蓮花健康素食

營業中

休息中

食物清淡、且味道恰到好處，素食款式選擇多，價錢中等不算貴，侍應不多及地方不大，但出餐時間ok。細份量齋$40: 份量多，抵食。菠蘿咕嚕素肉$46連一大碗飯，外脆內軟。南瓜炒藕片什菌，連一大碗飯，口感爽脆清淡好味。整體不錯，有時間一定再幫襯。

食物極差不是第一次講啲嘢你都錯嗮，送糖水，其他抬就跟人頭，我地5位放抵2碗話你地夠食la,糕點係唔會比碟同义，人地枱來錯可以換，我們不能，我地不是套餐，埋單700，雖然不是太貴，但有3位老人家的話也不是太差，上次來和爸爸下午2人來感覺不差還給20元貼士，我跟他說你們這麼差，亦沒說不好意思，我下次也不來，她只答：唔係呀嫲，他們表面上好似好有禮貎，但絕對不是，我從來不寫食評，第一次寫，希望看到的朋友們要想清楚才來，我朋友坐隔壁枱，完全2件事

今日突然好想食素食，所以入左九龍城呢間素食店，有免費wifi,茶香，點左細盤齋老味,咖喱齋，我最鐘意，牛肉就硬左d個蜜汁燒义燒整得幾出色，外邊脆，甜甜地，像真度有80%，淡淡肉建議上菜後盡快食哂，凍左會比較甜，最後仲有糖水送，呢餐都好滿意

過年後食太多好野，今日打算食素，其實都光顧過好多次，每次都係點呢幾個菜。素食來講都算唔錯，地方乾淨，菜單都多選擇，價錢合理。餸菜唔似即做，冇好熱既感覺，但味道都ok

我一家每逢聚餐都是係用素菜代替肉，而這次團年我地去到呢間九龍城既蓮花健康素食，我們於前幾天訂了兩圍。香芒鮮果沙律我覺呢個餸麻麻地，主要係將蟹柳拎去炸中間就有個偏甜既芒果沙律，仲有兩樣野唔係好夾，每個人食既時候都係分開兩樣食，而唔係一齊食。另外就係個蟹柳炸得一D都唔脆。鮑魚刺生呢個素菜味道唔錯，樣都整得幾似鮑片，但唔係鮑片既味道。蜜燒素豚玉叉燒既朋友，炸得好香脆，醬汁亦調教岩岩好，我係一個比較重口味既人，覺得好味道。蠔皇猴頭菇唐生菜唐生菜的部分太過水滴滴，而我覺得佢地將猴頭菇煮得太林，我都係比較喜歡無咁林既猴頭菇。紅燒竹笙二絲生翅料好足，但個人認為湯既味道略淡。鎮江一口骨雖然我食得比較重口味，但又會覺得呢個骨會嗆喉，但除左嗆喉外，其他味道我都覺得適中。另外我屋企人都好欣賞一口骨旁邊類似炸紫菜既野(其實係炸菜芯)炸得好輕身唔會覺得好油膩，好特別。翠湖藏白雪翠湖當中所用的蔬菜好多，飲完都仲會有陣香味係個口到，而白雪就係炸豆腐，個豆腐大大粒，入面都幾滑。五柳仙班呢個仙班，就姐係芋頭魚，呢個芋頭魚相當好食，師傅炸到佢好鬆脆，個皮又唔厚，入面既芋泥好滑好香，好味道。豉油皇炒麵呢個豉油皇炒麵就真係麻

今日約左粉絲食飯~大家都覺得要食得清清地,所以決定去食素,為配合大家,所以揀左九龍城這個美食天堂開飯~我自己好少去呢頭食飯,所以特別期待!原先心中都認為齋菜沒有甚麼好期待,清淡簡單就好,抱住見下粉絲,傾下心事的心態,去到有意外驚喜.可能唔係初一十五,所以客人唔算多,每張枱都算大張,但整體顯得有點逼,我地揀左個好位置坐下,服務員姐姐就送上每人一碗素湯,素湯 – 一睇D色就知係落足料,一啖飲去就感覺到冇特別調味,可能會覺得淡了一點,但我反覺得好到位,粟米赤小豆粉葛走不了~仲有一D見到都唔知叫咩名的材料呢~!好味道!睇睇餐牌,有好多時尚的菜名,好多想試下,但我地几人都眼闊肚窄,所以一定要好精選~!先來一碟頭盤小食- 素鹵味,入口感覺唔似係整左好耐的味道,腐皮要軟的軟,要硬的硬,各有口感,咖哩味尤其出色~!招牌湯麵 – 本以為只係一大碗普通的麵,誰知真係深藏不露,面頭放滿了不同的菜,有菇有菜有仿海鮮,埋在裡面的麵條就是最令人意外! 原以為浸左咁耐一定又淋又軟又唔好食,點知一食入口,啖啖彈牙,而姐好有蛋香味~就係一種鮑魚味的口感~一試難忘!即使食第二碗時已經放涼了,但口感仍在~!五柳青魚 – 腐

7/5 同家人來到九龍城慶祝提早母親節飯聚，家人係全素食者所以選擇這一間，母親節關係等位既人好多，等到至少30分鐘左右有位，我們點了五個菜，母親節關係得一個餐牌，價錢當然比平時貴左，其實價錢平貴不是問題，好食係最重要，因為當下無影到相，其他味道平平，我只講其中推介同不推介推介這個「蜜汁豚肉」，味道不錯，感覺似叉燒絕對不推介「日式炒鳥冬」，何謂日式，可能佢只係想講個鳥冬係日式，個汁真係不得其解，份量小得可憐，如果好食又可需求量，但如此味道多與少都不會再點說真的好食真係不會理會價錢貴與平，但味道一般卻價錢略貴，就真係試一次就夠，而且服務態度差，對於第一次嘗試，評價一般，但礙於九龍城素食食店偏少選擇，不過試過後都不會太推薦

是日好友蔣醫生來探班，更邀我一同午膳，實在有心，問他意見，答無所謂，不如吃素！午市有客飯套餐供應，連老火例湯及白飯，$42，有二十六款可供選擇，蔣醫生選了菠蘿咕嚕肉，我選瑤柱扒時蔬。例湯是紅蘿蔔、節瓜之類，味道清潤順喉。菠蘿咕嚕肉，樣子幾可亂真，試了一件，酸甜度也令人接受，咬開一看，有肉的質感和層次，應是豆類製品。我的瑤柱扒時蔬，有一大堆像瑤柱的物體，質感和味道都像瑤柱，但吃不出是甚麼，時蔬是白菜，味道不錯。感謝蔣醫生探班及請我吃午餐。

係團購網買左4人餐COUPON, 花費$268, 食到寫住4人餐, 分量少得可憐, 唔好講4個人, 就算2個人都食唔飽, 食完好似無食過野, 要行過2條街再食碗粉先掂!!!首先來素翅, OK係4人分量, 每人有一碗再多D!!之後係魚生雙併, 4人分量就係有4片, 2款各2片, 4個人點分?? 咪一人一片囉 再上係素叉燒, 迷你版本, 有8片左右, 有大有小, 但件件都附上黑色燒焦物, 食埋落肚唔知會唔會致癌最組典係芝士磨菰, 一碟4粒 佢話4人分量, 1人1粒喎咕嚕肉, 仍舊唔係4人分量, 1人食到2粒囉素鱔, 已經食到無MOOD影相, 有6舊膳囉... 除4咪一人1.5粒囉.....最後個芝士大蝦烏冬, 分量少到一人分唔到1碗 係4個人, 每人只得半碗, 仲要係果D細細隻酒樓細SIZE碗仔都裝唔滿!! 所謂大蝦, 0.5MM一粒, 真係好大無野好講!! 用左$268購買一個4人餐, 仲話原價係$883 結果每人食左一片野+十粒野... 2條烏冬, 1碗湯!!仲未講完架!!!! 環境好似好光鮮, 但全程有螥蠅飛來飛去陪你食飯 服務麻麻!!!

係Groupon以$138/2人呢個價錢一定係將貨就價, 絕對唔值佢聲稱原價2人, $428.不過以食物質素嚟講, 可以接受. 有機會都會再以正價去試其他.係Groupon用$138買嘅2人套餐餐單份量同味道都ok 份量少, 味道同肉質都好似真叉燒 份量同味道都ok, 肉質就唔係好似真嘅咕嚕肉 份量少, 味道同肉質都似真魚生 份量同味道都ok

今日小弟慶生,撞正十五 與友人結伴到九龍城美食區品嚐一番途經蓬花素食館,老板已經打開門介紹菜式 心想說得天花龍鳳,品質未必好但友人想試一試素食,那就進去囉由於小弟廿歲人都沒有主動去過素食館點菜,所以一頭霧水..正當我唔知點算既時候 老板就面帶笑容咁過黎推介1番 以下就係我今日食既菜芝士卷 友人想試1試,出奇地好味@@ 配上佢地俾既醬 nice!!老板推介 豚肉 食落似x燒 幾好味 但我食唔晒,因好大碟@@老板推介 花枝片 味道好真 好似食緊肉咁 唔錯唔錯!呢個係我點既 百合翠肉瓜 正常菜式 建議食1些比較特別的@@ 因為呢間餐廳太多特別素食最後1人2杯豆漿 盛惠$ 15 幾好飲總括黎講比起一般我對傳統素食館既感覺唔同,菜式新穎同味道濃郁建議下次order 芝士蘑姑 或者 蓄茄唔記得咩焗芝士好似好好味咁@@

從來未試過咁難食的鋪頭都俾我搵到開位時得3個人---->佢杯碟都取左3份---->4位呀寫左落張到,飲茶要"鐵覲音",佢應我話好"壽眉"@@羌茸芥蘭---->剩下一大碟甜酸咕嚕肉---->"只"食左波羅栗米粥----->等同白粥,在沒有其他選擇下食晒.你們試想下在九龍城晚上7點幾,都"只"得3,4桌客,走出門口時亞媽仲同我講咁難食都要比2XX >.<

九龍城是充滿童年回憶的地方，還記得當年放學後常常到啟德機場吃午飯，周末也常常到九龍城吃泰國菜、豆花、甜湯...自從機場搬走後，交通沒那麼方便，而我學習、工作的地方，也跟九龍城有點距離，所以有好一段時間沒有到訪。近年，不少個性小店進駐九龍城，令這個差點被遺忘的社區注入生氣，我也重新投向這個小區。從前茹素多被視為宗教行為，但現在已有很多人因注重健康，而加入茹素的行列。有見區內的素食店不多，特地跟朋友一試，看看有什麼乾坤。今次用餐的素菜館，有仿肉的菜式，也有純蔬菜類的小炒，食客可各適其適。驚喜的是，仿肉的菜式並不一味以麵筋充撐，廚師巧妙地利用不同食物的味道和質感，炮製出難分素葷的菜式，誠意十足！1) 素乳豬 $56第一道上桌的菜，香脆不膩，還吃得出層次，滿像嫩嫩的乳豬肉，而且還有點肥肉的質感。2) 鎮江脆鱔球 $42曾在其他素食餐廳嚐過類似的菜式，但以紫菜、麵筋仿作的版本，過乾也過鹹，未能呈現鱔的滑溜彈牙。這兒的鱔球，以薄薄的脆漿裹著鮮甜的鮮菇炸起，好吃得令人欲罷不能！！3) 京都火腿卷 $52酸酸甜甜的開胃菜，以腐皮卷著素肉炸起，腐皮外脆內軟，配合伴碟的西蘭花，是一個很好的中場過渡。4)

喜歡清淡素食的朋友會喜歡!!!因為是新年去所以較平時貴平時是算平的service也很好我不喜歡"扮肉"的菜色所以覺得普通炒菜炒菇的比較好味素鴨出名但我未試~是很好的齋舖

I can't describe how good it is as compared to almost all veg restaurants I have been to! Unlike other traditional Chinese veg restaurant, the dishes are made with ingredients imported from Japan and Malaysia. You won't be able to taste the strange artifical flavour of those imported from Taiwan or other Asian countries. The menu is simple but special such as 叉燒、炒蠔仔 which is not easily be found anywhere else. The bite, taste as well as the combination is very special too. I have been to all veg