茶軒台灣料理珍珠奶茶 (已結業)

同朋友搵蛋球由旺角行到尖沙咀,攰攰地去o左茶軒食下午茶餐!好耐冇食台灣小食,諗住懷舊一o下,點知呢間食肆真係唔多掂!第一,環境唔掂!冇乜冷氣,空氣唔流通,成個場都有d味!地下層商場熄哂燈定唔知停哂電,上廁所要行電梯上二樓借茶樓冷巷o個個!超唔掂!第二,員工唔掂!個個好似未瞓醒咁!唔會主動落單,埋單唔講多謝!第三,價錢唔掂!食物份量唔多,但價錢卻頗貴!唯一值得安慰少少o既係味道過得去!可能我要求低,叫o左個素菜米粉+蕃薯奶茶椰果,味道普普通通,奶茶都算OK,不過我都係嫌佢甜o左少少!加o左d水!簡單講,一定唔會有下次!!!…查看更多

中午買個飯盒，竟有如此遭如：落了單，付了費，等了又等，終於看見飯盒出現於吧檯面，通知他們飯盒巳出現，卻將我化身成隱形奇俠，再三催促，才見有人理下我個飯盒！但疑似用罄了膠蓋，再將我的飯盒換成了紙盒，經過十五分鐘的糾纏，終於拿到又冷又凍又不是味兒的煎豬肉餅飯盒了！當然飯是保持一貫的爛！…查看更多

在平安夜當晚想飲杯飲品，但大多數都full，行經這間茶軒發覺人不多。 雖然心裡也擔心如此少人，會否代表質素有問題? 不過由於實在找不到位，唯有試一這間。我要了一杯綠茶，飲了覺得不算差，不會太甜。不過也不是太特出就是。不過我坐在店外，不是太舒適，位子略為迫了一點。…查看更多

距離演唱會開場尚有1小時,預計由尖東行上紅館大約15分鐘左右,本來想去試十勝豚丼,但見到要在門外排隊輪候,心想時間不多,於是一行六人隨便找間坐下便算.行入店內見到大部份顧客年齡以十多歲居多,結局......已心中有數!特色豬排飯---一塊調味不足肉質乾硬的煎豬排,一堆用水烚無味的黄芽白,軟得接近爛的飯,加"特色"醬汁-似蠔油的甜味蒜蓉汁,和"出名"的地盤名物"飯盒"也差不多質素.看見友人的台式肉燥飯更精彩!飯一樣是爛,肉燥是有一個杰撻撻透明的茨加肉碎……….炸荳腐----熱的炸荳腐加特色汁!西柚綠茶----凍飲甜到漏!友人的熱飲亦一樣!看見隣檯的小朋友手上玩著NDS,有一句沒一句的搭訕,隔一會用匙羹送飯入口中,以乎正在吃什麽入口自己也未必知.…查看更多

今日同D Friend 食飯......去左尖東...揾唔到我地想食個間餐廳，咁就來左茶軒食。我地叫左好多野食, 但無一樣合格的。甜酸魚,D 洋蔥係生的， "老"水豆腐仲要係酸的。:(可能我地9:00先去啦, 個商場的關左。我地因為人多就坐係出面......熱到我死。D 野唔好食都算啦, 我地因為坐係比較入的位置......D待應完全可以睇我地唔到...叫十世先有人來。但個間野連埋我地都係得3枱人JA~~咁都唔理我地。好啦, 跟住我地就叫佢地幫我地拿個cake 出來，點知佢連個盒都唔打開, 就咁放係我地枱面, 咁都算啦。我地唯有自己開。咁我地影下相.....咁食啦.....由於無人理的關係, 我地就用筷子食啦。到我地食左一陣, 先有一個姐姐來問我地要唔要"差"。 不過佢地D態度都ok, 我地話要換左碟"老"水, 佢地都無野, 但真係要改善下D食物質素LOR, 仲要多D理下D客!!…查看更多

今日同朋友食午餐，為方便朋友所以選擇食茶軒。見食評好似好差，我食過後覺得唔算好好，但不算太差:)台式肉澡飯 + 飲品 $38雖然價錢不太值，因為份量不多。肉澡味道算不錯、多汁，碗邊伴有少少量菜甫半隻雞蛋，半條小唐菜。男仕們可能不會太飽飲品我選擇凍奶茶，我比較喜歡小甜、小冰，但來到就是微甜算，我都飲到。糖醋魚塊跟飯 + 飲品 $42飯是大碗的，但魚塊就只有6塊左右魚塊算少嗎？其他就是洋蔥、少量青椒。其實個甜酸汁味道都幾好:)魚塊又不至於炸粉太多，魚塊肉質都幾嫩滑:)是開胃之選擇:)其實我都明白，尖沙咀區食午飯時間四周圍都是人，白領人仕要在短短1個小時內食飯當然選擇又不會太多，所以有些餐廳都不會做有水準的食物，自然都有人來食。又加上地區租金相比其他地區貴，不能有太高要求。整體上不太差，但價錢也不算合理(午市加一收費)。因為和朋友傾得太開心忘記影相…查看更多

去睇演唱會之前梗係要醫飽個肚先啦原本去霸王山莊食嘅4個人E小姐，臨時唔得閒同我地食飯但又多一個S小姐喎但S小姐講啲嘢信一成都死所以到最後，3個人去咗茶軒食喇係喇...點解3個人唔可以去霸王山莊食呢???餅餅飲芒果綠茶，好濃芒果味，不過綠茶更加濃，唔.......我唔識欣賞我飲荔枝玉露，好淡好淡嘅荔枝味，無慢慢滲出黎，亦無越飲越淡小食拼盆，呢碟嘢，我地係6:32分order，一直到亞邊黎到仲玩完自拍之後仲未到味道就幾好嘅，尤其鹵水蛋更見出息三個都係食竹筒飯，實在無乜特別薑蔥A菜，無乜味啦等咗好耐又食咗好耐亞邊杯茉香奶茶仲未到追一追個侍應生佢個服務態度係好好架不過反應唔夠快之餘仲要應對有啲問題有咩理由凍茉香奶茶仲要問人地凍定熱?問一次唔夠要問多兩次?食飽呢餐都7:30了其實係一路食其間外面一直落大雨我唔鍾意我出街嘅時候落雨過對面篤串魚蛋食先魚蛋又唔飽肚頭先個餐又唔係好飽咁點解佢地唔食呢?連餅餅咁鍾意食煎釀三寶都唔食呢?佢頭先仲要食唔晒個竹筒飯添...…查看更多

暑假中嘅少奶真係得閒到非常，於是日日都周圍去。而最近少奶就多咗樣新嗜好，就係行博物館嘞！皆因學生價25蚊買張半年入場証就可以任入香港咁多間博物館，實在係炎炎夏日消暑好方法。話說今日少奶同友人又再無聊閒逛歷史博物館，行完大家都有啲口乾想坐低食個tea，行吓行吓就行咗嚟呢間嘢。一坐低就見到menu上有個好似好吸引嘅棉花冰，點知原來尖東分店冇得賣，失望嘅少奶頓時覺得唔知食咩好。最後同友人一人叫咗個茶餐。友人叫嘅係奶油吐司配風沙雞翼，少奶就貪得意叫咗個唔知咩嚟嘅金蠔卷配一口蘿蔔糕。可能呢個時間真係好少人，都唔算等好耐嘢飲就嚟。少奶叫咗薄荷綠茶，友人就飲青蘋果綠茶。青蘋果冇飲過唔知啦，但個薄荷綠茶嘅薄荷味太搶（至少連平日酷愛薄荷嘅少奶都係咁覺得），令到個茶冇哂茶味，重覺得有少少苦，不過用嚟消暑解渴都okay嘅。之但係嘢食就真係慢左啲啲，後面嗰台明明遲過我哋嚟又遲過我哋落單都快過我哋，好彩少奶都唔係趕時間，如果唔係實燥佢。好嘞，終於等到兩個茶餐嚟，友人話佢個餐如果唔太高要求的話都算okay。至於少奶嗰個呢，一上台嘅時候已經聞到蠔豉味，搞到少奶對佢嘅味道都有少少期待。試吓個蘿蔔糕先，嘩好熱，算你啦唔係攤凍哂嘅貨色，不過就熱到唔係好食到佢咩味，總之就係一般細細粒蘿蔔糕冇咩特別咁。金蠔卷其實都係冇咩特別，味道同香味唔成比例咁囉。如果冇咩期望的話其實都算中規中矩嘅。又嚟題外話：其實作為一間位處尖東嘅餐廳tea time得咁少客真係怪怪哋，返嚟一睇先知原來呢度都幾多劣評，不過講句公道說話，至少我呢餐我覺得未去到難食嘅地步嘅，不過見到佢寫明繁忙時間卡位要搭台真係有啲想笑＝ｖ＝2009-07-30 為食龍少奶…查看更多

朋友係附近既東海堂買左個芒果流心蛋糕同我慶祝生日, 我地要搵個可以切餅但唔收$$ 既餐廳. 黎茶軒問, 個靚女侍應姐姐話洗另收費, 仲問我地洗唔洗擺起個蛋糕先.我同朋友叫兩個晚飯小菜, 朋友要梅菜扣肉, 我就肉燥茄子.肉燥茄子個"獻"好漿糊, 無諗過係咁既質地, 好難食. 不過我幾鐘意佢地既珍珠奶茶. 叫少甜既甜度剛好.我地坐左兩個幾鐘, 期間成日要加水, 又話要碟食蛋糕, 呢樣個樣, 侍應們都好好禮貌. 好impressed. :)我估只係黎飲野都ok既, 食物方面, 希望佢地改進下啦! …查看更多

台式肉燥飯 - 飯用了珍珠米, 不過比較硬同乾身, 肉燥都香口, 不過比一般台灣肉燥飯都係差D - 鹵水併盤- 有雞亦, 豆腐, 豬腸, 牛展, 真係唔得新鮮, 鹵水唔入味, 食得落口個隻服務慢, 起菜慢, 仲要收錢少年埋單唔知咩叫碌卡, 炆爆, 我同朋友都覺得相當之無奈...............…查看更多

今日買左飛睇古巨基concert諗住近近地係尖東食dinner點知食到一肚氣故事既開端同兩個友人叫了兩碗粉絲(水餃 + 貢丸) , 肥牛竹筒飯 同滷水雞翼拼豆腐惡夢就開始首先我地因為坐係餐廳既尾尾所以唔係有野食黎d waiter都唔會行過黎我地等左五個字都完全冇野黎連我地附近既幾張?都係一樣野都冇咁我地幾張?就開始追單啦自己結果追左3次但係個waiter每次都淨係 keep住話整緊同好快個廚師玩失踪??!結果等多個幾字兩碗粉絲終於黎但係我食既感覺就係就好似碗野煮好左好耐....一d都唔熱味道普普通通 無咩特別粉絲都叫有彈性既味道一般因為趕時間的關係所以我唯有叫waiter cancel左個竹筒飯點知最後連個滷水雞翼都無黎...唔知係唔係漏左單:(食食下突然發現碗粉絲度有隻小昆蟲我一向都對lee d野特別敏感即刻叫俾錢同急call 經理黎雖然佢睇到之後都碗野冇計我錢但係搞到完全都無哂食欲搞到成場古巨基都餓住餓住好彩古巨基好睇補番…查看更多

偶然掛念台灣美食~但一直喺香港都食唔到台灣的味道今次都只係經過~有d想入去食~叫了2個lunch set在場客人有日藉的~有香港人~若果日本人以為呢d係真正的台灣料理...咁真係做壞左台灣個名了~沙茶肥牛配菜飯~菜飯要加5蚊麻油香味勁~菜粒多~還可~但係個沙茶肥牛真係.......極度難頂肥牛可以老到咬唔開...薄薄的肥牛咁易熟~佢一定係淥完之後先同沙茶一齊炒...很難食!!!!!肉燥飯係我少數食的菇類餸菜之一因為多數係肉多菇少今次佢...菇真係不少又大粒...幸好菇味不重而跟餐可以飲道地的飲品...幾得意~同有質素保證一d~不過呢2個唔太好味甚至話難食的東西...加埋要107蚊!!!oh my god!!!這間茶軒...唔會再食...…查看更多

近來星期一晚上要上課，上課地點位於東海商業中心，就地搵間食完飯返學！記得自己於大埔店食過早餐，對此店印象不錯，於是提意朋友呢到食。大家點了小菜，一客沙茶醬肥牛，一客煎蠔餅。肥牛一般，不過不失，只不過用水焯熟後加上沙茶醬，就是這樣簡單嘅菜都馬馬虎虎。煎蠔餅直頭離晒譜，首先，已經等了好耐好耐(其實即叫即煎仲好！)，不過一端到檯上，心暗暗講：「蠔餅？唔係掛，似pancake多啲喎！」，勁多粉醬，勁多葱，蠔就得少少，完全冇蛋香味，我唔寄望同餐牌個一模一樣，但都唔好咁離晒大譜吖！味道仲要係真真好差，係冇味，淡到不得之了，我估佢冇落調味掛！搵鬼到去食lu.....台式奶茶反而係最好架啦，但都略甜！:(好彩坐得還舒服，服務還好！:)…查看更多

平安夜去尖沙咀睇燈飾, 行完之後o係附近搵野食但又唔想太多人, 想靜靜地坐下最後揀左茶軒, 兩個人安排坐張四人枱比較坐得舒適, 唔錯睇完 menu, 諗好哂食咩, 就落 order點知 order 咩就無咩... "蚵仔煎? 無bor!""鹽酥雞? 賣晒!!"心情突然跌到落谷底! 最後求其 order 左:台式肉躁麵, 味道一般般雞扒竹筒飯 (侍應推介), 味道都係麻麻上湯水餃, 呢個係比較好, 清清地咁成餐飯最開心既就係後面檯個bb好可愛! 仲同男友玩得好開心呢 ^ ^總括黎講真係一般般, 不過平安夜周圍都多人, 算係咁架喇…查看更多

27/11 黎呢到食野只係為左飲台式飲料, 野食真係一般, 我地叫左肉(醋)米粉+珍珠奶茶, 小排骨米粉+蘋果綠茶珍珠, 杯野飲好似細杯左, 可能佢地換左隻杯啦, 好似好靚咁, 感覺個容量好似少過以前, 啲米粉果啲都係一般…查看更多