蒲點

營業中

休息中

依間餐廳勁佛心 第一次見薑燒豬肉丼會加埋菜落去炒應該係擔心食客係街食野食唔夠菜同時得6塊豬肉 咁食客就唔會食過多肉類🙏🏻如果想減肥食少啲肉推介黎依間餐廳🙏🏻

夜麻麻又落雨，本來想出去旺角食飯都唔想去，臨時改為喺樓下食飯，見到呢間有燒嘢食， 就第一次嚟呢間食飯。首先叫了一個拉麵，味道正常，糖心蛋勁好味，係流心嘅；其他串燒之中，以燒鰻魚最正，燒到啲皮好脆，只賣68，性價比高，其次就係雞泡魚乾、燒司華力腸、燒雞皮都好好味，雞軟骨同雞腎就略為太細太乾，有進步空間，仲有可以喺度睇播波，老公一路食一路睇波勁開心，下次試吓外賣！值得支持的小店，下次去試吓其他串燒，以及其他日本小食！

每就近慈雲山，夜晚宵夜就必定食串燒。🍢一嚟唔想咁夜食太多澱粉類，二嚟因為太野味🤣。老闆好鬼好人，我話想叫埋隔離檔甜品坐響度食，得唔得，佢毫無半點介意。「得！」街坊生意，無所謂㗎😍👍。後來我走咗去後面買咗詞源嘅雞翼尖食。我放咗響枱面食住等串燒，老闆果然唔介意因為我買咗其他嘢食坐低咗😹，仲巳經食標🤭。我已經點咗：😋燒茄子😋燒牛舌👍燒雞軟骨👍燒牛肉粒😛燒鴨舌😍燒豬軟骨全部野到咗時候都係熱辣辣又入味。聽講佢哋每一段時間都有唔同嘅promote，我今晚就聽到佢話好似有90幾蚊就有半打燒生蠔，下次一定試🤩。老闆仲同我行聊咗幾句，佢話每次啲海鮮如果當晚賣唔晒佢哋會自己食晒佢，確保第二日返貨係新鮮🥰。

今次就食左呢間個炸雞件同炸大蝦!外賣自取9折，外賣膠盒每個收費$1總共食左$43，價錢我覺得Ok!想講佢地個炸物係食落脆身但吾油膩!應該係即叫即炸既。而且個沙律醬比得超多，食落口，所有野都係啖啖肉同啖啖醬!正到爆!個炸雞鮮嫩多汁，都有雞味!同埋你見到係個炸雞件係閃閃發光，而且個底部係無油漏出黎既!應該就鎖曬D油響入面，所以勁好食!有機會係連炸兩次，炸走D油咁!食完係會想繼續食既!個吉列大蝦炸到金黃色咁，食落脆卜卜!蝦尾好脆，所以我食埋!個炸粉份量適中，而且D粉炸到吾會咁易就裂開，見到個蝦身!但就食到少少蝦味!而我就當係晚飯加餸咁食! 配埋飯簡直一流!下次會試吉列豬排同椒鹽魷魚鬚!

蒲點12:00-21:00-汁煮豬軟骨飯🍚 $46豬軟骨又軟又淋又入味份量大份推薦度: 😋😋😋.5📍 蒲點 (慈雲山)慈雲山毓華里28號萬寶大廈地下6號舖🥰🥰

平時外賣自取，唔係凍晒就會淋晒，總之賣相及質素大打折扣。今次order4人餐及2人餐，45分鐘後到取，到取時已準備好，打開時食物還暖，而且沒淋晒走樣，賣相及味道也好。大慨廚師花了點心思調整一下食物，回家食仍然好味

雖然舖位唔係好大，不過其實唔會好逼。有時同同事都會黎呢度食晏，對面唔會有其他人，冇乜人望住曬所以都覺得幾好坐。呢度平日午市都係做附近學生生意。午餐40幾蚊有埋野飲，份量又夠。之前食過佢d拉麵，個湯底幾正，唔會太鹹，食完唔會覺得食味精，同埋d料都夠，其實都幾推介。不過今日食既係呢個炸雞撈烏冬。其實佢都6件雞，個份量係幾多，個醬唔係剩係落麻醬，仲有落豉油，所以個味幾香。唯一美中不足係太鹹了，其實落多少少水都ok。唔緊要，下次再黎食拉麵。

終於約到朋友一齊試新野😍今次係食"午市套餐"同埋拉麵, 只係$43, 重點係，份量好多🥰大家睇吓d 圖片就知道！1. 蒲辣雞扒飯，大大份，惹味🥳～男仔食都會夠飽～2. 雞扒拉麵😍雞扒煎得夠香脆，非常加分🤤 而且，拉麵份量多，自己食完果日都唔駛再食下午茶 XD (湯入面有半隻蛋架，沉左係底，影唔到）值得一提，拉麵餐揀了跟熱奶茶，奶茶唔"鞋"口，這個價錢，真的算很好了，好飲過某d 連鎖餐廳🤪3. 肉燥雞翼鹵蛋飯～朋友比了雞翼我試，估唔到又入味又淋，有驚喜👍🏻當日餐牌，供參考總結，店舖細細（大約有四張枱），不太起眼嘅裝修，但食物整體好好，份量又夠，值得再次光顧同推薦比朋友～❤️🧡💛另外一點要讚，雖然店舖細，但入面有洗手間，非常好喔～

同家人食飯，係慈雲山區試下呢間食店，疫情關係外賣生意比較多見冇人，一場黎到都係堂食店舖走平價日式菜市場，份量唔細，女士可以叫小飯炸雞份量好大，好抵食，叫小個飯叫份炸雞都可以

#支持良心餐廳豬軟骨烏冬 豬骨湯底$48唔係講笑我覺得呢個烏冬有學校canteen感覺🧐 食物泥講就正正常常唔係話特別出眾 豬軟骨更加唔好expect係坐忘嗰啲 佢係會咬到啲牙ka ka 聲嗰隻🤣 不過我幾中意佢有兩大舊 咬下咬下都幾過癮 烏冬係茶餐廳烏冬 湯底偏咸 應該有味精 但cp值算係咁 包野飲的！

四條囡暫時放下身材,黎度呢間小店盡情食炸物啦.咁岩我地四個朋友都係住慈雲山, 平時都會相約一齊晚飯吹水聚舊, 今晚就搵左間小店黎試下, 價錢又超級抵食我地叫左幾個SET, 再一齊SHARE: 吉列魚柳拉面: 炸粉好薄身,魚柳好嫩滑豬軟骨拉面: 好入味香煎雞扒拉面: 雞肉好嫩, 多汁再配左D小食, 餃子同地瓜丸,仲有腸仔,薯條所有小食整體都唔錯,但都係油炸的, 相對比較邪惡.但一次半次又無咩所謂真係物有所值呀

今晚轉涼而又不想煮飯！突然想起慈雲山有一間有一人邊爐，就決定去試試！店舖內只有4張枱，但可以選擇坐在室外的。一人邊爐$68元，有雞或肥牛可供選擇，其他固定配菜有唐生菜，娃娃菜，金菇，2粒魚蛋，2條蟹柳，2片鳴片卷，一粒墨魚丸，一粒芝心丸，和有日式拉麵，烏冬，白飯，米粉等選擇其一和一杯飲品！冷或熱甚至可以選擇珍珠奶茶!一字抵👍🏻另外還可以加錢選擇其他火鍋配料的！一人份量👍🏻材料亦新鮮！肥牛看似有點肥，但煮熟是可以接受的！這個價錢，這樣材料！絕對是一個人突然想打邊爐之選👍🏻👍🏻👍🏻

除夕夜同男朋友諗唔到食咩，就決定揸車去慈雲山試新野💜雖然餐廳細細地，但竟然有唔同款式的dinner set揀🥰見到好多人都揀刷刷鍋，不過dinner set入面有豬軟骨同埋羊肉都好想試，仲包珍珠奶茶，即刻揀左dinner set😛嘩！一見到店員拎兩碗飯上桌，我嚇親，白飯有一大碗，珍珠奶茶又好大杯，雖然珍珠唔算好煙un，但男仔一定食得好飽💜味道方面：我地叫左燒汁豬軟骨同埋孜然羊肉。平時連鎖店餐廳最多得2-3舊肉，呢間小店竟然有7-8舊，食極都食唔哂，仲要味道唔錯，豬軟骨炆得好林，而且入味。羊肉亦都整得唔硬，不過好重酥味😛我自己都接受到嘅💜呢間餐廳真係好高性價比

晚餐必吃。👍🏻👍🏻👍🏻性價比好高，呢個價錢食到呢d質素香港都少之有少，味道真心不錯。老闆又健談，呢d小店真係值得支持。食完都馬上share俾朋友，良心小店，下次過泥再試埋其他美食🤤🤤雖然自己唔係住呢頭，但係都一定會成日過泥食，選擇咁多，想食厭都難，坐又坐得舒服，又有電視睇。聴老闆講，仲有做埋美食到會，一大班朋友開p終於多個選擇❤️❤️❤️人情味高質良心小店😍😍😍支持支持！加油加油！蒲點👍🏻🥰👍🏻

呢間餐廳又好食，又抵食。夠竟有幾好食？好食到我每晚既晚餐都幾乎去個到食（除非無飯食），我重介紹埋朋友一齊黎食，而且飲品重唔使加兩蚊。而且個度既人，個個都好親切，令到我用餐時好自在。