萬麗咖啡室

營業中

休息中

🦀長腳蟹小編每次去食buffet除左鍾意食生蠔，就非常之鍾意食長腳蟹。今次嘅長腳蟹呢，總體質素都算滿意嘅。除咗一開頭有幾條唔夠OK 之外，大部分都好似真係食緊蟹柳咁，新鮮嘅蟹腳係可以喺隻腳啪開成條拉出嚟嘅，今次呢好多都做到。蟹腳食落鮮甜，仲食到有啲海水味。算係合格之上。🦞龍蝦今次嘅龍蝦食落既口感肉質結實彈牙，唔係好似擦子膠咁，每一隻龍蝦都保留左有啲蝦膏喺度，蝦膏嘅味道好香但係肉質嘅味道就比較清淡。不過小編都食咗兩三四隻🍣刺身刺身就比較遜色啦😓。吞拿魚嘅顏色暗淡無光，小編就真係唔敢試啦。今次食咗三文魚八爪魚油甘魚，呢三樣呢，雖然話好少出事，但肥美與否就反映到佢地既質素啦。今次嘅刺身就完全稱不上係肥美，絕對唔係魚腩嘅部位。以buffet嘅質素嚟講，算係不過不失啦。🥩Roasted Beef呢個烤牛肉算係幾好食喎，小編今次試嘅部分算係比較開頭既部份，好多餐廳喺呢個位置都已經食到overcooked㗎啦，咁但系佢喺呢個位置都做到大概係接近七成左右嘅生熟程度，仲保留到有啲血水。咁可能有啲人就會覺得太生啦，但係呢個程度小編就岩岩好啦。因為冇overcook，食落去都唔會好鞋同擦子膠，肉質都算嫩滑，

去會展看展覽，在進去之前或之後最重要就是補充能量!萬麗咖啡室就是一個很好的選擇它位於酒店的閣樓，每天供應環球美饌，可以嚐到中、西、日及東南亞風味的佳餚，而且不少得具本地特性的美食，還有香港自家製造清新、純天然意式雪糕XTC Gelato，總共有12款喔!酒店餐廳佈置華麗，座位相隔闊落，寬敞舒適。自助餐食品包羅萬有，海鮮有多款選擇，每日都供應龍蝦，長腳蟹肉質鮮甜又有海水味，鮮蝦大隻爽甜，呢兩款最啱我口味。魚生刺身，吞拿魚和三文魚都很鮮甜肥美。熱葷也有很多，烤羊肶，椒鹽魚柳，豬頸肉，還有蓮藕牛肚，味道都要配得幾好。爆炒海鮮賣相夠色彩，蝦仁青口爽甜又惹味。最吸睛一定要數自家製燒肉和燒雞，還有即燒牛仔骨、羊和蝦，真的想吃的都有!Noodle Station還有越南牛肉PHO食，能自己點想吃的料，那生牛肉必須吃!中式點心有燒賣和叉燒飽，又有中式燒味，燒鴨和白切雞，代表香港的滋味。這裡的甜品也十分出色，款式又多，芝士蛋糕，蘋果批，檸檬菠籮蛋糕和斑蘭蛋糕等都很美味，甜度適中，吃多一點也不覺肥膩，還有賣相吸引嘅XTCGelato，有12種味道之多，消暑冰凍又美味。一頓吃盡各地風味，萬麗咖啡室的食物與服

生日去左e度食但食落真係好一般海陸雙饗set一人一隻既蒸熱龍蝦就好好食😋😋100分但其他野食全部都一般無生蠔 海鮮🦞 同青口都太細同無咩鮮味熱食款式唔多🙈🙈正常味

🍽️ 萬麗咖啡室 📍灣仔港灣道1號香港萬麗海景酒店閣樓-屋企人生日，一齊去食自助餐開心吓🥰🍽️雖然有啲小插曲，但係試咗好多嘢食，介紹少少俾大家🤩🤩自助餐：$798/人💫蒜香和牛牛柳和牛生熟程度啱啱好，牛味重，肉質鮮嫩多汁😍連大蝦同埋薯蓉都好好食🤌🏻🤌🏻🤌🏻💫磯煮鮑魚好大粒！好厚肉好彈牙！但每人只有一粒，唔夠喉呀🥹🥹🥹💫新鮮蒸焗波士頓龍蝦omg呢個係全場最最最最好食嘅嘢！侍應話全部龍蝦都係新鮮整出嚟嘅，建議每次拎一兩隻分享食，因為攤凍咗就唔好食㗎啦🤩🤩新鮮蒸起嘅龍蝦肉質鮮甜彈牙，比起凍龍蝦真係冇得比！除此之外，呢個buffet仲有好多肉類、沙律、甜品、雪糕等等，有興趣嘅朋友記得六月試吓啦，和牛主題去到六月尾就冇㗎啦-🌟雖然係萬麗海景酒店，但係佢嘅服務態度質素比樓下嘅Mirage差好多，最初坐低嘅時候，個侍應向屋企人介紹龍蝦，講到1999，屋企人只係問清楚少少，侍應竟然反曬眼咁話「唉，我重新同你哋講多一次」😵😵我覺得呢個服務態度真係好差🌟食物整體來講唔錯，最好食係龍蝦同和牛🌟不過如果嚟食buffet要受氣嘅話，我情願貴少少落樓下食Mirage推薦指數：3/5抵食指數：3/5#foodlover

在萬麗的eshop買了餐飲券，總共四位！當時有打去訂位查詢是不是果汁任飲，職員答有，到今日入座，開場時見到有職員周圍問客人有冇需要飲用果汁汽水之類？其後也見職員上了汽水果汁比客人，但就是冇人走來問我地(或者我玻璃心吧)！我自己主動問咯，個女職員話只包一杯飲品喔，之後有講到如果想飲凍寧茶度可以做一杯比我朋友(我自己不好凍寧茶)熱飲就自助！真係奇怪得很，我食過不下十間午市自助餐，再平過這間的都有(今日消費左370左右)都會係餐桌上準備一杯水，今日這間係冇！只見過一台超過20人的桌位有預備定水比佢地，想要就要自己問！另外，餐檯係有紅色污跡(我冇影相，同行的人都覺得很奇怪)，應該係抹不掉那種！整體感受不太好！食物方面有凍波龍，蟹腳偏鹹其他一般。熟食普通，海南雞飯出色。甜品可接受。所有餐牌都係英文。我係因為朋友推薦先想試這間，結果有點失望！

酒店自助餐向來受大眾歡迎, 可以一次過品嚐多款不同美食, 確是賞心樂事。今日在會展嘅萬麗海景酒店享受了一頓豐富嘅自助午餐。海鮮區有龍蝦、長腳蟹脚、海螺, 大蝦和青口等海鮮 , 個人最喜好大蝦和蟹脚, 鮮甜又帶海水味, 多吃也不覺膩。中式燒味和點心水準也不錯, 蒸斑球也很鮮甜。 還有烤得香脆嘅烤豬肶和烤雞, 當然還有日式海鮮刺身, 爽脆八爪魚和肥美三文魚, 也是十分新鮮。甜品愛好者必定很合心意, 多款賣相精美嘅蛋糕甜餅, 當中最美味是日式芝士餅, 甜度適中, 香滑清香, 檸檬菠蘿蛋糕也十分美味, 酸酸甜甜充滿鮮果芳香。十二款口味嘅意式雪糕也很吸引, 開心果, 港式奶茶, 朱古力和海鹽焦糖最啱口味, 口感很特別。還有自助咖啡機, 可以隨喜好泡製咖啡飲品, 增添休間嘅感覺。

今日喺灣仔會展萬麗海景酒店咖啡室食自助午餐, 座位相當闊落, 地方優雅舒適。食物款式都幾多, 海鮮方面有長腳蟹, 龍蝦, 海蝦 海螺和青口等, 排列整齊清潔, 尤其喜歡長腳蟹, 肉質非常鮮甜又有海水味, 最緊要係不斷供應。呢度嘅芝士火腿吧相當吸引, 幾款芝士都係我鍾意食嘅, 還有多款麵包, 煙火腿和煙三文魚, 可以細意品嚐。壽司口感唔錯, 刺身很新鮮, 尤其是三文魚和油甘魚, 肥美可口。多款甜品供應, 最大嘅賣點係12種味道嘅XTC Gelato, 色彩繽紛, 啱曬我呢個甜品愛好者。燒牛仔肉和燒豬腩口感都唔錯, 食落都幾juicy。中式點嘅蝦餃燒賣, 味道都算唔錯。還有任飲嘅果汁和汽水, 食物都幾豐富, 一頓充滿色彩嘅自助午餐。

🍞 整體感覺：位於灣仔萬麗海景酒店內的Cafe Renaissance是性價比高，款式有噱頭，質素不俗，在其他同價位的餐廳未必有同等食物質量。🍞 餐後點評：自助餐的款式中規中矩，但有記憶點，包括一人一客的磯煮鮑魚 及 一人一隻即蒸波士頓龍蝦，令人印象深刻。一入座經理便告訴我們每人有一杯迎賓飲品，並遞上即蒸龍蝦的換領票。前菜方面：今次沒有試自助沙律區，只是嚐了和牛薯仔沙律，和牛肉質軟腍、有肉味，我幾鍾意。另外試了Parma Ham & Salami。一時忽發奇想，想重現M記早餐食法，在餐包上塗上士多啤梨醬，再加Salami，鹹甜、油香平衡一絕，真係好似食緊早晨套餐咁，哈哈。凍海鮮選擇該有的都有了：波龍、蟹腳、凍蝦、麵包蟹及海螺。波龍偏乾，有龍蝦味，肉質有點兒過老。蟹腳大大隻，十分厚肉，但海水味太搶，略嫌過鹹。熟蝦好食，鮮甜爽身。麵包蟹沒吃，螺有少少沙。關於海鮮，由於餐廳本身已安排一人一份鮑魚及全隻蒸龍蝦，這個安排令食客有種要留肚的感覺，所以凍海鮮區未見長長人龍。但我略嫌覺得食物種類有點重覆，最後我們只換了一隻蒸龍蝦，因為凍海鮮都食到3成飽了。熱葷區種類倘可，我見燒肉區排左小小人龍，一於都

26/4/23 午餐，食物不錯，雖然不是很多名貴海鮮，但亦算足夠，又有一定水準，服務員態度非常好，認真，儘量協助，又主動介紹自助餐食物，問問有沒有低咖啡因咖啡，立即送上，收碟迅速，近排其他餐廳少見，不錯

每年復活節前後前後期間，萬麗海景酒店的【Cafe Renaissance】都會推出主題自助晚餐，以滿足一眾饞嘴人士口腹之欲。今期更落重本推出《Voyage to the Sea and Land haven 海陸雙饗之旅》，鍾意游水龍蝦及和牛嘅話，今期不容錯過！今次海陸主題自助餐供應日期為3月27日至5月31日，只限晚餐時段。價格成人港幣$758，3-11歲小童港幣$458 (星期一至四)；成人港幣$798，3-11歲小童港幣$478 (星期五至日及公眾假期)。如果在酒店官網預訂仲有 取消75折(加 10% 服務費以原價計算)。話明係海陸主題，一定不能缺少鮮甜美味的海鮮；至於陸地上的代表，當然首推和牛。餐廳行政主廚選用澳洲和牛，精心炮製多達 13款美饌，讓和牛的豐腴滋味溢滿口腔及刺激味蕾。先嚐海洋風味。冰鎮海鮮有麵包蟹、青口、翡翠螺、松葉蟹腳、海蝦及波士頓龍蝦，仲有幾款 dressing sauce 添加味道。沒有即開生蠔，但就多了龍蝦陣，同樣大受歡迎。既然係主題自助餐，間間星級酒店自助餐都有嘅冰鎮海鮮當然唔會係主角。自助餐開始後不久，侍應先送上每位一隻六頭磯煮鮑魚！選用活南非鮮鮑，以

因手持快將過期嘅住宿優惠券，上星期再次去「香港萬麗海景酒店」玩多次Staycation，做咗萬豪旅享家後連間房房都升埋級，入住超級豪華嘅海港景套房！傍晚時份於貴賓室享用歡樂雞尾酒時跟接待生閒聊，得知「萬麗咖啡室」晚市啱啱換咗個以和牛及龍蝦作主角嘅強勢海陸自助餐，成人原價$833.8/位（已包加一）；另加$100或$168可以玩埋任飲限定汽水、果汁同酒酒，重點推介週一首晚嘅菜式會最齊全之外，仲提點網上訂座可享最抵嘅七五折優惠（七五折後$644.3/位），三小時任食和牛喎，明明減緊肥都決定要孖哥哥一試！酒店咖啡廳用餐大堂寬廣開揚，自助食物區企理衛生。海陸主題最值回票價嘅先有每人一件肥潤清甜嘅磯煮鮑魚！再有成隻碟咁大，同樣係每人一隻，爽脆厚肉、膏甜鮮美嘅新鮮蒸焗波士頓龍蝦！和牛均源自澳洲，個人首選菜式就係要排隊即點即煎嘅和牛牛板腱扒拼烤馬來西亞大蝦！橙美嘅蝦隻爽口彈牙；兩三成熟嘅和牛色澤紅潤，肉香軟腍，且肥膏不多，如果唔係先食咗幾輪冷盤的話，一定唔止食三碟咁少，呵呵呵！唔怕生的話，魚生除咗有大路嘅刺身同壽司款式之外。。。亦有兩款濃甜嘅火炙和牛壽司同和牛卷。凍食嘅和牛選擇中以意式生和牛薄片最為