萬豪咖啡室 (已結業)

滿心期待早在一個月前已ｂｏｏｋ定的ｄｉｎｎｅｒ　ｂｕｆｆｅｔ，卻換來徹底失望．食物選擇少，食物質素下降，ｒｅｆｉｌｌ速度緩慢，應該不會再有勇氣幫襯．主打的海鮮的生蠔又瘦又細，刺身不夠新鮮，惜日的龍蝦竟在３催４請下於８時多現身（都吃飽了一大半），翡翠螺變了花螺，很失望．熱盆完全不吸引，全是普通貨色，沒有東星，海南雞是雪藏貨，比冰鮮雞更惡劣，花膠味道一般，片皮鴨的肉多過皮而且皮似橡筋，燒車只得燒牛肉一款，味道也很一般，ｃｏｌｄ　ｃｕｔ，芝士各得一款，很少家，完全不似一間五星級酒店的ｂｕｆｆｅｔ．甜品款式一也少並且甜得很，很難吃．全晚最好吃的是雪糕和ｐａｎｃａｋｅ．　＄４１５這價錢，實在不值．

記得對上次幫襯是在一年前，也是暑假期間。因為會員咭就快到期，還有很多次未食，於是短短一個月內，在萬豪咖啡室食自助餐起碼五次以上，連對面的California及中菜部也惠顧不少。萬豪咖啡室一直是我食自助餐的首選，原因？以前翻添食物很快，一有食物吃剩一半，很快就有人添滿。生豪新鮮，除三文魚外，還有其他魚生供選擇，如赤貝、北寄貝等，也有其他的貴價貨如花膠、東星班等，而且味道不錯，最值得讚賞的，就是萬豪的甜品，尢其是芝士蛋糕，其芝士實在太香濃了。今次幫襯，似乎比上年遜色了。下午一時正到達，那些龍蝦仔已蕩然無存，但如以往的經驗，伙記會再添，誰知，一直到下午二時半都未有添加，非常失望。生蠔仍然有鮮味，但到大約二時已不再添新的了。芝士蛋糕雖然仍然比很多地方的好味，但沒有以前般的香濃，今次沒有東星班了，牛扒也不好吃。未到二時，水果如西瓜沒有了，餘下的水果選擇不多了。整體印象比上年的差了，希望下次去會有改善。

老細請食飯問我地想食乜﹐俾左幾個options 我地揀﹐我就當然揀JW Marriott啦﹐自己黎無折啊... Lunch buffet 好多人﹐抬同抬之間好密﹐無乜空間... 其實呢個buffet 既野食唔多﹐但quality 唔錯。 沙律: 選擇唔多﹐不過不失。 海鮮: 生蠔好味﹐我平時唔多食都食到四隻(因為唔腥) ﹔加菲蟹好鮮甜﹐好後悔無拎多D黎食。熱盤: 選擇好好好好好少﹐但花膠幾好味﹐有同事拎左好多 甜品: Overall 唔錯﹐Tiramisu 好味﹐不過甜品可以細件D就好﹐唔洗浪費之餘又可以試多幾款。 值得一讚既係呢度既services﹐我一望個waiter佢就知我想要水﹐sushi 同甜品位既師傅都好有禮貌。

尋晚一行7人食飯, 聽聞lee度既buffet好好食, 所以一於黎試吓。放食物位置就係入口旁邊, 比其他酒店集中, 好快就行完一圈, 感覺上款式唔多。一開始就食最鍾意既海鮮, 非常豐富:- 長蟹腳 (小妹超鍾意食), size 中等, 味道ok, 海水味唔算好重, 食左一碟, 去再攞, 發現無左, 問吓個職員, 佢就話今日返貨好少, 攞左碟係d人頭先夾淨比我夾, 得好少同比較削, 但我都攞左一碟- 澳洲生蠔, size 好細, 唔算肥美, 但味道鮮甜, 職員不停即場開, 有好幾款醬汁選擇, 一向對生蠔麻麻地, 都食左5隻- 凍蟹有兩種, 一種size比較大同蟹腳有毛, 有膏, 好多肉; 另一種細隻d, 肉較少, 但同樣鮮甜-琵琶蝦, 已切開一半, 用叉一”吉”就起晒肉, 好爽, 但咪道較淡- 仲有蝦, 青口, 同埋螺朋友話以前有龍蝦食, 但而家唔見, 可能因為通脹, d野都貴晒, 所以無得食卦食食吓, 突然見到有個waiter 捧住2 隻碟, 共有4隻龍蝦, 比隔離張枱, 我地好出奇, 朋友問waiter係咪d客另外order, waiter就話”幫我地跟跟”, 我地都唔明要跟d咩?

上年同女友去慶祝生日, 食過佢d加菲蟹後我女友十分開心, 我仲影埋佢同隻蟹黎做手機wallpaper本來想我地十週年拍拖紀念再黎重溫呢一幕開心o既時刻, 咪一個月前book定位啦上黎呢度見各位話佢d野款式少左...ok ...有加菲蟹就得啦....諗住..因為係女友大人o既order我直頭早個幾禮拜再問有無...d 職員都話有...咁我就放心唔再book等二度啦...點知...出事啦無喎...無左喎唔覺喎本來都唔想問......唉..都係問吓先...職員好聰明地答"無貨"唔信都唔得架啦.我又唔係入貨果個人不過同我想食o既野有距離o者......龍蝦明顯比我以前食o既細同埋無咩味, 刺身款式少左其他就不過不失....員工服務都可以...我女友食隻大蟹鉗佢地都好主動送上蟹夾一個...加番d分上年食係498/head 今年反而平左 415/head 可能令d食物質素大幅下降作為食客的我寧可多付鈔票換來更佳的享受上年我無白金咭550/head 依家有就埋單400/head

之前見到有咁多好評, 所以等左成個月先有位都照等, 點知大失所望首先去到見到咁少食物選擇, 已經扣左d分, 心諗.....如果好食既都值既講下海鮮, 蝦, 蟹腳, 龍蝦都係無味既, 食buffet 真係未食過咁差既海鮮中菜, 壽司選擇亦好少, 味道一般.......d壽司整得差, d 飯一夾就散既只有甜品比較好少少, 似番間酒店既水準成晚最好食就係雪糕, 士多啤梨味真係好好食至於服務態度, d 侍應收碟快, 服務殷勤, 都算幾好總之今晚真係食得好失望, 真係唔明點解會有咁多好評, 咁既水準, 香格里拉 / 迪士尼酒店真係高佢幾班啦

遲來的食評,今年友人帶我去金鐘萬豪食dinner buffet, 此店以貴精不貴多為原則...冷盤有生蠔, 長腳蟹, 凍蝦, 龍蝦等..全部都新鮮美味...就連生蠔都有2款(不過我就只知一款大一款細size問我佢地個名就真係唔識),不過每款海鮮都好鮮好甜,反而刺身就覺得一般唔算好好味,所以主力都係去食回生蠔算數.另外熱盤都唔算多選擇,不過樣樣都好名貴如花膠/大魚/三文魚/帶子等海鮮;d花膠又真係炆得好淋身又好味,另外d蒸魚又唔錯喎.不過可能食得太多冷盤海鮮,所以熱食我都係試左少少算數都係留肚食甜品好過 最後我最喜歡既甜品精緻美味...當中最正係d一杯仔既甜品有jelly有chocolate mousse每款都好好味又唔算太甜.雪糕無記錯都係hagan dazs啦不過忘記左有幾多款口味..最後仲每人有一杯飲品其實這裡服務都唔錯呀,抵唔抵食就見仁見智啦, 環境都唔錯不過早dbook位要求坐係window seat會比較好view d

好多人都推介呢間, 試過之後覺得所言非虛真係好多人, 之前訂都訂吳倒, 今次終於食倒比我想像中選擇少, 不過如果每一樣一兩件, 份量就差吳多啦最喜歡佢既海鮮, 特別係龍蝦仔同生蠔。前者開左吳使自己折, 肉質鮮美, 後者雖然吳算肥美, 但勝在清甜。不得不提既就係佢地有好多款醬汁, 非常之正!!刺身都有好多種, 不過個人覺得一般, 而且可能係因為太多人拎, 佢一開始既時候切到好薄, 好細片另外意大利飯都係一個吳錯既選擇, 佢雖然飽肚,但芝士同cream非常惹味, 亦吳會因為太過遷就港人口味而整到好軟身最後想講既就係甜品啦, 慕斯, 麵包布甸, 仲有其他既蛋糕, 都吳少選擇。甜品吳單止食味好, 賣相亦一流, 一次過食倒咁多款, 抵晒啦!!除左以上呢d之外, 仲有吳少正野, 真係值得去食!得閒去我個blog度睇睇啦http://hk.myblog.yahoo.com/food_talk2008

龍蝦: 好多人排隊, 好快REFILL, 肉質OK, 食了一隻, 都係熱龍蝦好味一些; 生蠔: FRESH, 但細隻, 只食了二隻; 加菲蟹: 好好味, 三文魚: 好FRESH, 超水準, 食了3 rounds.黑椒蟹: 好香黑椒, 少少spicy, 大大件, buffet食物有大廚風範, 正正正, 食了3 rounds; 蒸魚: 好滑, 鮮甜, 汁好味; 花膠: 不夠”林”, 太飽, 食了少少; 海南雞: 選了雞轉彎部份, 好滑; 炒時菜, 中和一下, 好清好味.太飽了, 最後衝刺甜品, 雪糕一般; 蛋糕好甜字; 生果很少choice.餐飲叫了檸蜜, 細細樽蜜糖, 好cute.用HSBC Greencard, 兩位差不多$800.總 括:　好好味的海鮮餐, 值得推介.

一行四大人加一個BB (三歲以下免費)，仲一套膠製的餐具，可惜個BB得三個月大享用唔到呢個優惠。今次食了很多嘢:冷盤: 龍蝦 - 好難先搶到大隻的，貨源絕對充足，有膏的好吃好妤多。生蠔 - 好細隻，海水味重，TODAI的比較好食。加菲蟹 - D膏好好食，但肉就同一般蟹冇分別。帶子 - 鮮甜但細小。赤貝 - 好新鮮。三文魚 - 好有三文魚味並唔係一般日本餐廳仔水準。熱盤:花膠 - 女人必食，好大隻，好滋陰。咖喱魚 - 超好味，惹味。蝦丸 - 蒜味的，食得出係新鮮打出來的。蒸魚 - 好滑。甜品:雪糕 - 竟然八點半就冇晒士多啤梨味，好過份。PUFF - 朱古加味勁正，D朱古加好食到似GOVIDA其他甜品都好一般，得個甜字，唔好食，但生果亦都唔夠甜，芝士配脆脆餅就好好食。包埋一杯餐飲，當然係飲貴嘢咖啡啦，都唔錯。

3/7/08之前去過萬豪酒店大堂 the lounge 食lunch buffet. 都覺得幾好.點知今次俾多少少$, 去5樓食, 質素比 the lounge 更好. 主攻生蠔, 三文魚刺身, 加菲蟹, 等海鮮及刺身. 其他熟食就食好少. 不過花膠都幾好食 .

前排同女朋友去慶祝一週年紀念日，好彩預先book左位，否則walk in入去都冇位......呢間酒店係朋友介紹，去到見到食物檯，真係嘩一聲！因為好多海鮮食！！！龍蝦、螺、生蠔......樣樣都好新鮮！其他既野食冇咩特別，可能我食海鮮食到飽晒啦......要留返ｄ位食甜品！而甜品方面都真係一流！好少食甜品既我，對住ｄ蛋糕真係忍唔到！聽一個做食品既朋友講，呢度既總廚係好出名！試左之後，真係不得不認同！埋單每人４００幾左右，價錢好似好貴咁，但卻食到自己想食既野，呢個價錢係抵架！下次有機會，再黎呢度食個Tea自助餐先！呢個係我第一次寫comment，都唔知應該寫ｄ咩好？

Best buffet I have had. Half lobster, crab legs, Snails, prawns, oysters etc... Desert, a little too sweet, beautiful but to eat, ummm.....

13 Jun - dinner buffet以4/5 星級酒店來說, 以大概$400一個Buffet dinner黎講, JW marriot 實在令人太失望. 唔會再幫襯.食物: sashimi 得大概4-5款. 凍海鮮亦唔見得好多選擇. refill 速度慢. 熱食選擇唔多. 甜品算是最多選擇了.服務: 非常差. 難以接受. waiter 先後2次收碟時將碟/盤內的汁倒在客人的seat/物件上. 第一次, 好彩只是chair污漕了, 換了就可以. 第2次, waiter 把汁滴了在我的手袋（只買了２個月，＄５０００）上. waiter於是叫經理黎. 經理P第一唔想承認係佢D同事出錯. sorry 都唔想講. 經理說要請示上司才知道怎樣處理。（經理都唔知點處理?) 後來經理P拿走我的袋去清理. 事隔２日， 經理P帶住一個被佢地用水洗過既袋給我。污漬沒有了，但袋的布變得不平滑了，肉眼也可看見'傷痕’。於是我們告訴叫經理P袋已殘了，我們不接受，更質疑他為什麼會用水洗袋而不是找專業人士處理。他說是上司教他的。　　真是難以置信。我們更叫他根據酒店的proce

我食過好多自助餐, 發現呢間自助餐的中菜最好, 我本人不太愛吃甜點, 生蠔熟龍蝦, 但最愛中菜, 可惜一直以來, 在間間自助餐中, 都沒幸吃到有水準的中菜, 果晚陪朋友慶祝生日, 人人都在排生蠔時, 我就去了中菜果part, 看見新鮮熱熱既炒蝦球帶子, 就第一時間拿回去吃, 朋友還在排生蠔呢(看著朋友, 特別yummy yummy), 該個蝦球味道上有酒樓既中上水準喔, 果次d蝦球炒的真好, 在旁有一大條大青班, 但我沒拿呢, 因為魚身不夠熱, 魚骨不貼魚肉, 太熟沒拿去吃, 一堆國內同胞在撿這個, 希望他們不要罵條魚不夠好啦. 一堆人拿完生蠔後, 大大才去撿, 雖然本人唔識食生蠔, 但本人肚子是衛生局二世, 一吃就知乾唔乾淨, 簡稱易肚痛, 雖然宜家d生蠔無一年前咁大隻, 但還是可以吃下去, 熟半邊龍蝦都不錯, 雖然不是中式煮法, 但本人也吃了5,6只呢, 回本勒回本勒. 甜品都不錯水平, 湯都不錯, 但芝士有很多種, 有些芝士都很貴重, 但吃的人不夠多,,,,,,, 哈哈其他有待慢慢發掘