蓉記

營業中

休息中

今日自己一個人食lunch叫外買蓉記牛三寶河的份量十足，牛腩入味軟嫩，牛筋爽滑有嚼勁，牛肚乜爽口，吸收湯底精華， 令到更加濃鬱好味。湯底濃郁但不過鹹，帶有微微的香，喝起來暖胃又滿足。河粉細嫩滑溜，吸收腩汁，食起來。整體配搭好味。雖然是外賣，但湯底保持熱度，牛三寶仍然保持理想的質感， 沒有因為外賣而變得不好食 ， 真係可以值得一試， 如果鍾意食牛嘅不妨試下， 仲有其他款式 也推介雲吞和牛丸河都好彈牙， 真係可以值得一試

外賣五寶河，俾錯餸，打去問佢，一開頭話退錢，轉頭話無得退，仲叫我拎番碗粉落去先有得換…態度又串串貢，一啲歉意都無Btw, 啲粉勁咸，勁多味精如果大家想受氣或食味精粉可以一試

打電話落去叫外賣，落去比錢拎張外賣單，樓面侍應同我確認單號後，即刻睇外賣枱，話好記得已經出左個外賣，侍應發現我個外賣比其他人令走左，就話幫我跟，佢同個廚房講要整過，但廚房佬語氣勁差係咁講話等佢出嚟睇吓先，搞左好耐廚房都唔肯整過，又唔交代點處理，係到呆等，等到拎錯外賣既客人令返來話拎錯左，個侍應就咁將佢拎錯我既外賣就咁比我，當無事發生過，交換返就算。問題係佢拎左我個外賣十幾二十分鐘，期間發生過咩事都唔知，我點知道之前個人有無搞過d食物？同個侍應反映，就聽到個廚房佬係咁同個侍應講話對返啲餸岩就比我就算，仲要語氣勁差，好似我做錯咁，餐廳明明有責任確保外賣跟單號拎，唔好比人拎錯，最後唯有硬食，廢事堅持要求廚房再做，怕佢加料，但咁樣做生意都得，有事就顧客自理，非常失望，之後都唔會再幫襯。

晏晝簡單食碗粉麵 🍜，其實喺將軍澳區冇乜選擇。蓉記開咗之後，想食粉麵 🍜 都係我首選之地。當日點了 牛雜河（$40）及牛三寶河（$50）。粉麵份量適中，味道可以。 牛三寶有牛腩、牛筋及牛肚。幫襯咁多次，侍應服務態度正常，收銀阿姐都係咁，好彩從未有不愉快經歷。😅 至少從來冇黑我面，冇俾說話我聽。今時今日咁嘅價錢，真係唔好太高要求。

行過見開左無幾耐， 就試下啦，買外賣，行去收銀處落單， 叫左個牛腩撈麵，一行埋去個收銀員揼低頭， 要叫先抬頭，落完單比張飛我，我就企埋一邊等，收銀員之後又即刻耷低頭， 好忙咁， 企咗10分鐘左右，發覺有啲唔對路，點解牛腩撈麵應該好快就整好，點解好似冇乜聲氣咁？咁就行埋去問個耷低頭嘅收銀員，佢先話俾我聽，原來喺另外嗰邊攞，咁點解唔一早落完單話俾我聽要過另一邊攞 ， 使唔使一落完單就即刻耷低返個頭，收銀位其實唔應該成日耷低頭，疑似玩電話，關於錢銀嘅嘢應該要打醒十二分精神，同埋落完單叫個客過隔離攞有幾因難，一間食肆做得好唔好，除咗出品好之外，服務亦都好緊要， 你睇對面荳子就知，飲食業咁大競爭，做得唔好，轉眼就俾人淘汰！

今日5月19號，夜晚本來想食豆子冰室，但因為太多人排隊 。又突然間想食下麵 ，見將軍澳廣場有間小店食麵 ，好似開咗唔係好耐 。其實呢一間一直都想試吓 。咁就試吓買外賣返屋企食。最後買咗一個雲吞麵外賣試 一下 。買嗰時嗰個收銀阿姐掛住喺度玩電話 。同佢講要乜完全冇表情 。跟住佢打完飛 仲大力攞張飛 拍喺張枱上 等我攞。真係感覺好似乞兒咁款。講返碗雲吞麵就普通啦。不過㘴一就係價錢唔貴啦。但係一定冇下次 ，因為嗰個收銀阿姐咁嘅態度。

第一次幫襯，小店運作，人流還可以，我叫咗個崩沙腩河粉及油菜。實物同普通牛腩無分別。老闆仲話係崩沙腩。真係當人第一次食崩沙腩🥲，我估我唔會再幫襯囉。做生意最緊要價真貨實。

新開 又唔想等位 求奇食下 又試下新嘢店面超細 7-8張2人抬地方有限 超細張抬 湯麵 直接外賣碗上抬（有d驚奇）2名男職員 其中一名呀叔員工落單時 d語氣態度認真麻麻 講少句麵／米線／河粉 都已經話你要乜嘢先得咖？？之後講xx麵 + xx麵各一轉頭確認order 變xx xx麵一個？真係呢，唔知邊個問題喇仲EE吟，好似係我問題咁😅豬手麵$382舊硬到像根既豬手 又唔淋唔入味真係可以話唔會再食個水餃麵 遲遲都未來 問另一名男職員 話淥緊未淥熟😅可能係即淥既關係 需時水餃麵 水餃都ok正常湯底麻麻地唔啱口味

啲份量都幾多，牛腩麵$38個味道又唔錯，牛筋個量我覺得好多，雙拼+$8，我個人覺得係有單拼1.5倍量，有次叫左個菜芯，有成8條一個人食唔哂...不過佢偏硬，可以叫佢煮淋啲，係將軍澳呢個價位呢個味道，真係ok，同一個商場，我諗得M字頭快餐店有得比，希望佢keep住個質素同埋做得長因為佢人流真係少外賣、堂食都食過幾次，第1次係佢啱啱開，果時只收現金，我無帶錢出街，要去拎，收銀果位店員都無問題，之後有八達通就方便啲

39$叫左幾次牛腩河 份量都唔算少 39$晚餐黎講真係好平 牛腩都幾好食 湯中規中矩 性價比幾高 唔明白點解無人食 至少好過新樂園先 希望唔好執粒 可以俾將軍澳人多個選擇👍👍👍