華園牛腩專門店

營業中

休息中

星期六通常是我一個享受私人時間的日子，獨個兒來到勝利道覓食，完全按個人喜好，不需考慮別人的想法，一個人找餐廳、食飯、安安靜靜的…，蠻喜歡那刻的時光。今次來到華園牛腩專門店，今次已經不是我第一次來的餐廳，是食過翻尋味之選。原因很簡單，食物不花巧，主打牛腩，無論配飯、湯河、撈麵甚或乎單點都有一定水準。記得多年前隨心意點了餐牌上沒有的 – 咖哩牛腩湯米，一試難忘。但之後再光顧，店員說沒有這種叫法、或是沒有這種配搭，我也不太能理解為什麼會做不出來，既然店家有賣咖啡牛腩，又有賣湯河湯米，當然我也不會為難店家要做餐牌沒有的菜式。所以今天來實測下運氣 – 結果王天不負有心人，又可以再嚐咖哩牛腩湯米了! 牛腩做得非常入味又夠腍身，咖啡沒有太多香料味，倒合我胃口，咖啡汁和牛腩汁混合在一起再淋上湯米伴著吃，我就是喜歡這樣吃，謝謝店家。其實餐牌上的咖啡牛腩是配飯吃的，一定也很惹味吧!說到餐牌除了咖哩牛腩，還有古法牛腩、黑柏葉、牛三寶泡飯都相當吸引，有緣再試。

尋晚買咗個牛腩河同咖哩牛肉，牛腩咁多舊夾埋真係得一舊瘦肉，勁離譜，咖哩牛肉啲汁全部都係油，好誇張，當時食到好炆都唔記得咗影相😭。食到一半已經唔太舒服冇再繼續食，過幾個鐘就開始腸胃炎，肚屙又想嘔。好在食粒藥之後冇繼續嚴重。但呢間以後都唔去了。

甚少來何文田，今次發現新大陸。6點左右入到去無咩人，但食到一半時已經滿座。友人極力推介華園嘅牛筋腩飯或者麵，伊麵唔係度度都有，所以最后選擇伊麵($68)!加咗碟菜同嘢飲大概$100咖喱汁牛筋腩撈伊麵(Beef brisket ee-fu noodles with curry sauce) 朋友果然推介得唔錯！首先咖哩汁香濃，伊麵又腍得黎有咬口，煮得剛剛好。最重要係牛筋腩肥瘦適中各位美眉牛筋補膠原喔牛腩亦炆得軟腍入味! 華園係何文田嘅優質推介

華園食過好幾次每次黎食都係食咖喱牛腩飯/沙嗲肥牛煎蛋飯因為呢兩款都係必食推介今日揀咗食沙嗲肥牛煎蛋飯..上菜速度神級快..落單之後3分鐘就送到面前..沙嗲肥牛煎蛋飯好多汁..撈完飯都仲有汁淨底但係女服務員態度很麻麻..拎一杯水拎到食完都未拎到黎！點解唔嗌嘢飲？因為之前試過嗌過杯阿華田淡到好似清水咁淡所以之後黎食都唔會嗌嘢飲..總括嚟講：要快同要好食都可以係一個不失嘅選擇但如果你要求服務態度好好就不了

成日喺附近食嘢，但因為選擇太多，一直忽略了這間專賣牛腩的餐廳。只看餐牌是會覺得有點貴的，飯類$50起，麵類$40起，雙拼要加$10，如我們點的崩沙腩飯盛惠$68（需點牛腩飯$50，加$10轉崩沙腩，再加咖喱汁$8），牛腩拼牛筋米粉$50（$40+$10）。但食物來到，我們都大讚物有所值。首先份量足夠，雙拼即是普通肉類份量的兩份。牛肉的口感、調味都非常適合我的口味，吃得出選料上乘新鮮。加$10轉的崩沙腩，位置正宗，有層膠質包住，爽口不硬。

我的飯堂!勝利道「華園牛腩專門店」。其實呢度有好多嘢食，但係每次嚟呢度我都情不自禁忍唔住，自動波咁叫呢個崩沙腩飯。牛腩係新鮮牛腩，筋膜腩肉相間，嘅Juicy又軟淋，完全唔係一啲低質攝牙罅嘅牛腩瘦肉，調味滷水做得啱啱好，完全唔會有死鹹，反而有淡淡的滷水香甜，又其實我會叫師傅俾多啲汁我，我會當清湯腩飯咁食！又再叫阿姐俾多啲蔥，加埋兩匙羹辣椒油嘅渣！完美配合！一日咁辛苦做完嘢！我都覺得好值得專程嚟食呢碟牛腩飯！好感恩! 完全係我嘅Comfort Food。#治癒心靈的食物#我愛咕哩飯系列

真係越食越老襯，牛腩一次比一次少，價錢一次比一次貴，味道一次比一次差，40蚊一碗牛腩河，得6舊牛腩，湯底仲要微微帶酸，越做就越差，真係想比機會佢都難，真係無下次🤣🤣

牛根河$40, 雙色墨丸粉面$42, 加丸類$8， 加肉類$10。叫左個牛根河加墨丸，收我$52。開點解，話係雙色墨丸米加牛根，火滾，仲話不嬲係咁。按佢的講法，雙色墨九米只得兩粒丸，再加牛根，冇下次！

途經呢條街,諗住求其食碗牛腩河，點知呢間野嘅牛腩超水準！入口即溶，牛味香濃！試埋愛人嘅咖喱牛腩，簡直好味到呢⋯⋯要升天了！不過飲品就貴咗啲，冬菜物比較淡。整體服務幾好，下次會再來！

上完Sunday Service，一家三口慣常地走到勝利道處揾食。小友一向對此甚雀躍，相反我就一點興趣也沒有。原因是這條小街內，食肆的數目是多但有水平的卻很少。不過有時為了貪方便，可以食完後馬上乘車走人，才勉為其難在這裡找吃....但今天出奇地，少有的可以在此找到間不錯的，而且之前也從沒試過的....這間所謂的牛腩專門店，事實跟旁邊的餃子店應是屬同一老闆的。那餃子店在這一條街上已可稱是"老"字號了。自己也曾光顧過此店，水準可以但就略嫌收費太貴了。而這間呢，索價也不算特別便宜，但食物水準卻是比餃子做得好多了....當然這兒除了有牛腩之外還有其他的如雲吞水餃及丸類供應。但如要試店的真章的話，那就當然要吃牛啦....我吃的牛三寶飯，牛筋軟淰易嚼中仍存點點咬勁；牛腩肥與瘦層層相間咬下去是彈牙的；牛肚亦非常的軟熟且十分入味。飯中沾了為數不少惹香的腩汁，這樣固之然十分輕易的就可KO整碟東西....小友不能多食牛，出奇地竟點了個沒有肉的薑蔥撈粗幼麵。更難得是麵沒有很重鹼味，咬落爽脆；薑與蔥的份量也不吝嗇。撈過甜醬油的麵條，食起來自不然令人討好。真想不到小友年紀輕輕竟也頗受落這款"大人麵"，是為出奇之

聽聞勝利道好多好餐廳剛好呢日經開旺角附近即決定同朋友過黎覓食正值中午飯時間人好多原本係想食一間日本當點知俾呢間店香氣吸引企門口已經聞到牛腩香🤤🤤🤤·同其他普通麵店無分別牛雜牛筋牛腩雲吞魚皮湯粉麵撈麵泡飯咖哩飯全都應有盡有任你點配·<牛腩湯河粉> $40一開始以為燜牛腩點知係清湯牛筋腩～牛腩煮得剛好火候啖啖肉汁被鎖住了而且每塊都有筋膜份量起碼有七八塊配上蔥花和芹菜吃再加少許辣椒油🤤最後仲飲晒所有湯😆😆😆·<牛筋湯河粉> $40牛筋份量多到不用說牛筋煮得剛好容易咬啖啖好煙韌又多骨膠原一點牛肉蘇味都無～🤩鍾意食牛筋既你要試下啦！·<自製酥炸魚皮－原味> $25一咬落去魚皮脆到好似薯片炸得超酥脆而且沒油益味～證明係新鮮做新鮮炸無過時仲另外提供一碗清湯點魚皮期待下次食下特色芥末味😋·<總結>又想便便地填飽肚又想食碗高質湯麵經過記得試下啦～

😑OT過後，無野好食就去左求其食碗麵啦～🐃金錢肚河🍜 $40- 金錢肚好夠淋同入味，湯🥣係清甜剛剛好，唔會係味精湯- 河粉正常，辣椒🌶️油香既- 整體算okay la~ - 只係$40 有D 貴過市價幾蚊，但又搵唔到佢貴既原因咁囉～*只可以講，比佢好食既大有人在，但麵係$3X, 佢多收既幾蚊，可能係純粹因爲自己話既「牛腩專門店」囉～ 但就腳嘛，所以都會食既～服務上就真係🤡D 喇～——————————————-華園牛腩專門店 (何文田)何文田勝利道14F-14G號勝利大廈地下 B2號舖

第一次去食味道OK. 牛三寶湯飯OK,黑栢葉捞粗都唔錯，好少有黑栢葉食。正!!只是不明白咖喱三寶撈伊要98元，魷魚，魚蛋，墨魚丸。照計是最普通的車仔面的餸，無吔特別呢!

近乎每天路經的地方新開一家牛腩專門店，我不多不少被專門二字吸引，想看看它能有個什麼出色。湯粉麵的價錢比一般貴大概三分一，撈麵價錢少則五十多，貴則接近一百，而這碗牛肚河粉賣$40。我點了古法牛什幼麵 (不要肺)，售價也是$40，價錢比較貴，但份量沒有比一般多，咱有看它的食物質素能否彌補差價了。先說麵條，幼麵本身的質素不俗，爽口有彈性，但是麵條結成一團又不怎麼掛湯，吃起來有點乾，不過爽口的質感令整體不錯。河粉不是我點的，我只吃了兩口，感想就兩個字幼滑👍雖然牛什有三種不同部位，但吃起來味道差異不明顯，頂多就是質感有點不同，軟腍程度算是達標，但跟賣二三十元的沒差。牛腸黏着脂膏理應有一股明顯的油脂香，這個不是完全沒有，但是脂香偏弱。前面就說不同部位的味道差異不明顯，牛膀的味道跟其他一樣只有咸味，完全帶不出牛什的郁香，所以吃起來沒有味道的層次感。粉麵用上的湯雖不算過咸，但若能淡上一點更舒服，反正這碗麵給我的感想只有咸和貴，麵條雖不俗，但也不是什麼驚喜之作，不值得。我一般在麵店吃到的炸魚皮只需十來塊錢，這裡一碟賣$25，炸魚皮是假脆，它是因為又厚又硬才會在咬碎的時候有明顯爆開的口感，但這並不是香脆，