華倫餐廳 (已結業)

因為在銅鑼灣反工，看到這華倫餐廳開左幾星期，剛好星期五晚同朋友兩個人禮頓道沒什麼野食，放工後入左去食飯，感覺很多遊客外國人，可能是因為在酒店旁邊。餐廳跟其他茶記有幾大分別，感覺像西餐廳太平館和萊佬餐廳果D感覺，但價錢是茶餐廳價錢。環景服務很好。食鐵板什扒送湯送糖水，也有酒樓的餐布和餐檯紙。朋友叫了晚餐精選石頭小菜，出到來熱辣辣，冬天幾好。經理送埋糖水比我朋友。埋單2個＄160。總括來講環境服務90分，價錢食品85分。幾位朋友約會幾適合。男經理姓李，抵讚。

我地兩個人，可能係我地簡錯，唔應該喺茶記叫鐵板扒餐仲要一個牛扒(跟薯條)一個雜扒跟飯😑先黎個羅宋湯，味道係ok不過好咸。。跟住嗰兩個扒來了。牛扒又係咸到一個點，另外雜扒餐有腸仔，火腿，雞扒，豬扒同雞蛋。成餐我地兩個覺得最好食係條腸同隻蛋。。薯條好似返炸過無限次咁，最弊係連本身可以用黎蓋住d味嘅黑椒汁都完全唔得😔可能最後太失望影響心情，覺得連杯水都難飲過人⋯⋯埋單好似$196，如果你覺得用一舊水去食間有service冇質數嘅就去一試啦！不過奉勸大家唔好食鐵板扒😅😅😅

上次朝早去完華倫食過早餐今晚同老婆仔女經過華倫又入去再試下佢地新出嘅泰式咖哩……一入去老婆叫左過咖哩牛腩我就叫咖哩鷄扒同一個什扒餐俾兩個仔女……牛腩夠淋啲咖哩夠香同辣得來吾會好辣而鷄扒又夠大件……最值得讚系個什扒夠大份同鉄板夠熱、落汁一刻夠咋！不過有失敗之處系冷氣吹到個人好暈！

感覺有啲似翠華嘅燒味茶餐廳，入去招呼不錯，午飯時間但未見到有人叫燒味，叫左咖喱雞扒飯⋯⋯雞扒脂肪厚到似西多士，飯有幾硬得幾硬，啲咖喱全部都係獻汁，啲冷氣有幾凍得幾凍，啲位有幾窄得幾窄。最慘係成六十幾蚊，再望吓隔離，無論係乜嘢食物，喺中環嘅茶餐廳最多都係四十幾蚊。但最慘嘅係呢度真係超難食，呃錢！我以為睇戲先至有⋯⋯食神好嘢！

今朝去左新開嘅華倫食早餐，環境幾靚，又整齊，叫左個牛扒早餐食下，嘩，一嚟到又幾大件幾抵食喎，通常去d茶記食依d牛扒早餐多數都係炸到好乾，依間真係睇得出係煎到咁香，無炸過，正，可以繼續嚟食！

今日下午我們去咗銅鑼灣行街，經過禮頓道見到有間新開張嘅「華倫餐廳」，見店內嘅環境裝修都幾光猛舒服，就入咗去食下午茶！我們叫咗星洲炒米炒得好乾身同鑊氣十足，材料相當豐富！肉碎什菜紅湯通粉拼奶油多士嘅湯底好鮮味濃郁，通粉好煙韌彈牙，奶油多士烘得好香脆，淋上香甜嘅奶油一齊食，真係幾好味！吉列魚柳田園沙律嘅魚柳炸得外層非常金黃香脆，炸粉亦唔會好厚身，入面嘅肉質相當結實彈牙，沙律係用新鮮生果做成，味道好鮮甜清新！

星期日食過歐陸早餐都好抵食……吉列魚柳好味夠大塊賣相又都好好……杯咖啡夠濃夠熱！出品質素同同區比較抵食、份量又夠！唯獨系祗有砂糖冇咖啡糖！價$可以接受！值得再去……