華爾登麵包餅店

營業中

休息中

去開西環見醫生, 就趁熱鬧, 走去第二街最近大熱既粗口月餅店; 門口已經放左好多現貨, 不過唔知係咪每日都有除左粗口月餅, 其實都有好多自製產品, 例如蛋白曲奇, 寵物餅干, 同埋好多既舊式糕點麵包, 而家出面真係好難先見到.價錢均宜, 有機會去訂散水餅都唔錯, 全人手製作, 誠意打動今日買左幾件, 主要都係大家開心姐; 部份字型可能餅模問題? 出得唔係好清晰不過食落口既, 梗係要味道行先, 其中既紫薯最得大家欣賞, 個人口感而言, 如果蛋黃可以再濃味d就一流不過山長水又遠, 你估真係黎為左食件餅咁簡單? 都係想支持下小店姐, 十年八年之後,你想搵都未必再俾你搵到, 見到就好要珍惜啦.

今晚約咗朋友返大學食飯，見時間尚早就早１個站喺西營盤落車。諗住咁奈無黎西環就周圍行下啦～行行下就比我經過見到呢間舊舊地既餅店本來諗住睇下有冇咩可以買黎做第２日既早餐點知，比我見到我既最愛！呢隻餅！呢隻係連大型連鎖店都唔再做既餅！！！１望就知係餅店親手制造，但佢唔講我都唔知我咁鐘意食既呢隻餅叫咩名其實唔止係呢１款，餅店入面每１款餅佢地都有寫啲字做介紹或者推介，真係好有心

專登叫老公揸車去西營盤找這間蛋糕舖因為我想試下啲蛋糕。我們好少去西營盤不太熟路所以老公打電話問下店員店舖位置。問完後我落車去找。入到去我在揀蛋糕，只見兩女店員閒聊。過程中我聽見他們討論着為什麼那個人還未到，係咪盪失路，係咪走錯方向，走錯方向係行好遠的，其中一個更說係咪左右不分，我直覺佢地話緊我老公，佢哋係expect 緊有個問路男人來舗頭。我沒有出聲由得佢地講。我已經揀好蛋糕付款，斑蘭蛋糕，蛋白和雞蛋糕。斑蘭和蛋白都唔新鮮又硬又冇味，吾知擺左幾內，好難食，可能人流少，放左好內都賣唔出。只有雞蛋糕新鮮但冇乜味，極之失望。我一定不會再去幫襯，又唔好食，店員又無禮。可能希望越大，失望越大。

做咗咁耐野 都想轉下新環境臨走前都要送返d散水餅俾同事，好唔捨得但係都無辦法⋯⋯本身諗唔到送咩，不過個日食飯行經呢間餅舖，牛油香到對面街都聞得到，吸咗我入去睇睇我買個時係新年前，除咗曲奇之外，都有好多賀年食品：蛋散、芝麻餅、角仔……佢哋仲有自家製鳥結糖，包裝都好靚好適合送俾人！但係因為我比較多同事，送鳥結糖就超出左我嘅預算，所以我就揀咗佢哋嘅曲奇！佢哋嘅曲奇有好多種唔同嘅味道，例如朱古力、藍妹、咖啡、綠茶、原味……每盒都有大約20至30塊曲奇架！我將佢哋重新再包裝，啲同事都話好好食！我自己就食咗兩塊朱古力味，非常鬆化，而且唔太甜，大家都買來試吓啦！

本身好鍾意班蘭野(其實綠色我就好鍾意,哈哈)咁o岩阿媽拎左個班蘭蛋糕比我做早餐,咪睇個包裝咁簡單,一打開已經聞到陣陣斑蘭香氣!食呢D蛋糕我最鍾意就係啡色層"皮",呢度gei斑蘭蛋糕層皮底面都有,面層仲夠厚,正!蛋糕係正方型狀態,側面睇仲見到佢相當厚,不過咬落其實好鬆軟,好似海綿蛋糕咁~以為佢好細件唔會飽,點知食極都有XDD 所以作為早餐黎講真係好豐富呀,最正都係食完仲有陣班蘭味齒頰留香~~

華爾登麵包餅店西環第二街120-126號仁福大廈地舖 今日要去西環攞嘢，下午茶時間有啲肚餓，走到西環水街口見有家餅店，就買了四個蛋撻醫肚！ 呢間鋪頭老闆娘好好，話最後幾個蛋撻就買晒佢免收兩個比埋我，見佢招牌寫住since 1984應該唔會太歎食，我都無睇就買左醫肚先算！雖然賣相好核突都無所謂，但成個蛋撻同皮都無味嘅，甜度不足，大家如果有睇過我D食評，都知道我係一個泰昌蛋撻控，原本都冇諗住簡單食幾個普通蛋撻醫肚都寫食評的，但返到車上食了半個蛋撻後都忍唔住要行翻轉頭影返個門口相俾大家睇！其實唔一定係間餅鋪嘅問題，可能真係我地肚餓貪佢最後嗰幾個蛋撻都買埋佢，呢個教訓就是要話俾大家知，蛋撻千祈唔好買最後賣剩或蛋漿收左水那幾個，更加唔好貪平話送多幾個最後俾埋你果D蛋撻！ 此外，我地還買了一個好可愛嘅天鵝芭芙，食之前都冇影到相俾大家睇，但食到中間，真係冇辦法食落去啦，你哋睇相雖然覺得剩低果本好似好正常，但其實咬落去好硬，食落去係無味嘅!! 我好少俾餐廳劣評的 ,對唔住，今個下晝真係幫唔到你啦！ 不過大家不要因為我嘅劣評而唔去嘗試呢家小店，始終佢都係1984年開業，一定有所質量，此外，你地睇吓佢門口