茶點輕食

營業中

休息中

過了三個月再入粉嶺，加上朋友生日，想低調地過生日．心思思又黎多次今次醒咗，check 定有冇開，朋友試過摸門釘打定電話，留件cake 準備慶祝生日晚上客人不多，變咗包場🤣🤣經服務員介紹我叫咗個日本蠔白汁意粉$98，加上了餐湯好似$40同行朋友吃冬陰公大蝦意粉，日式咖喱豬扒飯及蟹肉蘑菇意大利粉估唔到做日式飯類也有水準老實講食物係好味，不過食物唔係重點佢哋窩心嘅服務，令我哋喜出望外上蛋糕之際，老闆娘竟然播上生日歌，真係好開心呀，食幾百蚊嘢，有咁嘅服務超乎想像真心推介題外話：聽佢哋講，八月份會有新菜式，及營業時間有更改（唔怪得知上次摸門釘啦） 粉嶺有咁高質素嘅餐廳，替朋友開心期望下次再嚟，希望唔使等三個月🤣🤣

粉嶺區新開一間文青cafe✨裝修簡約，以木為主調，食物都以輕食為主。價錢屬於中價位，以粉嶺少有既cafe黎講可以接受。Order左早餐香煎雞扒意粉，店員推介牛角包，所以另外加$8將多士轉牛角包。意粉分量唔算多，女仔食就足夠，男士就應該唔夠飽。蕃茄湯底，有少量蔬菜，湯底夠濃味，蕃茄味夠清新，意粉偏硬口感，整體唔錯，夠開胃。雞扒用香草煎香，肉質有少少乾，牛角包🥐幾香牛油味，外脆內軟😋可以一試杯熱朱古力奶味較重，反而朱古力味唔夠，有少少失色。整體都唔差，係粉嶺區搵到間質素唔差，環境舒適價錢合理既cafe，服務都值得一提，店員有禮貌，仲主動提供電話托，服務一流👍🏻可以再食😌

喺粉嶺成日食嚟食去都係茶餐廳，好鬼悶！想搵間價錢合理，又乾淨企理嘅餐廳，的確唔易！囍逸開了一間新cafe, 心思思去試吓！叫做茶點輕食，一入餐廳比我嘅感覺，好光猛，好乾淨午餐時候都幾忙，我同朋友一人order 咗一個意粉！卡邦尼意粉及香蒜雞肉意粉，一杯latte 加配朱古力蛋糕 好好食喎！雖然貴過茶餐廳，平均$78 個意粉包一杯飲品，朋友加cake 就比多$28 環境舒服乾淨企理服務員有禮貌又有免費Wi-Fi，仲有手機電話托提供 嘩，真係估唔到喎真心推介

呢間係咪新開嘅呢？因為太耐冇去粉嶺見到個裝修又幾好所以就試吓啦叫咗個意粉同埋黑毛豬意粉我覺得個黑毛豬意粉都算抵食都係$100左右不過個要求就唔可以太高囉個肉質係有少少硬環境服務👍🏻

轉咗手之後裝修靚咗. 而且多咗自家製西餅 加28HKD可以有甜品食. latte都可以加錢 轉餐飲. Mango 千層餅我覺得麻麻地. tiramisu 都ok. 芒果大蝦burger都幾refreshing. 冬陰功意粉都煮得好味. 下次有機會再試下其他菜式。 不過淨係好似做 到六點。 其實以佢呢個價錢我覺得佢做晚飯倒返轉頭會抵食，如果當係中午食lunch嘅話其實 有少少貴 同區都仲有好多選擇嘅。 不過新餐廳試下都好嘅。 比起上一手我唔知佢哋係咪有改動過通風系統定還是因為佢哋menu啲嘢食 有少少改動 比之前 餐廳有成陣油煙味而家好好多。

環境優美，坐得超舒服！！十分乾淨！！肉醬意粉一流！！凍檸茶正到傻！！啲蛋糕好好食，甜度啱啱好，生果好新鮮！牛角包質素有5星級酒店！去過幾次，都服務態度極好 具有笑容 主動介紹野食 個個服務員都好好傾，都有優美嘅音樂，食物飲品都保持水準！！好耐無遇到啲咁物超所值嘅西餐！幾十蚊嘅蛋糕都有酒店水準！！粉嶺好耐無啲咁好食嘅西餐…別具一番風味希望開分店 令各區市民都可以品嚐咁好食嘅西餐一定一定會再幫襯！！唔係講笑 真係好好食😋😋

食物質素有水準，地方干淨，整齊，伙計有善，物超所值，蛋糕聽伙計講全是自己厨師做，同埋夜晚可以包場做私人party,冬陰公意粉本人最中意，咖啡有酒店水準，值得再去同推薦比朋友

粉嶺聯和墟開了一間新Cafe，經過看見清雅裝修及少少日系吸引了我的目光，停下來，Menu 就放在門外，價錢為大眾化，早餐48蚊起 ! 抵! 同行朋友話入去試試！一入門口，就見到個好靚餅櫃，裏邊放住一啲好精緻嘅西餅，看看四周好乾淨，好舒服，仲有一啲柔和音樂，北區來看，只此一家坐低之後，有個人會問你要唔要搓手液，仲話係自家製喎，香茅味㗎Ok 喎⋯⋯見到lunch menu ，主打pasta 和蛋糕！由78蚊起，仲包咖啡奶茶嗌咗個香煎雞扒意粉 , Latte 賣相好靚又好味味道一流食完已經飽，有個長頭髮女經理問我，會否加cake ，跟餐只係加$28抵喎！即刻加咗件栗子撻幾個女仔坐喺度傾吓偈．好舒服啊咁豐富嘅午餐，大約$100