茶點

營業中

休息中

🔺手撕雞絲肉燥飯飯係珍珠米，抵讚！肉燥好多，不過個人認為略鹹，要配埋佢個秘製醬汁先會易啲入口。講起個秘製醬汁，佢係小小甜又少少鹹，好開胃，好惹味，記得一定要落！手撕雞好嫩滑，不過個人就麻麻哋跟雞啲青瓜， 下次應該會叫翻豬扒或肥牛。🔺古早珍珠奶茶珍珠有咬口，唔粉，有驚喜！整體嚟講，呢個餐$60，都算幾抵，推薦！

疫情已經有兩年有多，真係好掛住台灣。😢今次就揀咗台式餐廳，位於大埔市中心。不知道是否因為六點後禁堂食的關係，我哋五點前去到已經幾乎滿座。空間擺位好特別，收銀處位於蓋舖位的中間，雖然不算大，但每個位置的確有自己的空間，坐得好舒服，意想不到的，是細細的舖位可以容納長枱的獨立位/「自閉位」。🔹🔹🔹🔹🔹你會見到價錢都好抵食， 50幾蚊去食到一個主食跟飲品🔹🔹🔹🔹🔹1. 酥炸豬扒湯麵清湯底令我很驚喜，有點似大型連鎖米線專門店，但佢呢隻湯底濃郁之餘亦唔覺佢有味精味道而炸豬扒向線酥炸程度及鬆軟度簡直一流，只係有少量連骨豬扒2. 手撕雞胡麻醬冷麵雞肉好滑，係雞髀肉的雞絲，肉的份量也很多冷麵麵底亦很彈牙，再配上厚厚的胡麻醬，實在美味！以下兩款小食都是跟主食加配的：3. 甜不辣外脆內軟口感豐富，配上甜甜辣辣的醬汁，簡直食唔停口4. 炸蝦肉春卷熱辣辣的炸蝦春卷是我非常之喜歡的一個小食外面有層薄薄的炸脆外層，而食落啖啖蝦肉味5. 古早珍珠奶茶出面坊間不多餐廳飲品能夠走冰，但茶點的飲品就可以而沒有變得份量少了。古早珍奶（走甜）是我的極力推介的！6. 鐵觀音珍珠奶綠奶味都算不錯，珍珠即使浸了一段時間也很有咬口🔹🔹

大埔市中心一帶幾好行 有埋戲院冇得輸😎同個fd去海寶搵野食😙門口有齊餐牌睇 見幾岩食入去試試🦦店舖唔算大 四四方方 整齊企理 一眼望哂👀雖然比較細但坐喺到唔會覺得迫 我覺得岩岩好開飯！🍽🍽🍽我嗌左個蟲草雞絲新竹米粉🍜海苔酥炸魷魚 酥炸雞翼 餐飲巨峰提子梳打 友人叫左牛肉🐂蓋飯 蜜糖花枝丸碗蟲草雞絲新竹米粉完全唔hea雞絲係足料 欣賞😆唔係比幾條雞絲 或者比個雞翼加幾塊雞去敷衍客人 我加左一匙佢地既辣椒油 勁香又唔會太辣 真心正海苔酥炸魷魚 酥炸雞翼 兩個都唔會太油 唔錯😼巨峰提子梳打正正常常友人個牛肉蓋飯我只係夾左兩塊牛肉食 大大塊抵食 佢冇講啲咩 不過近乎食哂我估都ok🤭蜜糖花枝丸明明係佢既 不過我食哂甘制🤫好好食！個人幾鍾意佢哋嘅小食😳🤪

黎到太和，我經過茶點，深深俾佢個下午茶餐吸引到我入去!D 野食好抵食！ 小食都唔貴🥰🥰🥰揀多幾款黎食下都唔覺貴手撕雞芝麻醬冷麵 $54 真係好好食~ 芝麻醬落得岩岩好，撈晒所有既麵，每食一啖都有芝麻醬而且佢雞肉好鮮嫩滑~ [ 必食]酥炸花枝丸 $40 炸到金黃色，睇住佢新鮮炸起。即叫即炸! 花枝丸好大粒，好彈牙，咬入去入面仲有一粒粒墨魚粒，好有咬口! 配埋佢個蜜糖, 原來係咁夾架!海苔魷魚絲 $42  ***真係未食過海苔魷魚絲，真係要試一試係咩料先! 佢炸到金黃色，岩岩炸起又熱又勁脆!!! 不得了! 每啖都係好重海苔味，係本小姐既至愛，魷魚絲仲要勁爽口，又唔會炸到入面乾晒咁。好好食呀! 炸蝦肉春卷 $30呢到既炸物真係好好食。新鮮炸，仲要夠晒熱又無油益味。 炸到脆卜卜，外脆內軟，炸蝦肉春卷仲要加咗d 椒鹽粉，嘩!! 好惹味!青瓜木耳  $30份量超大份， 好爽口~好清涼，酸酸辣辣咁~好開胃呀! 現泡洛神花茶 $26 酸酸地好好飲，食左咁多野，要清下個喉，飲完好舒服。現泡蜂蜜杞菊茶 (跟餐 +$5)菊花份量好多，加埋蜂蜜，甜甜黎，好舒涼呀!! 清下個喉又可以食其他野

叫親外賣都唔俾辣汁，已經特登打電話去叫佢俾都唔俾……淨係外賣大大話話都幫襯過幾十次，但外賣9成唔會俾汁，同佢講返啲態過又差。一個辣汁要幾多錢？因為咁成個飯失晒色，唔會再食了。細細個由日月居開始食，由細到大都係個汁最吸引，一路都好支持佢哋鋪頭。就算肺炎都成日叫佢哋外賣。雖然話就咁睇個汁好小事，但係代表咗佢根本就唔理客人意見，就算特登要求都唔會理你，就係因為叫外賣送咗出去就無say，送咗出去理得你。咁嘅態度，食咗十幾年嘅客，都唔會再食了。

難得紅日跟朋友在附近睇完電影就想打包食物回家慢慢嘆。首先叫了三個餐：手撕雞拌面＋蜂蜜蘆薈綠茶，炸豬扒肉燥飯＋青蘋果綠茶，酥炸豬扒拌面＋青蘋果綠茶。之後再另外叫了四個小食：青瓜拼雲耳，椒鹽豆腐，炸蝦肉春卷，炸饅頭手撕雞拌面的雞肉很嫩滑，完全不會覺得嚡再把面混埋肉燥大大啖放入口里，簡直是美味！！炸豬扒肉燥飯的炸豬扒色澤金黃，咬落去里面唔會乾爭爭，鎖住了肉汁，非常具有台灣古早味！！酥炸豬扒拌面就不多說了，基本上跟炸豬扒肉燥飯差不多，味道屬於水准之上！青瓜拼雲耳的青瓜和雲耳都挺乾爽的，份量頗大，彷彿不要錢似的！台式的椒鹽豆腐外皮的椒鹽不是太多，里面的豆腐非常白嫩！炸蝦肉春卷里面的蝦肉超級超級大塊，無論咬哪一個位置都可以感受到那飽滿的蝦肉！炸饅頭非常的外脆內軟，份量都幾大舊，如果能加上邪惡的煉奶簡直就係冇得頂！！！蜂蜜蘆薈綠茶和青蘋果綠茶的味道都很濃厚，蜂蜜和青蘋果的味道沒有被茶遮蓋，非常好！最後來張大合照！一共叫了三個主食，三杯飲料，四個小食，總共才＄２９６，平均每人不需要＄１００，非常的划算超值！

晏晝食飯經過見到一間台式小店，平時見到佢真係好多人要排隊，今次見到等一張就已經入到😆叫咗兩款唔同嘅手撕雞一隻係麻辣味一隻芝麻醬芝麻醬配冷麵都係一直嘅首選🤩雞肉好滑麻辣味就都唔算辣，味到未去到好濃兩款都係$54包一杯飲品，仲可以揀珍珠奶茶🧋😋

大埔好多好野食。住係到，真係唔洗煮飯。餐餐落街叫外賣都得。茶點，中學生最愛價錢都好中學生。抵食。成班人上黎打機，食個快飯就開波。一人一個台式便當就啱哂飲品夠哂大杯特級肥牛肉燥飯$60味道好好，有肉燥開胃送飯。牛肉就正常手撕雞絲肉燥飯$60健康小小，都係有肉燥。d 雞都唔小。炸豬扒肉燥飯$60依個最正，豬扒夠哂香口。好有台灣風味。叫左兩個小食，大家share炸蝦肉春卷 $30 ~ 份量可以多小小椒鹽豆腐 $30 ~ 正正常常夠哂飽，住係大埔真好。

去大埔想食台式嘢一於去茶語叫幾個外賣返去試一試首先叫咗個炸豬扒肉操飯 $60豬扒揸得好香脆 亦都唔會好油膩加上有肉操同埋有青瓜 食落個飯都唔會覺得好乾而我就最鍾意呢個手撕雞肉操飯 $60因為可以手撕雞同埋肉操都撈埋落啲飯到食起上嚟啖啖肉 正除咗豬肉同雞肉梗係要試埋呢度嘅牛肉仲叫咗一個肥牛肉操飯 $60呢個飯都好食 亦都係啖啖肉嘅感覺牛肉都重牛味 唔會話太肥都一樣好食每個餐都連埋杯嘢飲首推呢個青蘋果綠茶 酸酸甜甜嘅感覺幾好食完咁多肉飲番啖茶特別清新開胃下次想買外賣都去茶語同屋企人分享先

🍾用餐體驗今日咁啱放假，同屋企人喺大埔行咗幾個圈，見到呢間餐廳平時都好熱鬧，又有啲掛住台灣風味，一於入去試吓。入到餐廳，見到店員都好忙碌咁pack緊外賣單，睇嚟生意都真係唔錯🤭🖼環境空間比較細，裝潢主調係木，有一種台式餐廳嘅溫馨格調🪵飲料：🧋古早珍珠奶茶 Free飲品係用手搖杯送上，都沖得幾好飲，奶茶味好濃，珍珠嘅份量都唔少🍹水蜜桃紅茶 Free至於水蜜桃紅茶都幾有驚喜，水蜜桃味甜甜哋同紅茶好match主食：🤍 炸豬扒肉燥飯 $60豬扒炸到脆卜卜，食啖肉燥飯，再咬一啖酸瓜片，成件事好fresh🤍 酥炸豬扒拌麵 $60豬扒都一樣脆卜卜啖啖肉，肉燥配拌麵亦好match，肉燥食落比平時嘅味道甜少少，令我諗起台南嘅風味🤭

裝修後再食，覺得舊menu 彈性d ，吸引d...炸豬扒米線清湯真係好清比起以前好淡配料就多了腐皮以前炸豬扒好林好入味，今次就好un...青瓜木耳雖然跟餐+$23 有咁大份但我都係想要以前咁有得揀半份炸燒賣正常發揮另外，以前飯的餸都可以自由組合，而家好得一定拼肉燥，感覺無咁彈性新裝修坐得比以前舒服新店員都有禮貌

同之前爭好遠，之前嗰炸豬扒好好食，而家個炸豬扒好難食，連肉噪都唔好食，凍撈麵好似OK。嘢飲又唔好飲，兩杯好澀，一杯好甜，三杯得一杯叫左少甜，完全隨心沖。仲有真係非常非常之唔環保，唔用要洗果D碟，直接用有一層膠即棄果種紙兜，好浪費呀，仲要係唔方便人食嘢果款，飲品都係直接用即棄膠杯真係過左啦，又唔係食緊外賣，其實唔係話要好環保好環保，但都唔好製造咁多不必要既垃圾，就算唔諗下一代，熱食都應該諗吓塑化劑。熱食直接放係薄薄嘅即棄膠，太唔健康啦。

下午茶時間去到，同朋友都唔算係好餓，叫左個肉燥酥炸豬扒飯，另外再加左個細既肉燥飯。本身個飯量原來都好多，肉燥係食到粒粒既肉碎，汁比較多，所以可以用黎撈飯。炸豬扒都好易咬，仲有隻滷水蛋。最特別係佢有個醬汁，少少辣，沾埋豬扒，味道真係有提昇! 之後都叫左幾款小食，叫左炸雞翼，炸燒賣，蜜糖炸花枝丸。呢到既炸物都幾出色，唔會厚粉，炸燒賣幾好食，如果有醬配埋就更好! 花枝丸都好好食 ! 野飲都係台式飲品為主，叫左杯珍珠奶綠，好飲又唁會過甜，珍珠都好有咬口。呢到其實都幾抵食，一個飯都係40-50蚊，想食台灣野都幾推介黎呢到呀。

這日我哋想外賣晚餐回家食，好想食台灣肉燥飯😊 所以來到茶點買呢間店最近都係比較早關門的。如果要買外賣作為晚餐，就要趁早喺六點之前嚟到。佢哋嘅飯麵選擇都幾多，仲有一個跟餐飲品，另外都可以用優惠價加小食我哋喜愛吃唔太肥膩嘅肉燥，呢間店正正就係我哋鍾意嘅味道！滷水蛋亦都好好味，送飯一流😊牛展都好入味😊豬扒炸得好香脆，乾身，調味合適😊炸燒賣外脆內院，乾身唔油膩。加上辣椒蒜蓉豉油，更加好味！炸豆腐都炸得外脆內軟，一買返嚟即刻食就最好味。點埋佢哋嘅辣椒蒜蓉豉油更加之正飲品方面，我哋嗌左一杯珍珠奶茶，一杯珍珠奶綠。我自己就鍾意飲珍珠奶綠多啲，茶味幾香😊珍珠奶茶都好味，裏面有珍珠煙銀甜甜地，夠煙韌😊

一直都唔知大埔有呢間台灣野中午太多人唔想出去堂食於是買左小小野番公司食最愛台灣野除左米線，佢地仲有肉燥飯諗緊米線定肉燥飯兩個都好吸引每個餐仲可以另加小食同配野飲野飲款式都非常多酥炸豬排米線（$49)豬扒外皮真係非常之酥脆而且咬落去完全唔鞋肉質嫩滑49 蚊黎講好抵食滷水蛋蛋加配嘅小食炸花枝丸（$29）5粒可以揀蜜糖或者柚子味我揀左柚子味，甜得黎唔會留外皮酥脆，內裡爽口彈牙酥炸雞翼（$33) 4隻真係即叫即炸拎番公司雞翼仲係熱辣辣而且啖啖都係肉，唔係炸粉黎，值得推介怕食得太多炸野，仲叫左個時菜（$24)無諗過咁大份，一定夠飽椰香珍珠奶茶（跟餐加$10)好重椰香味！鐘意椰香味嘅朋友仔一定要試下而且好大杯好抵食！