (已易手) 新餐廳

與知己好友共聚，要搵價錢實惠、味道好、交通方便的地方真的不容易！今次揀蕎道樂居酒屋，大家都好滿意！值得推介！二人餐超級抵食，十分豐富！刺身新鮮，燒物有驚喜，鐵板帶子，牛肉鍋都令人一試難忘！

二人前季節限節 $398I was definitely thrilled with how heartily served the meal was! We ordered a set for two with only $398 with very pleasing quality! To start with, the sashimi and black truffle scallop salad wete very well executed! So fresh and so inviting! 前菜: 黑松露帶子沙律刺身: 三文魚、油甘魚、甜蝦、帶子一品料理: 鵝肝多士拼燒汁露筍牛肉卷壽司The sushi plate was enticing! Sashimi was favorably fresh! The beef roll was also lusciously inviting! Very well executed! 花之戀、池魚王、左口魚邊、蔥吞拿魚卷I would have to say, this plate was really heartily serv

※本文以用餐當日的環境、服務和食物質素為準，口味亦因人而異，文章只作參考之用。-在銅鑼灣逛街發現了這間感覺低調的日本餐廳，由於餐廳在地庫，如不是他們街上放了易拉架也頗難留意到呢！餐廳環境頗闊落，以木系裝潢為主，牆上有掛了是日菜式的木牌，這部分很有日本風呢！人流不多，所以整餐飯也非常舒適。餐牌選擇很多，前菜/沙律、煮物、天婦羅、揚物、卷物、拉麵、燒物、串燒、壽司/刺身、刺身丼等；仲有兩款二人套餐都係二三百蚊，食物份量都唔少架，好抵食！餐廳贈送的梨味香檳，很有情調。露筍牛肉卷 $48呢份牛肉卷一份約有7-8件，份量都唔少架。每片牛肉都包住翠綠爽口的露筍，再加上燒汁，差唔多食晒成碟。燒牛舌 $48相對其他食物呢份燒牛舌就有點貴，每串有三片，不過都燒得唔錯，牛舌咬落爽口，加上少許黑椒調味，味道已經很不錯。蕎道樂創意卷 $80師傅會以當日食材既去設計出一份創意卷，端上來的時候，賣相確實不錯啊！總共八件卷物，有兩款不同味道，包括係海膽帶子卷和吞拿魚蓉鱆紅魚卷，裡頭同樣包住蟹柳和玉子，這配搭又黃又紅的，顏色賣相頗鮮艷，中間仲有隻甜蝦坐鎮，味道不俗，$80不貴了。蕎道樂創意丼 $130、蔥碎吞拿魚丼

每間餐廳都要有最少一樣野吸引到我先會去，而哩間日式餐廳既燒活鰻魚同鰻魚飯就吸引到我。一人前時令燒海鮮…長腳蟹、北海道帆立貝、薄燒活鰻魚、黄金燒海虎蝦同埋磯燒鮑魚。用木板上，份量都幾多，我最期待既燒活鰻魚果然冇令我失望，燒到外層微脆，魚肉唔算薄啊！同埋唔會"梅"，又唔會太乾，冇醒味，最緊要係連幼骨都冇。長腳蟹都算多肉，仲俾埋把較剪我地拆開個殼。而鮑魚、帆立貝同虎蝦都幾彈牙鮮味。蒲燒鰻魚飯…條鰻魚估唔到都幾有份量！哩個價認真試得過！ 鰻魚有別於一人前果款，哩個多左一份醬汁濃郁既香味，同樣冇骨冇醒味，塊魚皮帶韌勁，底下既飯軟熟有咬口，沾滿鰻魚汁，仲有唔少蛋絲，全部一齊食好味道呀👄 芝麻雞翼…雞翼炸到脆卜卜，沾滿芝麻之後香味立刻升級！雞翼內仲保留到肉汁，亦夠新鮮熱辣！牛舌…牛舌好似佢咁落少少黑胡椒同鹽已經好夾好好味，質感爽口唔會太韌，仲係有少少厚切feel，口感一流。蕎道樂創意卷… 有八件唔同款式既壽司小卷，有海膽卷、吞拿魚卷等等，當中最愛三文魚卷！入面仲包住蟹柳同沙律菜，夏天食就夠哂fresh!

係銅鑼灣行行下街見到有間食日本野（蕎道樂），以為門口細細間，之後行左去想試下d新野，一行落去成間鋪都樂有日本feel。原來入邊都幾大同埋好舒服，仲好有日本嘅氣氛。我同我朋友一黎就叫左個二人前季節限定（$398），有前菜、有刺身、一品料理、壽司、甜點。前菜方面，食完都幾開胃，因為我自己唔鍾意食青瓜，所以唔鐘意有青瓜同魚生既配搭。不過魚生都好新鮮。黑松露帶子沙津，呢個值得一讚，黑松露煮得岩岩好，加上帶子既鮮甜簡直係完美配搭，兩個人食啱啱好，如果我朋友細食d就好（我可以食埋佢果份）。但係簡直超好食！佢嘅刺身有4款、全部都好新鮮可以見到厚薄適中。而且賣相唔錯。三文魚油金魚甜蝦同帶子。一品料理方面，鵝肝多士拼燒，鵝肝煎得岩岩好，出奇地整得好食🤤，個汁同鵝肝都幾夾🙈，如果面包再脆d就 「好」。不過都係一樣食過返尋味嘅餸菜。仲有呢個蘆筍牛肉卷，牛肉啱啱有牛味，而且口感嫩！打埋啲汁同埋新鮮嘅蘆筍，絕配。壽司方面，花之戀、池魚王、左口魚邊、蔥吞拿魚卷。四個裹面，我最鐘意食左口魚邊同池魚王😎，我平時都唔會特別嗜魚，但呢兩個壽司整得特別之餘，食落去既味道，我相信唔食魚既人都會想試一試。口感方面，岩岩好，唔會

餐廳裝修以木為主，唔算好有居酒屋氣氛。食物選擇包羅萬有，例如刺身、壽司、西日料理煮物、串燒等等。我同男朋友見個二人套餐幾抵，唔使煩就叫左。前菜每次唔同，當日係魚生粒，有八爪魚、三文魚，撈埋醬汁都幾開胃。蟹王蟹子沙律原來係軟殼蟹，炸得香脆熱辣唔油膩。沙律係青瓜絲同紅蘿蔔絲，加埋脆卜卜嘅蟹籽，配搭唔錯，份量仲好多！四款刺身分別是三文魚、油甘魚、甜蝦、帶子，有小擺設做裝飾，賣相更吸引。刺身都好新鮮，三文魚特別肥美。鵝肝多士睇到已經覺得非常邪惡！厚身鵝肝煎得微微焦脆，油香滿載~放上香脆多士一齊食好夾燒汁露筍牛肉卷捲得整齊，咬落露筍爽脆鮮嫩，薄薄一層牛肉肉質亦都腍滑，燒汁調味剛剛好。壽司同樣有四款，包括花之戀、池魚王、左口魚作邊、蔥吞拿魚卷。壽司體積比一般小，食多幾件都唔覺得飽滯。尤其喜歡左口魚邊魚油十足，炙燒過更誘人。磯燒鮑魚海鮮鍋除左鮑魚，仲有大蝦、青口、帶子。鮑魚質感軟腍，其他海鮮質素都唔錯，湯頭味道清甜。是日甜品係軟心朱古力蛋糕，朱古力味濃郁但蛋糕有點腍身，如果係飯後水果就好啦！

落雨天，冇乜戶外活動，唯一活動就是去大公司或商場shopping,所以我放工就約埋同事去銅鑼灣崇光百貨行下，女人shopping 吾講得笑，不消2小時，我們已買到拎吾到，大包小包，又下著雨，去不到遠地方食飯，就在祟光轉出去就看見一間叫喬道樂居酒屋，日本野？大家都喜歡，我們就入座了！蕎道樂創意丼：材料有三文魚、翡翠螺、三文魚籽、呑拿魚蓉、赤蝦、帶子。刺身新鮮又豐富，鮮甜的刺身伴著已調味的壽司飯，十分美味！三文魚刺身：肥美的三文魚，厚切又十分鮮味！义燒拉麵：湯底鮮甜,材料有义燒、紫菜、粟米、筍絲和溫泉蛋，拉麵爽滑、义燒入味，味道很好！海膽忌廉海鮮意粉：材料有海膽、煙三文魚、青口、帆立貝、大蝦、蟹柳。意粉軟硬適中，用忌廉煑好惹味。清酒忌廉煑海鮮：材料與海膽忌廉海鮮意粉差不多，只是沒有海膽，雖然是清酒煑，但是沒有酒味，濃濃的忌廉汁很惹味，海鮮新鮮又彈牙，美味極了！脆炸蒜味薯格：香脆可口，有蒜香味，點些茄汁更美味！

銅鑼灣 貴為港島核心地帶租金 地價都係理所當然的高所謂「寸金呎土」 我相信形容銅灣灣就真係好適合而且三大商場林立於怡和街附近 亦都令到怡和街一帶人流相當之多 不下於旺角所以這一個位置除了宜家食熱狗之外 其餘價錢都相當高昂但又估唔到見到一間新開業 外觀都不錯的日式餐廳 正正就位於SOGO同銅鑼灣地帶中間 雖然要落一層地庫位置 不過又相當雅致 旺中帶靜 都幾適合同朋友知己傾計晚飯相約左一位相識多年既朋友 試下呢到既日式小吃 吹吹水 感覺環境都幾似日本既居酒屋 木制為主 比較溫暖木牌黑字 各種食材 餐式 同餐廳環境絕對的配合小小吧枱尚未開放 但配置不錯 值得期待最重點放左係FROZEN KIRIN度!!! 好耐無飲過啤酒了!!!!!!!難得今日可以一飲當然唔洗講野 即時要求兩杯雪上啤 KIRIN先行!!!!!!!還記得對上一次係泰國既時候飲 天氣熱雪雪雪!!!!睇完之後 都係叫返個二人餐抵食之如餐單都好吸引蟹王蟹子沙律充滿淡淡厚肉既手撕蟹肉 份量之大真係嚇親我地倆 雖則話係沙律 但仲要用埋軟殼蟹 加一大堆蟹子將整個沙律撈好之後 立即變成橙紅色 每一啖都有好有彈牙口感 青瓜絲好新鮮 食得出既清

呢排日本癮起，行完Sogo 出黎見到呢間日本料理個門口幾好樣，即刻入去試試啦餐廳位置好便利，就喺金鋪附近，落地庫一層就係餐廳座位寬敞，咁岩呢晚只有兩枱客，可以靜靜地食晚餐坐底就俾呢個二人套餐吸引，$398咁多野食唔駛諗附送香檳一杯、前菜一碟炸軟殼蟹蟹籽沙律，蟹炸得唔油膩，作為開胃前菜係唔錯既四款魚生，一般貨色吧鵝肝多士唔錯，鵝肝惹味，入口即溶壽司露筍牛肉卷唔錯，因朋友唔食牛，本人一個ko哂成碟鮑魚海鮮鍋，大大隻鮑魚好足料如果budget有限又想食多款式既日式料理，呢個套餐一試無妨呢！

放工同朋友又去左銅鑼灣行街，因為有太多野想買，所以一出地鐵站就揾野食，見到有stand推介二人晚餐，地點就腳，諗都無諗直接入去食。 餐點就在鬧市中的地庫，唔算十分大，長方的格局幾開揚，有點日式食店的味道。點了個蕎道樂二人餐連同一些串燒，因為抵食之餘仲好多野食。 最意想不到的是二人餐送香檳，用高腳酒杯裝滿奉客~先來前菜，是黑松露帶子沙律及三文魚蟹子沙律，份量不算多，但開胃 ~我愛燒牛舌，什麼樣的燒牛舌也愛，這裏的夠肉質結實之餘又夠肉厚，咬落口又爽又彈又滋味。跟餐的鵝肝多士，鵝肝夠厚多士夠脆，鵝肝甘香配上香脆多士，不錯。 喜歡沙律，所以必點沙律，這個魚生沙律夠足料，三文魚、油甘魚、甜蝦、蟹子，八爪魚等都新鮮。露筍汁牛肉卷好味，露筍爽脆，牛肉配上牛肉包住露筍，是屬於燒物特有的魅力！ 二人餐刺身上枱也不馬虎，擺得靚靚，三文魚、油甘魚、甜蝦和帶子質素都不俗，夠晒肥美～跟餐的壽司，擺得有心思，花之戀、葱吞拿魚小卷、池魚王及左口魚邊，都係一啖一口，細細件，易入口，唔會太重飯感。 呢度的燒物水準不錯！燒菠蘿香甜多汁，超級好食！雞軟骨炸得香脆有咬口，佐酒一流！軟殼蟹天婦羅大大件，炸得香口不油膩，好邪

餐廳設有一人海鮮燒，有鮑魚、長腳蟹、珍寶蠔等。今次就主力食刺身！三文魚刺身 $30三文魚脂肪比較平均，可以再厚切D！不過$30兩大塊抵食！鮮帶子刺身 $50必點！帶子好新鮮超超超大件，好鮮甜肥美，肉質軟滑！ 油甘魚刺身 $40油甘魚尚算厚身，亦帶鮮甜，但相比帶子冇咁抵食。厚燒玉子 $38必點！有6件，好香滑蛋味，唔會老，唔點汁都好食。蒲燒鰻魚飯 $88有兩大條鰻魚，面頭沾上大量的蒲燒鰻魚汁，燒得恰到好處，鰻魚肉質算滑，抵食之選！蔥碎吞拿魚丼 $140一D都唔馬虎，以新鮮的蔥碎吞拿魚蓋著整個飯，配上醬汁，非常鮮！蕎道樂創意卷$80必點！創意卷有８件，件件不同，食材新鮮，有海膽、帶子、八爪魚等，不但有創意，更有誠意！整體黎講，以銅鑼灣地段，日本菜黎講，價錢中位唔算太貴，裝潢以木為主，簡簡單單，黎呢到食野幾舒服。

今天晚上與柑太到銅鑼灣購物，走到繁華的軒尼詩道，兩旁都是燈火燦爛的百貨公司，但卻五光十色之下，一間日式小店卻座落在一個商業大廈的地庫中，猶如在東京銀座街頭，一個起眼的角落的一間店子。沿樓梯往下走，經過身旁一幅又一幅的浮世繪，足見食肆老闆希望做出日式風格的小店一樣。店內裝潢格調光明大方，坐位舒服自然，水吧一角放滿不同類型的飲品瓶作點綴，風格獨突我和柑太除了不斷打量四周漂亮的裝潢外，當然不少得快快點菜，一填自己已經空虛無比的肚子，於是先點一份一人前的是令燒海鮮($238)以一次滿足一吃不同食物的願望(長腳蟹、帆立貝、珍寶蠔、燒鰻、虎蝦及鮑魚)。柑太也點了刺身、燒牛舌、菠蘿和明太子雞翼等食物。先送上清甜的香檳，飲落似果酒，容易入喉，酒精味不高。串燒牛舌($48)第一道菜很快便送上，火喉十足，沒有燒得過火令肉質鮮嫩。燒菠蘿($28)厚厚的燒菠蘿在剛吃完第一道菜便來了，想不到這裡的燒菠蘿分量如此多，而且燒得剛剛好，一咬之下，清甜的菠蘿汁幾乎是爆出來。刺身併盤(油甘魚、池魚王、鮮帶子)($130)點菜前沒有先問清楚有那些時令海鮮，只憑感覺點了刺身，第一口吃下油甘魚時，感到味道鮮味尚可，只是油膩感不

今晚放工諗住同朋友食完飯先慢慢行 SOGO，於是就去左附近既地庫新開果間 "蕎道樂居酒屋" 食飯～ 一去到，朋友睇完menu發現個二人套餐唔錯～所以我地order 左佢，再 extra 加少少壽司！ around 7點到，未算好多人～見到只有一、兩張枱食緊。 很快就黎左個軟殼蟹蟹子沙律～唔好講笑，隻軟殼蟹超大隻，而且好香脆！蟹子沙律既青瓜絲/蟹柳撈得唔錯 =] 之後就到刺身，有三文魚、油甘魚、帶子、甜蝦！樣樣都好肥美、新鮮，朋友不停讚好~ 之後不得了，就係鵝肝多士～充滿罪疚感，但真係忍唔住！！鵝肝大大件兼厚身，煎得甘香，入口油香到不得了；另外，塊多士十分脆口，又滲有少少油脂，正！！ 燒汁露筍牛肉卷，露筍鮮嫩、無渣，另外牛肉嫩腍，上面既燒汁食到香濃惹味。壽司拼盤有：花之戀、池魚王、左口魚邊、蔥吞拿魚卷～ 另外我地叫左芥辣八爪魚!overall，擺得幾靚，而且用料新鮮，最中意係蔥吞拿魚卷！ 最後個套餐仲有個磯燒鮑魚海鮮鍋 ～超正，有兩大隻磯燒鮑魚，絕對唔hea。另外，仲有青口、大蝦、帶子等，豐富用料～鮑魚真心正，煙韌，有咬口感，大蝦爽甜！ 最後甜品係 2粒馬卡龍，初初以為係雪米

朋友喺銅鑼灣返工，所以揀咗喺銅鑼灣食飯！呢間鋪喺希慎對面，地鐵一出就係，地點都幾方便！我哋四個人，見到個二人餐幾吸引就決定叫一個二人餐再散叫其他嘢食！先講二人餐，超級抵$398有好多嘢食，首先嚟咗四杯香檳，餐廳見我哋四個人特登送多兩杯俾我哋！香檳幾好飲，前菜係切到細細件嘅各種刺身，溝埋啲醬汁唔錯！跟住嚟咗沙律，我地個餐揀咗黑松露帶子沙律，冇諗過會咁大碟，亦都無諗過帶子係帶子刺身，仲要咁新鮮，加埋啲黑醋成個沙律好開胃！我地仲驚二人餐嘅沙律會好細份，所以仲叫多咗個刺身沙律，結果後尾我地食沙律已經食到好飽好飽！跟住嚟咗個刺身拼盤有三文魚、油甘魚、帶子同甜蝦，帶子超厚身，三文魚新鮮，油甘魚平時好少食，原來味道都唔錯！跟餐有兩個熟食，一個係鵝肝多士，一個係蘆筍牛肉卷，蘆筍牛肉卷切到好細件，方便入口，但份量都多，好貼心！但最好笑係我哋冇留意個餐有呢個菜式，自己散叫多份，好飽x 2! 壽司拼盤擺到好靚，有花之戀、吞拿魚、池魚等，齋睇賣相都已經贏晒，我地本身驚唔夠仲叫多左個蕎道樂創意卷，勁抵，先$80蚊，又係視覺享受！但最尾食到好辛苦，因為太飽了！個餐仲有個鮑魚海鮮鍋，好足料有成三隻鮑魚，啲湯勁甜但因