華星冰室 (克街)

營業中

休息中

今日陪個friend 去灣仔北帝廟還神，星期六早上訓到九點，食個港式早餐再還神~好日都唔出灣仔，即刻上網睇下有咩冰室，搵到華星冰室有四粒星，就去了~十一點半入到去人頭湧湧！都差唔多滿座。坐低睇下有咩食，早餐時段已過，咁就食常餐。常餐叉燒意粉：忌廉雞湯底，好濃味但唔咸，好味！叉燒唔多但都夠食，好“林”。意粉唔會煮過火，岩岩好。煎雙蛋：蛋黃係流心，加埋落碗粉度一齊食令個湯更濃郁。火腿正常啦，如果可以煎一煎就更好😋。多士烘底唔洗加錢，但因為我叫左個菠蘿油就無食到啦。奶茶：懷舊的黑白淡奶杯，茶奶比例都岩岩好。菠蘿油：上菜時係暖粒粒，麵包鬆軟，菠蘿皮好脆，牛油未溶，冷暖交融好幸福😋總結黎講都係一個簡簡單單既早餐，食物滿意，餐廳裝修幾有感覺，仲有好多歌星既親筆簽名poster貼滿牆身，幾特別。

由一班明星為開,已經開到成行成市,全香港都有分店,一個餐大約$40起午餐,晚餐另外有飯吃,咖哩都做得幾出色,今次黎食常餐 常餐,營養餐都係大同小異炒蛋,煎蛋,牛油多士只差一個意粉  點了一客炒滑蛋炒得大約七分熟,蛋味幾香濃配上2片小火腿牛油多士,用上厚片麵包,烘得微焦,包身仍鬆軟沾滿牛油香 營養餐,雙蛋配火腿麵包多士加鮮奶的確有營養煎蛋切開蛋黃半熟,用多士沾上蛋汁吃,一絕 叉燒湯意最一般叉燒乾,意粉又乾又硬湯汁唔夠熱味道好普通 凍檸檬茶4片檸檬片,茶底幾夠味,加上酸香檸檬係一杯好出色既檸茶

華星既常餐係我既最愛，無論咩時間黎我都會食常餐。呢日，收工過到去大慨7點半，無人排隊，假期既話門口會有小小既人龍。佢既常餐最好既係炒蛋，每次都係整到好滑，從來唔會失手。另外，多士亦都做得好好，外層鬆脆，入面香軟，連埋牛油既香味簡直係一流。至於叉燒通都唔錯，裡面都有幾多叉燒，配埋茶走真係perfect!

味精重，態度差。人人食常餐 知咩事。入到黎，內部不錯既。幾靚。想食下其他野 餐牌都無張，人都廢事理你甘。晚餐好那貴，常餐又不見得多款簡。完全睇吾出點解會有人話好。奇怪。

最簡單又好食的早餐$34華星冰室的炒蛋早餐是我最愛....好耐冇幫襯過星期五在灣仔上課....尚未夠鐘，見到餐廳不用排隊所以決定到此開餐！下單後不到3分鐘！火腿通已到，係熱辣辣 湯底是雞湯但是有味精味！但通粉口感剛剛好，不會太硬或太淋。吃了幾口通粉...期待已久的多士同炒蛋登場！黃澄澄的炒蛋，入口即有濃濃的蛋味厚多士鬆脆！跟餐的咖啡，比想像中好飲。真係好好味啊！飽嚐一頓豐富又美味的早餐後...時間剛好趕上學了⋯⋯

有些時候晚上不想吃得太飽，便會到這兒用餐。今晚因爲三時多才吃中午飯，所以晚餐時分便又到這兒幫襯了。今晚很想喝牛奶，因此點了營養餐。有非常好喝的鮮奶（不知是不是與炒蛋相同的日本牛奶？），有兩片厚多士，火腿和炒蛋（可點煎蛋或反蛋）。多士的牛油非常香滑，香氣亦較其他地方吃到的來得香。另外偷吃了對方的常餐的又燒通粉（預定是意大利粉，但可改），湯底非常好味，不是平時茶餐廳的清淡味，據餐廳稱是傳統茶餐廳湯底。👍🏻👍🏻

雖然都係一般冰室既野食，但首先佢地都好有禮貌，雖然都要快haha。叫左個常餐加熱奶茶，意粉唔會太腍，但最好食都係炒蛋，又熱又滑。熱奶茶都好飲，唔會話太奶，又有茶味。無落堂又唔有苦味。good good!

上次早餐時間蒞，先知道上午11:00前無常餐。今次下午茶時間來，一定要點常餐，轉炒蛋，飲熱朱古力(唔洗加錢呀)！通粉OK，唔硬又唔係煮到爛腍，不通啲叉燒就瘦咗少少，食起上來有DD硬。炒蛋好味，不過比較鍾意澳牛炒蛋，可能係食慣咗牛澳嘅質感與味道吧。多士呢，我比較喜歡食走油，但要等耐D，唔想等呀。。。所以我自己係不喜歡，但包的確是鬆軟的。唔鍾意食火腿，no comment。至於杯朱古力就普普通通，不如講下外子杯茶走。咁大個人第二次飲茶走，好味，不過記憶中嘅赤柱泗益更好味。總結：皮

「黑松露蛋多士」食，蛋好滑嫩，用埋多士食～「冻奶茶」中规中矩啦「特色猪扒包」猪扒肉好好味😋「叉烧意粉」港式特色嘅意粉系咁，汤汁搭上几嚿叉烧肉鲜鲜甜甜～⚠️呢间铺头店面如图一唔多，好温馨嘅感觉，服务员好会吆喝哈哈哈。人都好多嘅，我系中午饭啲去排队好长，但系速度就好快！所以唔好望住长队就走咗

今天專程逛完香港公園後坐叮叮來華星冰室嘆返個下午茶。喜歡他以懷舊風和用歌星做生招牌。而且主要想試相當著名的黑松露炒蛋多士。我們一行三人點了黑松露炒蛋多士$42份量頗大，很足料，炒蛋非常嫩滑，有奶及蛋香味，多士用牛油烘底，香脆厚身，黑松露則沒想像中的香味，但勝在有蛋搭夠。雖然有點貴，但也值得一試。特色豬扒包$20豬扒厚身多汁，加上蕃茄片，生菜絲及沙律醬，味道清新。西多士$22厚厚的西多士，吃下去軟棉棉，甜度適中，好滿足。另外點了蓮子蛋茶$28 及熱鮮奶$22 (北海道3.6牛乳)

華星一向係我地放lunch 嘅飯堂，一個常餐先45蚊，🙆🏻‍♂️🙆🏻‍♂️其實係抵食ge😀 叉燒可以轉牛肉(^^)叫左多士走油配炒蛋💕多士香口，配上炒蛋食好滿足！而且炒得幾靚，份量又多又大份！火腿就正常，薄薄地，冇咁肥ge😘😘另外叉燒通粉都係ok.湯幾清，叉燒半肥瘦，食落幾腍，而且算瘦，都有5至6塊👻👻平時仲會叫茶走小甜，茶底濃，飲落又滑，不過落左媡奶真係幾肥，小飲為妙👀👀#10月活動#灣仔食堂#華星冰室

见到人推荐，其实第一次来食唔知点解点左鲜茄猪饭但系来左滑蛋叉烧饭，有小小影响心情不过 校长多都几好食啦有机会再来可能会试下个咸牛肉蛋饼出前一丁hhhhhhhhhh

平時係太子食華星冰室一定會係大排長龍，一係要好早去食，一係就要好晏到先唔駛排隊。今日又黎開灣仔做野，咁岩見到灣仔呢間唔駛排隊，咁緊係要入去食返個例牌常餐啦餐類基本上都係無得選擇，但就好專，所以唔駛點諗都知道自己要食咩。而且餐牌仲有埋英文version，外國人黎到食都一定會識落單👍👍我叫左個常餐食，常餐係叉燒意粉，火腿炒蛋，牛油蛋士，配熱奶茶次次食親我都一定會飲哂個湯，今次都唔例外，因為個湯底真係好香濃，好好味😚😚😚多士熱辣辣又非常軟熟，食既時候有淡淡既牛油香😋😋炒蛋同奶茶更加唔駛講，2樣都好滑，奶茶仲好香奶味😚，所以成日都要排長龍係有原因的

好地地一個滑蛋叉燒飯，佢啲蛋居然變左做「蛋花」。好難食，啲蛋漿又鬼死咁稀，食落一啲口感都冇，就好似食緊一碟用水浸過既叉燒飯咁，有點兒令人反胃🤢🤢🤢。仲要餐牌上只係寫上「滑蛋叉燒飯」，食物送到黎先知道碟野同一般既滑蛋叉燒飯有咁大出入，令人感覺受騙。客觀地講$58一啲都唔值得，重要個價錢係唔包野飲。 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

聽聞呢度d炒蛋好好食，開張左咁耐都冇食過，今日一於收工後去試下由於時間係下午5點幾 就黎6點，好多位坐一個人都可以坐到卡位，仲要唔駛俾人趕叫左個常餐:叉燒通粉+火腿炒蛋+牛油多士+凍檸檬茶滿心歡喜咁食啖炒蛋先...............凍既？唔熱架，凍架！！！超失望囉食埋其他野:唔記得叉燒有5舊定6舊，全部都幾厚通粉就淋淋地火腿: 普通，冇乜特別牛油多士: 熱熱地又厚身，相比其他野食 好食得多凍檸檬茶: 普通，冇乜特別總結:為左炒蛋而黎，結果失望而回唔會再食