荷里活冰室 (荔枝角道)

營業中

休息中

今日喺附近做完嘢去咗餐廳食早餐店員態度幾好位置都算易搵炒蛋炒得幾好食好香好滑👍🏻三文治嚟講冇咩特別🤣冬0茶幾好飲 茶底幾好下次會再去試吓其他見到下午茶餐好似都好正

住四小龍超過一年，幫襯荷里活都十幾次了。今日叫外賣自取咖哩雞飯，番到屋企一打開個咖哩汁得3舊薯仔，即刻呆左。打去餐廳個收銀，佢射俾個大家姐，叫佢拎去屋苑大堂我落樓拎，話要登記怕煩又唔肯，要個客行去餐廳門口附近拎，我一上一落都廿分鐘啦。好啦，我淨係想FAIR D姐，我買咖哩雞飯，雞係主菜，你俾漏我要我食薯仔飯，你拎番俾我好FAIR姐，又唔肯拎，咁咪網上見留個底囉。呢間唔會再有下次，BYE!

其實以前同朋友嚟過呢間茶餐廳，今次就同屋企人再食下，享受下難得的家庭樂。侍應服務一流又貼心，佢哋絕對識得搞氣氛🥳！我哋點左幾款食物，以下我就逐一報告☺️.👁‍🗨 香辣菜圃五香肉丁米粉配炒滑蛋.➰ 佢嘅味道十足，米粉滑而唔散，配埋香辣的五香肉丁，朝早食都覺得係暖胃。就算係小辣，但細味其中的層次，話你知原來辣味都可以咁豐富。🍲😋💡 .👁‍🗨 叉燒湯意粉配炒滑蛋.➰ 茶餐廳必試的經典款式，叉燒質感非常好，夠味，配上滑蛋，一定用牛奶粉，因為好滑，一試難忘。個牛油包肯定唔少得，外皮脆口，賣相吸引！.👁‍🗨 紅豆冰同雜果冰.➰ 好適合清熱消暑！紅豆夠甜夠滑，而雜果冰就真正的夏日風味。🍧😋💖.傳統同新派的結合，帶俾你一個新鮮嘅港式體驗。裝修貼地，氣氛低調卻不失時尚感，坐得舒服，食得滿足，真係一次難忘的港式體驗！😃💓.🔛 整體評分（7.5/10）

今日去咗一間裝修非常之有香港風味，環境好舒服既餐廳 🏮— 荷里活冰室。地點非常方便，就係荔枝角，餐牌介紹非常清晰，而且每一款食物都好食，冇中伏位。✨🍽️ 首先上桌嘅菜式就係👉🏻芝士焗豬扒飯。一睇見嗰個份量，真係非常之吸引人，豬扒既肉味香嘖嘖，又大大件，芝士既濃郁口感，仲要係粉飯底，真係理想組合。😋🥦 第二個上場嘅係👉🏻西蘭花炒花枝蝦球，營養均衡，西蘭花嘅爽脆口感，而花枝同蝦球即係香嫩，口感嘅配搭好豐富🍤🥤最後當然少不了 雜果冰同凍檸水。雜果冰豐富嘅口感與冰涼嘅味道，真係會令人一飲而盡。凍檸水則係清新☕️我覺得荷里活冰室有超好嘅食材供應，而且每一款食物都係一種新鮮煮出黎嘅。我已經迫不及待地想向我所有嘅朋友大推薦呢間地道香港風味嘅餐廳啦！🏆🎉

今日想吓換換口味，於是就嚟到咗荔枝角嘅荷里活冰室走一轉。✨ 先嚟個泰式菠蘿雞粒飯🍍。你睇吓呢個炒得又金黃又香，菠蘿嘅甜意同雞肉嘅飽滿口感直接融入到飯嘅每一粒米裡面，簡直喺100分！😋😋✨ 再嚟碗魚湯胡椒鹹菜豬肚花枝泡飯。食呢一碗真係開心🌞，就好似媽媽煮嘅湯咁溫馨。再加上鮮美嘅魚肉同腍滑嘅豬肚，真係冇得頂！🤗總括嚟講，每一道食物都流露喺廚師為食物付出嘅心血。無論你鍾意飲咩飲品，或者食咩餸，都可以係度搵到心頭好！

荷里活冰室，提供咗一次令我地好滿足嘅用餐體驗。👪👌🍝 懷舊沙嗲牛肉湯公仔麵配炒滑蛋，牛油餐包🍝沙嗲牛肉公仔麵，呢間冰室嘅一大亮點。鮮美嘅牛肉同沙嗲醬嘅組合，加上滑嫩嘅炒蛋，每一口都充滿咗惹味。用既係公仔麵，特別容易掛住d湯汁。😋 🥪 雞蛋蕃茄治 🍞講到簡單嘅雞蛋蕃茄治，滑嫩嘅雞蛋同甜美嘅蕃茄，簡單嘅配搭，總令人食得好滿足，最重要價錢相宜😆🥤紅豆冰，雜果冰🍨至於飲品，呢邊嘅紅豆冰同雜果冰都好出名。冰涼感覺，清新嘅風味。👍荷里活冰室，就係一個充滿創新與傳統相結合嘅香港美食聖地。無論係用新鮮嘅食材，荷里活冰室一定係你唔可以錯過嘅好地方！🥰👏

朋友介紹「荷里活冰室」喺荔枝角激讚👍，又香港風味，又價錢合理，咁好嘅嘢食，我怎樣可以錯過呢？我就同大家分享以下我覺得非常好味嘅兩款飯飯：梅菜扣肉飯推介指數🌿🌿🌿🌿🌿湯汁黏稠鮮美，扣肉滑溜醇香，肥而不膩，食之軟爛醇香。 梅菜吸油，五花肉又會帶著梅菜的清香😉榨菜蔥油豬扒飯推介指數🌿🌿🌿🌿🌿香茅豬扒飯好吃豬扒juicy又香葱油好好味～～同埋個份量係大大份～～～好鍾意阿！！佢地呢啲飯飯好食到無得頂😍如果你冇試過荔枝角嘅「荷里活冰室」，你一定要試吓。我相信你會同我一樣，愛上呢度嘅味道 🍴

今晚為大家介紹一間位於荔枝角的「荷里活冰室」🌆。這間店的平價美食和懷舊裝潢，令人感到百分百的香港味。首先就是招牌的「懷舊沙嗲牛肉湯公仔麵配炒滑蛋」，碗中沙嗲牛肉份量好多，一啖麵一啖肉，好爽🕊️。沙嗲牛肉與沙嗲湯底的搭配，夠晒濃阿，好正。再叫咗份「粟米火腿通粉配炒滑蛋」，爽口嘅通粉（呢個證明即叫即煮）與滑蛋（堅滑）的組合，好味程度爆煲🤏🏻。「熱奶茶」配「牛油餐包」，喺香濃奶茶旁，牛油餐包的甜味更突出。🤭。為你哋介紹完美食，仲有野飲「雜果冰」😍。飲一啖冰，真係好消暑囉，完全係夏天嘅消暑之選。就咁介紹晒荔枝角嘅荷里活冰室，重有好多美食等緊你一試。

轉左新餐牌 有新餐 有魚柳雞扒或豬扒 48蚊起揀左照燒雞扒 覺得應該係煎煎下咁上下原來係深海炸雞扒 又黑又油 😔雞扒黑到一睇就知係萬年油出品聞落+食落油膩到一個點 係好難再放入口為左唔好嘥 唯有頂硬上 去哂皮都只係食左半塊 🙂‍↔️千島汁嘅沙律菜+唔知係隔左夜 定叮硬左嘅牛油餐包1個咁就嘆左個骨魔檸嘞 😒樓面嘛 唔使多介紹 完全唔掂今朝果批呀姐 可以換得 (唔計送餐嘅非本地女職員同果2個做野嘅男仔)傾計先唔計 落錯單 唔好意思都無句仲要話自己無聽到 落單叫少甜4個叫少甜嘅食客 硬飲無少甜嘅凍飲唔發火+唔拍枱嘅一枱客 邊度搵一係留職員 一係留食客 唔知老闆想要邊樣

去10次，嬲足9次。剩返嗰一次係忍住唔嬲。因為家住附近，貪方便同快啲有間茶餐廳食嘢，本來已經要求不高。同埋覺得唔會次次都唔開心的。點知去一次就俾啲侍應因為餐點、坐位、加改單、送餐等不同狀況受罪，次次都都係黑口黑面。服務態度本來已經要求不高。同埋覺得唔會次次都唔開心的。點知去一次就俾啲侍應再激嬲一次，個個都都係黑口黑面。服務極惡劣。收銀、樓面，所有進入點餐的，都是他們的仇人。食物一般、環境破舊、衞生不可靠。以上為過往3年區內街坊的體驗。街坊群組人所共知。這店一次機會都不能給。

今天休假，睡醒已中午，正好吃午飯。到樓下荷里活冰室醫肚。平時上班很少有機會試下它的午餐，今天正好一試。午餐選擇算多，但我一眼看到浪漫豆腐火腩飯，真的要試一試。餐先送上老火湯，湯料有沙葛、紅蘿蔔、豬骨。算是足料。正餐豆腐火腩飯，全統味道，沒有行差踏錯 。我尤其喜歡它的飯，一粒一粒的，有咬口，份糧亦十足，加上一杯美味熱咖啡。一個人吃完心感滿足，真是感到有一點獨處的浪漫感覺。五十二元價錢，可算是十分抵食。

今日放工又到呢間餐廳食晚飯，記得三年前第一次食完就話過以後唔幫襯，到咗疫情期間，有一日我家老爺話呢間餐廳唔同咗，好食咗好多叫我去試多次，咁就去試下比多次機會大家。坐低招呼都算好有禮貌，出品又真係比以前好好多菠蘿咕嚕肉係首選，其他小菜都好味，只可以講平靚正，所以就多咗幫襯，平均一星期都會食兩或三次晚飯。講真我朝早一定唔會去食，因為伙計唔同服務態度都強差人意，呼呼喝喝，好似我食霸王餐唔比錢咁，通常行過見到晚市既伙計係度先會入去食下Lunch 或下午茶，服務係間餐廳既最前綫，出品再好服務唔得都好難留客，所以要比個👍🏻夜晚既伙計。

一開張就開始幫襯，經常會光顧食早餐及下午茶，現在食物品質已經大不如前，但最惡劣係員工態度。今日早餐，未有人排隊，亦已經落單，等等下早餐突然要我起身轉枱，並且係與人搭枱。其實只係想星期六早上安安靜靜食個早餐，當時餐廳亦唔係好多人，起碼唔係需要搭枱。跟住員工仲話，如果係熟客，就應該接受要搭枱！！我唔清楚呢啲係乜嘢理論，如果有三五個客等緊枱，我可以接受，但當時其實冇人等緊枱。食個早餐，其實係20分鐘嘅事，有冇必要大費周章？茶餐廳，食嘅除咗係食物，仲有嘅係人情味。如果你係有禮貌，希望諒解，我可以將個早餐打包，下次再來。現在，毫冇人情味可言，熟客如我，亦要以字公告一下。

住這區10幾年，因這間茶餐廳上手班姐姐比較嘈吵(試過幫襯幾次都係咁)雖然食品正常，但已經無再去。最近行過再去睇吓啦，咦！全部員工都換曬喎，應該好啲掛…點之入面1位短髮女員工態度非常差，叫佢落單….語氣好差咁講…唔應該用講，應該用’呼喝‘來應用「等陣啦….」後來眼見佢對個個客落單都係咁嘅態度(一枱疑似熟客除外)，放低食物時又大力，真係好似個個客都同佢有仇咁…..同樣，食物質素無問題嘅，但因為佢我都唔會再去啦。我嚟食嘢啫，點解要受你氣呢姐姐😤

因為聽唔清楚佢問咩，講左聲唔好意思，即刻俾佢當場喝😰之後問佢攞筷子都要俾人「質」…唔見到張單以為我自己食緊霸王餐🤬成班員工以為自己係老闆，真係俾錢買難受……