葵康車仔麵

營業中

休息中

本身諗著叫佢個豬扒麵常餐，但諗諗吓都係試吓食其他嘢。其實我好少響呢邊食嘢，因為冇諗到響街市入邊搵嘢食。我今次叫左個清清地既豬紅蘿蔔車仔麵，轉米線。坦白講以街市嚟講佢係有少少貴，但係佢啲蘿蔔算唔錯幾入味好食。同埋速度就是王道，佢哋嘅車仔麵外賣真係好快手，所以如果你係咁啱附近返學返工趕時間嘅話可以嚟呢度叫車仔麵，30幾蚊就有嘢飲，我覺得算係咁啦，畢竟呢個時勢好多嘢都貴嘅時候，what can you expect?

之前在這裡吃過午餐， 覺得味道不錯就今次再過來， 今次都是叫了車仔面: 牛腩， 蘿蔔， 豬紅 ， 加油面要腩汁和辣汁再要了凍檸檬茶，價錢比較貴左少少，但味不錯， 牛腩都夠淋身吾太硬， 蘿蔔有少少根但味道都清甜， 豬紅夠口感而且份量都不少， 油面份量如果再多點就更好. 腩汁味道都濃而辣汁真的幾辣， 幸好有分開放就可以按自己辣度再食. 檸檬茶味道淡了一點， 如果茶味更濃就更好。看到都有不少人在這裡叫燒賣和雞翼， 下次都可以叫來試一試。

同店員姐姐講要兩個餸既酸辣米線，佢出錯左車仔麵既單俾我。一開始已講明係酸辣米線中辣兩個餸，走青，佢同我講個麵冇青。原來佢地店既青係唔包括莞茜和韭菜，佢當下同我講冇青係冇蔥，又叫我下次講返走莞茜走韭菜，似係怪我冇講清楚，唔通解釋多兩句有咁難？而且當下唔係繁忙時間，客人亦只有兩三個，都好似趕收工咁隨便落張單。我都係今次先知，走青只係指走蔥，佢只要語氣好少少咁提返我，我下次買既時候會講返清楚。但佢既態度令我唔想再去買野食，以免又要受氣。

因為同事極力推介，今日中午冒雨買了兩碗每碗$30一餸車仔麵外賣作午餐。回來打開一看，非常失望。一碗是齋麵，沒有已點的豬大腸，一碗是只有4條半截手指尾長嘅豬粉腸。其實當本人去到呢間舖頭看見價錢已覺很貴，但抱著咁貴應該唔錯嘅心態，點知非常失望，本人決定永不幫趁。