荳子 (馬鞍山廣場) (已結業)

今天本來想去西貢走走，怎料中途下著傾盆大雨，惟有中途在馬鞍山廣場泊車。一入電梯，發現這裡也有「荳子」，當然即刻去試試。Beans相信已經是很多香港食客熟悉的名字，不單止是信心的象徵，亦是新派西餐飲食的表表者。我留意Beans，是從其別緻的裝修開始。這間荳子保持其原用風格，設計新穎開揚，座位舒服，連所用的杯碟都很有心思。餐廳同樣提供多項選擇，有全日早餐丶牛扒丶燒鷄丶意大利粉丶薄餅...等，我最喜歡就是套餐加$25便可以有Beans自家製甜品或車打芝士醬薯條，亦可加$20配凱撒沙律，可謂靈活配搭，各適其適。 👍🏻👍🏻👍🏻忌廉蕃茄汁手切牛柳絲意大利粉：這個意粉簡直無得輸👍🏻👍🏻👍🏻，賣相美，番茄香氣撲鼻，意粉超級彈牙（Al Dente)。最好味的是其醬汁（忌廉番茄）及手撕牛肉，牛肉嫩滑有牛味，忌廉汁濃度剛好，不會太稠或太稀，帶有淡淡番茄香。它還有洋蔥丶磨菇及青椒作配菜，清新又健康。👍🏻👍🏻千島醬蟹棒蟹子帆立貝薄餅：Pizza 外貎雖然普通，但餅底厚薄適中，十分香脆，加有千島醬，香甜美味。而餅面的蟹棒丶帆立貝加上Cheddar 芝士，食落全口都混有芝士及海鲜香味，好好味👍🏻👍🏻。加埋蟹子，咬落

剛好5點多來到，其實我喜歡它的裝修，時尚得來幾舒服，座位不會太過迫。下午茶太輕盈但包了40元以下餐飲，我還是選擇了午餐，要了軟殼蟹意粉$69，凍檸檬蜜糖，另加20元要了個芝士薯條。明明客唔算多，我都要等成3個字先來第一個菜。芝士薯條賣相不錯，芝士味比較淡，薯條也不脆。再來檸檬蜜糖，其實凍飲來說都算細杯。味道正常。主菜軟殼蟹意粉，擺盤就很不錯，吃下去卻是另一回事。除意粉軟硬度還好外，軟殼蟹有點咸，有d林，意粉那個汁偏向淡口。整體唔係差，只係好普通，但環境補救返。而個價錢來說唔算貴。

搵KOL 炒熱，食物質素差，似微波爐翻熱，物非所值。非常不建議主菜上既任何一項，點左燒豬仔骨，上枱既係一碟煲湯豬肉配茄汁，豬仔骨既外皮淋晒，只有醬汁覆蓋既部份夠熱，肉中間唔熱，只有微溫，可能係翻熱所致，唔知係咪工場中央整好定放左幾日賣唔出。一間扮高級，想上位做港女餐廳都不如既食店。會唔會再食？不了：)

星期天下午來到時，見到拐了彎的長長人龍，因為實在太想試"荳子"，我加入了排隊行列。幸好等了約15至20分鐘，便能安排入座。😀😀由於主菜要等20分鐘，太肚餓的我們決定食住甜品等。🍰🍫🍭正價＄42的蛋糕，如跟餐叫有優惠價＄25。(1) Belle Helene ＄25 ❤這個蛋糕簡直是味蕾的享受! 用64% chocolate Bavarian 造成，不太甜又有濃郁的可可味，裏面是開心果杏仁醬及燴橙梨，它們的果甜讓整個味道升華了不少。🤗(2) Stone ＄25❤這個外型討好的取名為"石頭"。💞看顏色，就知道外面是黑芝麻慕司，它的芝麻味是點到即止剛剛好的，成功避免搶去內涵的特色。裏面是芝士忌廉和高知縣柚子蘋果，蘋果一粒粒的有咬口，甜中帶有微微的酸，作為主菜的前奏，這個"石頭"的清新竟能成為"開胃菜"。😍(3) 主菜: 安格斯牛肉漢堡 ＄138❤食完甜品，主菜便到了。漢堡的賣相太好了吧?!🍔 半生熟的煎蛋、5成熟的安格斯牛肉、脆熱的芝麻包、酸瓜生菜蕃茄~~ 這個經典的組合，雖沒有什麼特別，但它的真材實料和厚身的漢堡，確是不錯 👏(4) 主菜: 黑松露烤雞 (半隻) ＄119❤我最怕烤熱過熟

今晚同屋企人想試下新港城新開張的餐廳. 平時食食物要求不是高,也不會刻意寫評語. 由於食物實在每一碟都有"驚喜" 所以真係不能不寫.....我地三個人叫了三個MAIN,一個APETITIZER!     Apetitizer: Nachos ,MAIN : Lobster Spagahetti, Black truffle stuffed roasted chicken, Scallop & Spinach 加了個cheese fries.Total Cost: $541 after 10%Nachos 係我食過最失望,真係咬唔到,  新鮮出黎竟然 Chips 係軟的, 冇味, 連sour cream 都冇, 我唯一有影相就係呢碟Nachos. Very disappointed....Main: chicken 有配baked potato, broccoli, asparagus. 最難食potato 未熟,然後Baked. 咬落去生的,層外皮好硬, 真係咬不到.Main: Lobster Spagahetti, 唯一一碟入到口,麵同汁都可以, 出街食海鮮都係一般喇, 所以唔怪佢.

八天內三度來馬鞍山Beans 用餐今天是與八旬雙親一起吃飯聊天墨魚汁海鮮意大利飯，配上是魚塊不知道是烏賊或魷魚。第二道菜又是油封鴨腿飯，要求㕑子把飯煮軟身，看到父親手上拿起鴨腿咀嚼時想到兒時回憶。媽媽就來一客波士頓龍蝦意大利麵，退化多年味蕾也嚐到濃厚的湯汁鮮美（可惜沒有拍到照片）平日寡言的父親在進餐談笑風生，滔滔不絕地講想當年威水史⋯⋯這三次服務人員態度是很好👍，禮貌是非常值得表揚，即使初級服務員是不錯的。要求把食物和麵條特別注意煮軟身，沒有嫌麻煩態度。㕑師的水準果然平均一致對食材選擇不錯

馬鞍山是食肆沙漠，在馬鞍山廣場逛一逛走進一家店，叫了一客鴨腿飯，等了一刻鐘送上枱。眼前放上的不是食物而是一件藝術品一樣的confit de canard油封鴨。薄薄的一層皮烤成了脆弱的外表，內裡包含著濃濃的鴨油香鎖住肉汁，餐刀輕輕地一𠝹骨肉分離了。味道和感覺好像回到法國南部小鎮裏去。隔了二天再度嚐試新的東西在服務生介紹一客意大利麵條蟹肉蓉蛋黃醬汁意大利麵條，味道非常濃郁的香味可惜那兩條不像樣的蟹柳真令人失望。同時也嚐過蘋果酥餅相信大家不用再說吧，光看照片就心酸的感覺，浪費食材⋯⋯

夜晚好想食甜品🤤係馬鞍山又想試啲新嘢雖然beans已經開左一段時間但仍然未試🤔就決定試下啦我地叫左法式焦糖燉蛋拿鐵😍😍估唔到可以免費幫我地整3D拉花好可愛❤️❤️❤️唔單止賣相 連味道都無令人失望飲落去有淡淡既燉蛋香 但又唔會搶左咖啡既香味兩者配合得相宜🤤第二樣我地叫左焦糖香蕉窩夫本身以為窩夫應該係一格格既但後來發現佢嗰樣好似冬甩😂😂不過味道好好咬落有香濃既蜂蜜味不過配上佢提供既吉士 cream味道更加豐富不過個人認為焦糖香蕉如果再軟啲會好食啲😜再講多句因為杯拿鐵跟甜品叫(+$28)所以價錢平啲總結而言都幾抵😛😛

今天下午去試下新野，見到周圍餐廳爆滿唯有試下呢間新野，就中伏了。點了一個all day breakfast 和意粉all day breakfast 中有2舊好粉既冬甩形狀麵包，已經覺得超難食。食到7788，就叫待應上點餐時點左既窩夫諗住做飯後甜品，點知等左15分鐘都未黎，催單後又再等左15分鐘，等到火都黎，隔離檯客係我地食完個正餐先坐低再點窩夫，佢地個窩夫竟然同我地同一時間到達。終於等到個窩夫，頂，如果只係兩舊好難食既粉形冬甩+兩舊暖既雪糕=50幾蚊咁點解兩舊冬甩同雪糕要整成半個鐘先出到場呢？杯凍榛子朱古力上檯時個底係熱既，飲既時候成杯野唔凍唔熱咁。真心唔會有下次，已推介朋友們唔好去食難食+一肚氣如果佢同我講漏左單我取消唔要應該唔會咁嬲。

今日Happy Friday， 剪完頭髮，見開左好一陣子的Bean 無乜人排隊，就決定入去試下啦！我地叫左Peking duck burger 同埋lobster roll, 雖然要得15分鐘先有得食，但賣相都幾好，都幾大碟。Lobsters roll 仲有細杯龍蝦湯，味道濃郁不過沙律醬略嫌太多Peking burger 呢個Fusion 正， 鴨肉唔太油膩食物整體唔錯，環境都好只係我老公就唔係太喜歡坐出面係馬鞍山食肆來講都算唔錯啦

之前在沙田新城市中央廣場的 ”荳子 Beans The Greenhouse” 食過這店的餐飲, 每次也是滿足而回, 馬鞍山開店, 第一時間已去食, 保持一貫水準, 今次已是第3次去這新店食, 下午時段人流比較少, 可以舒閒的慢食。店內裝修以 "Be Water"  (如水一般) 為主題，以藍色流水鏡面裝飾, 頗有特色, 環境優雅舒適。 我們點了一個「黑松露磨菇意大利飯」和「千島汁海鮮薄餅」下午茶餐，追加小食「芝士薯條」和「龍蝦湯」。「黑松露磨菇意大利飯」   ～　 每一啖飯也充滿好香的黑松露香味，超正，好味到沒話說。  「千島汁海鮮薄餅」   ～　 千島汁配上鮮蝦的熱騰騰薄餅，味道香脆清新又好味。 「龍蝦湯」   ～     是”荳子＂的招牌湯品，端上時用一湯壼在客人面前倒入湯碗內，湯碗已放有海鮮，橙色的龍蝦湯令人目不暇給，湯的味道不會似其他餐廳的龍蝦湯會有的烘燶味，而是一股很香的龍蝦鮮味，鮮甜濃郁，稀稠度剛好，雖然價錢$48(就算點套餐也要加$40), 還是覺值得。「芝士薯條」   ～     在剛炸香的薯條上加了香濃的芝士汁，非常香脆。是次消費約 : HK$236“荳子”給我的感

等左20分鐘左右就有位坐啦 可能都算早啦 好快手呢我地一坐低就叫左野飲同薯條食呢餐廳既設計都有空間感 好岩坐低傾計不過張圓枱再大多少少就好啦﹗不過有樣幾好既係  可以早少少同職員講聲有朋友生日可以係甜品上面加返個名 朋友見到都好開心啦!

今日又係美食沙漠到搵野食啦～馬鞍山廣場開左間食意粉既餐廳，原來就係♥Beans荳子♥，見唔洗排隊，就去堆位坐低食野。閒日晏就去無咩人，唔洗等位。場內空間都幾大，好多台，仲好闊落。環境裝潢都睇落幾靚，有啲歐美既感覺。望一望個餐牌，有沙津、薯條、意粉、仲有漢堡包，除左呢啲，當然唔少得佢仲有幾款主打甜品，放係門口位，賣相的確幾吸睛。卡邦尼黑松露煙肉意大利粉 $52一個大碟以為好少份量，原來都可以食到好飽。卡邦尼配上黑松露，令成個意粉都好香！黑松露味道好濃，溝埋意粉食，成個味道好夾，加左唔少分。煙肉同菇既份量都好多，一啖意粉一定點都會食到煙肉同埋菇，而且仲好香，味道都好好，好食好滿意！不過由於煙肉份量都幾多既關於，食到尾段就開始覺得有點偏咸。但都無損呢個意粉既整體表現。燒黑椒牛肉水牛芝士帕尼尼．薯條 $55呢個Panini對於我來說吃起上黎有點驚喜。先講賣相，成隻碟都放滿左，包括有切開左一半既Panini，薯條同埋沙津菜。驚喜就係個包到，初初就咁望個Panini會以為個包會好乾，點知一咬佢係好脆，口感好好，個包都烘得幾香，配埋裡面啲料，有黑椒牛肉、水牛芝士，令到個包食起上黎無咁乾身，味道不錯的

今曰11：10幾分去到，點知佢話現在只開一半，要11：30之後先會開另外一半。咁我地就等喇，咁真係11：30先有位。最後叫左個Duck and Waffles 跟 一杯 Amercano Coffee. 點知出晒問題......。佢來既時候竟然係Duck and 2 Donuts...... 究竟係我英文有問題，定係我真係唔知什麼是Waffles。我見到咁樣，即刻追問個staff, 個staff沒埋會我，就走左。算數，我諗好食就算，點知真係唔好食，奇奇怪怪，個donut一個粉團，唔係格仔Waffles，唔脆口,個蜜糖沒蜜糖味。而個鴨只係冷涷既炸脾，我心目中係一隻油封鴨脾，落差太大...... 點解可以咁。最後就係杯Amercano Coffee, 只有苦味，沒有Coffee既香味。如果買一杯Amercano Coffee要33蚊，真係硬錢，我寧願去天仁名茶飲仲平，仲好飲。佢仲難飲過Mac Cafe...... 我應該都唔會再去食，買難受。 整個餐要88，仲要俾10％。真係好不滿。

印象中馬鞍山呢間荳子係新開嘅，以前呢個位係一間日本餐廳，轉咗做呢間餐廳之後成間餐廳打通左，感覺係連住個商場咁，多咗唔少大枱，同圓枱，方便五至六個人嘅聚會，應該就唔使等好耐，但係如果係兩個人黎食就可能要等下啲卡位。今次同家人一行五人約咗八點鐘食晚飯，但係嚟到都要排隊等左最少15分鐘先有得入，坐四人卡位一個人要坐喺出邊。我哋叫咗三個主菜，包括黃金蟹意粉，豬肋骨，同埋傳分嘅燒雞。個人覺得個意粉做得真係唔錯，如果係膽固醇高嘅話就唔好食咁多啦。另外半分嘅肋骨都已經可以切做六舊，都算幾多仲有薯條係底添！最後嗰隻燒雞係讓左啲黑松露嘅料係入邊開頭以為係肥膏，但係原來唔係。見到隔離枱嗰啲甜品好似好巴閉，我哋都唔執輸叫咗三個。分別係朱古力烏市蛋糕， Apple crumble ，同埋一個綠茶拼盤。原來Apple crumble都係有綠茶雪糕嘅，最後食到捧住個肚走啊。