蕉積妹 (已搬遷) 新店位置

睇左新X假個post，經開葵廣專登揾呢間鋪試食下。嗌左個香蕉煎餅朱古力醬，等咗十五至二十分鐘左右(可接受因為前面都好多張單,即叫即整) 一食，個香蕉煎餅係求其煎兩下，係淋嘅(已經係當場即食)，得最上面嗰層有醬，咬落去入面其實係無味。好失望🤦🏻‍♀️可能因為食過泰國地道嗰種，嗰味道真係差太遠。期待改進再幫襯！

蕉積妹 (葵芳)葵芳葵富路7號葵涌廣場1樓1092號舖今日去葵講行街見到有一間小店好多人排隊，個名叫蕉積妹餐牌好簡單，只有三款小食:焦糖燉蛋、香蕉煎餅&炸鮮奶。當然我哋全部都點一份黎試下😆😋香蕉煎餅有四款醬揀，分別係榛子醬、花生醬、朱古力醬和阿華田醬。我哋就揀咗阿華田醬❤️香蕉煎餅即刻整，香噴噴🤤成個煎餅外脆內軟，加上滿滿嘅阿華田醬及適量嘅煉奶，香甜可口😋⭐️重點係，一啖食落去，香蕉味好岀，完全唔會被其他醬蓋過👍🏻👍🏻如果食食吓覺得唔夠煉奶，仲可以再添加😁邪惡度滿分💯🙈😋焦糖燉蛋上面嘅焦糖唔會好厚，味道香甜，唔會有苦澀味。燉蛋本身都好滑，正👍🏻而且即還燉蛋碗，仲可以減2蚊😁😁炸鮮奶外衣酥脆，裏面綿密順滑，奶味香濃。正❗️其實佢仲有樽裝泰式奶茶下次經過試埋佢先😂

小店位置就在三哥譚仔附近電梯鋪位，食過元朗香蕉仔嘅必訪級甜品嘅朋友仔，不妨試下對比一下話我知分別大唔大🙏小編食香蕉仔已經係年幾前嘅事，難得有間咁近公司掃街新店，所以搶個頭香分享比大家，呢到嘅炸鮮奶都幾唔錯。🥞香蕉煎餅 $36共有四款味道選擇，榛子醬，阿華田醬，花生醬及朱古力醬。落單即叫即炸，個人認為榛子醬及阿華田醬同香蕉係絕配，性價比來講算係中等，食落有種西多士外層嘅香脆感，可以話係泰國版嘅奶醬多半邪惡版。🥧焦糖燉蛋 $38燉蛋本身嘅色澤比小編食開果間高質專門店深色，可以話係平民版嘅法式焦糖燉蛋，以火槍即席加熱表層，口感味道來講就建議即場食為最佳，性價比同屬中等價位。另外叫任何款式 +$9 可以飲到個熊仔樽裝泰式奶茶，味道中規中矩，甜度中等，係貼近本身怕泰式奶茶太甜的大眾胃口。

蕉積妹✨🍌｜葵廣 1樓新店推介！良心 人氣香蕉煎餅 + 焦糖燉蛋✨｜😚第二間良心小店想同大家介紹嘅就係 同樣係葵廣1樓嘅蕉積妹，佢地貴精不貴多，專門食香蕉煎餅🍌，焦糖燉蛋同炸鮮奶！✨🍌香蕉煎餅（阿華田+煉奶醬）$36一攞到手，真係好大份😆，同埋好重🤤手。面頭淋滿咗阿華田醬同煉奶醬，真係好邪惡🤤。煎餅外面煎到金黃色✨，入面就有滿滿嘅香蕉果肉🤤。味道方面，最緊要唔會太甜，甜味就係黎自香蕉嘅甜味同埋阿華田醬。阿華田醬冇我想像中咁甜。同煉奶都好夾。建議兩個人share食，同埋價錢都好平， CP值高，推介！💕👍🏻😍即燒焦糖燉蛋 $38焦糖燉蛋本身已經雪左係雪櫃，當有人Order嘅時候，就會即場用火槍燒熱表面，上面就會形成一層焦糖薄脆，所以口感非常豐富有焦糖嘅脆脆亦都有燉蛋嘅Criminal，仲要冷熱交融真係好正🤤而燉蛋嘅味道都唔會太甜，奶味濃郁，值得encore ！👍🏻🥛炸鮮奶 4/6 條 $32/$38炸鮮奶可以揀四條或者六條，出面用咗麵包糠包裹住，落去咋，炸粉唔會好厚，炸鮮奶入面就有少少溶化，同埋佢都唔係話好甜，所以唔會好膩，奶味都香👍🏻💕✨整體黎講佢哋全部嘅食物都係好高質，同埋好抵食，所以

🤰🏻之前喺網上見到有人介紹哩間小店，一見到已經好想試。今日出葵芳同屋企人食飯，機會嚟喇！兩點半去到，已經好多人等緊。我哋叫咗人氣香蕉煎餅🥞🍌$36，佢有四款醬揀：朱古力🍫、花生醬🥜、榛子醬同阿華田，我哋就揀咗榛子醬，另加$9買咗支自家製泰式奶茶🥤，貪佢個熊仔樽夠可愛。等咗廿分鐘，終於有得食！賣相吸引，味道唔錯，煎餅夠薄有蛋香味，香蕉同榛子醬好夾，不過略嫌醬唔夠，如果中間可以搽多一層會更邪惡更滿足。泰式奶茶一向係我嘅最愛，鍾意佢淡淡嘅香料味，哩度嘅奶茶都幾正宗，茶味都幾香，不過覺得甜咗少少🤏🏽。葵廣又多一個好選擇！下次想試佢嘅焦糖燉蛋。

話說有留意開我地 都知我早兩日遠徑大西北#懲罰 @bananaboyhk 失敗而回😢😢點知朋友仔話我知「佢地葵廣開咗分店喎」今日決定去滿足返我嘅 #香蕉pancake 慾望🤤首先 要攪清楚一樣野‼️此 #蕉積妹 不同彼 #香蕉仔 今日落order時問店員哥哥「你地同元朗果間有冇關係架？」哥哥仔真係 #誠實話 「冇架」👍🏻欣賞佢嘅坦白 冇借機抽水所以各位朋友仔 同foodie 都冇再混淆咗啦😉不過絕對可以放心 兩間都咁💛 @chiuchikmui 已經加入咗 @mee_punishc 講返食物先～#香蕉煎餅 配 #榛子醬 $36由於 #即叫即整 所以大約要等10-15分鐘#強烈建議 即場食埋 （事關我外賣 相隔左5分鐘先食 都已經唔係熱辣辣🥺）薄薄嘅煎蛋餅包著香蕉餡 然後係面加上先選醬 四揀一最後再係個面畫上煉奶 就完成啦～蛋餅本身脆唔脆就唔知😅因為外賣凍咗🥺不過榛子醬貪心的我會想多啲個香蕉餡好香香蕉味 如果個蛋餅夠脆 就做到外脆內軟煉奶唔會好多 攪到蓋個第二主角榛子醬利申：元朗嗰間暫時未食過 對比昔日係Bangkok 掃街嘅香蕉pancake🤔🤔相似度有70分啦～============

香蕉煎餅 星期六見到有間賣香蕉煎餅既鋪頭，之前未試過，就試試！所有香蕉煎餅即叫即整，所以要時間等等。熱辣辣香蕉煎餅配花生醬好香，煎餅有蛋香味，香蕉餡料個人貪心啲覺得可以多啲，不過加埋花生醬無得輸，好香脆，一個人食一份，好飽。。。.焦糖燉蛋 好鐘意食焦糖燉蛋都叫左一份試下，燉蛋係之前整好左，店員再親自加入黃糖，用火槍燒焦表面。焦糖份量適中，敲碎嗰下真係好治愈，加埋算滑身嘅燉蛋，唔錯喎，燉蛋部分唔會太甜. 泰式奶茶 另外，聽店員介紹店鋪自制既泰國奶茶，飲落就中規中矩，茶味可以再重啲，就啱晒我呢啲重口味人士

泰國可以飛啦，但係唔想返嚟香港隔離，唯有都係食住當去咗。經過葵廣見到有間新嘅香蕉煎餅，口痕就買咗。香蕉煎餅 $36可以揀榛子，阿華田，花生或者朱古力醬。落單即叫即製，製作需時，煎完再加漿，即刻食好香，第一時間食到香蕉未然後又有阿華田嘅味道，唔會太甜焦糖燉蛋 $38呢個甜品好多甜品店都有得食，但整得真係好食嘅又真係唔多。我覺得佢有驚喜，本身唔抱太大期望，但望住佢拎出嚟加糖燒吓覺得好香。果然食落去有啲似一間牌子店，而且佢唔會十分之，感覺幾好，如果食滿八個碗仲可以送一個，食完洗乾淨俾返個碗佢仲可以當兩蚊用。泰式奶茶 +$9佢個泰式奶茶樽仔好靚，仲有人手畫嘅眼睛同嘴巴每一個都唔同款式。泰式奶茶係佢哋自家製，相對於冇平時泰國飲嘅咁甜，幾好整體來講無論係甜品定係奶茶都唔會十分之甜，有機會下次可以再食，再試埋佢嘅炸鮮奶

這間蕉積妹是新開的小店，專心致志做好四款甜點🍮，創造更佳更出色的作品香蕉煎餅$36最好食這個，加入蛋造的脆皮超香脆，內餡含有很多蕉肉，上面大量的煉奶跟阿華田醬既甜且濃，另類的外脆內軟，非常好吃焦糖燉蛋$38在温熱的瓦製碗加上焦糖脆片，吃起來真的很有西餐廳感，口感smooth細滑，$38吃起來感覺性價比實在很高炸鮮奶 4件 $32很重的奶香，又是另一種類的外脆內軟，吃著已成型的炸鮮奶，口味口感均非常特別

Banananaaaa 煎餅🍌繼續葵廣掃街之旅，又發現一間新店，係專門食香蕉煎餅，見到覺得一定要食😎食物是即叫即做，雖然剛剛開張，都已經吸引唔少人光顧，可能需要等10分鐘左右。🍌香蕉煎餅（阿華田醬）煎餅有少少脆，不會太厚，直落有蛋味🥚，發現原來真係有煎蛋喺入面😆，有少少鹹鹹甜甜的感覺。煎餅面上淋上阿華田醬和煉奶，簡單又滋味～焦糖燉蛋🍮這款是最有驚喜，燉蛋超級滑❗️有蛋香味，亦唔會太甜，十分推薦👍🏻炸鮮奶🥛貫徹燉蛋的滑～鮮奶都是十分順滑，唔會覺得膩，亦突顯炸皮的脆脆。脆皮上有少少煉奶，甜甜脆脆。