影片
行到餓餓地,一坐低見到隔離位食緊個"枝竹火腩排骨飯",好大堆頭喎,賣相又唔錯,咁咪諗住跟住叫囉,點知...老闆過黎親自招呼,傾左幾句,同我推介佢地既盅頭飯,仲有印尼咖哩,講多兩講都流晒口水,點好呢,兩樣都想食,老闆聽到,話無問題,於是叫左個臘味盎飯,老闆撘左幾舊咖哩牛腩,好!估唔到今日咁有食神!OK,開工!個盅頭飯真係好正宗,個豉油調得岩岩好,加落個飯到好惹味,好快就俾我爬晒落肚....呢個盎頭飯真係正,直頭係舊式酒家果種風味,加上今日凍凍地,食臘味就一流,掂! 10個正!飲啖咖啡先,又可以喎,本人唔鍾意飲埋D甜爺爺既假咖啡,呢到係岩岩好,GOODOK,回啖氣先,試埋D咖哩牛腩,咖哩汁好香,撈到塊香葉...香葉喎,唔係果D咖哩粉開出黎既假咖哩,唔怪得之咁好味,不過就略為唔夠辣..咁都正常既,唔係個個食到好辣唔夠辣都仲可以加嘛,又係岩既呼~ 超滿足! 埋單! 盛惠28蚊...呵呵...28蚊,認真超額完成
繼續閱讀