茶館

超強颱風即將遠離香港，由10號風球落翻八號，因要當風更8號風球都要搵嘢食，喺石硤尾搵到間茶餐廳有開，即衝入去搵嘢食，可能颱風期間，店員精神唔多集中，為求醫肚，即刻叫嘢食。西炒飯有腸仔、火腿、蝦仁炒，當然係落茄汁炒，但係色水就唔多靚，顏色有啲沉，仲有啲黑色一點點，同事都笑問係咪黑松露炒飯，當然唔係啦～ 似乎係連啲鑊撈都炒埋出嚟，不過味道都唔算好差，係有少少燶味。菠蘿海鮮炒飯又係有一點點，即刻問同事有無茄汁味，同事話無，即係有洗鑊？焗黑椒牛扒飯，應該係最穩陣，因為本身係黑色，汁都幾濃。粟米魚柳飯清清地，同事話還可以。…查看更多

約咗細妹交收，返一返石硤尾老家一趟，順便約佢食餐晏晝，由佢決定就晌附近嘅「茶館」搞掂，反正佢無要求，小弟亦無差咩要求。呢間茶記都曾經食過，印象中都唔差，環境如一般茶記咁，以卡位為主。其實，地方都算大，亦唔會感覺好逼。雖然枱面已放上簡單調味料、牙簽，但餐具、餐紙記放晌枱側拉櫃，不過，無叉用，晌隔離枱攞，亦無，無人補餐具，叫咗幾次先有人補充，招呼真喺麻麻。午市每日提供8款精選午餐，定價$53-$57，包是日例湯同熱飲。如果呢啲唔啱食，仲有啲招牌特餐、撈一到餐、全日英式早餐……等等。是日例湯果然好例湯，青紅蘿蔔煲豬骨，當然，驚喜就無，但飲落都足料同夠老火。沙丹豬扒意粉 $53細妹就試試個豬扒意，其實即喺茄汁煎豬扒加多隻煎蛋，兩大件有骨豬扒幾夠份量，煎得香口，但佢話肉質有少少乾，此外，意粉亦稍稍過腍。咖喱牛脷飯 $55小弟就揀咗碟牛脷，但勁多問題，一來唔知點解等咗好耐，老妹食咗大半我碟飯先嚟，一上枱已經覺得唔對辦，再試咬一啖，百份百肯定喺牛肉，唔喺牛脷。明明今日精選午餐只有牛脷，無牛肉，唔知點解會錯，咁我本意想食牛脷，當然麻煩侍應換過。如是等多10min，卒之嚟咗碟咖喱牛脷飯，不過，牛脷勁韌，唔好食，咖喱好杰、好餬，得個辣字，唔香，薯仔過腍，真喺成碟都唔得。我懷疑啲牛脷根本出咗問題，所以，「咋咋帝」搵牛肉頂上，如果開心見誠講牛脷有問題，咁我就情願食牛肉啦。熱奶茶本應，杯奶茶確喺唔錯嘅，茶底都幾芳香，不過，上面有冷氣滴水，意外令杯奶茶加料，好在都叫飲咗大半杯，剩低啲梗喺唔敢飲啦。今餐晏仔咩都麻麻，招呼麻麻，嘢食麻麻，衛生麻麻，不過人就善忘，可能三幾年後唔記得又嚟食過。…查看更多

好耐無食茶記😌咁岩今日路過就入去試下佢地既早餐🥣本身無特別期望值😛但係最後係要用喜出望外黎形容呢餐😋個早餐包左個蕃茄肉碎湯通心粉😙然後仲有份蛋治😝點知一黎到🤪個蛋治大份到我嚇親🤓啲蛋唔老☺️起碼有兩隻份量😍然後個包好似多啦A夢既百寶袋咁包住啲蛋😝食落去味道就當然正正常常啦😙但已經好開心😀至於個通粉☺️就相對普通啦🫣份量依然係我滿意既份量😛味道中規中矩😂同幻想中既味道無太大出入😉但係34蚊😆呢個價錢就算啲大集團都未必做到😌以質素同價錢黎講😙仲有啲咩可以投訴呢🙃整體黎講☺️係一間我都幾滿意既茶餐廳😝成功令我有個好印象呀😀…查看更多

呢間悠閒茶座，裝修走嘅係現代簡約風，木系同藍色嘅搭配，畀人感覺好舒服。店入面燈光充足，空間感都幾好，坐得都幾自在。睇下餐牌，精選午餐嘅價錢大概喺$53-$57，仲包埋例湯同熱飲，性價比唔錯。再睇下張單，我叫咗芝士焗豬扒飯同埋一啲小食，埋單$121 。芝士焗豬扒飯賣相都幾吸引，芝士焗到表面金黃微焦，拉起嚟仲有牽絲效果。豬扒幾厚身，食落去外脆內嫩。但同正宗意大利焗飯相比，呢度嘅芝士焗豬扒飯米飯嘅口感唔夠軟糯，有啲偏硬，而且番茄醬嘅味道可以再濃郁啲，會更有層次。至於小食，味道中規中矩啦，冇咩特別驚喜嘅地方。好似同其他類似嘅茶餐廳相比，呢度嘅小食欠缺一啲自家嘅特色風味。其實芝士焗豬扒飯呢類港式西餐，就好似香港飲食文化嘅一個縮影。佢融合咗西方焗烤嘅做法同東方嘅食材，形成咗獨特嘅味道。每次食呢類食物，都會諗起香港呢個中西文化交融嘅城市，就好似呢道芝士焗豬扒飯一樣，看似普通，但其實蘊含住好多元化嘅元素，呢種味道已經成為咗好多港人生活中嘅一部分，無論去邊，都會掛住呢種熟悉又獨特嘅滋味 。…查看更多

今日朝早去咗間餐廳食早餐，門面睇落去就好有香港茶餐廳嘅風味，入到去就知係個食早餐嘅好地方。我哋叫咗個「醒晨早餐」同「滋味早餐」。醒晨早餐入面有沙嗲牛肉、公仔麵、火腿同煎蛋，仲有牛油方包。沙嗲牛肉嘅味道好濃郁，沙嗲醬嘅香料味同牛肉嘅鮮味融合得好正，公仔麵就煮得剛剛好，唔會太淋又唔會太硬。火腿同煎蛋就中規中矩，牛油方包烘得金黃酥脆，搽上牛油，正到痹。滋味早餐我哋選咗番茄肉碎通粉同蛋治。番茄肉碎通粉嘅湯底好濃郁，番茄味好出，肉碎都唔少，通粉口感煙韌。蛋治就普普通通啦，不過烘底加埋就好食啲。同外國嘅早餐比，好似美式早餐就好多肉類同薯仔，呢度就多咗啲港式風味嘅選擇，例如公仔麵同通粉。價錢方面，醒晨早餐$38，滋味早餐$34，加埋其他小食同飲品，埋單$78，都算合理。唯一小缺點就係蛋治有啲普通，同出面一啲專做蛋治嘅餐廳相比，無咁出色。但總體嚟講，呢度嘅早餐都好有香港味道，啱晒我呢啲鍾意食港式早餐嘅人。其實，港式早餐對我嚟講，唔單止係一啲食物咁簡單。細個嗰陣，周末嘅朝早，阿爸阿媽就會帶我去茶餐廳食早餐，一份公仔麵、一個蛋治、一杯奶茶，成個早晨都好滿足。而家每次食港式早餐，都會諗起以前嘅時光，呢種味道，就係家嘅味道，係香港嘅味道，無論去邊，都唔會忘記。…查看更多

今日路過茶館進入下午茶點左一個雞扒炒烏冬結果一等等左成半個鐘不過半個鐘事少一見碟嘢已經胃口冇曬了直頭係老抽浸泡雞扒烏冬最慘雞扒仲要係凍的我又費事換啦冇下次啦垃圾…查看更多

今日下午茶時間到石硤尾茶館食嘢，2:00落單，到2:32先出餐，仲要係出錯餐。叫咗個餐腸通同菜遠排骨河，成半個鐘後先出餐，仲要出錯咗叉燒河，同佢講完，睇埋單係佢錯，佢拎咗碟嘢行咗一枱就返轉頭話下午茶餐牌轉咗，你食唔食得？ 態度差都算，餐牌轉咗我都冇法，咪照食囉，點知冇幾耐隔籬枱就出錯咗排骨河，又係咁樣問，出餐嗰邊大嗌出嚟話叉燒係64，排骨係61，好嘢，原來係出錯餐，個職員又係照板煮碗問出錯排骨嗰枱客，又叫嗰枱出錯嘅照食。 我叫個職員埋嚟同佢講，點解佢頭先話餐牌轉咗，原來係出錯，佢話咁你話照食冇問題嘛，冇問題咪得囉！我話你講餐牌轉咗我梗冇得要求一定要返排骨，而家係你哋出錯仲要話轉餐牌，個職員講句佢新嚟就直接行開完全唔回應我，當冇事發生。 一枱係咁另一枱又係咁處理，個餐牌隨心嘅，唔知以為食緊”Omakase”，我就唔會再去食！想食嘅就自己體驗，祝君好運！…查看更多

真心奉勸千祈唔好食呢間野！我係街坊，當年新開張黎食過，叫左叉燒炒公仔麵，鹹到覺得自己個腎會壞，而且成間舖無冷氣咁，一路食一路流汗，自此之後無幫襯過最近聽阿媽講話佢裝修完好似好左，今日就諗住俾個機會佢，頂！！！除左有返冷氣之外，食物完全無好過今日叫左一個乾炒豬扒意粉同埋一個乾炒肉絲河粉，頂！！！等左半個幾鐘先有野食，明明同隔籬枱一齊落單，但人哋啲野食就黎食晒我啲野食都未到，擺明漏單啦，仲要同我講廚房人手唔夠到有野食啦，然後啲野食又係鹹到呢 同行朋友食完都話覺得要洗腎唉！真係以後都唔會再幫襯！！！…查看更多

條走廊咁鬼太條都唔明點解可將成杯芒果汁淋落我度。套衫同袋裏面嘅衫都污糟晒。個侍應又唔道歉，粒聲唔出走鬼咗，跟住第二個侍應嚟到仲要笑笑口咁樣同我講：呢啲大家都唔想。真係多謝你。嘥晒啲時間，飯都食唔到，完全唔建議食呢間嘢。之後同經理投訴，個經理仲要成日逃避話題，態度仲要好輕佻，仲要好想結束話題咁，擺明完全唔在乎呢件事。仲要我去洗衫舖嗰度攞返張單返嚟claim返賠償，真係嘥我時間。以後都唔會再食呢間嘢。…查看更多

我哋一班人去食飯，叫完之後，佢送兩杯芒果椰奶過嚟個陣，已經見到佢唔平衡，過到嚟就倒瀉咗我哋其中一個人嘅背脊成個身連埋條褲仲有佢個袋都濕晒，個職員仲要笑笑口咁樣，唔好意思同道歉都冇句，淨係掛住拖地，紙巾都冇張，隔籬枱嘅食客都有比紙巾，一味喺度笑，笑住咁講意外嚟嘅，大家都唔想。邊個會想意外發生，但係意外之後任何補救嘅措施都冇，簡單一句對唔住都冇，有冇搞錯？咁樣仲可以做餐廳？最基本嘅服務態度都冇😅，有冇搞錯。 …查看更多

叫個外賣好似欠左佢， WhatsApp 叫外賣唔應機 唔知有冇整左，諗住問下佢有冇整到，冇整就由佢， 點知俾個短頭髮嘅ar 嬸收銀 西住面甘話「唔得閒覆你ar」。。。態度差都算，但基本啲餐都唔跟好。每次只要係嗰個ar 嬸收銀落單，叫走奶就多奶(叫奶茶 好似叫左成杯奶甘 感覺上唔會係俾錯) ，叫檸檬茶就冇檸檬，好似 刻意唔想你下次再落單甘。 其他員工冇依個情況。如果唔想客人用WhatsApp落單 可以取消依個服務。(最近一次2023/11/30 12 點左右 嗰個收銀，如果餐廳管理既 有睇食評，可以睇返留意返依位員工) …查看更多

食過兩次都覺得服務係非常ok侍應好友善 又有禮貌不過食物質素以茶記黎講係平均水平以下兩次都係食常餐好普通既叉燒意 火腿通多士 火腿滑蛋 熱奶茶呢d除左牛油厚多士之外無一樣野達平均水平首先佢賣相係ok 所以食物一上枱係會覺得期待但一放入口就會發現有問題通粉煮太淋 發漲滑蛋唔滑 太老 同大家樂 大快活差太遠熱奶茶可以話係我喺香港飲過最難飲既偏酸同苦 味道非常奇怪食過兩次都係有一樣問題好難想像普通熱奶茶都可以咁難飲就算服務好都好餐廳都必須要正視食物質素問題廚房員工絕對要再訓練🤔…查看更多

茶餐廳是香港特色，也是又平又抵食的標誌，當然不乏茶餐廳的鑊氣十足，食物美味，有著中式的炒菜特色。所以要知道茶餐廳的食物好不好吃，一般會以乾炒牛河來作標誌式測試，來評定廚子的炒菜功夫到家与否。加上下午茶是茶餐廳獨有的便宜餐廳，天天供應，趁此機會，來試一下下午茶的乾炒牛河。乾炒牛河在下午茶套餐的份量理所當然是小一些，牛肉鬆軟易入口，而且十分軟熟，但河粉炒得十分碎，有可能是炒時反鑊的功夫情況，油少，熱度不足，仿似不是即點即炒的感覺。看來炒菜是功夫一般了。…查看更多

事源前一天在外賣app 叫了3個餐外賣，因為個人問題叫多了一個餐，然後致電該餐廳、表示需要減少一個餐，費用照俾、明天才補送返。然後今天致電該餐廳、表明今天送回，我亦有再叫多3個餐 希望一併送回、誰不知取餐的時後發現送少了一個餐。接著致電該餐廳、隨後該餐廳店員表示沒有聽到要求、還要求食客自取。最後餐廳表示叫架車補送仲要食客付車費。 不知所謂！！！！！！！！！！！ 不可一不可再！！！！！！！！！ 不可一不可再！！！！！！！！！…查看更多

以往都是在這裡吃午餐，今天去嘗試下晚餐，沒有等位，環境安靜，乾淨衛生，服務周到梅菜扣肉飯：肥而不膩，份量適中梅菜再多一點點更好牛肉炒河粉：這一份足夠兩個人吃，口味適中，青菜牛肉都量十足價格適中…查看更多