影片
時至今日的茶餐廳，與時代一起蛻變，舊一代的茶記，很多時都用上冰室，而不是茶餐廳作為店子的稱號，不過現在香港還剩下多少冰室呢？本人是有意慾去尋遍的，畢竟也寫到第七十三章了，但由於本人時間真的不多，唯有再慢慢來吧。是日就襯早起了一點，上班前特意去來此店吃個早餐，一嚐老冰室風味，店子在近彩虹的觀塘道一帶，那段路基本是由彩虹至德福的必經路，但大多數的人都是坐車，這段路人跡稀少，真的替店家擔心它們的生意呢！推門而入，一磚一瓦都真的是充滿了歲月的痕跡，早餐六個選擇，由六時半供應到十一時半，可見店家要多麼的早起床開工呢！點了早餐二號，有本人最愛的沙嗲牛肉麵，加上腸仔及火腿、麵包及奶茶，腸仔及火腿輕輕的煎過，味道也是一貫夠哂鹹，吃入口熱騰騰的；而麵包尚算鬆軟，牛油塗得非常隨便，令每口的感覺也不同，這可不是件好事呢！沙嗲牛肉麵也挺大碗，不過其湯底不是深啡色，而竟然帶白色，莫非用了魚湯，非也！是煮麵煮出來的水，多喝一定無益，雖然湯底的沙嗲味零蛋，不過真的要一讚店家的用料，因為真的萬萬想不到，二十元個早餐都用丁麵，麵質特別爽彈，而且有陣麵粉的味道。沙嗲牛肉的水準就認真麻麻，牛肉雖然不嚡也不韌，但肉質散沒甚咬口，沙嗲的味道奇薄，牛肉咬入口就只有一陣醬油及糖醃過的甜味，真的不爽。餐飲要了杯熱奶茶，只是用上膠杯盛着，不過又真的很夠熱，熱得燙口，水滾沖茶，茶自然靚，沖得出茶內的香味出來，茶入口有陣些微的甘味，不過以本人喝過多杯得獎奶茶的記憶，此店的茶味就都是薄了點，味道不夠濃，而且茶身都不夠滑，可能是淡奶下得不夠吧，所以建議店家這杯茶真的要落足料，不然就不夠濃、香、滑的了。食物方面拉勻只能說是合格，但這些冰室風味，又真的不知仍有多少，雖然本人明白汰弱留強的道理，也不是要愚忠死撐一些老店，只不過同樣希望，茶記這份香江精神，要留傳下來，所以本人只希望店家在保留風格之餘，可真的要改善食物的質素。
繼續閱讀
聽說這店快要被遷拆，所以我和老公特來光顧• 天氣炎熱非常，這小店的冷氣相對起巴士所釋放的冷氣更要來得涼快，真的很舒服•地方雖小，但是食物的味道都唔錯•的和老公叫了生炒牛肉飯，茄汁燴意粉，例湯和可樂• 生炒牛肉飯: 樣子對板，份量夠，有鑊氣，而且味道都幾好‧茄汁牛肉燴意粉: 牛肉味幾好，有咬口;至於意粉就先被炒過才加上獻汁，所以味道甚佳‧例湯: 合掌瓜湯，湯味濃郁，可惜較為肥膩‧可樂: ok‧
繼續閱讀
華生係其中一間最受ｓｔ．ｊｏｅ仔歡迎既飯堂。無他，全因為價錢夠平（１８蚊連飲品），而且選擇夠多！每日ｌｕｎｃｈ時間，枱面都會出現一座巨大既飯盒山，準備比大批ｓｔ．ｊｏｅ仔攻陷今日十二點九左右黎到華生，就發現竟然入都入唔到去，因為門口已經堆滿好多學生，不過出奇既係幾分鐘左右已經入到去，可見華生出菜之快！！必食推介：楊州炒飯 (熱鍋即叫即炒，蛋絲﹑火腿﹑叉燒等材料完美配合！)西炒飯 (好多人話好食，不過就略嫌茄汁味較弱！唔夠搶，亦即係個西炒飯唔夠西！)咖喱吉豬飯 (招牌吉豬深受眾多學生歡迎，我自己亦非常推薦)窩蛋免牛飯 (記得撈勻先食，曾經試過中招不過味道真係正！)黑椒雞扒意 (黑椒炒到好香口，唔食得辛辣野既朋友要小心)華生既飯盒咁好味，除左多ｓｔ．ｊｏｅ仔之外，筆者隅然都會發現有時衛生情況都幾好，不拘小節既朋友可以選擇買外賣，一於眼不見為淨，但如果你係潔癖一簇，就最好諗一諗先喇！ｐｓ：去華生飲可樂記得叫阿姐少冰，如果唔係．．．哈哈 ，你將會飲到一杯夠哂冰凍既可樂
繼續閱讀
星期六, 又是我尋找隱世的味道既時間. 呢次快食快出, 因為這一家冰室可能於不久將來, 成為歷史, 事因從老闆同街坊既傾談中得知兩樣野. 一.) 立案法團約好去傾收樓一事. 二.) 有間XX電視台想同佢做節目, 老闆拒絕. 是日, 本來打算係牛池灣搞掂, 不過, 當巴士轉入坪石前, 想起廟旁邊, 有一座舊式唐樓. 聽聞過有一家古老冰室. 一落車, 便行返出觀塘道, 尋找隱世的味道. 結果有兩個發現, 一.) 是呢一間又殘又舊既華生冰室, 二.) 是隔幾個鋪位, 一樣又殘又舊既龍泉酒樓. 聽到要拆, 歲月神偷說, 要留腳印, 便要早點來.呢幾棟唐樓, 啟德大廈, 位置好isolated, 因為面對的, 是賽車勝地之一既觀塘道, 連接太子道既高速位. 旁邊, 隔了一個廟, 是坪石邨, 另一邊, 又行好遠才見到淘大. 後而是山. 前後左右, 都無一物, 最近既砰石邨都要行上一個字...自成一角的生活小區, 同周邊人口密雜既屋苑及大型建築不相連, 啟德大廈, 又的確幾特別, 是觀塘道上的一個孤島.介紹完地點, 就要介紹餐廳. 入到黎, 的確既殘舊到不堪設想. 想拍一拍照片, 但老闆娘在樓面東望西望, 又同街坊探討以上兩件事. 所以沒有放膽去拍. 而且, 一入門口有一種好古怪既氣味. 坐了一會才能習慣下來.3點3, 食下午茶吧. 餐牌中有豬手麵, 就來試試看老冰室的豬手得唔得. 聽開老闆既conversation, 記者曾經問佢, 冰室同茶餐廳有什麼分別. 他說我呢一個年紀, 好難講出有什麼分別, 因為冰室是30年代既產品, 到接手時, 已經演化成茶餐廳. 手指一指, 我呢間根本是餐廳, 冰室應該只是賣奶茶咖啡, 菠蘿油的. 那會有咁多野食. 心想老闆哥, 說不懂其實懂, 只是不想上電視做節目而已. 說回豬手麵, 豬手既味道雖然不太濃郁. 但鹵水味五香味都幾夠, 而且腍到冇牙既都可以食到, 可以加分. 麵, 煮公仔麵既功架不錯. 麵剛熟, 湯底又有好香既麻油味. 是經驗得來的功夫. 而奶茶, 濃香滑齊集, 而且沖到起了一層薄皮. 好飲, 但總覺得再要加多一點點奶, 味道會更香滑. 咁isolated既地方, 可以做到咁耐生意, 係呢一個舊屋苑經營生意者, 應該有佢地既獨得生存之道. 食飽, 對此地方沒有什麼留戀. 喜歡舊嘛, 下次再來會找一找隔離既龍泉. 入面是怪味氣體, 出面是汽車廢氣......行返入坪石才能嗅回清新的空氣. 過埋橋到牛池灣, 找到小巴站, 上路回西貢去.
繼續閱讀
搭車成日都見到,,但係我未黎過呢度;;某日好奇下,,行下+順路食早餐,,早餐有5個餐可以揀..都係19蚊@@我叫了~叉燒湯意粉初時食落ok,,都幾特別的味道xd但覺得有點味精湯的感覺..意粉唔會煮得太硬/稔..但覺得叉燒有點咸..奶茶整體還可以的..奶味好淡~煙肉火腿&牛油3文治方包不太鬆軟..煙肉有點油..
繼續閱讀