茶魚飯后 (已結業)

陰公,學生去食野 已經經常受氣,好似覺得學生比唔起錢咁都算喱個d侍應d粗口我真係非讚不可我地叫左每人一個餐有野飲, 咁我地一行七個人佢黎少左杯,我地好聲氣叫唔該,佢兩個行埋黎就好似講數咁1,2,3,4,5,6 冇錯喎!!!!唔知係我撞鬼定佢學歷差啦, 根本就係7個人佢仲要數幾次, 1,2,3,4,5,6冇錯 有咩問題???之後就走左去,咁我地未搞清楚 當然就緊係再叫"唔該,唔該"之後佢地就開始唔理我地,我地嗌又唔叫,舉手又唔理,學生比唔起錢食野咩而加??跟住,,我地再大聲嗌一次"喂,,唔該!!!!!!!!"之後果兩個侍應又行番埋黎, 我朋友問佢"咁而加我杯野飲姐係仲有定冇呀"佢就話"咪加番比你囉,,又有咩問題"令一個"紅毛又矮又肥,查晒唇膏"既侍應竟然講粗口,仲要啤到行一行,佢竟然不停講"X,你X味,我X你X味X" 仲要啤實我位朋友跟住仲要成班係到圍住黎講"56號枱咁大嗌咩姐"佢真係當人傻.張枱有枱號加嘛..正正我地就係56號枱....其實我地聽佢地講粗口已經唔係第1次,係好多次既事試問係咪個老闆咁好人?可以任由D員工咁大聲講粗口,,仲要鬧D客??同埋唔好睇到,以前學生就冇錢比得起至得

銀龍集團接手此店後,第二次幫襯,第一次幫襯碟頭飯,覺得屋邨出品,中環價錢,唔抵!今次幫襯,覺得碟頭飯是貴,但小菜套餐相比,尚算抵食.六人套餐$238,內容可任選五款小菜,再加一羮,一小食,六個白飯,六杯熱飲.五款小菜選了:豉汁魚雲,XO醬海皇豆腐煲,薑蔥牛肉,生炒骨,小炒王食物保持一貫銀龍水準,中規中矩,不算好亦不太差,其中以豉汁魚雲料足味好為最正!羮是粟米羮,比想像中好,小食為沙薑雞腳 - 稍鹹,味道可以.再配六個飯及六杯熱飲.另加蒜茸芥蘭 - 原價$30,跟餐平$5,菜新鮮.沙薑貴妃雞$60/半隻 - 稍鹹,可以接受.再加兩個白飯.埋單$339.侍應服務O.K.

因為工作關係，差唔多一星期至少都幫襯兩次。叫外賣的話超耐!!!鐘意食晚飯小菜套餐，不過價錢都幾貴，平均$40以上唔包飲品。焗飯味道都唔錯，不過係呢度食焗飯中過兩次招，食完都嘔，反而其他款式就無試過食完肚痛/嘔。奈何此商場選擇唔多，唔想食燒味飯 / 美心，唯有揀佢~價錢真係偏貴，普通茶餐廳野，份量唔算多，未能夠做到抵食夾好味囉~真係要推介的話，晚市會好過午市~

最近因為屋企唔得閒煮飯 屋企老人家又唔想行到去太遠所以一星期連續七日都落左去茶魚飯后度食晚飯野食味道都唔算係太差 只係價錢有d貴不過煲仔飯類真係唔錯 離遠都聞到都好香好香 值得一試 仲有羊腩煲同埋一人火鍋都幾吸引 兩個人食都夠飽服務方面 餐廳入面既黑衫大佬同埋大部份既侍應都好好禮貌好友善唯獨係特別一個侍應態度好差 下下拎住d野食都擺黎擺去咁 好似耍緊雜技 放野食既時候動作又粗魯 又成日對住客人黑口黑面 俾我感覺好似發緊脾氣個感覺好差連續觀察左一個禮拜都係咁 都唔知點解但係就食到我同我d屋企人都一肚氣 好唔開心咁離開如果有得揀 都未必會0係呢度食野 (以上全是親身經歷)

入到天水圍工作,到天盛苑商場,就只有美心快餐,一間酒樓及這間茶餐廳個人唔鍾意食快餐店,又唔想一個人到酒樓飲茶,見呢間野表面上都乾乾淨淨,就走入去試下set午餐完全唔吸引,就叫左佢地一個所謂"馳名"咖哩牛腩飯.........真係唔知有幾馳名......一pat咖哩粉煮成的咖哩汁,完全無咖哩香,由於本人特別喜歡咖哩,食到如此水準的咖哩竟然夠膽自認"馳名"!!!!實在不能接受!!!見其他同事的食物,亦有彈無讚........收成30~40幾一個飯......食呢d水準後來知道原來是"銀龍"旗下.......早知去食快餐店或是7仔叮叮飯好過佢.......$40幾蚊一個茶餐廳lunch唔係貴,但一個完全無心去做的食物,$4都嫌貴!!!呢d水準的茶餐廳,如果在其他區,收呢d價錢.....一早執左粒....

放lunch..學校門口出面有位叔叔娑coupon一派就派3.4張.見送紅豆冰就同友人去試下la 學生有優惠..點左個牛扖xx腸意粉.個牛好大塊,味道ok.哩餐送埋野飲先盛惠$25.抵^^

27/7/2008(日) 2:00pm今天來到天水圍去影相，但係影相之前，緊係要祭下個五臟廟先喇，眼看天水圍站附近無什麼野食，只得一個天盛商場，故入去隨便找野食。除了得美心MX 及酒樓外，就只有茶魚飯后，故入去一試。是次叫了干炒咖哩雞球烏冬 & 龍鳳檸樂。干炒咖哩雞球烏冬辣得岩岩好，若嫌不夠，更可用佢給的辣醬，相當細心。而龍鳳檸樂其實係可樂、鹹檸檬及新鮮檸檬加埋一齊而成，味道鹹中帶酸，真係唔錯。本人估唔到天水圍都有好野食，真係跌眼鏡。

今日我约咗幾個朋友早上约十時到餐廳食嘢,比我兩個月之前好好多,食品方面有進步,伙記態度又有明顯進步,地方又清淨咗好多,可能有換過人,有Ｄ都未見過,明顯地,服務態度又好咗Ｄ,由其係Ｄ黑衫做到對客服務做得好,有錯有問题就即到,唔會好似之前無人理,雖然價錢有Ｄ贵,但係我覺得值得,一句到尾,食得開心,得閒我就落多Ｄ...如果可以減返Ｄ就好啦!

第1次去食~識我ga朋友都知我一定叫粉麵就叫左個牛腩雲吞河~~都唔差~對比番上手同綠茵係好好多野飲係唔差~ga~~但之後食個下午餐先發現~佢ga炒飯係用粗鹽黎炒俾我食<唔知係唔係個師傅錯手落錯鹽>其他都冇咩大問題~~係d服務員~開頭都冇咩野~岩岩起身打個電話叫外賣~我唔知佢就係唔係趕時間~定人有3急係咁快啦講啦~你想食咩呀~我唔係拖左好耐~都係過3秒佢仲係咁吹~我開始講~佢又聽唔到~~落到去~~佢d態度真係差左~收銀果位成日找錯錢~好囉~~都ok架e間~係錯在d 服務員<e上都係我d經歷>

開張第一日已食過,食物不太好味,一般啦.叫了一個紫菜四寶.但是少了紫菜和貢丸,卻換了豬肉丸.價錢也不算便宜.但是清潔就好過上一手海達餐廳.