華

營業中

休息中

喺附近食完晚飯，見時間尚早，就行左過黎西九食雪糕。呢間雪糕店招牌係牛乳8.0，仲有供應朱古力、抹茶、山梨縣愛文芒果及限定嘅波子汽水口味。見到仲話陸續輪流會推出其他限定口味，例如白桃、巨峰提子藍莓等。另外有水信玄餅、牛乳布丁、紅豆抹茶蕨餅杯、蝶豆花茶、曲奇牛乳特飲。要喺西九龍呢個地段突圍，確實要推陳出新，畢竟有太多平價雪糕店。凡like店家fb或ig，限定口味軟雪糕（波子汽水、愛文芒），第二杯（果味）可享半價優惠。上次已經食過牛乳8.0，確實好味，今次係一心試上次食唔到啱抹茶盆栽，優惠就留待下次。抹茶8.0盆栽 $30講過無數次，自從去完韓國食過屎型雪糕，我就抗拒唔到喇。講賣相，唧得有少少差勁，冇明顯幾層雪糕，抹茶粉亦都比較疏落，接過手上已經溶溶地…如果去手作之店或者隔離車仔檔買十蚊幾球雪糕，當然唔會苛刻、小心眼研究唧成點，但如果俾多左幾倍錢，講究一下賣相都無可厚非。抹茶8.0，其實就係店家啱招牌牛乳8.0雪糕，面頭灑上抹茶粉，旁邊插兩枝kitkat。呢杯其實係喺面頭加抹茶粉，只左粉抹，味道薄弱，加上牛乳太搶鏡，面頭層粉冇左後，同食牛乳雪糕無異，對於抹茶呢一環有少許失望。奶味依然好濃烈，

早排系FACEBOOK大熱嘅抹茶盆栽雪糕就系出自西九龍中心嘅「華」有機會入到深水埗第一時間就走去試試啦⋯可能已經hit完啦去到都無人排隊無人等緊睇完一輪menu發現佢嘅抹茶盆栽雪糕只系牛奶雪糕上面加一層抹茶粉反而限定嘅櫻花雪糕就幾吸引二話不就嗌左啦粉紅色呃Like無難道可惜食落口失望了完全食唔出櫻花嘅味道反而就食到梅子嘅味道又唔系難食嘅不過唔系想像中嘅味道🙈而且有少少咸咸地嘅味道都幾開胃嘅質感就有D似雪葩而唔系雪糕啦🙈下次都系食返牛乳雪糕可能更吸引

見新假期個d sell得甘勁本身都擔心會伏，好彩呢杯雪糕係堅高質😂抹茶8.0盆栽 $308.0牛乳雪糕算實正小小甜，加上海量抹茶粉一齊食個下好爽皮。抹茶粉偏苦，配上甜甜地既8.0可以中和翻！個2條kitkat純粹裝飾，配雪糕食冇咩特別😂😂

韓國興過一排定唔知興到而家 (好似係) 既屎屎雪糕終於殺到黎香港有得食！但最驚喜唔係個屎屎造型，而係 8.0 極濃牛奶雪糕 🤤——————————————————————#抹茶盆栽 $30最期待既畫面出現了，終於食到造型靚既既屎屎雪糕！係一杯牛奶雪糕加抹茶粉，牛奶雪糕不再是什麼 3.5 3.6 3.7，進化成 8.0！真係極濃極重奶香味 🤤 大概係我食過最好食既牛奶雪糕 😍 而雪糕上面加左好多小山園抹茶粉，溝埋食又另一番風味，我中意食左面頭果浸抹茶粉之後再淨食牛奶雪糕 😋 另外要小心比啲抹茶粉 chok 親，但如果男士們如果想型比女士們睇，不妨可以 chok 親一下 😎#粉紅樹 $28巧令牙 😍 迷死人個女咩 😳 個牌寫住係日本新鮮士多啤梨製作而成既雪葩，士多啤梨味係有的，但係有啲似人工藥水味，加上太甜，唔係我杯茶 😂——————————————————————華 Hana Soft Cream深水埗欽州街 37 號西九龍中心 6 樓 628A 號舖

勁多food blogger 讚好, 我親身去試綠茶盆栽, 首先,非常細杯!! 同D 軟雪糕爭得遠! 但買得比大杯軟雪糕還要貴! , 就是因為多左支KIT KAT 朱古力?二, 無抹茶味! 係有抹茶粉, 但一D 抹茶味都無, 講咩叫自己抹茶雪糕三, 似正常牛奶味雪糕LAW, 奶味都有GE, 以佢係牛奶雪糕來計, 無驚喜四, 唔太甜, OK呢一款就真心唔抵食, 其他軟雪糕應該可以一試GE

成日經過西九都無食，係見到新假期先去食巨峰提子+白桃白桃比巨峰好食一點，但....真係普通雪糕綠茶盆栽呢個形狀好似💩.....🤣，不過真心呢個幾好味，綠茶粉好多，成個雪糕都係，正，又唔會太甜，呢個值得再食，不過果兩支朱古力可有可無，雪糕筒似m記果種我麻麻地。

今日見到 x假期介紹這店新出嘅巨峯提子味和白桃味軟雪糕，便在晚飯後即刻到西九龍中心去買來試試。一個人食，但又想試晒兩種味道，當然要叫雙色扭紋雪糕。淺紫色配上淺粉紅色，外表非常吸引。這店話用了北海道牛乳，但食時食唔出有牛乳味，食到提子味同桃味。口感方面，完全冇軟雪糕嘅軟滑質感，與東海堂的軟雪糕相差很遠。雪糕又很快會溶掉。

今日同閨蜜👭去左深水埗行街🛍，順便掃街😋～食完炸雞🐥之後，為食既小妹拉埋佢地去食甜品😇。呢度既雪糕味道都非常吸引😍：櫻花、抹茶🍵盆栽、特濃牛乳8.0🥛... 仲有水信玄餅添！全部都想食啊🤤！店鋪都幾多人排隊👣，我地都排左5分鐘左右...櫻花軟雪糕(L)($24)：櫻花軟雪糕🍦系日本直送✈️架(已經即時加左吾少分🙊)，仲系期間限定添🙂！當我地猶豫緊買大杯定細杯既時候，店員好細心咁話比我地知個雪糕幾重梅味😜。個人覺得雪糕質感比較似雪葩🍧，都融得幾快💦，要影相📷既朋友要快手d喇～食落甜度適中👌🏻，帶點微酸，櫻花🌸味不太重。呢度既軟雪糕價錢都吾算貴💰，未有假期飛去日本🇯🇵賞櫻既朋友可以食住櫻花雪糕望梅止渴先啊😆！

琴日偽文青去西九龍中心 #華 #hanasoftcream 食抹茶盆栽 雪糕上面灑滿了抹茶粉 入面就是北海道8.0牛乳🍦.雖然是抹茶控 但我覺得抹茶粉多了一點 有點苦 感覺似食梗綠茶粉😅 可能灑少少 會易接受一點 而8.0牛乳雪糕 牛奶味重 好似食梗牛奶糖咁😆甜度剛剛好😌.如果下次再食 我會選北海道牛乳雪糕8.0😛..三個90後吃貨不斷開心share美食💓💡Facebook:三個90後吃貨 3bad_foodies🚩Instagram: 3bad_foodies📍OpenRice: 3bad_foodies 歡迎在不同的平台 繼續留意我們的推介🙆🏼🙇🏼‍♀️大家亦可以向三個吃貨介紹美食👻我們一定會去試👅#愛吃也愛分享 #三個90後吃貨 #3bad_foodies#三個90後吃貨_深水埗美食推介 ...華 (深水埗)深水埗欽州街37號西九龍中心6樓628A號舖

只係開業左半年有多 但去到每次都現人龍，都未有時間排。今次終於都試到你喇又係綠茶控同雪糕控嘅我，絕對唔可以錯過Hana Soft Cream8.0牛乳及宇治山政小山園抹茶雪糕。雪糕仲配搭左kitkat抹茶味朱古力每杯售價$308.0牛乳確實唔同啲， 好濃、滑、香，而且加埋濃濃抹茶粉配香滑牛乳雪糕無得輸。仲有個期間限定櫻花雪糕，只做到四月咋，想試就趁早喇。大杯售$24細杯售$22仲可加錢配朱古力脆皮筒或雙色扭紋。

深水埗雪糕店裡面，我最鐘意食呢間店嘅雪糕，健康好味又平。最新推出春季限定的櫻花味雪糕（大$24/小$24），以新鮮當造的櫻花製作，雪糕有粒粒嘅櫻花葉碎，入口清香，甜度適合，有點像日式和菓子的味道。櫻花口味咋暫定只會推出只五月中，所以想要試就趁早喇~！除咗超級specialの櫻花口味，仲有一款大熱口味絕對是抹茶8.0盆栽，造型最靚嘅屎屎ice cream！鋪滿抹茶粉嘅牛奶雪糕，抹茶粉系來自宇治山政小山園，味道甘香濃厚，絕對能滿足抹茶控嘅要求。

早排見到ig有唔少人介紹西九呢間雪糕店，比較多人分享抹茶8.0盆栽，不過我第一次黎，決定先試佢地嘅北海道牛乳！除左呢兩款，仲有意大利黑朱古力、櫻花，可加錢選配朱古力脆皮外層、朱古力脆皮筒、指定雙色扭紋，另外仲有蝶豆花冰茶、水信玄餅。抹茶8.0盆栽櫻花餐牌：北海道牛乳8.0 $24/大因為平時食雪糕，就算係牛乳味，都頂多係3.6牛乳，呢類型嘅雪糕價錢都唔平。今次見到呢度有8.0牛乳軟雪糕，期待感都幾重，因為齋睇數字，感覺濃過3.6好多。呢款雪糕分(S)$22、(L)$24兩個size，因為我之前冇食過，唔能夠比較，但爭兩蚊我都係點(L)啦。老闆(店員?)話當日特別啲，會free轉做日威化筒（圖中）牛乳味果然好濃郁，感覺食緊雙皮奶，日本進口，加左呢幾隻字，心理同實際上都覺得好食左。雪糕質地幼滑，食落creamy但唔膩，奶味重，果然係招牌感覺都溶得快，所以都唔敢影太耐。至於特別唔洗加錢都食到嘅威化筒，睇個樣以為係M記新地嘅雪糕筒，但食落完全唔同。呢個威化筒較薄身、香脆，帶微微威化餅味，唔係快餐店嘅空氣威化。雖然都幾好食，但我個人比較鐘意平時食開嘅雪糕筒~今次我地專登過黎食架，好在都冇失望。雖

上星期睇到網上有人介紹及相片，這間“華”抹茶盆栽雪糕好好味，於是今天特登走去試試，去到點知竟然要排隊，不過只係等了約5分鐘，滿心期待，點知………原來係麥當當的$2.5雪糕筒，面頭加了勁多綠茶粉同2條綠茶味的 kitkat，盛惠$30，真的中伏了，可能係期望越大失望越大吧！！！

這間日系雪糕店以8.0牛乳雪糕做主打,價錢比西九龍中心其他平民雪糕店高。友人說一定要先試試原味，即8.0，因為平常都只有3.6牛乳，8.0倒是頭一趟見識到。可是眼睛瞬間被粉紅廣告牌吸引。櫻花和粉紅都是我的心頭好，真的很難抗拒。真實版比廣告的吸引力稍減，唯有說是色差的緣故。的確欠缺了櫻花作場景，感覺自然較失真。味道方面，只能說是淡淡的藥水味道，加上一點點微酸。就連愛極粉紅櫻花的我也忍受不了。至於不會以貌取人的友人選擇了原味8.0牛乳加朱古力脆皮，不知何故雪糕溶得很快，未開始吃已不停湧出來，吃得有點狼狽。味道方面是軟滑的，且牛乳味特別濃郁；但口感就因雪糕溶得太快而打了折扣。

向來對牛奶雪糕不感興趣，尤其是當嚐過坊間數間雪糕店的牛奶雪糕質素甚至比連鎖快餐店出品更差的時候，早已對牛奶雪糕失去信心。這間位於西九龍中心的雪糕店主打8.0特濃牛乳雪糕，看到它與抹茶Crossover才鼓起勇氣再嚐一次坊間的牛乳雪糕，看看會否能令我另眼相看。抹茶盆栽 ($30)以招牌8.0牛乳雪糕為基底，然後灑上丸久小山園抹茶粉，並非抹茶雪糕。牛乳雪糕非常軟滑，奶味極之濃郁香醇，抹茶粉濃而帶甘，不過因為只依附雪糕表面，所以不會蓋過雪糕奶香，威化筒與連鎖快餐店出品差天共地，香脆而毫無受潮變韌之感，相當出色。兩支抹茶KitKat作為點綴，朱古力的抹茶味在丸久小山園抹茶粉相比之下當然顯得微不足道。的而且確，這間雪糕小店的牛乳雪糕絕對優質得令我驚嘆不已，是我目前在香港品嚐過最美味的牛乳雪糕。除了牛乳雪糕之外，更有限定款式雪糕——近期為士多啤梨雪葩，以及特濃朱古力雪糕，其出色的抹茶盆栽絕對令我有十足信心及興趣再試這些其他口味的雪糕。