荳子 (馬鞍山廣場) (已結業)

午膳時間平日都需要排隊！不過不算多，只是輪候幾張枱。环境：一般，座位舒適服务：快捷的，算醒目。我們三人落order share，服務員便為我們送上用碟；不可就少拿了公筷。而因我們太論盡，倒瀉了咖啡的奶，服務員很快捷地便為我們拿上額外紙巾，亦用地拖拖地進行清潔。「黑松露軟殼蟹意大利粉」喜愛食軟殼蟹，好脆，不過未知是否上菜後放涼了，意粉不夠熱。「黑蒜蜆肉意粉」黑蒜味很濃，熱騰騰，好味道！「帆立貝披薩」最後上菜，製作需時，好味道！「伯爵茶拿鐵」來第二次我們接受了，和讚賞了！因第一杯實在接受不了，我不放上來了！只是等的時間較長。可一可再

深黃既荳子餐廳支持員工遊行，表示天佑香港，招牌仲印有Be Water。⁣荳子主打All Day Breakfast、Cafe輕食和甜品，疫症期間外賣7折優惠。⁣⁣卷。山政小山園 $42⁣必吃抹茶卷蛋😋中間Cream超濃抹茶味⁣「山政小山園」是日本歷史悠久製造抹茶的工房。⁣⁣Pinky Dome $42⁣表面是士多啤梨慕絲，裡面仙人掌果海綿蛋糕，中間夾著少許士多啤梨醬(有點酸)。⁣⁣Lindt Chocolate Mousse $42⁣瑞士蓮70%黑朱古力慕絲，中間有粒硬朱古力榛子，仲少少Nuts。⁣

人哋食brunch，我哋食dunch 😢，真係訓到而家先醒啊嘛芝士薯條，芝士好芝士，薯條好似mosburger果d粗薯條，不過好彩冇咁實，冇咁飽肚，唔係就食唔落其他嘢😆要趁熱食黑松露軟殻蟹意粉，總之好食，完😆軟殼蟹基本上成日嚟都會點，皮薄juicyOreo 麻糬流心西多，次次下午茶都勁多人點呢個，但成日見到咁大舊麵包冇乜胃口，但我錯了😱外面個包勁脆，切落去「卡辣」然後比山泥傾瀉嘅朱古力毁左容🤦🏻‍♀️，不過個朱古力汁汁好好味，個底勁難切，好過份啊，連個包底都有麻糬㗎，勁多麻糬啊，唔怪之得咁難切啦，麻糬軟棉棉好好食，仲有勁鐘意包面果堆棉花糖，勁好心機，燒到金黃色，整得咁靚，好睇又好食，我對呢款甜品改觀🌝隔離枱切得咁靚，我切一刀就毁容😢好彩唔影響味道😆今次飲latte熱返少少，不過都係唔夠熱，唔完美，可以接受，有改善空間

今次又系外賣自取，而家都幾抵食，跟個野食+$17就有多件cake ,朋友叫的Everest因為放左系個熱的意粉盒上就溶左好可惜，希望下次熱的野可以同甜品分開放，雖然佢甜品已經有另外個盒幫你裝住，但是都系隔唔住d熱的，呢樣可以改善的地方，我地叫自取時已大約按左拎的時間，但今次拎返去，只是8分鐘的時間拎返去食，盒打開明顯意粉冷了少少，盒內都有水滴，可能提早做好左，冷左真系無咁好食，今日個軟殼蟹你之前咁好食咸左小小，冷美式咖啡，一如以往咁ok,拿破崙都唔錯，中間個醬酸酸甜甜，皮就好鬆脆，可能公眾假期多人order,所以今次就冷左小小希望下次食會回復平時的水準，但系佢地包裝都嚴謹乾淨都抵讚，店員態度都好nice

近來因為疫情關係少左出街食飯，見到外賣自取有折即刻試下先。外賣等候時間好短，我用OpenRice Apps落單，由佢接單到可取餐中間只係用咗7分鐘。上星期六行過見好多人等，仲諗住紅日要等下，點知係屋企未出門口就已經收到update 可以取餐了。黑松露軟殼蟹意粉味道清d, 汁比較creamy, 軟殼蟹我媽媽用假牙都食晒成隻。我就覺得蟹有少少淋左，可能係因為外賣拎返來焗耐左，相信堂食會好d.黑蒜蜆肉帆立貝白酒意大利粉味道就濃d, 汁既質地冇咁厚，媽媽反而覺得呢個好食過軟殼蟹意粉，可能係老人家味覺退化有少少影響。

之前一直都未食過，見最近open rice 訂有平，都算抵食，就試下新野，呢間無論衛生食物質素同包裝都唔錯，黃金蟹肉意粉正，好香好creamy,每次都會叫埋佢個英式咖啡，跟埋奶比你，量都多，根據自己喜好加，佢呢間擺放食身的賣相都好好，增加食欲，下次會試下佢的蛋糕或者all day breakfast

好多年前已經幫襯荃灣間beans，當時好似冇乜分店，而家越開越多，雖然淨係食過荃灣同MOS兩間，但兩間水準都keep到，冇因為紅咗而hea做最近發現佢哋加左be water 牌🖐😷☝️ 馬鞍山商場內極少數嘅黃店推薦軟殼蟹沙律，軟殼蟹多過沙律菜，而且粉漿夠薄，啖啖肉好正忌廉蟹肉意大利飯，賣相好靚單骨雞翼配薯條，甜甜地，不過雞翼唔夠肥美，薯條好好味，妹仔大過主人婆侍應妹妹幾好人，話我知下午茶跟餐抵食啲，差少少叫我哋等埋夠鐘，落完單之後，仲專登返來交代返巴馬火腿火箭菜薄餅，餡料好豐富，餅底唔係正宗意大利薄餅，似麵包，不過焗得外脆內軟Flat White，唔夠熱，咖啡唔夠熱好扣分抹茶梳乎厘，呢個好好味，但要等半個鐘，要早啲叫定

第一次食beans係幾年前係荃灣食佢嘅蛋糕，覺得好好味知道佢會係馬鞍山開都期待咗一段時間前後都去過幾次，個人口味食嘅野都無乜點轉變今次就一次過寫晒一篇😆其中一款經常食嘅就係尼個all day breakfast 份量適中，最鐘意佢個waffle好鬆軟香蕉上面有啲焦糖，幾特別又好食另外一款成日食嘅all day breakfast乜都有啲，份量啱啱好，滿足想乜都食少少嘅人有次試佢個牛扒，成個present幾靚不過呢～叫咗medium嘅來到係well done咁😂啲肉有少少硬不過有謝晒皮❤😂曾經有段時間食生蠔有優惠新鮮不過好瘦😆長通粉不過不失Beans大部分食物都算唔錯唯獨係野飲係真！心！好！難！飲！😂😂😂😂真係無論嗌親咩都好難飲，尤其是跟餐嗰啲都算忠實fans，希望有朝一日佢哋水吧可以有進步😂

今日夜晚出左去新港城食飯，平時晚飯時間好多人排隊，由於呢期疫情關係，少左好多人外出用膳，所以我地大概7點去到都仲有少少位，唔使等位。今日我地order左一個安格斯牛肉漢堡加黑糖薑母茶同一個黑蒜蜆肉帆立貝白酒意大利粉加熱檸蜜。意粉有大概十零隻蜆仔，黑蒜味好香，overall好好味，不過略嫌少左啲。另外，個漢堡包好多料，有薯條同沙律配菜，太陽蛋蛋黃流落個包，食入口好rich。個安格斯牛肉叫左5成熟，唔會好靭，仲有肉汁，今日食左好滿足嘅一餐。

舉手叫侍應點野食 我同朋友傾緊計 佢來到急急燈大對眼大聲講佢到左 示意叫我放低手 其實我覺得冇必要咁做 我冇為意先仲舉高隻手 如果我知佢到左 我就會放低手架啦。唔需要咁冇禮貌示意我放低手。之後落單時冇望過我地 極唔尊重客人 好似仲嫌緊我放低手太慢。無論d野食幾好食 俾侍應咁對待 乜嘢心情都破壞晒啦

非常時期好耐冇出街啦！難得出去，我哋就去咗馬鞍山 決定要搵間嘢懲罰先得！入到商場見到呢間餐廳幾骨緻，招牌仲要寫住Be Water， 唔係唔幫襯呀！就算係非常時期，餐廳都要排隊，侍應係你入去前會幫你消毒同量體溫，超貼心！排緊隊嘅時候，我哋已經見到陳列咗好多好靚嘅甜品出嚟！ 決定要試試佢！不過做咗正經嘢先 叫正餐！我哋叫咗黑松露軟殼蟹意粉同埋Margherita pizza~原來叫正餐係包埋嘢飲，勁抵！我哋分別叫咗凍咖啡同黑糖薑母茶～冬天嚟杯薑母茶真係好驅寒～正呀意粉來了！ 見到咁大舊軟殼蟹真係有啲嚇親！拮落去仲要脆架！黑松露味都算濃，而且做得好creamy，唔錯！大家可以叫嚟試下！pizza嚟啦，真係要介紹呀呢個！我哋冇expect過個pizza咁高質！佢啲水牛芝士多到不得了！拉絲拉唔停另外，個pizza外脆內軟，勁正！配合埋酸酸地嘅車厘茄，勁開胃！食完正餐，我哋仲一人一件cake(甜品不嬲係第二個胃)見唔見到後面座雪山佢叫Everest, 入面有海鹽焦糖同咖啡，出面就係白朱古力，嗜甜嘅我哋一致認為 好 好 味！抹茶卷蛋都做得唔錯，個cream超級重matcha味， 不過略嫌個卷蛋偏乾，

在新的一年的2020年1月9日星期一，中午在馬鞍山廣場尋找到一家很有童話氣息的小店😂。店內佈置得很像童話故事《傑克與魔豆》的屋子，每個角落都可以見到針葉類的植物😊，仿如置身於森林一樣。當天午飯order了一份南瓜鮮蝦飯，$76一份，而且鮮蝦非常大粒，而且很彈牙😊，南瓜蓉配合意大利飯一同製作，很粘粘的😂，而且份量非常足夠🙌，真是用心良苦的製作。跟餐餐飲的黑糖姜母茶🍵，而且姜母的香味非常醒神。

#🍝呢間Beans大家應該都唔陌生！相信好多人都食過！但我今次想推薦嘅唔係佢啲意粉😂因為我食過幾間，都一定無荃灣果間咁好食！讚嘅係：佢嘅Lunch set係去到6點！真心抵食👍🏼有唔同嘅食物選擇+餐飲！而我想介紹嘅係佢嘅蠔！竟然只係加$10/隻！雖然係瘦啲、細隻啲！但學我媽話齋：啲檸檬都要錢啦！仲要砌到咁靚上嚟！佢啲醋仲要勁酸、好好味！$10絕對值得加！😗仲有一點值得讚！有個唔知經理定咩人，全程都好好笑容又好禮貌！係好禮貌到令人驚奇！心諗：我第一次食嘢，有咁好服務同笑容！

今日晚餐叫了一個egg benedict,佢話要等15-20分鐘，甘都以為ok 要等應該好味，等左一陣就好塊有得食，不過食物唔熱，最重要係佢竟然俾了個熟蛋😱😱😡，流心蛋不見了，其實waiter 見住我食，一切開係熟蛋就知賴野，切第二隻蛋都係熟蛋，真心嬲😡😡😡😡😡之後問個waiter ,佢先肯幫我換，佢仲話見我食其實想幫我換............最後，有個類似經理款既人幫我換，但係竟係肯換左隻蛋俾我，連塊麵包都慳反，真心cheap ,同埋重點係幫我換左都好難食，佢d野食又唔平，俾錢食重要受氣🤦🏻‍♀️唔會再幫親佢，never🙅🏻‍♀️🙅🏻‍♀️🙅🏻‍♀️🙅🏻‍♀️而佢其他既野食都好難食🤮

定期去食，無論all day breakfast 或者'鴨包'都仍美味！👍🏻cakes 當然也保持水準！今次叫了抔熱mocha,咖啡上的鵝仔拉花不錯！見到❤️思！繼續支持黃色經濟圈！😍！