華都茶餐廳 (已結業)

其實一坐低叫吉列魚早餐侍應唔知我講乜嘅時侯就應該知道架啦，塊魚細細舊都冇手掌咁大，而且中間未煮熟，麵包上面嘅牛油又未溶，生勾勾噉望實我，煎蛋同兩塊火腿都半死咁滯，完全唔值$33。埋單嘅時侯明明張紙寫住幾多架啦，仲好意思再問我食咗啲乜，同埋飲凍定熱！侍應識做嘅就應該話冇晒魚，或者將呢個套餐由餐牌度delete咗佢。我見其他人叫嘅嘢啲份量都幾大吓，覺得完全俾佢哋呃咗噉。隔離個間茶餐廳好食好多，雖然人多但係如果好似我噉貪快過嚟呢邊少人嘅地方食，一定失望。我都食唔飽，諗住過去添。會頭是岸呀。