華記潮州滷水車仔麵 (民興大廈)

營業中

休息中

車仔麵係香港🇭🇰地道美食，款式可自由配搭，好味又抵食。 全港車仔麵店多不勝數，華記係其中一間車仔麵店表表者，不少明星都曾是其座上客。當日經過華記，人龍不太長，我哋趁機走進內叫了三餸碗車仔麵 、豬雜麵、 太陽餅和新鮮魷魚鬚嘆吓囉。三餸車仔麵 湯底選了清湯， 味道清甜，配上蘿蔔、雞中翼，巨型魚蛋和幼麵。蘿蔔清甜冇渣，雞中翼大大隻，肉質嫩滑， 滷水香味濃郁又不會死鹹死甜，不錯。魚蛋巨大，爽口彈牙。 每道餸都有起碼三至四件，非常十足。 好飽肚。豬雜麵湯底選了滷水汁，香味濃稠帶甜且不鹹，食完都不會覺得口渴， 豬什有豬大腸、粉腸、豬潤、生腸和豬脷。豬大腸洗得乾淨炆得腍，亦保留腸中油脂，令到大腸入口更香更爽。粉腸有咬口冇渣，而豬潤厚度恰當，爽口粉嫩冇血水，食落亦冇腥味。生腸爽滑滷水陳香味濃，豬脷鬆嫩。 誠意十足， 喜歡食內臟嘅朋友，不妨一試！太陽餅太陽餅係鮮蝦肉混合墨魚肉混合而成嘅蝦餅，炸得外皮香脆，餡料十足且新鮮，配埋泰式甜辣醬汁， 甜甜酸酸， 好惹味，正👍！新鮮魷魚鬚鮮墨魚鬚爽口彈牙，配秘製辣油 和醬汁，以及 放了大量芫荽蔥花，香口惹味。份量亦十足， 值得一試！順帶一 提，喜歡食辣嘅朋友，一定要

🐝太子|全港最正車仔麵成日都超多人排隊既車仔麵。一定要揀全部汁，少辣已經有一定辣度，湯底超正，係滷水汁，咖喱汁，腩汁，同清湯混合，好重口味，好正！每款麵都有得揀爽麵定淋麵！個人中意食爽麵。牛雜麵 $56 8/10油麵| 爽麵 | 全部汁 少辣有好多款牛雜，有牛肚，牛小腸，牛大腸，牛肺，牛膀。牛小腸同牛大腸好少係出面見到。牛小腸好驚喜，一咬落去，有超級香既牛香味，超級中意，一定要食。牛大腸望落去好恐怖，好多脂肪，但係咬落去又唔會太過油膩，同樣牛味超級香。牛雜麵有得揀走肺同走膀，我平時唔中意食呢兩樣嘢，覺得內臟味太濃，但係呢度既牛膀牛肺都冇乜內臟味！牛膀仲吸曬d湯汁幾好食。牛肚好厚好大條。餸既份量都幾多。油麵同湯底幾夾👍🏻四餸車仔麵 $60 8/10出前一丁|爽麵|五香牛腩 |豬皮|雞腎|大腸|全部汁 少辣出前一丁朔晒啲湯汁，好濃，個人覺得有少少鹹，中意油麵多啲。豬皮朔晒啲汁，好正。豬大腸好好食！雞腎同五香牛腩正常好食。但係內臟真係太出色，建議食內臟嘅人，一定要試。餸份量幾多。太陽餅（蝦餅5件）$43 6.5/10月亮蝦餅嘅迷你版，新鮮炸起，好脆，蝦肉彈牙，正常好食華記潮州滷水車仔麵

帶外國朋友品嘗香港第一彈！人氣長龍車仔麵！今日帶左個外國朋友黎試下香港有名既地道美食，華記由朝排到晚，係好出名既地道美食，一於介紹比佢！三餸車仔麵 - 52由於食左野無耐，叫左韮菜底，五香牛腩，蘿蔔，冬菇，腩汁。牛腩好入味好腍，唔係好肥，每一啖都係牛肉，正！冬菇有少少細粒但都好入味，蘿蔔超大舊，已經浸到入味，入口好軟腍而無渣，一定要叫！腩汁湯底比較重味，帶少少甜幾唔錯！牛雜麵 - 48牛雜麵有各種牛雜，牛肚煮到剛剛好，有咬口之餘完全唔韌。牛肺大大舊，牛膀幾新鮮，d 腸真係肥！好有滿滿既油脂真係邪惡到爆！正呀！新鮮魷魚鬚 - 50超級惹味！魷魚鬚非常爽口彈牙，配有大量炸花生粒，加上秘製辣汁同埋芫荽蔥花，香口之餘又惹味！50蚊有甘大碟甘高質既魷魚鬚，真係必試！酥炸太陽餅 - 43太陽餅係炸鮮蝦餅，炸到外皮香脆，入面有大量蝦肉！配埋泰式甜辣醬，脆口之餘又係甜甜地辣辣地！正！

🌟🌟🌟 車仔麵嚟講，呢間都真係叫做明星界別！相信有好多人都可能試過 成碗超滿 望落好似巨大化咗每次放上枱 都會俾佢堆積如山嘅麵餸 嚇親🤭加埋佢嘅秘製「重口味」湯頭 淨係望個樣都流口水～辣度同其他醬汁調配得啱啱好 而且仲飲到湯嘅清甜好上癮➊ 🥕蘿蔔超入味，好清甜！而且每舊蘿蔔都超大舊➋ 滷水豆腐佢嘅滷水汁好啱我口味少少甜甜地好香 滷水係必食！➌ 牛肉餅好似牛丸味道嘅牛肉餅 更加多汁又咬勁🤤🤤總括嚟講係一間會不斷返去再食嘢車仔麵😋如果晚飯時間去 建議早少少或者晏少少因為喺最旺嘅7-8pm 通常都一定要排隊！

今日同屋企人經過厘間 車仔麵。諗起曾經有朋友介紹過好出名！今日經過就可以試下 晚上仲見佢滿哂座，仲要等位。 我同媽咪叫左每人一碗米粉配牛腩同牛筋 加全汁同少少辣！ 湯底比出邊一般牛腩汁別濃郁！喺好味特別 ！不過就覺得牛腩比較肥咗少少 。但好食 。好入味 牛筋都好食 。佢一碗麵嘅份量都好大都食唔哂 。 仲好抵食

呢個禮拜去左太子華記潮洲滷水車仔麵試吓佢個車仔麵，不過都知呢間野多人去食，但係真係冇諗過會有舖頭排到街尾轉角位，我同朋友等左差不多一個鐘先入到去啦🥹🥹豬雜麵🐽（$69）豬雜麵配大和豆漿，個麵叫左個底係油麵底，份量勁多，豬雜超足料，腍野勁淋，好食🤤呀，唔怪得咁多人排隊啦，我就強烈推薦個準係叫重口味全部汁，辣度有3款揀，唔算好食得辣既朋友都有得揀其他😎😎三餸車仔麵（$63） 三餸車仔麵配左津路烏龍茶，幼麵底配五香牛腩、巨型魚蛋同蘿蔔，牛腩肉質同蘿蔔麵好腍，完全睇到小店既功力，好食😋自己就唔算好食得辣，所以就叫左個重口味全部汁少辣，不過都幾辣，如果真係唔食得既朋友，就叫其他汁啦😂😂太陽餅（5件）$43個太陽餅外皮勁香脆，裡麵全部都係蝦滑個蝦粒，海鮮味好濃，必點大推之作呀👍🏻👍🏻新鮮魷魚鬚$50魷魚鬚都好新鮮，配特備醬都好惹味🤓🤓🏠環境：7/10🌟味道：9/10💰性價比：8/10🙇🏻‍♂️服務：7/10📍 華記潮洲滷水車仔麵（太子）太子界限街34號民興大廈地舖#hkfood#yummy#相機食先#hkfoodie#852food#foodahoilc007#太子美食#界限街#華記潮洲滷水車仔麵#

今日同外國番黎嘅朋友食啲香港地道美食，呢間車仔麵係我心目中嘅世一，每次經過都係大排長龍，但為左美食排隊都係必須！🍜三餸車仔麵👍🏻牛小腸：外脆內嫩，口感煙靭，同埋每次食都覺得華記洗得好乾淨！👍🏻雞中翼：有三大隻，好入味！👍🏻 豬紅：份量多，好實正同滑！呢個車仔麵用咗米線做面底，加咗滷水汁同腩汁，連啲餸都好入味，記著要加汁！🍜豬雜麵好少見到有豬雜麵食，每碗都有唔同款嘅珠寶位，包括豬膶、粉腸，每一個內臟都寫得好乾淨，呢次第一次試河粉做麵底，河粉特別入味，好值得試一試！👍🏻🍤太陽餅（蝦餅5件）炸得好香脆來源，裏面係有蝦餃，粒粒蝦肉，真材實料！太陽餅加甜酸汁係非常開胃！👍🏻👍🏻🦑新鮮魷魚鬚呢個魷魚鬚份量非常多，配料仲有好多芫茜同香脆花生。魷魚鬚入味同好爽口，加左惹味又微辣嘅醬汁，必試！🌶️辣椒油食牛雜或者豬雜一定要試吓加呢個辣椒油，會令到內臟更惹味！呢款辣椒油係佢地秘製，打開到見到滿滿芝麻，好香好惹味，食得辣嘅我大大推薦！

-最鐘意食車仔麵講開車仔麵 今日經過太子當然要去華記食埋碗麵先捨得走啦不論佢地既滷水汁，咖喱汁，辣汁，同樣出色所以食開濃味嘅我哋，都唔使揀，一定係三樣汁都揀齊🤣📍涼拌生腸唔算太辣，個汁有啲偏甜，生腸爽口，如果再辣啲會更正😋📍新鮮魷魚鬚新鮮爽脆，配合小小新醬，好野味，同埋小食黎講，生腸同魷魚份量都算大碟📍三餸車仔麵（牛肺，牛筋，墨魚春卷）河粉 中辣牛肺同牛筋一啲都唔韌，索左碗麵既湯汁，勁入味好正😋墨魚春卷唔會好濃味，三樣餸配埋好搭，又夠辣👍🏻📍三餸車仔麵（豬腸，豬肚，雞腎）小辣豬腸肥而不膩，豬肚同雞腎索曬個滷水汁，就咁食餸麵好好味😋加上兩碗麵都要求多芫荽，佢個芫荽山真係冇得輸食得津津有味🤤👍🏻📍淨豬雜都唔使多介紹，都係一樣清得黎好食重點要提及嗰個白蘿蔔，冇渣之餘仲要好入味同埋清甜直頭好似食緊日本嗰個關東煮 ，yummy 😋個芫荽山冇得輸，醬汁冇得輸，大大碗飽到你嘔，你哋唔係唔去試呀嘛？😆#食好西#太子#飲飲食食 #車仔麵#華記潮州滷水車仔麵 #芫茜#豬雜#牛雜#你試左未呀 @wakeefood@華記潮州滷水車仔麵 (民興大廈) (太子)太子界限街34號民興大廈地舖

近來報咗個電腦課程，逢星期六早上要去太子上堂，到中午時間放學就喺附近食午餐，今日同學話想食麵，知道界限街有間華記潮州滷水車仔麵啱晒，未到一點已有人排隊，我地一邊傾一邊排，話咁快入得，店員姐姐好好禮貌，話比客人知椅下有個紙箱可放物品。三送車仔麵牛腩、牛丸、咖哩魚蛋，加腩汁、走芫荽，預設係有芫荽的，同學唔食就走芫荽。湯底係滷水湯底味濃，好香滷水味但唔會咸，牛腩好入味，牛丸好彈牙，魚蛋係好大粒，好香咖哩味，裏面雪白有魚味，同樣彈牙爽口。豬雜麵，其他地方係少見我就揀佢，豬雜有多個內臟部位，每一樣都好入味，而且豬雜處理得好，味道甘香，湯底我揀咗加入全部汁少辣，再加秘製潮州辣椒油，真正又香又辣好好味道。太陽餅，兩邊脆皮夾住中間蝦肉油炸，外皮脆卜卜，裏面蝦肉鮮味彈牙，點泰式甜辣醬更好味。新鮮魷魚鬚，好滑好鮮，好有彈性亦好易咬開，用秘製醬汁拌勻加入芫荽蔥花及炸花生粒，味道很好的。

每次嚟親華記都會忍唔住叫佢個重口味湯底小辣鍾意食重口味嘅人一定Like真係會食過返尋味😋為咗唔駛排隊，我盡量會避開lunch hour！餸方面不過不失！牛筋好腍，唔錯！蘿蔔好腍，好入味唔起渣，同個湯底幾夾！另外我鍾意叫佢個牛肉餅同魷魚！

華記每晚都要排長龍，但好快就入得啦。基本上不斷有客人。華記招牌：牛雜麵一碗麵又曬多個牛嘅部位，湯頭呈深啡色，味道偏濃，配上彈牙嘅面質口感一流，個人最愛吃牛肺同牛肚，呢兩樣都好軟身。豬什唔係間間車仔麵店都有售賣，華記個豬雜麵整得好好食😋，滷得入味又係有多款豬嘅部位。建議可以加咖喱汁或辣汁，令碗麵更惹味。招牌小食：小食有驚喜有兩款，我特別推薦就係太陽餅及魷魚鬚。太陽餅（蝦🦐餅）內面嘅蝦膠超彈牙，外面香脆。而魷魚鬚係使用新鮮嘅食材同埋係乾撈，比較特別。外面通常都會椒鹽或酥炸。而且偏甜嘅醬汁好好食。

睇咗TVB美食新聞報導介紹，昨日去買外賣回家，食咗兩三啖，嘩！有隻曱甴喺我碗麵道， 𦧲都𦧲唔切 ，一家三碗麵掉晒，買外賣有曱甴真係冇仇報，返屋企開出嚟食緊先會發現，唔係堂食當面發現，冇辦法証明隻曱甴係由食店廚房走入去，就算打電話去反映，食店亦未必認數。雖然話食店唔衛生唔係咩新鮮嘢， 曱甴可能已經係好小事，有老鼠嘅食店都成日比人影到添，但都唔好有曱甴喺我碗麵咁離譜吖，有陰影㗎，阿Bob可能已經食咗好多隻，大家小心！

經過界限街見到這家店門口排長龍，看下價錢真是值得一嘗，於是打算在這裡吃午餐。牛雜麵 有米線、米粉、河粉等多種選擇，就連麵的硬度都有得選擇，分別是軟或者爽，真是好貼心！口味也是多款，我選了重口味中辣，辣味挺重，讓人食慾大開！牛肚口感脆嫩，牛腸牛肝沒有任何腥味，柔軟中帶著嚼勁，帶點香辣！三餸車仔麵可以選擇三樣餸，我選了五香牛腩，雞中翼和春卷，湯底是滷水汁加腩汁非常醇厚濃郁，五香牛腩的肉質非常軟嫩，入口即化，肉汁四溢，濃郁的滷水腩汁味道深入牛腩和雞翼中，非常惹味！太陽餅好似太陽的蝦餅，外皮的脆感與內餡的柔軟形成了鮮明的對比，蝦肉的鮮香口中綻放，沾上甜辣醬後，更加好味！新鮮魷魚鬚口感柔嫩，咬下去毫不費力，彈性十足，香辣味道在口中迸發，令人倍感開胃！隨餐加點錢就可以飲豆漿或者飲品

今日只係經過買外賣，一向環保自備食物盒，同上次一樣，唔肯扣返外賣盒錢。😡之前堂食，間嘢未有咁紅，啲態度都冇咁衰，而家紅咗，對D客態度其差。等外賣期間，聽見收銀個哥哥態度衰衰咁同等緊啲客講到好似「等就等，唔等咪唔好食囉」無奈俾咗錢買外賣都要等，等左20分鐘，返到屋企見到仲發現比錯餸，嬲爆！貼錢買難受，下次不了！紅左唔係大晒，幾好食都冇用，如果老闆睇到唔該改改佢⋯⋯完

講開食車仔麵就會諗起，香港經典嘅周星馳電影食神裏面嘅火雞姐！車仔麵以前又名“那渣麵”，總之就係立立雜雜，咩都有。以前食車仔麵係一件好平好抵食嘅事，而家落深水埗食碗車仔麵叫幾個餸分鐘都要100蚊呀！今日嚟到呢一間門口大排長龍嘅華記潮州鹵水，就嚟試一試佢咁出名嘅鹵水咖哩汁辣椒油同埋那渣麵啦！值得一齊嘅就係佢呢度有一款成日都畀人叫做阿bob面嘅😆因為有明星阿bob加持過😆作為最鍾意食肥腸嘅人梗係要食一食佢個豬雜麵啦！🐖豬雜麵重口味中辣汁真係唔講得笑，真係辣到飛起呀！不過就係鍾意呢種咁爽嘅感覺而佢嘅豬雜裏面有豬心、豬脷、豬橫脷、豬潤、豬大腸、豬粉腸！可能係我食過嘅豬雜裏面最齊嘅一間，好彩佢冇豬腰因為我本身都係唔食豬腰嘅😆佢個湯底加咗咖哩汁再加埋辣椒油再加埋腩汁再加埋鹵水汁真係不得了，真係好辣呀😆🍜三餸車仔麵都係幾十蚊一個唔會好貴可能平過出去食個lunch，叫咗雞翼大魚蛋同埋雞腎，鹵水雞翼都幾入味唔會好濃口！大魚蛋幾好食畀爽口，雞腎就覺得略嫌佢硬咗少少！原來唔食辣嘅湯底都幾好食㗎喎！湯頭好甜呀！🦑新鮮魷魚鬚呢個超讚啦咁平嘅價錢有咁大碟！裏面有啲炸香嘅花生，撈上秘製嘅辣汁，非常惹味！🦐酥炸太陽餅太