蓮花健康素食

營業中

休息中

晚上8：45按完個靚摩，想揾素食，見到蓮花，即刻入去。星期五晚，一個人，叫兩個餸，都好丰足，好開心，仲有湯同糖水送，埋單$187。素食... 能令人快樂。臨近22：00收工，店員都幾有禮貌吖。

食物不錯，地方乾淨，但店長對不是熟客的態度差劣，其他店員則態度友善，店長本人落錯order,仲黑口黑面話係顧客既錯，點了一個粟米粥，味道不錯，但胡蘿蔔比較硬，點了一份羅漢素飯，味道也不錯，唯獨店長態度相當差，如果只做熟客的話，那不如打著只接待會員好了。極到接氣的体會。

撞入呢間素食館真係一個意外嘅驚喜！餐單簡單得嚟精彩，菠蘿咕嚕肉一上桌，閃閃生輝嘅外表就已經引晒我注意。一口咬落，欸！呢個素咕嚕肉嘅酸甜口感同外皮嘅焦香，實在太正，完全冇輸過真肉版本！😍跟住叉燒炒蛋就令我驚喜連連，叉燒肉香味濃郁，真係咬落去似乎係真嘅叉燒，炒蛋滑嫩、班戇，同叉燒成個絕配，真係一絕！簡直忍唔住想叫多一份嚟解饞！蠔仔炒得啱啱好，不過係素食炒蠔仔，外表金黃、賣相吸引，入口即溶，鮮味十足，真係諗起都流口水🤤以前對素食印象都係咁咁，但今日呢間餐館徹底顛覆咗我對素食嘅看法。整體嚟講，各款菜式唔單止味美，仲健康得黎，下次係咪要約埋幾個朋友，再嚟轉轉味咖？真係值得再嚟！💚

本來是想在這邊找一間泰國菜，但走著走著就見到這個素食餐廳。剛好有人離左，我們將決定試一試。見到其他的座位坐了幾位身穿僧侶袍的出家人。我們知道這次找對地方了。我們叫了一個羹，一個齋鹵味，一條芋頭魚以及菠蘿素咕嚕肉。上菜時發現原來他們也會送例湯，結果我們有兩個湯類。而且例湯非常可口，因為用了很多蔬菜，甚至以為是真正的肉湯。唯一我們覺得菠蘿咕嚕肉只是一般，因為很多沙律醬，基本上其他的味道被完全蓋掩了。不過其他的都在水準之上，尤其芋頭魚熱度很足，又夠酥脆。順帶一提，這裡有很多佛學書籍可以供客人閱讀或帶走。客人也可以但一些書籍來分享給其他人。別具意義

其實好小寫野，都知道香港做飲食不容易。今日堂食後，順便買多兩個糉，戴眼鏡 (都會處理外賣部) 的姐姐幫我們埋單，將兩個糉加到堂食張單裏面。因爲一開始已經比左錢佢找，所以睇單時就：問：甘個糉咪加一？戴眼鏡姐姐：係啊問：外賣都加一？戴眼鏡姐姐：係啊跟住找左錢就算，有單為証，$86 兩個糉，加一就多了 $9其實是否素食都好，做法好有問題。都同你講左唔應該加一，想講你甘樣明搶，其實客人會好難受，同埋一段時間唔會再來，甘又何必呢？

素菜已不是出家人的專利，大家都尊重生命，愛護環境，為健康著想，好多人都實行一星期一素菜日，我自己亦很喜歡吃素菜。不過有時外出吃飯時，都想食傳統懷舊素菜館🌶京川酸辣湯🌶雖然係素的 酸辣湯但係唔畀 一般嘅酸辣湯遜色必點羅漢齋炒麵脆卜卜嘅麵底， 上面有唔同嘅菇同菜， 白菜仔 銀芽同旺菜，呢啲時候旺菜特別清甜錦鹵雲吞厚厚皮的再沾上那豐富的材料，好味到哩!!!!薄身的吃得多，厚身卻是另一回事!因為皮厚，沾了汁便突別好吃!!!!好有驚喜🥰心想可否比多一份炸皮!^^醋溜素黃魚💗臨走仲要外賣春捲🥰

食咗幾日打邊爐有啲濟濟地，所以今日決定食得清D，最好嘅選擇係～食齋！記得上次朋友推介位於九龍城的蓮花健康素食，即刻book 位試吓先！入座後，試式以下菜式： 芙蓉涼瓜煎鮮竹～鮮枝竹煎到外脆內軟，配上涼瓜、生菜，口感幾清新😋紫竹白玉~呢個係職員推薦的新菜式，餐牌暫時未有，一試愛上😍紫菜枝竹外皮包住軟綿綿的豆腐，口感十分特別，配上小棠菜和綿綿的粥底，十分滿意的菜式😍😍芝士蟹柳春卷～皮脆肉嫩配合附上的醬汁，用生菜包裹住，一點也不油膩👍🏻百合蜜斗靈芝菇～味道清淡，正常食齋必選！豆醬茄子萵筍～豆醬和茄子同萵筍都很搭配，口感比較軟淋，小朋友和老人家都喜愛👏🏻甜品和咋喳糖水都係送嘅～都好好味😋整體來說，味道不錯，職員都有禮貌，又有送糖水和甜品，下次會再幫襯😀

見到幾個食客亦發文說服務不好，其實以前都OK.但不知為什麼有一個阿姐，喜歡大声對食客回話。那大姐亦會負責在外賣窗賣下外賣。下單常弄錯之後便不了了之。告訴她，她覺得比了錯了亦沒什麼大不了。

工作態度散漫，態度非常惡劣，公司應該加強培訓這些低層次員工。公司營業時間應該準備所有工序，無理要求客人付款只可以收八達通，客人有權利選擇仼何付款方式，而不是因為要遷就你們員工的方便。

剛過去嘅星期日（一月二日）同媽媽去蓮花九龍城分店食齋，叫鹹酸菜炸支竹炒河粉，一位戴眼鏡嘅女性服裝員同我哋講話用炸支竹會好硬，應該用鮮支竹，我哋話之前都食過冇問題，佢仲繼續話會好硬，我哋叫佢照落單，佢就加一句話驚炒咗出嚟我哋會取消，仲強調碟炒河係幾多錢。我哋再叫炒桂花翅，佢又強調碟餸係幾多錢，好似驚我哋無錢俾。服務態度超級差。另外叫咗錦鹵雲吞, 平時食會好多酸汁，嗰日就汁都冇乜，要夾起曬啲配料先點倒啲酸汁。唔知係唔係換咗師傅，水準比之前退步好多，蓮花大埔分店比九龍城好食成條街。希望店主正視一吓服務員態度同食物水準。會暫時唔去九龍城分店食齋。太失望。

昨天經過這店，看到賣相不錯的齋鋪及齋鹵味就買2盒給老人家吃，因為有些是他們不喜歡吃的（例如 咖哩及酸齋會胃酸），所以才清楚明確地點了其中三款，但回到家後才發現服務員不是按客人的需要而去給，弄得我好像要老人家吃些不喜歡吃的東西一樣，一令我對老人家的心意就失去了，而且食物味道也很一般。另外，在購買時服務員的態度有點對客人很求其且令客人感覺受氣，好像客人非吃它不可，我以後都不會再光顧這家店。第一次寫評論就是這點

蓮花健康素食睇落似係一間充滿有歷史年華嘅素食小店 店內乾淨企理 店內幫襯嘅顧客大部份都係老人家為主 午市套餐好抵 48蚊一個餐 有飯有餸有湯 菠蘿咕嚕肉 $48 用豆渣製成嘅肉外脆內不乾 除咗食落一陣豆味 其實真肉嘅分別唔大 甚至仲好過用豬肉製成嘅咕嚕肉（因為有時候找過火 肉質會偏柴）而豆渣就有呢個問題 汁同配菜都正常發揮 唔錯唔錯！配餐送嘅湯 出色 睇得出料煲製而成 一點都冇因為係贈送嘅湯而Hea 飲落好大陣蓮藕青紅蘿蔔粟米嘅甜味，值得一讚！甜酸齋 （$價錢唔記得）食落酸甜適中 口感亦冇偏硬 個人來講食一小碟已經足夠 亦都值得一試整體來講，以家咁嘅價錢喺九龍城食到咁嘅質素嘅素食性價比算好高，經過亦可一試

嗰晚約咗姊妹們嚟呢度食飯敘舊，好彩朋友有打電話嚟訂枱，坐低一陣已經滿座！😮 我哋3個人叫咗4款主菜食。例湯 (HK$0)．是日係合掌瓜蘿蔔湯．未叫嘢食已經送上．幾足料，清甜的，好味😋芝士香草鮮蘑菰 (HK$92)．白蘑菇配芝士忌廉汁，呢個組合不錯．白蘑菇大大粒，新鮮，飽滿多肉．芝士忌廉汁好味😋豆醬茄子窩筍 (HK$85)．豆醬帶出窩筍和茄子的清甜味道．口感軟腍五柳仙班 (HK$78)．呢個係炸芋頭蓉配酸甜醬．條仙班炸得酥脆，芋頭蓉好粉好滑，不會有大少不一嘅芋頭粒👍🏻香椿薯角素鱔 (HK$82)．呢個係香草炸薯角和冬菇．冬菇炸咗當是素鱔甜品 (HK$0)．最後店員送上椰汁西米露和馬蹄糕 ．椰汁西米露，足料，好味😋．馬蹄糕都幾多馬蹄粒，我哋覺得比較太甜，可以少甜啲📌提提你：餐廳會收取茗茶 (HK$10/位)，酸菜 (HK$10/碟)，和10%服務費呀，不過都抵俾嘅，因為茶係任加水，例湯和甜品係高質、足料、好味😋

這個素食店第一次光顧，我在極忙之間的平日中午快速測試因為附近的爆滿了～要快有位就入！侍應招呼我坐下已經立即問我飲甚麼茶？當然還未意識到會計茶錢$10㸃了午餐勝瓜雪耳素肉～有湯有飯，湯很清甜飲下想加～sorry $22一碗當然冇加！總括質素可以老主顧多招呼不差，價錢收埋加一！盛惠$62大元！！午餐時間值唔值？

在香港，有“齋铺”。意思就是吃齋，吃素。而且，会将所有常见的肉，用素的材料制作，例如齋叉烧，齋卤味，素鸡，齋烧卖，齋东坡肉，诸如此类。我对这类型的食物兴趣不大。但偶然也会吃吃。今天来到这家餐厅，味道并不十能算好！萝卜糕没什么味道。素扎蹄，很让人失望，只是一片片腐皮，调味进不去。倒是送的例汤还可以，清淡喝得舒服。