華倫餐廳 (已結業)

今晚可以準時放工，娘子告訴Step想到銅鑼灣的誠品書店看書，原因買書有特價優惠，結果Step便和娘子到銅鑼灣匯合。 『今晚想吃甚麼？』Step問娘子… 『之前在網上Openrice見過一間銅鑼灣茶記，有一個招牌流沙西多士，評價不錯，不如我們今晚去試下…』娘子立即在網上找了一張流沙西多士的相給Step看。 『咦，又真的很吸引啊，脹卜卜又是奶黃夾心…』Step立即變得心心眼！！ 結果我們就跟著地圖前往這家茶餐廳，店名為華倫餐廳。 ------------------------------ 華倫餐廳位於銅鑼灣禮頓道，正正就是在跑馬地與銅鑼灣的交界位置，由時代廣場地鐵站A出口沿著勿地臣街步行，到達禮頓道後一定要過對面馬路(否則就會兜一個大圈了)，之後行大約1分鐘便可到達，全程時間大約需時5分鐘。 雖然華倫餐廳位置不是在銅鑼灣核心地段，位置於禮頓道有自成一角之感，但往往好東西就是這樣，需要親身走一趟去拜會才可以體會真正的美味！！ ~裝潢擺切~ 來到華倫餐廳門口，整體裝潢簡潔，有點像西餐廳的設計，燈光光猛充足，未進入餐廳已經給人一個良好的印象。 在大門玻璃窗上已經貼有華倫餐廳的鎮店小食 –

成日泊車都會泊係禮頓中心。一出門口就會見到呢間茶餐廳。於是就過去食個brunch啦。依家香港地下午茶都幾貴。呢個海鮮烏冬都要成五十幾蚊啦。平心而論呢，其實係好足料個喎。好多鮮魷魚，又好多蝦，又好多蛽肉。食落其實幾好味，而且又有好多金菇啦芽菜。份量都非常之大碗。食完好飽飽啊。其實食完果一刻係想比正評佢。但係過咗半個鐘頭之後就feel到個口好乾。其實有啲唔係好自然嘅感覺。因為我係唔受得味精嘅人，我食完會好feel到個人好唔舒服。我估應該係落咗好多味精。所以咁好味。我唔推薦好多味精嘅食物。好可惜呢間野我唔會再返去啦。

流心奶皇西多士- 華倫餐廳茶餐廳格局, 雖未有豪華裝修,但卻內藏寶藏! 新推出"黃金時代" 套餐$68包含流心奶皇西多, 炸南瓜薯餅, 沙律及奶茶紅豆或青檸梳打, 份量慷慨! 而主打奶皇西多流心度極高,輕輕一切已緩緩流出, 澎拜十足! 西多炸得恰度好處, 金香口, 配上濃郁奶皇汁跟隨碟的紅豆蓉, 口感層次豐富, 絕對是下午茶不二之選! 😎

本來約咗朋友傾嘢，不過，臨時被人放飛機，咁一支公都要食飯架，正身處銅鑼灣、跑馬地交界位，依個吊腳位唔熟，上網查查附近有咩好食，一查就彈出依間茶記，略略睇過啲食評，其中嘅鎮店流沙西多士不斷洗板。踏入餐廳，比大多數嘅茶記感覺好，唔單環境闊落光猛，無一般茶記擠逼，兩邊通道寬闊，仲要晌依啲旺區出現，認真少有，所以，舒服好坐，而且乾淨企理，招呼亦不俗。此外，拉開側邊餐具櫃桶，餐具充足排列整齊，平常見唔少茶記做得好「求其」，唔喺無依樣就無嗰樣；更提供代糖，又有免費wifi，茶記嚟講都算少有，依啲都喺增值加分位。咁嚟得茶記又唔喺食環境，食服務，但依幾方面做得好，客人點都食得開心啲。不過，最重要都喺啲嘢食得唔得，睇一轉餐牌，除唔少茶記慣常出現嘅食物外，亦有唔少自家招牌嘢或特色菜，如燒味系列、鐵板系列、石窩小菜、咖喱、焗飯。當然，梗有晚餐供應啦，晚晚不同，每晚有5款選擇，基本價喺$78，如揀六福燒味飯則要$128，奉送是日餐湯、火腿沙律及熱飲。雖然佢啲流沙西多喺鎮店，咁無理由食件西多當晚餐喎，我都喺鍾意茶記啲炒粉飯麵，再者，啲碟頭嘢可另加錢要湯或飲品，選擇具彈性。同埋睇過啲食評，啲是日餐湯及火腿沙律都普

今日打算初嘗華倫的早餐，叫極服務員都唔黎落單，黎到又話啱啱好過咗11點冇早餐食。然後叫咗兩份午餐，等左好耐都未黎，追問左幾次都淨係叫我等等、等等。最後原來根本沒有落單，仲質問我地係咪有點餐！從未遇過咁過分的餐廳（是否只做大陸人生意，香港人就冇錢俾，唔招呼我地？）估唔到喺銅鑼灣開嘅餐廳都有咁樣嘅質素，實在係10分失望，難怪每次經過，都係冷清，得幾個客人。雖然裝修得好睇，但係如此服務態度，實在令人難以一嘗

中午約了朋友到南華會打保齡，但落左巴士響禮頓道，朋友先話會遲到。巴士站旁邊正正係華倫餐廳，中午要等位，但好彩我自己一個，不用等便坐左響門口高臺。華倫餐廳幾有特色，我最喜歡門口3個高位，方便有行李的客人，或1個人吃飯的客人。點了$48午餐豬扒蛋煎飯連餐飲，這個餐每天都有，應該係好像麥當勞嘅特價餐今。豬扒“葉”得剛剛好，份量足夠，味道很好。值得一讚係餐廳嘅啡走。本人比較特別，去茶記一定係飲啡走。華倫餐廳嘅咖啡飲得出係好野，絕對係茶記裡面最好的那幾間！

約了朋友在時代廣場看展覽，看罷他說有點點餓意，説起最近熱談的流沙蛋黃西多士，反正店子就在附近，當然立刻起行。下午茶時間有很多不同選擇，侍應推介這裡的中湯真材實料，只需另加$10便可，朋友好有興趣，就叫來一試吧。餐湯（粉葛赤小豆煲鯪魚豬骨）～$10湯底清甜帶肉香，沒怎麼感受到有「師父」的影子；經長時間㷛煮的豬肉依然不帶「嚡口」之感，再加上赤小豆、鯪魚及粉葛，便是一碗現成的住家靚湯了。只是湯面油份不少，如喝之前能做一點除油功夫就更好了。南瓜薯餅拼瑞士雞翼～$38炸得酥脆的南瓜薯餅竟然加入小量南瓜皮，不知道是否有什麼特別原因呢？南瓜餅味道香甜又飽肚；雞冀有四件之多，外皮微脆，顏色不是太深色，外貌有點似滷水雞翼，嫩滑多汁。鎮店流沙西多士拼田園沙律～$46極邪惡，一切開，蛋汁已四處流淌，蛋黃味甜而香濃，和炸得外脆內軟的西多同吃；好味到雙眼微咪，兩者的組合竟是如此美妙，旁邊的蜜糖反而是派不上用場了。吃這個的要訣只得一個字 - 「快」！不然浸在那澎湃的蛋漿過久便會變淋，令食味大打折扣。一旁的是兒時回憶 - 當時真的以為沙律就是雜果/菜加卡夫奇妙醬呢！奶茶茶味不算太濃，卻非常滑口，只下了少許糖；正好平

自認是饞嘴一族，所以平日閒來無事，最愛就是和幾位好姊妹在聊天群組中交換美食情報。友人知我愛吃香口之物，最近忽然在群組內上傳多張流沙西多的美食照片，大讚這客有餡西多，不但炸得金黃香口，而且切開後，還會爆出滿滿的餡料，既邪惡又美味，推介我一定要試試。所說的流沙西多，原來是來自銅鑼灣禮頓道這間《華倫餐廳》。瀏覽過網上食評，發現除了鎮店流沙西多士外，餐廳還有老公愛吃的燒味供應，反正兩口子早已約好周末去銅鑼灣選購抽濕機，就一於順道過去吃頓午飯。踏進店，原來餐廳地方都幾大，佈置雖然只是一般茶記格局，但裝潢光猛整潔，加上空調充足，椅桌擺放得亦唔算密麻，而且入面設有散座及卡位，安坐其中亦甚舒適。先拿起單張餐牌看看，星期一至日，中午有精選午餐供應，售價由 $48 起，奉送熱飲，加 $12 有健康油菜，而加 $6 就有是日中湯或西湯。至於另一本厚身的餐簿，項目就包括有鐵板海鮮或肉類、鐵板粉麵飯、即炒粉麵飯、住家私房菜、特色石頭小菜、咖喱及焗粉麵飯、各式飲品、醒晨早餐、港式常餐、小食滋味、下午茶餐及招牌燒味系列等，花款勁多，可說麻雀雖小，五臟俱全。老公想吃燒味飯，本來想點客叉燒拼油雞，但侍應哥哥推介是日午餐

睇完食評被吸引了！決定黎試下，跟住地址搵行到太興附近都見唔到，當好失望之際，唸住放棄，就係鳳城酒家隔離見到佢！店內裝修好新，唔似一般燒味茶餐廳，走高檔路線。有單人坐位，應該係方便lunch time 人來人往既時間。下午茶既選擇頗多，麵包的浪漫，岩晒我依d麵包癡。反而晚餐真係唸唔到想食咩，西多太滯一個人又食唔到，又唔想食常餐或燒味，最後揀左焗雞排。等左都幾耐，先黎杯奶茶，但茶味唔出，有點淡。焗飯ok ，但d汁都仲好稀，無焗過咁。但塊雞排就無咩食過，因為雪味太重。但份量就好夠!下次去試新既餐廳都係揀反佢出名既野！今次食完，失望有的，但只係怪自己叫唔岩，或者有機會下午茶或早餐先黎過！

Me and my boyfriend were looking for a quick go-to for dinner on a Tuesday night and came across this new cha chaan teng in the midst of causeway bay.  My first impression of this place was pretty good with the fairly nice interior- compared to the other cha chaan tengs- and the place was fairly sanitary.We decided to go for the meal set and added $10 for the daily soup; the chinese soup or the western soup. For me, the chinese soup tasted much better than the western as the western soup was qui

某日 , 到 銅鑼灣 禮頓道 辦點公事 ....途經這間門面光鮮的 華倫餐廳 於是便入內幫襯 ~Menu ~我點了 燒味雙拼飯 ( 叉燒、燒肉 ) $ 68 , 配西湯 + $ 10 , 再配凍奶茶 + $ 8先端來羅宋湯 , 味道酸甜 , 蔬菜味濃香 , 帶點懷舊的味道 , 羅宋湯 襯托 燒味飯 , 確實是不一樣的體驗 , 新奇有趣 ~燒味雙拼飯 (叉燒、燒肉) : 白飯 : 甘香軟綿夠熱 , 飯粒分明而不死實 ;  叉燒 : 蜜味十足 , 肉質豐腴 , 爽彈鬆軟 , 吃下又不覺肥膩 , 邊位略有焦香卻不會過硬 , 好吃 ; 燒肉 : 外皮鬆化脆口, 肥瘦肉參半, 然而咬下去又不覺肥膩 , 肉質嫩而略有鹹香 ; 配菜 : 菜心 清甜無渣 , 咬落爽嫩 ~凍奶茶 : 茶味香濃而不澀 , 甜度適中 , 口感絲滑而平均 , 夠凍又好喝 ~發覺原來還有糖水賣 , 於是便點了一碗 紅豆沙 : 紅豆大粒份量十足 , 已煲得起沙, 蓮子鬆化清香 , 甜度不高 , 味道竟然比糖水店的更勝一籌 , 讚 ~總括來說 : 食物質素高 , 侍應生的服務態度良好 , 性價比高 ~本篇完 ~

又是快活星期一的時間！「星期一」這個名詞明明常被掛上「頹」、「鬱悶」、「沒力」等等的「星期一症後群」負面症狀。可是，我跟友人結束逢星期一的某堂後，一定會直接轉到Happy Friday mode般，精神抖擻地四處覓食，再小酌一會，才罷休回家。是日我特別想吃西多士、炸雞腿、炸薯條，那麼高脂肪的食品，同時又不想那麼頹廢地光顧連鎖餐廳，便誤打誤撞走進了一間頗有驚喜的茶記！我跟友人點了兩份set來share，先點了個四寶飯餐先填填肚，再順應友人這個「流沙控」的要求，要了脂肪爆燈，邪惡滿分的「鎮店流沙西多士」餐（雖然也是為了滿足本人的嘴饞啦～）跟餐西湯：羅宋湯由於我倆都是點了set base，所以有跟餐餐湯，本來有中西兩款選擇。最後我們都齊心地選了羅宋湯，來個酸酸甜甜，開開胃！雖然羅宋湯只是普通港式茶餐廳版本，飲落偏酸，但意外具誠意地有足料蔬菜，多多生菜、紅蘿蔔、已經熬制得完全腍軟的洋蔥和蕃茄，可以在吃正餐前，保保纖維，扮健康一下下鹹蛋四寶飯份量果然十足，紅腸、叉燒及油雞整整齊齊擺放在飯上，將鹹蛋勻拌於白飯中，已增添香氣，加上色澤紅潤的蜜汁叉燒來送飯，食落更加香甜美味！不得不讚叉燒烤製得香甜多汁

好多時我搞唔清楚麗顿中心的位置是屬於銅鑼灣或跑馬地，但位於兩者交界處就有一間叫華倫茶餐廳。星期六放假就專誠去試吓呢間餐廳出晒名既流沙西多士。可能租金昂貴，附近的茶餐廳面積就顯得比較狭窄兼非常茶餐廳格局，坐得不太舒適，我貪這裏較寬敞，除了一般的奶茶咖啡三文治，原來燒味亦是這裏的主打之一。與這裏一位滿面笑容的經理閒談之間知道老板原來是隔鄰著名酒家的太子爺，父親做中菜，兒子做茶餐廳，真是上陣不離父子兵。叫了一個燒味套餐，有中式冬瓜湯或羅宋湯選擇，湯水味夠濃郁，絕無溝水，吃過油鷄燒鹅飯，當然保持一貫的水準。最後梗要食流沙西多士和歎一杯必飲的檸檬茶，西多士表面是一件普通西多士，原來把這件普通西多士一切開，在西多士內的奶皇即時像流沙般流出來，味道就跟吃奶皇飽一樣的香香甜甜，怪不得這麽多人專誠來這間餐廳祗為吃這件绝不普通的西多士了。埋單前經理仲笑笑口遞手機給我們看食客吃過這西多士後的評語，當然是thumb up。食飽後漫步行到馬場都祗需十分鐘，感覺很享受。

同朋友系銅鑼灣行街👭發現左呢間華倫餐廳都有邪惡流心西多士供應😀位於銅鑼灣價錢來講都算係貼地！多士炸到金黃色，口感帶啲脆身😊而切開西多士後，奶黃餡慢慢咁流出🙂雖然奶黃餡唔算太多，不過奶黃味道都幾濃郁😀做到微微帶沙嘅口感西多配沙律是常識吧🤔沙律，不過不失啦😄份量都算系適中，吾會好似擺左好耐咁出哂水～中湯係冬瓜湯，都幾好飲架！唔會好似落咗好多味精咁！飲完唔會好口乾🙂仲要好多料添的南瓜薯餅即叫即炸！食起上嚟外脆內軟～南瓜蓉食嘅時候帶點甜味，味道夠天然而且食落仲見到有南瓜皮瑞士雞翼嘅瑞士汁味就真係好香，用嚟配白飯認真一流最後食返個中式糖水做結尾，呢款合桃糊甜而不膩，入口暖暖地咁，冬天食就好舒服🙂而且唔會好杰身，都好易入口

是日去完活動後，經過禮頓中心，見到一間好亮麗潔淨的餐廳，細看下原來是一間茶餐廳，集港式西式共冶一爐環境舒適寬敞，見肚有點餓，又未食晏，但又就到晚飯，不如就早點開餐先來一個中湯，餐配加HKD10就可以，年紀越大，不知怎越對中湯情有獨鍾，冬瓜薏米湯，味清甜而不膩，且毫無油膩感，雞肉亦弄得好腍，冬瓜好入味想不到茶餐廳的中湯都可以如此出色而鹹蛋四寶飯HKD68更是餐廳主打，未嚐先散出香濃燒味氣味，飯亦軟硬適中港式燒味四寶飯，有鹹蛋，紅腸，燒鵝及叉燒紅腸個人不太愛吃，因此認為正常味道而叉燒正正合我口味，是我喜歡的瘦叉燒，其實好多人愛吃肥瘦的，但一直以來我都只愛瘦不愛肥肉，而味道剛好，且燒味的香氣好出，十分美味燒鵝也是餐廳主打，皮夠香脆，吃下滲出絲絲甘香，骨肉相稱，恰到好處，好正呢!有湯有飯，點少得呢杯好地道的特飲，加HKD13龍鳳可樂，鹹檸加鮮檸，再加上可樂夠氣又可'gur一gur',加上鹹檸味夠出，配上清新又酸的鮮檸檬，甜甜的可樂，一同飲，別有一番味道最令我意想不到的，是這里的中式糖水，有水準有選擇，原來晚上每每惠顧就會奉送，好有驚喜，我選了合桃糊，濃稠適中又不太甜，誰會想到茶餐廳會有糖水奉送