荔枝山茶座 (已結業)

個地方好特別,唔係好多人識去,環境好舒服,情侶最值得一試.服務態度非常好~~有個叔叔不停為我沖茶,枱,有禮貌又好笑容,真係加晒分,仲有甜品送,不過個桂花糕唔係咁好味泰國菜係香港佢係算正宗,比起一般乾淨,食得好安心

令人失望嘅lunch海南雞飯啲雞好唔得囉......冇雞味、冇咬感、雞肉冇質感 oh no個油飯都唔錯嘅，但唔夠熱囉......另外，叫咗半隻炭燒BB豬 ($198)。等咗好耐，所以好期待......点知......個賣相已經勁唔得，成條豬尾都上埋枱，好噁心呀！炭燒BB豬變炸BB豬，点搞架！騙人嘅！好難食

今日心情唔多好....係時候要搵d 好野食慰勞下自己.....就係咁....我又黎到荔枝山...本來想食好多野....但係得2個人,....阿b仲要食左下午茶....結果只好叫少d....不過最後都唔係太少/.....1. 海南雞飯2. 蝦餅3. 泰式炒什菜 ( 本來係想叫串燒....但係太多肉...所以轉做菜)海南雞飯都真係幾好食....佢既油飯有炒過既感覺....好乾身...有味...仲唔油~~~d 雞雖然係冰鮮雞...但一d 都唔鞋口~~~唔錯!!!蝦餅~~~絕對比 i-thai果d 好味~~~食左咁多次~~~都無將貨就價....抵讚~~~不過個菜就無乜特別~~~開頭以為會係辣辣地~~~但原來唔係~~~ok既~~~

星期六, 好想出去食泰國菜. 於是上OpenRice Check Check 近粉嶺有沒有好食的泰國菜. 好快找到"荔枝山茶座 Lai Chee Shan Cafe" 在睇完食評後. 好快決定去試試. 一去到,環境: TOO BAD, 沒有冷氣. 我們大大小小8個人. 沒有辦法. 照坐. 但係越坐越想快快食完走人. 因為實在太多小動物在四周Flying.食物: 冬陰公湯, 一點都不熱. 味道都可以. 炒通菜. 好似屋企自己抄, 又係唔熱. 串燒, 就ok好味. 但都係唔熱. 咖哩抄蟹, 蟹原本係靚蟹, 但係唔新鮮. 用油炸到食唔到有肉. 個汁好杰. 同樣都係唔熱....... 其他食物我唔想再講啦! 於是我就寄望在飲品 - 珍多冰身上. 如果沒有這杯飲品. 我想我一定發火. 但係四周的小動物一樣寄望在我的珍多冰身上...........到走, 四周全無人影. 等 Taxi, 等唔到. 如果你要走, 我想CALL定會好好多.一句到尾, 我一定唔會再去啦!!!

搬了來附近巳差不多一年.......日日都經過荔枝山茶座..... 成日都諗住黎試一試.....................大大話話都諗咗成年.......終於......試咗..........都幾ok...!! 我地只不過好似點d... 普遍的菜式...好似陰公湯..... 炒通菜....生菜包..... 泰式沙律.....炒貴刁....之類......都真的不錯........唯一的問題係.... 有些菜式太辣了.........不吃得辣的朋友就要小心...............食飽飽仲order咗.... 椰皇燉鮮奶.......... 正!!駕車人仕...多數都會泊架車响門口附近.......就ok.......又唔駛山長水遠入到大尾督食..... so good...!!我見有時中午都有好多的士哥哥.... 都黎呢度食lunch.....好似變咗佢地個飯堂呀!!

話說放假無事做~~同朋友仔去左食飯~~~搬左黎咁耐都無食過荔枝山茶座~~~所以要試下~~~今次點左1. 鳯瓜(比忠誠果d 仲辣) 正2. 小食拼盆( d 雞翼最好味)3. 炒貴刁(味道幾好)4. 串燒2個人食左咁多野~~~真係飽到唔識出聲呀~~~之後返屋企~~~再去買甜品~~~~不過呢個甜品就真係唔多好食~~~我去左百佳買芝士蛋糕~~~難食到......早知行多2步去山崎買啦~~~

晚夜同男朋友係大埔搵飯食....佢極力推介~荔枝山莊茶座~ 既海南雞飯, 咁就一於試下啦....... 小吃~ 花生: 送既, 但我無食過wor咸魚炒芥蘭: 好多咸魚, 芥蘭又爽口....足料好味..正海南雞飯: 無介紹錯, 雞唔肥, 但有少少雞油, 個飯都好乾身, 一D都唔油淋淋, 真係好味酸辣鳳抓: 一般水準甜品: 兩款泰式糕點, 都係一般水準啤酒 呢到比較偏離大埔市中心...環境ok架, 但多蚊仔左少少....唔介意既可以入嚟試下呀....其實佢地仲有咖哩蝦同蟹, 粉絲煲同其他泰式菜..., 如果多d人嚟食就可以試多幾款喇.......

期六來到就近的荔枝山茶座晚膳，很久沒來，這次點了幾乎每次必點的酸辣海鮮（約$50)，第一次點的泰式炒雜菜($35)，以及上次來還未有的脆皮燒乳豬($68)。先來的是少雜菜，看不出來哪裡「泰式」…跟平時的家常蒜茸炒雜菜，在家預備挺麻煩的，雜菜款式不少。酸辣海鮮幾乎每次必吃，真的很辣，不嗜辣的我卻也覺得很美味！脆皮乳豬有驚喜，真的很脆很美味，不過第一次見連耳帶牙的例牌乳豬…有點驚嚇…豬身有一層厚厚的肥豬肉。男友點了一杯椰汁菠蘿冰($16?)，還附送甜品椰汁糕與疑似芒果糕，共三件，我沒吃，他說椰汁糕好味！之前吃過這裡的香辣飯不錯，青咖哩也很美味，可是肉很少，我會把汁留到下一餐再加肉煮或送飯；同事愛吃這裡的豬頸肉飯，但汁很少，要指定多汁！海南雞飯出名，但未試過，很多同事愛吃。

之前係果到order 過盤菜, 點知拎到返屋企搵個爐慶住黎食果陣..聞到一陣\"酸\"味....食左幾舊,成盤冇食到....我媽咪話盤野一定唔係新鮮煮...差勁!!!!!

上個禮拜同朋友去食, 諗住有得泊車,同埋想食泰國野..去到叫左半邊海南雞, 仲有拼盤, 咖喱牛腩, 椰汁冰海南雞- 超重雪雞味, 勁多油拼盤- 有春卷, 香葉包雞, 蝦餅, d野一黎到, 我同個朋友4隻眼望住個拼盤....未見過咁黑既拼盤...d 油都唔知係咪用左好多次....搞到我地食左兩舊就冇食到咖喱牛腩- 最穩陣既一樣野...但完全唔似泰國咖喱囉~ d 牛腩好硬椰汁冰- 4樣野入面可以話最好.....夠椰汁...但唔夠凍經過依次之後唔會再去, 錢既話都唔係大問題, 食物質數真係...唉唉唉唉.....冷氣位冇哂, 要坐露天, 超熱, 又有蚊....請既話都要諗過.....

中學時期～成日去食ｌｕｎｃｈ～ｇａ，好味又抵食～學生餐＄２２跟野飲，唔係學生既話都係＄２６雖然偏辟左ｄ～不過真係去得過ｇａ推介係咖喱魚柳飯～佢既咖哩好鬼香ｇａ魚柳炸到脆脆地，跟飯真係一流ａｒ

泰式拼盆, 個皮唔夠脆o既芋頭春卷, 好彩唔油餡料足, 蝦餅味重又唔油粉金邊粉, 粉質好彈牙, 基本材料有齊, 唔算特出, 但又冇野好彈芋頭焗飯, 原來有蝦同魷魚, 份量多到比我可以食四餐飄香籠仔糯米飯, 個名幾靚, 一開籠蓋蒜味四溢, 荷葉墊底, 鋪上薄層軟熟糯米, 當中應該溝左其他米種, 蟹有兩隻, 鮮蟹甜味不重, 但只係賣六十幾, 又係冇嘜野好彈枝竹羊腩煲, 呢個最正, 羊腩唔韌有咬口, 湯底味夠更勝利苑, 五十幾蚊一煲兼送生菜一碟好底食甜品, 椰汁糕與綠豆糕, 雖然是送, 但絕不欺場, 香濃椰味與綠豆之清香味俱在, 是少有吃到的好貨色。冇加一, 總計埋單$276

雖然話呢到主打係泰國食物, 但仲有其他港式選擇, 有火鍋,盤菜,小炒等,早餐有好幾款選擇, 點左個泰式香茅雞翼麵, 加杯奶唔多而入口又唔鞋o既奶茶, d麵睇樣時以為煮得唔夠熟, 入口後又發覺剛剛好, 幾爽口, 雞翼炸得剛好, 肉質都幾滑, 香茅亦醃入味。

D咖喱一流~!見佢D set lunch都係廿幾蚊都算好抵地方係隔"cip"左D但係值得一試~!唯一要講既係可能因為近山邊所以D野飲間唔中會有隻蟲仔但係食左咁耐都未死得都ok啦hehe推介食品: 所有有咖喱既野同埋豬頸肉飯(兩樣都好正, 但係硬係唔見佢地將兩樣野合拼.....^.^")