華星冰室 (克街)

營業中

休息中

今日5.30PM放工時間，由於書展的關係，整個灣仔早就擠得水泄不通。我和朋友J放工後打算在附近吃個快飯，再入書展逛逛。.在灣仔左逛右逛，加上朋友猶豫不決的性格，逛上十五分鐘也決定不了，穿著中跟👠的我腳仔很支力。在我團火🔥🔧準備升起時，看見了華星的招牌，感謝，你救了我朋友的小命。.到埗，二話不說，光顧開上環店和旺角店的我，餐牌也不用看就決定了。點餐後坐著坐著，環顧四周，發覺這間灣仔店更有華星年代歌手的足跡👣。陳奕迅和楊千嬅。鹹牛肉蛋餅出前一丁 - 是我每次必點，味道不俗，食開有感情。什果冰 - 什果夠多，重料，但太甜了。朋友胃口大，一日要食四餐，隨意點了個飯。叉燒滑蛋飯 - 相貌平平，吃落同個樣一樣。...HAHAHA,, 報告完畢。只能說，這間華星店星味很重，如能保持華星一貫質素會更好。

晚上10點左右想想看灣仔還有那裡可以有東西吃又不要太heavy , 選了這裡。星期日關係，這麼晚還很爆場，想好了要常餐，火腿煎蛋厚多士，叉燒意粉，凍奶茶。侍應問我有冇野要轉，我問佢有咩可以轉，佢態度唔耐煩咁一輪嘴咁講煎蛋，火腿，叉燒，牛肉，通粉，我聽完一頭霧水，算啦，唔洗轉。我以為自己去左澳牛。凍奶茶先來，茶味係有，奶同茶比例還好，有澀味得來比較鞋口，唔滑。厚多士完全唔脆，煎蛋火腿正常，那叉燒意粉只能說是普通茶餐廳的貨色。基本上以常餐出名的它完全唔合格。後尾有人坐我對面，吃了常餐，我用完張紙巾放係枱面，個侍應竟然就咁放低佢杯奶茶係我張紙巾上面，張枱咁多位佢都唔放入d，無語。價錢都唔係平，當然都唔係貴，但咁既質素真係唔會再去。

今日喺灣仔上完堂，諗唔到食咩好，再次encore 飯堂 「華星」例牌嗌左個常餐食，質素一如以往永無失望至愛呢度ge炒蛋，好滑多士燶燶地夠脆咖啡都係我杯茶👍🏼呢度唯一輸蝕就係迫左d,不過性價比黎講無得輸。

華星冰室名人冰室觀光客必到之地店內掛滿明星簽名海報裏頭賣的是炒蛋🍳吐司🍞款式不多但經常客滿我點了老外早餐香滑炒蛋、薯餅、培根茄汁豆、厚吐司炒蛋的確香滑有蛋香店員清一色男生但親切有禮偶爾來吃一下說不定也會巧遇明星喔我覺得好吃不等於你 純屬個人意見愛分享

平日食飯食麵多會厭，所以間唔中一兩餐晏會去食常餐通粉。經常光顧開嘅華星冰室雖然有時人多，門口會排列咗一條短隊，一般等大概7-15分鐘不等。但茶餐廳送餐速度快，入內坐底馬上落單，不稍一會就馬上有得食，因此我地都好樂意光顧。雖然送餐快，但咁樣唔代表佢煮定備用啵，份份都新鮮熱辣，即叫即整，所以好明顯係廚房手腳快嘅關係。再講講份量，其實唔好睇小呢份常餐。首先跟餐一杯野飲；再泥嘅叉燒通粉，適量嘅通粉，但叉燒其實都幾多，有五片以上而且唔係薄片，絕無偷工減料；仲有一碟炒蛋火腿，炒蛋其實留意咗好耐，每次都好大份，而且炒得頗滑身，蛋香濃厚。食埋火腿嘅瞬間，已經有飽腹嘅感覺，但唔夠飽唔緊要，因為你最後仲有兩大片厚多士，真係可以飽到飛起。總結，大讚味道十分好實在太假了，但整體調味正常，茶餐廳水準。但午市新鮮即整，通粉彈牙，多士夠熱呢啲加分。而且服務方面，落單速度快，侍應態度好，出餐速度快都好加分！以上，我認為唔係間間餐廳都可以兼備，因此係我心目中都確係唔錯嘅午飯地方。

My British friend came visit Hong Kong last week and wishing to have something local. I brought her to this famous Cha Charn Tang. The queue was long but the waiting time was not as long as I expected, we only waited for around 15 minutes max.! I ordered a grilled pork chop spaghetti with tomato sauce. the sauce is the HK style tomato sauce which made me thought of the spaghetti my grandma always make me when I was young. My friend ordered the signature meal with macaroni, fried egg and a drink.

同同事係附近食Late Lunch，食左個華星冰室。嗌左個常餐💁🏻‍♀️叉燒意粉，火腿炒蛋，牛油多士！野食上枱唔太好睇😐叉燒意粉見唔到叉燒，以為佢漏左比我，用叉撩下個底先知原來暗藏係意粉之下🧐叉燒都大塊，唔肥，正常叉燒。火腿炒蛋🍳配牛油多士🍞多士烘得岩岩好，脆口，唔會太燶。牛油又唔會太多，牛油味香🙂呢度出名炒蛋，係滑同嫩既，但我又覺得無咩大特別，感覺上好多出名既冰室都做到。🤔 -我覺得名聲大，但實際就一般。唔係話唔好食，但感覺好多冰室都做到🤧

明星效應既一間冰室，今次去既係灣仔分店，排左一陣隊已經入得。同xx牛奶公司一樣，得幾款餐俾你揀，只係呢到可以坐得舒服少少。無選擇下叫左個常餐$38,意粉煮得唔太淋，湯底都ok好味，雖然知係味精但都飲左幾多下😂多士配既係厚生多士，好過平時普通茶記俾既又薄又淋身既"多士"。

這間好似係明星開的餐廳，昨天因為太熱的關係，係灣仔做完野諗住求其搵間茶餐廳醫飽個肚就算數，路經見到有間冰室就衝左過去，有幾個遊客（疑似）排緊隊，我話一位即刻有位入得，老實說，一句說話總結：「名大於實」作為一間冰室，款式選擇少不在話下，少之餘全部都係好普通野，不是撻個校長多士、軟硬xx、森美xx出來就能夠增加吸引力，服務態度又唔好，未食完就衝埋黎收野，淨係落廣告吸遊客，我地香港人真係諗清楚入唔入去食！

是日早上，唔使返工又係附近做完野。就去華星食個快餐仔，諗住方便搭巴士返屋企大覺瞓。皆因未夠鐘叫常餐，只可以食早餐。早餐炒蛋如圖所見有十一成熟，鞋到唔願食，老到唔想食。多士係烘左唔知有冇十秒既方包，一邊多士，另一邊方包 ～仲要配上隔夜麵包咁既口感。火腿通粉正常不過上檯係唔熱既～凍檸茶少甜少冰可以多冰過正常。真係失敬失敬，連最簡單既食物都可以冇心做成咁。其實都唔係第一次食華星。但新裝修後第一次重踏門口。感覺係愈來愈澳牛化既服務態度，不值一提既食物質素。

2018/04/30 AhBwui這天AhBwui自己來吃了華星冰室，一坐下來便聽到身旁傳來熟悉的台灣口音，原來又是同樣來自台灣的同鄉！點了不敗的常餐，果然一如既往的好吃吐司烘得剛剛好，外頭很脆但不會太焦，裡頭牛油很足，吃得很罪惡 哈哈哈炒蛋香、滑、嫩。推薦推薦！火腿在這兩者之下顯得一般般叉燒義粉這湯非常的濃郁，會一口接著一口的想要喝湯叉燒也很嫩，推薦！旁邊的三位台灣同鄉點了黑松露炒蛋看起來超級好吃......他們也不停得讚美，下次絕對點來吃！

每次諗唔到食咩就會想食返啲港式野，雖然華星既常餐黎黎去去都係得個幾味，但正正又岩我胃口咼。食常餐既人都係貪心既人！哈哈，因為通常都係三心兩意既人先會點常餐，因為可以一次過食幾樣唔同既野。華星既叉燒意粉，叉燒大舊又抵食啊，意粉可以揀轉做通粉，但通粉感覺唔係幾夠飽，所以意粉先係我既選擇，至於湯就都係個啲味啦 唔要求得咁多。校長多士，每次華星冰室最吸引我嘅就係食佢個黑松露芝多士，今日個多士烘得啱啱好，唔會太燶，乾身加上半溶芝士，黑松露味都幾香嫁。

華星冰室, 係香港人眼中一D都唔陌生, 對遊客就更視佢為景點之一啦~ 一個以香港文化特色為題, 賣港式傳統食物的餐廳。但呢類型餐廳係香港愈開愈多, 開始有D 偏離個種人情味的冰室, 而是商業味濃厚的食肆。不過呢樣唔怪經營者, 而是整體社會風氣的轉變變化, 令呢一個「經營」只在乎於經營。講多左添, 係時候返今次正題XD今次去左灣仔呢間華星冰室, 平日去你都唔洗旨意一去到就有位, 你唔等返半個鐘都唔洗入~ 今次好彩星期日下午茶時段, 咁岩人不多, 一去到就順利坐左係卡位~ 唔錯唔錯~之後, 我地都無揀左咩特別野, 就食冰室最普通的常餐, 當然. 都係個句, 愈簡單嘅野愈難整得好食~!.常餐有餐包, 蛋, 火腿, 叉燒意粉/通粉, 再加熱飲, 共$45.. 貴就唔叫貴, 價錢一般~我就叫左太陽蛋, 我朋友就炒蛋, 我就叫左叉燒意粉, 佢就叫左叉燒通粉你問我味道，我會覺得不過不失，味道很正常，無咩特別個炒蛋味道同一般茶餐廳差不多，但滑身少少餐包反而幾好食，唔會係乾淨淨個種意粉就意粉，叉燒就唔太老，ok啦整體我只可以比到ok啦，無咩特別～ 或者可能要食特別小食之類先知呢間野真係好唔好食掛？但常餐

星期五去吃午餐， 叫熱奶茶， 奶茶杯每隔1mm便是崩的， 飲落去好容易界損口。 叫侍應換，年青侍應不滿地说午飯時間， 搵不倒杯, 我問可否換膠杯， 他好悔氣地"批"隻 膠杯我. 究竟邊個係錯呢?? 點解隻杯崩到咁， 餐廳還用呢 ?

返工前要充充電💪🏽, 一於去我的最愛茶記 - 華星❤喇！平時食早餐都食開哩到既沙嗲牛麵, 今日想清清地食個簡單既通粉早餐！華星出品既煎蛋可以話係世界第一, 少少燶邊既蛋白非常香口, 再加上流心既蛋黃, 冇得彈🤤。如果唔食生蛋黃可以轉食炒蛋, 炒蛋既香滑口感同樣令人讚嘆。超厚既飛邊多士加上牛油既香味, 令人一試難忘。最後再黎個充滿口感既火腿通粉畫上完美既句號。如果仲食得落, 不妨點多個蛋牛治。😳份量十足到你唔信！牛肉既牛香味沖擊住味蕾, 鬆軟嘅麵包夾住淋淋既牛肉同滑蛋, 口感令人欲罷不能！