華記蠔仔泡粥泡飯專門店 (已結業)

我作為香港芫荽黨黨員 的一份子叫個蠔仔同粉腸豬膶走麵加$3芫荽蠔仔粥個湯底好鮮好香蠔仔係細粒，不過都飽滿潮州粥，梗係食粒粒米，最怕黏淋淋，佢得呀，魚香底,(方魚肉碎d friend)蠔仔爽脆個蠔仔蛋餅一般般，叫佢係蛋餅係正常不過，唔係佢講的“蚵仔煎“粉腸豬膶很ok,如果厚切豬膶就不得了

第一次食潮州粥 啲米可以係唔熟嘅因為我係叫外賣所以打電話返去同佢講佢個態度就係好似我呃佢咁樣俾錢受氣千祈咪幫襯仲要唔係黃店毫無幫襯價值呢啲咁嘅餐廳係絕對唔應該助長

今日路過上水，誤打誤撞去左華記！結果愛上左呢間餐廳！我同男朋友2人分別叫左2 碗粥。因為我係蠔既愛好者，所以即刻點左蠔仔肉碎粥，而男朋友就點左胡椒豬肚粥。我地另加左瑞士雞翼做小食！個人比較鍾意胡椒豬肚，比較入味！呢間餐廳一定會再去多次！

係翻屋企又未食飯既路上，不斷留意附近開咗啲咩餐廳，由於又唔想食嗰啲好普遍嘅泰菜，日本菜，米線，呢d幾乎都食到厭，倒不如整碗清清地嘅粥可能黎得更開胃。呢度嘅招牌大就大，但就唔係話好搶眼，招牌寫到明食蠔仔粥泡飯，其實都幾少見。佢係係地舖加用透明窗同門，所以係外面都會見到入面嘅裝修，睇落環境細細但五臟俱全，多人幫襯既話其實都有d逼！落單叫左碗方魚肉碎粥，加碟瑞士雞翼，雞翼幾入味，但浸得太耐，d皮已經淋哂，雞翼已經唔再漲卜卜，其實都好難取捨，漲卜卜個陣又唔入味，滾得耐又令雞翼甩皮甩骨咁。但味道都係中上！方魚肉碎粥好足料，不論係魚同肉碎都比左好多，同粥既比例幾乎係1:1😱👍🏻👍🏻粥咬落好有口感，一粒粒咁，唔係綿綿個種。似係即叫即滖👍🏻。仲有好多生菜，令粥既口感更多元化，食落仲飽肚仲健康！

操完泰拳太疲累唔想煮是但街食，一向不太喜歡連鎖快餐店，燉奶佬門口望望餐牌都係不感興趣，想食潮州粉麵但潮興旺休息。我明明行緊返屋企架喎，點解坐低食即食麵既？好靈異啊﹗終於神推鬼擁走到華記，百無聊賴食食食﹗放假唔知可以重幾多，下星期先還，食左先講！食定唔食，還得到先好食！埋牆臉壁位多塵黐笠笠，好可怕！有位即轉回中間，舒服多了！已幫襯過好幾次，發現年青廚師明顯烹調技藝比叔叔廚師低幾班，而且出品偏清淡，賣相馬虎不討好。教我如何是好？情何以堪？神州村童開大喇叭打機，神州老母一於少理，仲要擘大喉嚨講州語搭譚仔話！白背脊男有樣學樣累鬥累，開大喇叭睇片與其抗衡。我帶住耳機聽音樂都未能掩蓋聲浪，比餐安樂茶飯我食好麻？騷擾到我呀！蠔仔肉碎粥全走，靚姐姐不厭其煩問多幾次確認，菜要嗎？蒜要嗎？薑要嗎？幫我走晒綠色就可以咯，謝謝。在用餐期間，不斷有食家親臨買蠔仔粥外賣，似乎深受大眾歡迎喎！年青師傅毫不手軟，倒入大量蠔仔齊齊滾，大大粒不是幼稚園，起碼都小學喇！肥美結實，夠嫩夠滑，陣陣可口蠔鮮味，不腥不嗅。搭上燙滾蒜香肉湯更美妙，飯粒煲得透徹濕度高，質地軟綿，食得舒服拍手掌！加入豉油胡椒粉點綴一下，更加食不停口，清

今日專登嚟到上水，食蠔仔粥。餐廳位置，近民居。喺火車站落車行15分鐘記就到。上水變左多多😥自由行多，藥房多去到餐廳，鋪位唔算大。由2夫婦經營，老公負責煮野，老婆負責門面。我地分別叫左個1）蚝仔粥同2）豬膶粉腸泡飯。1）蠔仔粥 $45好多蚝仔，同芹菜，生菜絲鋪面。唔鍾意食芹菜嘅朋友，記得要先叫走芹菜。-蠔仔好新鮮，粒粒都好飽滿，脹卜卜。-配芹菜，原來好match. 我見老闆係鋪面放左芹菜曬太陽🌞，唔知係唔係因為曬完d 芹菜會乾身d 同香口d。-湯底，鮮味好足，唔太似味精湯。我差唔多成碗飲哂。連埋芹菜同生菜，口感豐富5分我比4分（1分失左係乾炸蒜粒，因為太硬，食粥時食到又咬唔到。2）豬膶粉腸泡飯$40-豬膶薄切左小小，但算煮得岩岩好。唔會好硬身-豬膶粉腸都算新鮮， 粉腸無苦味。呢碗高膽固醇泡飯，味道正常。唔算特別。2碗簡的話，我推介蠔仔粥。

老闆本來係做魚蛋粉面佢啲手打魚蛋真係好正 但係執左上次路過見到老闆就衝入去食 但原來而家已經冇做魚蛋粉 轉行做泡飯四個人叫左三碗泡飯 呢個唔記得咩名係好食既炸魚粒為泡飯加左啲口感 感覺好夾 料都好足但另外呢兩個味就不過不失囉 料係多既 不過真係冇咩特別 如果為泡飯黎食就可以算比起泡飯 蠔仔煎同餃子真係好食好多睇相就見到餃子皮好薄 入面啲料好足都好食蠔仔煎都係好食既 相睇唔出 但每食一啖都有一定有料唔會話得蛋 最緊要係夠熱 小食唔熱就一定唔好食所以老闆應該搞錯賣點 改個名主賣自家制餃子同蠔仔餅會比較留到客

好鍾意食蠔仔肉碎泡飯，試過好多潮州餐廳，呢度算好一般。雖然呢度價錢都係便，但係都試過好多價錢一樣便又好食過呢間好多嘅餐廳。蠔數量唔少，但係好好好～腥，吞落去仲有少少苦，maximum 食佐4、5粒，都係一樣，終於都係放棄，只食泡飯。肉碎唔夠多，肥肉碎比較多，個人覺得肥瘦應相宜。又落佐好多疑似生菜絲來扮香菜，所以見到好多菜但冇香菜d香味。同埋冇鹹菜碎同薑絲，炸蒜頭碎又大粒又硬，好影響口感，胡椒粉又完全冇胡椒味😒上水好似唔多見蠔仔泡飯，凍嘅天氣食下d泡飯都幾暖，但係唔可以期望呢間嘅嘢食水準真係好似個名「專門店」咁高咯。

飯未煮熟又生又有⻣都比客人食仲要唔只一次同佢講又話有客人接受到係我哋覺得生雖然都肯換米粉比我地但明知生米都繼續比其他客人食直至有更多人投訴先覺得有問題非常令人失望我真係食過兩次生米

很久前來上水～ 是但亂入直升機餐廳 食過伏伏伏食後 驚驚 😂 ～ 在上水食飯 要做足功課～ 找到呢個華記 好像不錯 就試下啦 😁蠔仔肉碎粥 $45～ 咁多蠔仔嘅 😍～ 成碗粥嘅面頭鋪滿蠔仔 生菜 香茜～😊 下面仲有好多肉碎添～ 好足料 😘 蠔仔飽滿 味道鮮～ 潮式粥底煮得剛好～ 食完成身暖曬 冬天食會更幸福 😁～瑞士汁雞翼 $30/ 6pc～ 可以話佢入味，但浸得太耐 肉質變嚡了～ 😆 不過這價錢算抵食啦 👍🏻飢 point : 7 / 10

工作中午餐，去到呢間細細的小店食粥，店面細，桌椅好迫，簡單食店格局，本來坐靠醬面壁位，不過冷氣機滴水坐唔到，湯飯/粥款式比想像中多，又有一兩款飯，店面只有一個叔叔，廚房一個男仔煮飯，我哋人多，好在廚房快手，都唔使等好耐！蠔仔肉碎粥（$45）嘩，好豪華，根本唔係蠔仔，成碗都係大大隻蠔，蠔肉鮮嫩，又無蠔殻及沙，好鮮好味，粥底其實似湯飯，米飯索晒湯，加上菜碎同青蔥，好香好味！湯底鹹香夠味！好開心好味！同事食：鹹菜胡椒豬肚豬腸泡飯（$40）台底蚵仔煎（$30）汽水（$7）蠔仔粥好味，店員叔叔有禮有笑容，知我哋人多一齊，盡力安排我哋坐一齊！幾nice店家無廁所，要出外去公廁！蠔仔粥無得輸

新年假期好得閒，專誠去等友人收工順便食飯，實在太耐冇見了，上水也變了不少，友人介紹有一間蠔仔粥泡飯幾好味，聽到"蠔"，已經吸引左我了，上網找不到資料，原來是新的店子，友人帶領之下，加上見到好大個招牌，順利去到了，8:00時段好多人，幸好有兩個位子呢。 是一間小小的店子，沒有甚麼修飾，牆上只有餐牌，木枱圓凳，十分實在的設計，坐位有點擠迫。 好多調味料。 來到必試下蠔仔粥呀。 餐牌，仲有其他選擇呀。 蚵仔煎，$30，煎得十分香口，內有好多蠔，好足料，口感軟腍，味道不俗。 蠔仔肉碎粥，$45。 熱騰騰的蠔仔肉碎粥，幾大碗下，十分足料，蠔仔份量多，每粒都好飽滿肥美，味道鮮甜，加上肉碎及芫荽味道更香口，入口豐富，幾好味呀，雖然有點越食越鹹味。 冬天食蠔仔粥好溫暖呀。

今日女友放假，特登入黎陪我，所以去左平時比較少去的地方，本身諗住佢會食下蠔仔粥，今次佢叫左蕃茄魚腩豬潤粥，而我就有少少飽，叫左個瑞士雞翼，個粥都幾足料下，而且個粥都幾大碗，味覺方面我覺得唔錯（雖然我女友叫的，但我都食左一部份）。本身想叫個小食，但店內的小食選擇很少，只有柯仔煎同瑞士雞翼，雞翼都算味道唔錯但不是很有特色，雞翼一客$30，有6隻的雞中翼，份量都尚算可以。整體而言味道同價錢都不俗，值得再試（我想下次會食蠔仔粥，我見人地果碗都幾多蠔仔）

好味大大粒出蠔仔泡飯，消夜好去處，又有街邊車位。方便車聚。上一代的上水人一定吃過。三个字，平靚正。有蚵仔煎，不太炸，不会太熱氣。新鮮家庭小店。本地好味小店。冇味精。

同屋企人去試蠔仔粥，方魚肉碎粥同蚵仔煎!應該係全上水最好食!有蠔仔鮮味，大家碗，新鮮!上菜都快!唯一地方細啲!!方魚夠脆身，有口，唔‘‘益‘‘!冇骨，價錢非常經濟!!