萬家廚房 (已結業)

昨天有幸能夠準時放工和同事一行五人一起浩浩蕩蕩去吃宵夜😌由於其中一位同事介紹大家去萬家廚房，於是我們二話不說就去了😝有電視有看過萬家廚房的專訪，就知道買家廚房講求的用料、購入的食材也標榜是來自日本，一切都講求新鮮。專訪中得知萬家廚房不會講求速度，會認真慢慢地製作每一道菜。如果不是同事介紹的話，我自己應該不會去食這間餐廳。因為我就是一個不能等的人，即使食物再好吃，煮得太慢，我也是等不了。廢話不多說了，直接說這間餐廳的好壞吧。我們邀請了老闆介紹我們今天推介的是什麼，老闆一輪嘴的說，說我幫你點鰻魚、玉子燒、野菜、水母.... 根本就是點一些她希望我們點的餸，所以我們不用他介紹了，還是自己看餐牌吧。說到水母，我和另外一位女同事都不斷拒絕說不點這個，可是老闆依然為我們推薦水母，說這個是必食的，你們試過就會知道好吃。在這事情上，令我覺得老闆實在太自我中心，有點煩氣....講返食物方面，可能由於標榜新鮮同出產地，價錢亦都是海鮮價，比起一般的日本餐廳貴。食物質素則平平，不是特別可口。我們用了＄98點了一個松露玉子燒，味道非常鹹，已經吃不出蛋香了，根本不值這個價錢。然後我們還點了沖繩阿古豬腩飯($148

其實見到openrice上有好多佢地既差評好唔開心因為作為一個西環人 見證住佢地既變遷 雖然地點變左 但人情味依舊超級無敵推薦鰻魚飯同玉子燒！梅子酒/檸檬啤酒都好好飲！極度推薦 同銅鑼灣d居酒屋比 相對價錢平 質素又高～希望大家都會支持啦！好多野都係自己試過先知 回頭客係度！

新屎坑走去試新野 ，真係怕怕!只是食左兩個餸，一個巨鰻魚飯一個海膽玉子燒，等成粒幾鐘先食到，仲要兩個味道一般都算，最慘係食完第日又屙又嘔，海膽唔新鮮，再加啲蛋根本冇煮熟，腸胃幾好都腸胃炎啦！

第一次來吃。因為當晚就只有老闆一個在店，所以他先請我們坐下等他，的確等了大概半小時才有茶水和餐牌，但很快就有鰻魚飯上枱，味道好，態度好，總結就是等不了太久的都市人，就跟此小店無緣了。亦因爲事前有在Openrice 看了一下，發現連續3個負評，但發現原來事實又非這麼壞，所以刻意要為老闆澄清一下！必要吃的是鰻魚飯和玉子燒(我吃的是明太子)。

這夜相約識食好友來試吃波哥大廚主理的巨大鰻魚飯，朋友吃過後都說物超所值，巨大鰻魚既大件且多汁，珍珠米飯跟鰻魚一起放進口中，感覺咬口一流，回味無窮值得在此推介這個特色巨鰻飯喜愛這小店還有一個原因，就是被這裡的人情味及充滿家的感覺所帶動，每隔一段時間，就好自然要回來這店品嘗波哥靚湯及他所主理的特色小吃每一次光顧都能令我吃到心滿意足地回家這些充滿愛與溫暖的家庭式小店，在香港已買少見少了所以，一定要在這裡推介使它可以繼續在西環發光發亮

真係唔明點解會有咁多報刊 網站 不停讚呢間餐廳. 究竟 係因為我唔係記者 所以比D難食嘅嘢我食定係點我可以講係我一生人出去食嘢 比得最唔順嘅一次, 我同朋友坐係入面, 坐咗係到好耐 都無人理到我地 咁我就自己去攞餐具啦. 咁我地坐多一陣,見佢咁忙 就問佢攞茶, 佢得一個人, 又要serve另一邊客. 咁謂有等再等 問佢有無湯,佢話賣晒 .之後再問佢,有無招牌飯啦,又話要等好耐.咁好啦 , 咁我叫餛飩雞, 又無. 咁我再問佢 有無雞飯, 又話無, 真係百無.咁我地謂有叫個蠔飯, 嘩!個隻蠔得手指尾嘅1/3咁細, 其他全部飯. 叫羊架, 食得嘅部分,得3粒,最大個部份係骨, 要成$88. 其他唔駛講啦. 你地真係再去食嘅話 祝你好運 亦希望老板 比D嘢食客時 都對得人 拜得神 

一位熱誠的師傅招呼介紹食品，叫咗招牌巨鳗鱼飯(肉質好滑有質感)，蠔飯，黑糖薑豆腐(豆腐味好軟淋)明太子玉子燒，因為我係食六点等咗半個鐘就有美食，其間己開始多人但師傅態度仍熱誠价绍食品及招呼客人，因人手不足想速食的你這裏不適合。因為係一間小舖自己同太太做晒，所以要長DD時，大家要體諒。香港主張慢活，這裏係一個好選擇…

食左個雞湯拉麵同曼魚飯 好味😋😋 個湯好鮮 飲得出係老闆用心用左好多材料煲 冇味精味 雞又滑 面嘅軟硬適中 真係好好食 朋友叫左個曼魚飯 唔洗一百蚊 有大大條嘅曼魚飯 好抵仲有椰菜焗金菇配沙律醬 好新鮮嘅配撘 唔錯 。全部都係即叫即整 仲要老闆親自整 睇得出真係好有心

夫妻檔，食材質素上佳，味道更是令人垂涎。多次光顧，無論單刀赴宴，還是三五知己共聚，此店絕對是一處好地點。毗鄰港鐵堅尼地城站，而又避免如吉席街與卑路乍街的繁囂。位處一角，客人依然絡繹不絕。正所謂，有麝自然香，不必當風立。最近大熱的巨鰻飯，份量超額，味道堪比日本百年老店。此店，已成為小弟每月一去的習慣。除了味道之外，就是知識吸引了我。老闆並非賣弄技巧的「技工」，而是真正瞭解、理解食材的「達人」。曾經一次閒談間，從老闆口中認識到有關菜式的歷史，不管來源、處理手法、配料等。簡單一頓飯，豐富了胃袋之餘，更豐富了腦袋。

星期六晚二人去試。廚師、企堂、清潔、收銀都係得一個人做埋。茶水自必然欠捧、提佢一次要茶都無理會，算了！叫三樣餐牌上嘅食物，完全無。諸多藉口 : 貨未到、質地唔靚、下星期至有……。硬消巨鰻飯，話正，枱枱都叫。梗係哪，只推薦巨鰻飯，一係就得牛肉飯，無第三樣選擇。惟有冒險試巨鰻飯。睇住佢用微波叮，OMG，完全無燒嘅風味。最恐佈係佩中國大䓤加中國椰菜，感覺在食中國餐。倒不如去百佳買返屋企自己煮。星期六晚份屬旺場，但只得到以上所述待遇，可想而知，關門笠先兆！

兩個字-垃圾去到門口環境叫做有d特色 好似好有人情味既一間小店 但係入到去其實完全唔係果回事間野似係兩公婆一齊做 態度可以用差黎形容 叫極都扮聽唔到 order野食既時候又表現到好唔耐煩 似係唔想做生意咁 仲話咩日本居酒屋 可以講係同日本果d係差左十萬八千里另外個老細都唔知識唔識煮野食 全部菜都好難食又等得耐 我估佢係無學過正宗日本菜 所有野都係亂咁整 樣又唔好睇 味道緊加係唔得 我寧願自己係屋企煮丁面食價錢亦唔算話好平 可以列入十大伏店

呢間野真係唔掂..成餐飯等左個半鐘先食完等最耐個雞軟骨，同我地講五個字，最後等左個半鐘。黎到..$118..一碟唔知有冇廿粒，見住佢用個鑊炒，同我講焗。野食質素唔講咁多，普通野，個走地雞拉麵同飯係可以接受嘅價錢，但係個雞軟骨食到火都黎我明白一間舖得兩個人係唔夠人，但大佬，坐左個半鐘等你個垃圾雞軟骨，你早啲上菜都無咁嬲舖頭有送返個玉子燒，但完全補償唔到啲時間；老闆娘啲朋友黎食，啲餸係咁上，我地就坐左九個字先有第一碗野上，根本唔係做街客生意結論：🐶也不x, 浪費你人生好多時間

早前睇到報導話老闆去過日本下鄉學習最純粹的日本風味，立即去試一試。招牌巨鏝飯唔洗講，實在太大條喇，成隻手臂咁長呀，同埋用的係河鰻，肉厚骨小，配上自家製嘅鰻魚汁真係好好食呀另外生蠔飯一定要試，半生熟的蠔係底，上面係自家製日本醬汁，有d炸烤的洋蔥係面，上面係芝士面重的沙拉醬飯味，下層係清新的米香帶生蠔的海水味。招牌玉子燒流心蛋，配海膽，一切開蛋汁和融化的海膽流出黎。真係好好食，不過價錢略貴，份量有4件左右較細。不過聽講小店裏裏外外都係用日本貨，雞蛋仲係用無激素嘅雞蛋，所以都係值得一試。最好呢個黑糖薑豆腐 的甜點，真係好味，清得黎亦好消膩。好味！

不可一不可再價錢唔合理又等得耐3個人食個飯食左個半鐘 有8成嘅時間係度等 其他人唔知以為我地食放題呀環境又唔好 張張抬走左都冇人汁 有人黎坐先汁 有冇懶到咁呀 仲要求其搵紙抺下布都冇條 $120個雞軟骨 仲貴過我叫哥個飯（我個飯係$50 姐係1個雞軟骨係貴過2碗我叫哥個飯）貴唔係問題呀你俾番$120嘅貨素同份量我呀 又唔好味又少 得個幾粒餐牌寫焗雞軟骨但我見佢係到炒 大佬識唔識中文呀我叫嘅冇一樣同我相像一樣 如果大家想食一餐充滿驚喜 啊唔係係驚奇嘅晚餐絕對可以試下垃圾！！

相信住西環既街坊對萬家都唔會陌生，呢間之前一直都係天光買日本食品，入夜做日本料理既舖頭，貫徹西環特色小店既經營文化。早排知道佢地因為加租問題而停業都覺得好可惜，好開心最近得知佢地休息左幾個月終於係原址不遠處重開，所以今晚一於黎拜訪下新舖。環境：以前前舖得兩三張枱，只夠容納幾個客人，新舖冇左做日本超市，反而將所有位置用黎做日本餐廳，多左好多位之餘，亦有將容納到比較多人既坐位用布隔開，增加大伙先聚會傾計既私隱度之餘，又唔怕大聲得濟會嘈到其他客人。而且呢度既裝修非常日本風而且舒服，整個環境有點家既感覺。服務：一入舖頭老闆已經好好招待，指既並唔係一般香港日式餐廳一句日文既歡迎光臨咁簡單，而係真係同你傾計，再拎住menu夠同相黎同我地介紹有咩推介，今日有咩新鮮運到，舖頭得老闆同老闆娘兩個人應付十幾個客都堅持有咁既服務太態，真係太難得喇！衛生：終於係新舖，地方當然新淨乾淨，相信老闆都好注重環境同衛生，例如廚房係開放式，但一d都唔覺有油煙或者大陣味。味道：先講個蟹捧拉麵，老闆曾經講過呢度既拉麵都係日本運黎既，我信架，因為試過味道同我以前係樂天網站訂番黎既日本拉麵味道相似！不過希望有多少少蟹肉就好喇！