華苑潮州餐廳 (已結業)

男友突然好想食潮州野, 係書局見到蔡瀾推薦呢間餐廳, 就黎試下兩個人叫左咸菜豬肚湯, 鹵水拼盤, 大地魚炒芥蘭個湯冇胡椒味 , 反而有好多芽菜, 怪怪地拼盤唔錯, 鵝肉入味, 不過就貴左少少最有驚喜係個菜, 芥蘭好靚好爽!!服務態度比想像中好 (因為通常愈出名既地方, 服務就愈差)不過衛生就麻麻或者會再去既...

七點左右上到去都仲未有人,食食下就好多人入黎4個人叫左5樣野食1.蠔仔粥: 蠔仔生生地,但係落得好多.潮洲粥都係飯還飯,湯還湯2.滷水拼盤: 幾ok,d野好入味3.太極菜湯: 個賣相好靚.菜味好重,不過似一個creamy 菜湯,似外國野多過潮州野仲叫左炸魷魚同埋炒蜆.由於我喉嚨痛,所以冇try到.但d frd都話ok~~*7點幾上去都要訂位!!**個環境好熱

往尖沙咀取貨，又要醫肚，德發吃得多，轉ロ味吃潮洲粥。此店位於海防道舊式大厦1樓，要留意行人道廣告牌才發現。下午茶時段有窗邊位，1個人；吃個蠔仔粥吧。湯底較溥，但係D蠔......大大話有半個哥爾夫球嘅SIZE！！！那應該叫做生蠔粥？？？只嫌空調不足，HOT！

上星期四，和家人提早吃團年飯，因家人喜歡正宗潮州食物，便決定到華苑吃我們今年的團年飯。爸爸媽媽一向都喜歡到這裡吃飯~~今次都不記得第幾次了~~~ 一上到華苑，亞妹老闆娘便在門口迎接，8點半餐廳內坐得滿滿，亞姐老闆娘與其他店員們也非常忙碌。跟住亞妹老闆娘便介紹了兩個十人全包的套餐給我們選擇~~亞妹老闆娘很熱心跟我們介紹，服務相當好~~~~我們最後決定選了其中一個套餐，份量非常足夠，其中一個糊椒湯還可以任添湯水呢~~~這個套餐得確抵食，味道也非常好~~沒有一款令我們不滿意~~~~非常豐富的團年飯。~

5號晚收工後同男朋友去左尖沙咀食晚飯去左華苑潮州餐廳食八點未到去到，要等位，大約等左三個字叫了六樣野1)蠔仔肉碎粥--必食推介，粒粒蠔都好飽滿，成碗野好香好濃的蠔味，超正!!2)豬腸灌糯米--入口好鬆化，好香口，點d甜醫油味道好match3)普寧豆腐--同炸豆腐差唔多但層皮唔同普通豆腐，望落粗糙但入口卻很滑4)鼠殼粿--炸的，入面有蓮蓉，有些少草藥的味道，個人認為入面包芋蓉會再好味d5)'九'菜粿--呢個個人麻麻地，有d油膩的感覺，但好夠份量，有好多'九'菜，但男友勁讚夠正宗，因為個皮用薯粉做的6)清心丸綠豆糖水--呢個好杰同好甜，d清心丸比較少總括黎講呢間餐廳的野食唔錯，男友係潮州人，覺得好正宗，我就覺得味道唔錯得黎又抵食，所以下次一定會帶埋屋企人食過!!!

看了雜誌後，與友人慕名而來，雖然他們的菜式平均沒有上環尚興那麼有”意外驚喜”，不過在尖沙咀想食潮州菜亦不妨一試。推介:1)潮州凍蟹已經幫你切開小件，進食時非常方便，肉質鮮味^^2)反沙芋頭炸得頗脆3)水蟹粥坊間的潮州粥，感覺往往是”餸還餸，粥就好硬，味道多少只依靠胡椒粉味。呢個粥都有點蟹味，ok 呀!水瓜酪的味道本身不錯，不過煎得不夠脆。最普通的是二人餐\的”海參”

金銀反沙----必食!!! 極好味~ 每次帶朋友黎食, 都一定會叫! 以前每一條都好大, 而家可能物價貴, 所以每一條既size細條左, 但反而更好, 因為以前既份量食完真係飽到走唔到~ 兩個女仔去食而家既份量, 都唔會飽死左~ (留意, 呢款係甜品類, 所以一般都會食完飯先上, 店員會o係你落單果陣, 同你講聲叫你想食之前, 預番二十分鐘前通知佢地, 佢地會即整俾你, 所以每次食, 都係熱辣辣, 超好味!!)其他潮州菜坦白講就無咩特別好食唔好食~但呢度既潮州小食甜品真係做得好有特式, 好好味ga!!

15/12/07: 3人蠔餅, 豆苗, 椒鹽鮮魷. 味道唔錯.鹵水拼盤, 雙面王, 辣酒煮花螺, 一般.價錢合理, 平均$48一碟.不過大眼雞要$88, 略貴.地方細細, 不過坐位尚算闊略.

上sat 阿爸帶我地黎呢間野食。三個人叫了：(1)蠔仔粥(窩)：好大窩，好多蠔，d蠔好大粒，無沙，新鮮，不過略嫌唔夠鮮甜。d飯唔錯，唔會太淋，仲食到一粒粒，加埋D 芹菜一齊，好香，好熱，好好味。(2)蝦棗：一碟有好多粒，新鮮炸起，夠熱，但唔夠彈，可以做得更好。(3)四寶湯：有2種丸& 紅腸& 類似扎肉的豬肉片。標榜係新鮮手打丸，真係超"彈"，彈得黎又實，真係唔明佢點樣可以打成咁樣。真係擲落地都反彈幾尺。不過真係實得滯。(4)炸蠔餅：真係將蛋、蠔一齊攞去炸、炸、炸，上枱時有點黑，蠔仔已被炸到變jor 蠔乾，縮晒水。佢d蛋漿是沒有搞勻的，蛋還蛋、粉還粉、蠔還蠔，同樣是標榜為招牌菜，但也同樣唔掂！我屋企煎的仲好味。服務是蠻過得去的。收銀o個個男士很好笑容。"OK" 是俾蠔仔粥的！

當日我和家人心血來潮想起這菜館好似不錯。於是便乘車去。不過，我們十分失望，服務員服務態度很差，茶是凍﹑胡淑豬肚湯無胡淑味比富臨難飲﹑蠔餅太油﹑麫條淡而無味十分難吃。大家千忻不是去吃飯!!!

陵兄失驚無神約午飯,事先說明一定要去老尖樂道"華苑"吃潮州菜.上樓格局,環境一般,感覺有點劑逼,幸好中午十二點,尚未到上班大軍的午膳黃金時間.兩個人一人一個午餐,再加多味小吃.陵兄看看餐牌,想也不想就要個沙茶炒牛河,小弟思前想後,最終選了九肚魚肉碎粥.椒鹽系吃得多,用來放粥就從未試過.沙茶牛河炒得不夠均勻,沙茶醬不夠濃厚,河粉亦好像上不到色似的.牛肉更加用梳打粉發到沒有味道.九肚魚肉碎粥,由蠔仔換上九肚魚,九肚魚肉質鮮嫩,味道也不俗.圖中的糯米釀豬腸,是失敗之作,豬腸紮得很鬆,一夾就爆.糯米不夠粘性.同之前其他潮州店吃的,差得很遠.不敢說友人是否"明燈",但其推介的,大多並非出色.下一次,還是聽我罷.

上次叫了佢的外買,我同另一個同事每人叫一SET LUNCH. 但係等了成半個鈡.咁都唔止. 個飯重要係半生熟. 打電話去投訴, 佢地個員工講了句話令我發誓以後都不會再叫佢. 佢話啲 飯生的都可以吃姐. 咁我咪xyz 佢囉. 30 幾蚊, 就菜多肉少.又淡到出汁. 吃到成肚火.如果大家想試下吃到頂心頂胃, 可以試下.

上幾個星期六下午,因為諗唔到食乜,又約人未夠鐘,所以決定係公司叫外買,我同另一個同事靚女L,每人叫一個SET LUNCH,一個係五香排骨飯,一個係豆+肉鬆飯,每個SET都跟一個湯,湯係蕃茄薯仔湯,無乜味精,成個飲哂,五香排骨飯同豆+肉鬆飯,D都好入味,仲有我鐘意佢比好多菜,雖然唔算勁好味,但係以飯盒質素都算OK啦!

有一日行過就上去試下啦..2個人叫左一個套餐..有一個鹵水拼盤清炒時蔬煎蠔烙水蟹/蠔仔粥另外叫左一個煎芋粿鹵水拼盤分別有蛋,紅腸,鵝腸,五花肉依個其實麻麻地...冇一樣野特別出聚...而且唔夠入味.蒜蓉炒芥菜ok..但好油..蠔烙的確唔錯,,唔會太油而且仲有好多蠔係入面加埋漿汁真係幾好味..煎芋粿係將芋頭切絲然後再有腐皮卷成再煎味道不錯..要左水蟹粥...第一次食..又真係幾好味..個湯好鮮甜..阿姐服務唔錯,,而且有卡位坐..所以環境服務都尚算可以..

只賣38蚊還包湯及飯，說是即薰的話，當然是講也不要信。跟兩位Openrice大員吃飯，來了這裡，據大員K講，純因為這裡有位。見兩位點了薰鴨及鹵肉，我當然來個魚飯，有魚有肉，幾好丫。喝過有點點味精的蓮藕湯，大家也專心等吃。我叫的魚飯先來，在池魚與秋刀魚之間，不知何解選了後者，可能再選十次我都會選池魚。蒸秋刀當然會比較腥一點，連在旁的黃牙白都腥埋一份，不過我就幾喜歡，可以是因為連日都吃得太清淡的原故。大員K發現點了豆醬的秋刀魚會美味一點，我聯同大員A一於叫來一人一碟，點過夠本；鹵肉及煙薰鴨胸都等了好一陣子也未上檯，問阿姐，她說是即叫即煮的，鴨胸也即薰，唔係化？上檯一看，當然不是，只是切片的包裝貨色，充滿假味，不過38蚊一個餐，都不可以要求過高。墊底的花生反而更吸引，如果可以煮得腍一點就一百分；鹵豬肉是最好吃的一味，用醬油煮過的五花腩，肥美又好味，墊底的豆腐卜也吸引，很快便清了碟。飯很硬，本來合我口味，但是日吃完好頂胃。幾位阿姐態度不錯，但長期都找不到人，服務一欄，水準以下；又這裡的衛生也相當的麻麻，尤其我們坐在水吧旁，更糟。埋單114蚊，沒收加一，是很便宜，但午市似乎沒有再來的必要。