荳子 (PopCorn 2)

營業中

休息中

呢晚試左人生第一次味蕾試既大衝擊！話說見平時咁多人排隊，應該幾受歡迎👏於是睇睇個餐牌，又唔洗等位既情況之下，就同朋友入左去。眼見窗邊位有人走左，就想坐呢張，點知女侍應黑面🌚就話有人要左，點知原來係比排係我後面既人，咁我排黎做咩？先到先得唔係咩？同埋後面既人無話hold呢個位，我明明對個女侍應態度都好好😞見到餐牌有new，紫薯燒雞飯，諗住新野試下，加上第一次，點知就係呢知飯出事🤣意大利飯上菜時已好漲，飯就加左紫薯汁撈落去，一食落口已面都青，勁難食，飯本身都有甜味，加埋紫薯仲要無點調味之下，為呢餐帶來一陣陣衝擊，諗住食啖雞中和下，點知雞亦無味..😨🌚情況係食左兩啖已頂唔順😭😭究竟個廚係有冇試菜既情況下推出呢個餐呢？根本浪費食物。最後由友人幫手秒殺左個飯，事關啖飯咬多兩啖都反胃🤢同侍應反映佢地深領神會咁笑笑口話會同廚反映🌚其他餐點如拼盤，意粉都一般之作，究竟大家為咩勁排隊食呢？😅😅😅呢間野無下次包括服務態度同餐點，亦唔值得排隊，以呢個價錢係將軍澳大把好選擇！

周末一早山步行，由五塊田行到入布袋澳入口。返到Popcorn已經快4點，要食番餐好，揀咗beans。排左10分鐘順利入座。叫咗墨魚汁海鮮risotto，Rose 3D Latte，期間限定柑子甜品(忘了正式名堂)。可愛的貓貓3D Rose Latte完全征服少女心，飲起上嚟都特別賞心悦目。Risotto千呼萬喚始出來，誰知超級極度嚴重咸。每食一啖都要鼓起無比勇氣，個人當堂灰哂。最後叫了柑子甜品。有幾多層次的味道。柑子似炸奶黃「煎堆」，配上乳酪味雪芭，然後有朱古力脆脆舖底。總括而言，食pasta或者All Day應該穩陣啲。是次畀分喺衰在Risotto也~

依間beans 次次經過都好多人排隊，想無甘多人一定係簡下午茶時間黎，星期日下午4 點只係等左5 分鐘就有位喇～我同老公兩個人仲比左張4 人梳化位我地添我叫左雲呢拿籽拿鐵，老公叫左earl grey latte, 店員仲主動問要唔要3D 拉花，當然係要啦 跟住仲叫多左個mixed berry waffle~ 黎得依度一定要試下依度既甜品！Earl grey latte, earl grey 味好重，好味雲呢拿籽拿鐵加3D拉花，咖啡好creamy好岩我口味，個拉花就....老公話係貓而我就覺得係老虎，好似普通拉花仲靚個拉花好似糟蹋左杯咖啡跟住到主角出場喇個waffle 口感好似雞蛋仔，再加埋中間既吉士同益力多雪巴，好夾好好食！我同老公都食到唔停口！下次下午茶時間要再黎食呀！

The Backyard breakfast combines English breakfast, eggs royale and waffles in one dish! An OK eat, with decent coffee. The odd thing was not being able to change the bacon for salad or anything else in fact other than sausage! service could be quicker but a comfortable place to eat and chat.

同屋企人食過幾次 Beans, 每次都要排很久的, 而且食物唔算太有驚喜, 所以不會經常幫襯。這晚路經這商場, 可能太夜了, 已經沒有人龍, 於是排隊入內吃晚餐啦。等左一陣好快有位, 而且今次係近窗的 4 人枱。正啊, 終於唔使坐長枱同其他人搭枱了。因為肚餓, 所以各自叫左 pasta, 飲品同埋甜品。現場燈光昏暗, 影相有 D 難度。先上沙律及飲品, 沙律幾爽脆。熱薑母茶及熱檸蜜 ok 喎, 幾好味, 夠濃夠足料 (最怕水汪汪, 淡而無味)!黑松露軟殼蟹意粉, 松露很香, 軟殼蟹原來很大隻, 切開一半上。而且炸的外脆內軟, 裡面不會乾。我的黄金蟹肉意粉, 有蛋黄, 連蟹殼上。不過一食就出事了!!!蟹殼是空的, 只作裝飾, 本來都無問題! 不過意粉入面只有蟹柳, 普通假蟹柳充當蟹肉, 有搵笨上嫌。係人都知假蟹柳是用魚肉做的。下圖可以見到一條條蟹柳, 而非蟹肉, 完全吃不到一絲蟹肉!可否報海關?因為它確實觸犯 "商品說明條例" 喎。甜品一般, 沒有太多驚喜。短時間內應該不會再來了。

食過幾次beans 對佢印象品質唔錯，最鍾意係佢個圓圈窩夫，但係發現已唔可以另外散叫，只有 all day breakfast 先可以配上窩夫，因我唔喜歡茄汁豆同蕃茄，今次就試下意粉啦~我order 左 ”魚子三文魚蜆肉意大利粉” & ”榛子朱古力”。朋友order ”軟殼蟹黑松露意大利粉” & ”朱古力”。喜出望外朱古力都有精緻孔雀拉花，朋友嘅係葉形拉花，好開心。榛子味未夠突出，朱古力香濃頗甜。每次客人都好多，所以意粉要等15分鐘以上。白汁雖然香噴噴，但入口唔夠濃郁唔夠creamy，都幾多蜆肉但普通，由煙三文魚砌成玫瑰花形狀上面灑上魚子，而魚子份量唔多只用作點綴，煙三文魚味道幾突出蓋過本身白汁嘅味道。朋友嘅軟殼蟹黑松露意大利粉，黑松露都好有電油味，雖然入口味道濃度唔及之前某店，朋友認為個汁夠哂creamy杰身，軟殼蟹係大大件一啲都唔市儈，朋友都幾滿意。見其他食客既甜品蛋糕賣相都非常好, 其中會有煙霧噴出類似盆栽嘅甜品/飲品，嘆為觀止。另見 poster多左中式食品，如片皮鴨漢堡，似乎將來會有更多嘅新嘗試。總括窩夫終於係我既至愛下次要試甜品

這兒的午餐意粉一定要試試，仲有飲品，lunch set 好抵食。周未這些意粉都約一百元左右，所以平日下午有機會就要到這間食了。蟹肉意粉超creamy!! 整體不錯，但肉可以再多一點。黑松露意粉很出色，我較喜歡，因為無蟹肉那一個咁creamy但軟蟹很鹹，松露亦無我在另一間試那麼香。

今晚約左太太係將軍澳Pop Corn食晚飯。太太話想食意粉，我第一時間想起Beans. 最重耍食佢哋甜品。叫主菜加 $25有一小碟Kale Salad,沙律汁調校好好味。黑松露軟殼蟹意粉 軟殼蟹雖然细細隻，但炸得好脆口。意粉煮得軟硬適中，好有咬口。配合黑松露磨菇醬汁，真係好好味。火箭菜巴馬火腿Pizza Pizza雖然厚底，但很脆口。火箭莱配巴馬火腿好夾。薑汁梳夫厘 我一向都好喜愛這間餐廳的甜品。今次想食梳夫厘，諗住有一定水準。點知一試非常失望。梳夫厘好濕，薑汁唔夠，最致命係好好甜，好似食沙糖入口。這個甜品令整個晚餐失色。

朋友生日想黎呢到食，兩點鐘黎到唔洗等位就有得入去Set lunch加28蚊可以點一份小食，我地揀左蟹肉薯餅，28蚊黎講份量偏少，蟹肉唔多，單論薯餅味道不錯，但唔算抵食想食risotto，又想食燒雞，結果叫左呢個望落配搭好特別嘅蜂蜜紫薯燒雞意大利飯，單睇顏色有啲伏，食落去似甜品，蜂蜜加紫薯嘅sauce食落好甜無咩咸味，食左一半飲返檸蜜都變左無味，不過味道上除左出乎預料嘅甜其實可以接受，未至於伏，燒雞嫩滑肉味香，risotto飯粒半熟口感岩岩好，鐘意挑戰特別菜式嘅可以一戰成餐嘅亮點係waffle, 樣似donut，食落濕潤綿密好似雞蛋糕咁，焦糖做得好薄舖滿蕉面，雪糕雲呢嗱味濃，仲有cream cheese, cream, syrup同奶可以配搭，值得一試

#燒黑椒牛肉水牛芝士帕尼尼配薯條 $55上菜既時候已經切開咗一半 方便啲食入面夾住左黑椒牛肉 芝士 蕃茄同菜不過好可惜 個包烘得太乾 令個包大大扣分而薯條就幾脆 味道都ok評分:4/10

今日小編由中環專程過海幫襯佢皆因佢真心好味又唔貴。同事們都非常agree、成日都話想encore、好啦、今個禮拜老闆唔ｏ係香港當然大家要極度任性一下啦否則對唔住自己囉小編試新嘢，墨魚汁海鮮意大利飯，同事a叫南瓜帶子意粉、同事b叫蟹肉蟹膏意粉。大約10-15分鐘就上菜啦同事b加25元要左個臭豬士肉醬薯條見到都驚但佢地話唔錯wor，any肥小編勁憎豬士囉除左pizza hut或者pizza express既mozarella、其餘都極度dislike呀服務唔錯、又快又唔會粗聲粗氣 雖然冇催我地交檯但睇到出面條隊，大家都自動自覺食完就走啦做個considerate既人係好緊要，呢d係品德黎

今日係同男朋友嘅紀念日，所以就諗住食間貴少少嘅西餐就揀咗beans。之前有經過開都知道依間餐廳好多人排隊，所以就早少少去咗食大約七點，可能因為我哋兩個人所以等左15分鐘就可以入座。我哋叫咗紅酒燉羊膝配竹炭麵包同埋黃金蟹肉意大利粉。個羊膝真係幾好啲肉好淋同埋有紅酒味，但個竹炭麵包因為太飽就食唔落，但係都幾鬆軟。去到個黃金蟹肉意大利粉，啲蟹肉比我想像中多同埋佢個汁都幾入味。依兩樣野食都包咗餐飲，個黑糖薑茶都唔錯值得推介。

同朋友食晚飯揀左呢間beans晚飯時間要排隊等位有個staff見到我地有孕婦，攞左張櫈俾孕婦坐真係要讚下呢個staff呀5分鐘到就入得去啦食物好快就上齊 擺碟都擺得好靚呀呢間餐廳既食物都幾有水準，價錢又唔貴之後都會繼續幫襯

發跡地在荃灣的Beans，其實在將軍澳也有分店，住將軍澳的我也幫趁了不少次。今次和舊同事聚餐兼收「紅色炸彈」，又再次選了Beans作用餐地點。 惠顧了幾次的心得，就是這裡的餐點都很有份量，女士們點餐時千萬別眼闊肚窄！ 黑松露焗釀燒雞 半隻$119燒雞size非常大份，燒雞上有兩至三塊黑松露片，內裡釀了黑松露和一堆我說不出來的東西…（感覺像濕軟的麵包，吃了兩次，每次我也把它們拿走再吃）黑松露濃，雞肉也算嫩滑可口，配上燒汁感覺也不錯。另外配菜的焗薯仔看似平庸，但焗得軟糯，是我喜歡的口感。但是燒雞當中釀的一堆濕濕軟軟的東西真的有點令人覺得膩口，不能吸引我encore。 手撕豬仔骨漢堡(焦糖洋蔥+太陽蛋)配薯條 $112這個手撕豬仔骨肉用上BBQ醬烹煮，配上焦糖洋蔥和太陽蛋，好惹味！跟餐薯條是粗薯條，炸得香脆，又是邪惡但令人不小心便會吃清光的配菜。 吃完以上兩款餐點後真的非常飽肚，所以奉勸女士們，人數不多的話真的不要再另點沙律/小食了哈哈！ 另外說一下，餐廳裝修別緻但危機重重，用餐時已見過不只一次，進餐廳的人都會不小心被石頭路弄得叉錯腳或被小梯級跘倒。幸好每次也沒有意外發生，希望餐廳會留意到此

Beans長期有人龍，唔通真係好好食？今日見得幾位人排，一於排吓！ 排咗5分鐘，非常好！➡️叫咗backyard breakfast ($138)勁貴！如果你喺外國食過cafe 嘅早餐，你就食得出呢碟嘢真係好普通！成碟嘢唔夠熱、beacon同waffle 都唔夠脆，又唔係白蘑菇。唯獨個egg Benedict 尚算ok！➡️半隻雞$118 仲平過個早餐，賣相好好，但唔好食！煮得好乾，d肉好散，sosad。其實就唔難食，不過呢個價我唔expect 咁嘅味，所以劣評