影片
【灣仔區】【蒲仙味滷麵】喺天后嗰邊等時間過，反正未食嘢，可以喺附近食吓嘢先。見到呢間好似係之前喺尖沙咀食過嘅福建菜，當時覺得一般，咁今次都畀多個機會佢哋，睇吓會唔會有驚喜啦。入到去發現佢哋間嘢都冇乜人，不過平日下晝可能差啲。而正値下晝，就有下午茶餐。叫咗「下午茶A套餐」，係 $48 嘅「原味鮮肉扁食湯小份」配「炸扁食」，前者有十五隻小雲吞，味道都唔錯喎，香港都開始多咗地方有小雲吞食，係好事。而後者有八粒，炸得都夠晒精緻，仲有個雞醬有得點嚟食，以下午茶嚟講，滿足晒我呢個小雲吞控。個餐仲有「豆漿」，就正正常常冇咩講。我最想講嘅反而係之後叫嘅嗰碗 $48 嘅「福州手工魚丸湯」，一碗嘢成個餐咁貴，得六粒福州魚丸，但係就係嗰個味喇。仲記得我細個喺荃灣某間店都成日食，非常過癮，令我回味無窮。呢 $96，我覺得非常抵畀呀。。。（地址：天后電氣道66號地舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：油尖旺區分店：1am1607#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am灣仔區 #天后 #蒲仙味滷麵 #下午茶 #原味鮮肉扁食湯 #炸扁食 #豆漿 #福州手工魚丸湯 #1am1797 #1ambackup
繼續閱讀