蒲點 (已結業)

因為住附近，平時都會貪方便入商場食完就算，但商場全部都係連所式食肆，聽到名都已經完全無食欲。咁岩想食平民食物，同想有係葵廣掃街嘅食法，一落街見到蒲點，打算隨便望望有咩食。哇正中我選擇困難，想食咩都可以試嘅心態價錢又不太貴情況下，同屋企人二話不說就入去食。地方不算太大，但都有細心嘅設計，就係有洗手間，可以比我呢個潔癖人士，食飯前洗洗手叫左幾串串燒食，而屋企人叫左廚師推介香茅雞扒撈丁，佢係我去洗手間途中已經食先，未黎得切影相，但意料之外好食，件雞係好香香茅味，雞肉好嫰，因為聽落去係普通茶餐廳食物，但出奇地小店如此用心🥰終於等到我嘅串燒有我最愛茄子，同燒菠蘿，金菇，雞軟骨，芝士腸，牛丸全部都係師傅心機之作，有足料蒜蓉，串燒有得加7味粉，一試愛上♥️埋單之後，老闆仲專登同我地講，下次想試咩新菜都可以主動提出，會盡量滿足客人，聽落好窩心好體貼🥰 細心睇返啲相，原來仲有得whatsapp落單，送貨服務，岩哂我懶到出汁嘅人，不過串燒都係即叫即整即食，堂食好味啲😂

一向喜歡支持新開小店，更有心、有誠意的食品，香茅豬扒雞扒一定要試👍🏻肉質鮮嫩，葉得入味，大件夾抵食！宵夜首選新蒲點❤️外面仲可以食煙，同朋友吹水食飯聯繫一流👍🏻👍🏻

啲雞扒豬扒大大塊，真係食得出個分別，係好好食😍店長推介啲醉翁雞翼尖同雞腳都好正。仲試左佢哋啲辣醬，辣得好過癮，仲要拎呢啲辣醬泥整撈麵。如果鍾意食辣真係要試吓。

今日和朋友到新開的店舖蒲點醫肚😋，令我十分驚喜。😝店舖環境雖然不大，但卻令人用餐舒適，店主和員工都十分親切健談。而且價錢亦平民價兼大份🎉從來未諗過寫食評，但今次真係令我好驚喜和喜愛呢間店舖。今次嗌左幾款小食和主食，都俾個叻👍🏻，味道好吃。尤其係個吉列帶子✨✨✨，同外面既口感唔一樣，更有嚼勁，並且外面個層面包糠亦十分好吃，下次去必再點！明太子雞翼亦係我必點之選，咬落去啖啖肉，並且有埋泡菜口味，超正👍🏻雞腳亦係我必叫之選，唔食得辣既我都越吃越順口😋本身想叫雞翼尖，可惜賣晒，但宜家唔需要山長水遠入元朗食雞翼了，因為蒲點雞腳和雞翼尖會係我新寵😋😋😋慈雲山又多一個宵夜必食點❤️亦是和朋友吹水既好地方