華嫂冰室 (皇廷廣場)

營業中

休息中

門口大大幅圖寫豬扒蕃茄湯通粉 豬扒幾入味，唔錯但蕃茄湯底麻麻地，蕃茄味唔夠濃不過飲完佢杯冰花奶茶($20 ，加配$17)，覺得好正因為冰冇溝淡奶茶味，而又可以keep到凍，好想黎飲多次今次轉食雞翼冬蔭公湯底配米粉，都係飲冰花奶茶碗湯一上黎 就有陣濃郁既冬蔭公味 配埋莞茜，仲香先飲一飲個湯，辣得黎好野味個冬蔭公湯底好得!!!配埋米粉，好爽口，又掛到冬蔭公汁雞翼係鹵水醃過，ok wor! 個冬蔭公湯真係有點辣，如果好怕辣，可能轉第二隻湯底但如果可以嘗辣，不妨試試冬蔭公湯底，比蕃茄湯出色好多最後歎返啖冰花奶茶，無得頂!

個個都話華嫂係必去，但我覺得其實都係普通冰室⋯⋯只係宣傳做得幾好。又多人排隊，排咗一個幾鐘入去，服務係一般般，食物水平又未好到值得我排咁耐，香港地大把其他選擇啦

唔係講笑，雖然係觀塘已經開左咁耐，但次次都係要等位🙄今日星期六下午茶時間就等左半個鐘先入到去🙈🙈叫左個招牌菠蘿包同芝士蛋咸牛肉多士仲有招牌奶茶❗️招牌菠蘿包個皮好脆，好香口，塊牛油又香，雖然食完都覺得肥，但真係好好食試得過❗️芝士蛋咸牛肉多士咬落去有層次感，加上岩岩烘完即刻食，就覺得好好味❗️不過如果係豬仔包就更好❗️至於奶茶我就覺得普普通通‼️睇黎下次都要搵d非繁忙時間先唔使排咁耐隊🙆🏻

今天到觀塘送文件，回程時想搭74X回大埔，行到敬業街巴士站時，忽然看到旁邊一間餐廳門前人頭湧湧大排長龍，好奇心驅使下走去排埋一份。在等候過程中，發現門口的負責人會先叫客人看餐牌及下單，待稍後安排入座，食物亦隨之送到，大大地減少了客人等候製作食物的時間，而客人一般在三十多分鐘便用餐完畢，餐廳也可以多翻幾次枱，確是一舉兩得的好方法。餐牌上食物款式都有不少選擇，今日就嚟試一試「豬扒菠蘿包」。菠蘿包面鬆脆，麵包新鮮軟熟，內裏夾著一塊頗有份量的厚切豬扒，豬扒肉質有咬口得來又不會太腍，正合我口味，因為平日最怕吃到那些用鬆肉粉令肉質變腍和無味的豬扒，再配上番茄、生菜及份量恰到好處的沙律醬，令整體味道提升，吃的時候又唔會太乾，值得一試。事後回來跟同事說起，才知道我誤打誤撞去了人氣冰室，又啱啱吃了出名的菠蘿包，真是運氣指數爆燈！

趁著早起的美好食光，不如趕快來享用美食先。平日早上的華嫂，生意也是強強滾，不但店內用餐人數是滿的，外賣的客人也不少，還好星期六排隊不會太久！大約10分鐘左右就輪到我們入座啦~店裡頭座位跟桌面都小小窄窄的！桌上的menu，價格偏高！而選擇就是很簡單：熱飲、凍飲、通粉、湯麵、三文治多士小食、麵飽…等幾大類直接先來兩份鮮牛油煎蛋菠蘿包！菠蘿包裡夾進了牛油，煎蛋 ，番茄，看起來超霸氣啊!!!菠蘿包上桌前會先烤過！內部的麵包咬起來很紮實！挑配外層金黃色的香甜脆皮！菠蘿麵包本身的香味就已經很棒。煎蛋看似全熟....但蛋黃裡面只有五分熟左右！還有一些蛋液，吃起來更滑順些加上奶油潤滑，香味更是一絕！建議大口咬下能夠感受所有食材在口中！相互融合搭配出來的滋味！就一人一杯熱奶茶！是順口還不錯囉！

每次經過元朗既華嫂都勁多人排隊 幾誇張， 今日行開觀塘工廠附近見到有華嫂，心思思想食但諗起要排隊，又5係好想😌但見天氣又5係好熱都涼爽 最後都係去左排隊等位食😛等左10分鐘左右，就可以入得!輪候速度都算快💨💨 一坐底即落單叫左碗🐷豬排米線(清湯)， 塊豬排勁大塊 又厚身， 肉質夠稔 5粗糙!!食到中段諗住叫多樣食物，但侍應們太忙，完全落5到單，又開始附近的位置不停有新客人坐入黎，搞到好逼😣，最後快速食完碗米線，離開走人😰!!

話說同朋友嚟觀塘呢間食 舉左勁耐手D阿姐睇到都唔過嚟 淨係係度執檯 都算喇 落單嘅時候態度差到真係想講粗口 我哋都已經好好聲氣 阿姐唔想做 做得唔開心就唔好做 唔理你咩原因 但我哋睇得出呢個阿姐本身個人都係態度衰嘅 一路食一路觀察到 我哋嚟食野 唔係嚟受你哋氣 我哋差你對返我哋差情有可原 但唔係 我哋唔會再嚟食 你哋應該管理下D人 私人餐廳 想做得好 都要俾人印象好先得嫁 好燥底好燥底好燥底好燥底好燥底好燥底好燥底好燥底好燥底好燥底好燥底

今日放假同女朋友黎食，叫左個喇沙雞翼米線/蕃茄豬扒米線/招牌菠蘿包。喇沙個碗除左個湯有小小驚喜，其他都好普通蕃茄個碗女朋友話塊豬扒好入味之後比左啖湯我試，個湯比普通餐廳濃少少之後都冇乜特別，再食個招牌菠蘿包，見20蚊就試下，黎到原來係菠蘿包夾煎蛋鮮牛油蕃茄片，另外叫左檸檬益力多，反而呢一杯野係真係有驚喜，益力多原來係夾到檸檬🙀今日整體黎講都算係ok，價錢方面兩碗野加兩杯野飲再加隻菠蘿包 $$145蚊

颱風山竹黎臨ge前一日天氣熱到hihi~但都無阻我同豬仔對美食ge熱情係34度高溫底下 幾經辛苦終於黎左位於觀塘ge華嫂冰室 由於久仰華嫂大名 我真係非常非常期待啊～！！等左大概半個鐘,華嫂ge手下終於叫左我同豬仔入去啦！我地叫左一個招牌番茄蛋菠蘿油再加一碗番茄雞翼豬排通粉🤤先講下番茄蛋菠蘿油先...一個字...係唔錯ge大大個外脆內軟ge菠蘿包 大大塊新鮮番茄 大大塊邪惡ge牛油bb 大大隻剛剛煎好ge蛋～好食係真係好食ge 但我相信 只要買曬以上幾樣材料 😝小學生應該都整得出呢個味道啊！自己買材料價錢仲平d tim🤣然後就到番茄豬排雞翼通啦～先講湯底 一個字 真係好稀..番茄味一d都唔重 ..如果你同我一樣都係番茄迷 應該都食過中環ge勝香園～同樣係番茄湯底 勝香園比華嫂香濃得多 而且湯底有啖啖番茄肉 仲無番茄皮 華嫂相對黎講就求其得多 好明顯係將d番茄連皮丟落攪拌機攪 所以湯底會有一絲絲ge番茄皮～而通粉都有d過淋～連我最愛ge雞翼都一d都唔入味 又嚡😭..唯一可取就係大大塊ge豬排..但係已經彌補唔到我前面ge失望lu~總括黎講～下次想食番茄蛋菠蘿油 我會學下自己整😝 好過山

即使過左剛開店時嘅熱潮，但係下午兩點後去食依家要係店外等左三個字，作為港式茶記嘅佢人氣仍然係度。 🍞食物方面🍞【蕃茄湯麵】唔係落蕃茄粉煮嘅湯係自然嘅，不過佢蕃茄湯唔係甜甜地個種蕃茄，所以就要睇自己口味喇，我就覺得一般。【鮮油菠蘿包】無嗌經典菠蘿油因為當日有食麵，而且價錢平好多。菠蘿包真係好脆，牛油唔算雪得好凍，但整體都好好食。🌿🌿🌿🌿🌿🌿🌿🌿🌿🌿【鮮油菠蘿包】：$14⭐️⭐️⭐️⭐️環境：窄、唔好坐⭐️⭐️衛生：普通⭐️⭐️⭐️服務：野食會送錯黎，記住要睇清楚係咪自己嘅先食⭐️⭐️抵食：做遊客生意黎講合理⭐️⭐️⭐️

去開kwun Tong 順便去潮下聖。華嫂咁出名我一直都未食過🤭呢日下午去食，大約三點鐘。。已經坐滿哂人！好彩等一陣就有位叫了一個招牌奶油多，勁大舊牛油！都幾heavy下所以兩個人share一人一半幾好另外叫左一碗番茄雞翼米粉個湯底真係好濃郁，杰杰地d雞翼浸到好淋。可能分開上會好d🤔友人同樣叫了番茄牛肉烏冬，佢就嫌個湯太杰。。一d都唔似湯😂😂飲品我們都點了奶茶。。一凍一熱。不是太好飲🤭普通啦Overall 覺得普普通通~~

今日lunch唔係食得咁飽 下晝三點三就已經好肚餓 咁就行咗去呢間華嫂冰室 食返個tea啦😗 估唔到好多人企咗喺門口 好彩我等嘅係兩人檯 好快就入到去😛之前都聽過朋友介紹呢間餐廳 佢地大讚呢度嘅菠蘿包同豬仔包好好食 於是我同友人就叫咗一個招牌菠蘿油 同 芝士鹹牛肉蛋豬仔包🤤🤤兩份包都好快就到 啲包都好熱辣辣🤭 睇得出有烘過 好軟熟 而啲餸嘅份量都好足 差啲放唔晒入個包裡面😮招牌菠蘿油入面有番茄同蛋 當然唔少得塊邪惡嘅牛油啦 三樣野加埋 口感好豐富 好好食😻而芝士鹹牛肉蛋豬仔包呢 塊芝士熱到溶溶地 仲有隻煎蛋係入面 更加好食🍳⭐️兩個包比較 我就鍾意食芝士鹹牛肉蛋豬仔包多啲 但係兩個包嘅味道都唔錯嘅👍🏻👍🏻 值得推介

話說呢間冰室本店係元朗，明明本人就係住元朗但反而未去過本店食，今次出到觀塘反而食返元朗嘅出品，通常人地都會話分店點都差dd,甘今次我已經覺得好好食，甘係咪總店真係會再好食d本店今日同豬隊友媽媽出開觀塘，想同佢去東廣場搵食，點知佢嫌東廣場d餐廳坐得唔舒服，我醒先返元朗個巴士站個位有呢間餐廳，就同佢試下啦，順便叫埋個係觀塘返工嘅朋友一齊tea我真係要讚佢呢杯紅豆冰，大大杯，紅豆嘅比例差唔多到去1/2甘多，最重要係佢d紅豆煮得夠「林」嘅同時甘保持到原粒粒粒嘅口感,絕對係我本人一向係肥野鍾意者脆口嘅菠蘿包、薄切嘅鮮牛油、溏心嘅煎蛋、新鮮嘅蕃茄🎊真係冇得彈！不過auntie 同朋友仔都大讚個蛋沙律多士，烘得夠乾身，個蛋沙律調味都一流🤤我又有返d衝動試總店啦

因為觀塘區嘅地膽,已經唔係第一次來幫襯華嫂💁某日因為啲事收早, 男友又話未食過, 就決定帶佢嚟試下😀😀當日係閑日大約下午兩點鐘, 但都係一如以往咁大排長龍, 當中更不乏啲好旅客feel嘅內地人🤷大約等咗四五個字先有位,入去之前規要先叫定嘢食🙄🙄雖然好似好有效率咁,但我都係唔係幾慣~嚟呢度我每次一定叫嘅就係佢哋嘅招牌芝士鹹牛肉蛋豬仔包($22),真係好好好好食😋😋咸牛肉同🧀真係好夾,個包底尤其出眾~如果再熱少少就好!我個蕃茄濃湯豬扒米($38)都好好食呀😍超入味肉質唔鞋,個湯底都真係好rich好滿足~~男友點果個秘製雞翼米線$30反而一般般,冇咩特別🤷🤷至於飲品方面,記得+$11叫埋奶茶呀🤗🤗連我平時唔太好奶茶都覺得好飲!!

2人排隊大約半小時就可以入座都算快 員工幫我地落單同上食物都好快速招牌芝士咸牛肉蛋豬仔包$22 咸牛肉香濃唔會過鹹但芝士唔夠溶豬仔包都夠脆身 整體都唔錯 凍奶茶茶味濃都好飲招牌菠蘿包👍🏼$20入面有牛油 蛋 蕃茄味道好夾入口唔會太乾 菠蘿包整得好脆身 必食之選推介秘製雞翼配通粉$27 可以加$8轉蕃茄湯底/皮蛋芫茜湯底/冬陰公湯底 蕃茄湯底超濃郁甜甜酸酸好開胃 冬陰公湯底酸辣味適中 但都係鍾意蕃茄湯底多d 秘製雞翼好入味肉質嫩 好好味