華南粉麵茶餐廳

營業中

休息中

華南曾是有名麵店，卻是聞名不如見面，見麵方知實情。牛腩麵這質素夠胆收$57，真是要靠生客入坑。全瘦無肥湯渣腩，左趙右咬夠黐牙。鹵汁尚好味過咸，束辣油不香麵過淋。食唔到一半，都係起身走人。

重要嘅事情講三次 千祈唔好去 千祈唔好去千祈唔好去 伏度一個極點 真係唔明收人50蚊碗魚蛋粉好食得喺邊度? $300一樽辣椒油簡直堅尼地！ 呢間舖嘅定價真係貴到一個點根本唔想招呼比香港人食！衛生環境差 服務態度更加唔駛再提 永不光顧 永不光顧 永不光顧

十幾年前成日都在華南食腩河做宵夜，記得當時都唔算平嘅，但係算好味，會回頭嘅質素。事隔多年未再幫襯，今日行經灣仔打算懷念下，眼見人流極少，得兩張枱，食食下有5個操普通話嘅國語人遊客入哩食，估計依家做遊客生意多。價錢貴一向都知，但依家要$57一碗腩河同$27一碟菜，真係貴到嚇一嚇，飲品仲要正價另計，要$24一杯凍檸茶所以無叫。啲牛腩好硬，仲有一整舊肥膏，根本食唔到。重點係，兩公婆食完都腸胃炎，成晚胃痛瞓唔到，第二朝痾到hihi…..此情不再，永不幫襯🥲

在灣仔長大，以前幫襯過無數次。最喜歡魚蛋粉，當年的魚蛋，彈牙香口，味道一直令我念念不忘。搬離灣仔已十多年，數數手指，最少有十年沒有幫襯過。難得今天下午要到灣仔工作，立刻再去回味一下⋯⋯可惜，魚蛋又腥又梅，可以說是我食過最難食的魚蛋粉！今次叫了魚蛋粉（$50）加芥蘭($27)。埋單$77絕對可以有更好的選擇。價錢一向是貴，環境及服務態度一向都偏差⋯⋯但以前食物有水準，總算值得比！不過以現時的垃圾質素，可以永遠不回頭了！Bye bye 了華南👋🏻

夏日炎炎，，，，正想找個地方休息一下， 路過這間華南粉麵茶餐廳，就入去一試。。。。。。。。。魚蛋河粉 魚蛋不錯 多謝50元..........OMG!!!!!!!!!!!!!凍0茶 一般24元,無錯是正價收費！！！！！！！！！！！！！！！綜合來說，食物一般！！！！！！！價錢太貴！！！！！！！！！！附近餐廳下午茶性格比會更高。！！！！！！難怪在灣仔區人流區，亦不見太多的人在光顧。結論，同區有更多更好選擇，不建議。

難吃又貴，路過時，店員係入面狂揮手有位有位叫我，冇諗清楚入左去。發現最低消費50。點知淨普通麵都50唔包野飲。諗諗吓廢事出去再搵，叫左牛雜麵。又細又難吃。唔怪得侍應狂叫人入。中伏中伏。

魚皮，24蚊，明顯唔係自己炸，唔緊要，返貨都可以炸到燶燶地，仲要得4塊。崩沙腩麵80幾蚊，一般過一般，味道差過街邊啲蚊碗啲牛腩。兩個人食左240，唔知食左啲咩。絕對無下次。

硼砂腩牛腩麵个麵好够韧度， 嗰个汤底就咁饮比较咸，但系夹埋嗰啲冇咁索汁但系好有麵味嘅麵就好匹配，啱啱好，一大担麵，一大担浓汤，再一担硼砂腩，正！第一次食硼砂腩，觉得佢比一般平时食开嘅牛腩龈啲，但系唔难咬，比牛腩香，同埋食落有唔同嘅口感所以好丰富，真系好特别！多谢！腿蛋治，蛋真系係好嫩滑，啱啱好，唔会炒得老，火腿同埋面包，好正呀！嗰个云吞我净係食咗一粒，但系觉得佢嘅虾同埋个猪肉嘅比例好好因为两个味道夹得好好，同埋个皮厚度又啱啱好，出到皮嘅嗰个香味，同埋好滑，所以都会令我印象深刻。多谢，真系好难得每一道香港嘅特色菜都有佢嘅标准同埋highlight，同埋特点呀！

牛腩唔掂，肥到不得了，瘦又碎濕濕。唔知以為乞衣麵！👎🏻👎🏻👎🏻👎🏻👎🏻👎🏻👎🏻衣著係工人衣服，老闆就狗眼看人低！又唔諗下，自己咪做大排檔底下階層出身，唔知以為佢係含住金鎖匙出生，以為自己依家太平紳士出身，咪日日著住對污糟邋遢底衫牛仔褲水鞋賣牛腩麵。

夜晚諗住搵間餐廳應付下算一入到去環境一般，拎起塊餐牌先寫明最低消費要46，點左一碗$46雲吞麵 仲要無野飲送。心諗你最好碗雲吞麵啲料真係可以配得上46 (仲有少少期待 )一上黎今次真係中伏，雲吞勁細粒 裏面的袖珍蝦仁我可能要搵顯微鏡先搵到 蔥花又放得果吾夠、湯底仲又濁又吾香 另外佢一律加腩汁 雲吞麵加腩汁 我不如食牛腩麵好過 就依碗雲吞面嚟講 我呀媽用隻腳煮都好食過你整既$46一碗雲吞麵 又貴料又少吾好食 blacklist!!!

此店有三伏，中午行過見到有位唔係咁多人就入去試吓，咁就中伏身亡。第一伏，入到去被安排去長枱撘枱，見到張枱諗咗一秒坐唔坐好，因未見過d枱可以狹窄，好似將一張一般枱橫身切開一半（3呎闊變呎半闊）仲要係搭枱對面有人坐，真係耷低頭食麵時可能頭碰頭。第二伏，叫咗一般麵檔最基本既雲吞河，河粉都叫做 ok, 雲吞就⋯⋯食落好似9成係豬肉+唔知什麼肉，唔知有冇蝦肉存在，因為食落只係感覺到只有豬肉⋯⋯仲要收到$46。第三伏，最低消費$46，剛剛好一碗麵價錢，滾水要另外收錢（好耐冇見過了）。真係冇下次。

係经过朋友介绍嚟呢度食，佢哋好出名嘅有云吞面，牛腩面，鱼丸面等等，我哋十个人嗰嗰都叫咗一碗食，嗰味真系好正！！！！我哋仲叫咗啲通菜，鱼皮，係好好食㗎！好脆鱼皮。好似呢间铺头您哋冇睇佢细细间，但开咗好耐啦，几十年个年头，听嗰好朋友话，佢哋一路都可以keep住啲味，真系好难得。今次食真系好好食呀！希望可以一路开落去！！！保持住呢个好味！！！下次都会继续嚟呀！香港有呢啲好传统嘅餐厅真系好幸运！已经介绍咗俾其他身边嘅朋友啦！

十幾年前喺灣仔做嘢間中都會食下，再到灣仔嘢食想返以前嘅嘢， 見佢仲喺度入去坐低，叫碗牛腩麵，侍應問係咪要普通果d? 我心諗有唔普通嘅咩，我就話係啦，跟住佢放低張單，原來依家要呢個價位$53，一食落去，嘩不得了，食牛皮咁，又硬又鞋，唔係牛腩嚟，未食過牛腩係咁差，平時差都係太肥，或者唔諗，收得呢個價，就算點都應該比返牛腩位，態度果d 就唔好講，食幾十蚊嘢唔會有咩要求，但食物。。唔會有下次！再睇返d食評，應該睇左先就唔使嘥錢！

成日經過呢一間食粉麵嘅餐廳 但係都冇乜機會入去食 今日夜晚忽然有少少口痕 剛巧側邊所有餐廳都閂晒 就決定行入去試吓呢一間華南粉麵 入到去見到有好多報紙雜誌介紹佢食牛腩嘅剪報 所以都毫不猶豫 叫一碗牛腩米粉試吓雖然已經晚上11點 但係店舖入邊都有五六台食客 我見到大部份嘅食客都係叫牛腩 等左唔使3分鐘 我嘅牛腩米就送到上枱面 我加咗錢叫牛坑腩 識落的確唔錯 有一種幾特別嘅味道 唔會話太過韌 米粉嘅硬度，亦都適中 加埋佢特製嘅牛腩汁 呢個宵夜，真係一流冇得輸

8年後回港，很遺憾發現很多食肆已經倒閉，或者經典菜式已經大不如當初的神韻，失去了“靈魂” 。 很可惜很遺憾！似乎最具代表性香港傳統飲食文化似乎面臨巨大危機！然後今晚到了華南，發現尤其是這4年面對示威者破壞街道與店舖，然後之後一波又一波的疫情... 捱得特別艱苦，但華南仍然能屹立到現在，難得難得！! 感謝老闆星哥和老闆娘陳太，無論面對多少次影響着生計的風與浪都嚴守宗旨，不會選擇削減材料，才能夠再度品嚐得到正正就是回憶裡面的味道，實在萬分感恩！ 真的不負有心想品嚐到這種充滿香港心，香港情的味道！ 物價雖然一直飆升，但仍然能夠堅守宗旨是非常困難的事情。 有些東西用錢是買不到，堅守宗旨的路也往往是最不容易走，所以實在要向老闆致敬！！ 即使第一眼表面看菜單有機會是感覺貴了一點，但我們大家覺得都非常值得的！ 好喇，以下就關於菜品一點點的感想：凍檸茶 -- 其實很多地方已經嚐不了這種真正“經典”凍檸茶的味道。茶膽用絲襪製作，香濃茶味混合檸檬味的清新，香而不澀，甜度適中，仍然是這麼多年來負責茶水部的同一位老練師傅製作！ 難怪！希望不會失傳！ 魚蛋河 *加腩汁* 加兩三滴自製辣椒醬 -- 已經很難找