茶角落 (已結業)

熱·無糖用凍頂烏龍茶沖柚子蜜，再配上檸檬同埋紅石榴，一整個就係清新嘅組合～由於柚子蜜本身帶甜，所以呢杯做無糖真係剛剛好，烏龍茶茶底夠香夠濃，柚子味同茶味夾得好好，加上少少檸檬香，飯後解膩真係一流！最後我仲食埋塊紅石榴，突然覺得自己成個人健康左 😂小貼士：記得一定要搞一搞個底先！唔係會一開始唔甜飲到尾超甜 🙈 佢個茶底好濃，如果無搞均一定會影響你對杯飲品嘅感受 😂 另外佢柚子蜜都落得多，所以無糖真係夠了，我諗有糖可能會台甜 🙈 但如果你飲凍嘅，可能微甜都應該無問題～

個日咁岩要去荔枝角就順便睇吓附近有咩好食🤤之後見到成條街都係台式飲品就唸住買一杯黎試吓😚唸咗15分鐘先決定係呢間買😂🔸黑糖珍珠奶茶加Oreo $30+$5我叫完之後先發現自己唔記得少甜😶但好彩唔會好甜😳奶茶係茶味偏重😙而黑糖珍珠都幾煙靭🥰係偏大粒個種🧋但第一啖食有啲甜但之後覺得OK😝Oreo係我另加的👐🏻個Oreo味唔係好突出🤫個人覺得可以唔加或加其他配料🙌🏻題外話個日好好彩咁叫到最後一杯珍珠奶茶😂之後個位客人冇晒珍珠要轉其他嘢😬

第一次經過荔枝角呢邊，心血來潮想買杯手調飲，見熱熱地不如買杯冰凍水果茶降溫。開頭都冇期望，點不知見到佢啲生果勁足料，茶底又香，飲落好清新又唔會有澀味，即刻同附近返工嘅朋友介紹呢間嘢！ ！一定會返轉頭再買呀！ ！

可以做得更加好嘅一間小店👍🏽其實睇得到店主嘅用心 我問佢店入邊比較出佢好用心答我同埋推介我飲啲咩 仲建議埋每一款廢水相應嘅甜度佢仲話佢哋嘅水果係每日堅持喺果欄新鮮入貨但係可惜嘅係有比較有傷害 對於香港嘅芝士奶蓋我覺得葵芳嘅茶芝味 暫時係全香港最好味嘅奶蓋(不久嘅將來一定會出茶芝味嘅post)🧋芝士金鳳茶王(無糖小冰) $35📊5.5/10個芝士奶蓋係比較稀果一種 比較重奶味冇乜芝士味店主建議我飲無糖 會突顯到金鳳茶王嘅茶香的確個茶香味都幾出 而茶底係幾濃 純粹批評個茶底係幾好飲可惜嘅係濃嘅茶其實應該配返濃厚重芝士味嘅奶蓋所以最後將兩樣嘢Max埋飲嘅時候 其實係有啲唔夾🙈Overall 🔥5.5/10會唔會再去: 鍾意茶底厚嘅朋友 可以一試

附近有好幾間飲品舖，行過見d相都幾吸引。成班fd入去，一人一杯桃子小姐真材實料，睇住佢成個桃擺入去，隱約飲到d果肉。成杯都好有桃味。平時飲開無糖，都幾好飲仲有好多當季水果茶，都好大杯，🈵️杯芒果好似好正，成杯都係芒果肉，下次可以試下。原來要打80個字先可以出post，都幾辛苦仲要200個字先可以俾，正常人唔會打200個字掛。。。見間野咁少comment，又真係幾好飲，想幫下手支持下比個like，唯有寫多少少

啱啱買咗杯返嚟，芝芝芒芒，個奶蓋太稀，奶味唔重，冇咩奶味，芒果味唔係好重，對比其他牌子嘅芝芝芒芒，的確好一般，飲完應該唔會再買，仲要價錢比較偏貴$42，絕對唔值呢個價錢，看了OpenRice評語才買的，太失望

《 原來石榴係咁嘅味架？🥺》之前去荔枝角試完茶蓋，就順便去埋同一條街嘅呢間試埋喇～～～😛從未試過石榴，幾特別叫黎飲下先！🌺 花樣石榴 $39一入口就有陣酸酸地嘅果香味衝入口腔，個陣酸味唔係會令人覺得難受而係好刺激到口水分泌，非常解渴解膩。整杯飲品都有好豐富嘅果肉係入面十分足料，酸甜味道令我停唔到口。

“芝士石榴”($45)之前喺荔枝角好好運食完沙嗲牛麵之後順便試埋呢間喺香港工業中心嘅飲品店😆小店大約12點先開中間唯有去d2place坐住等🤣呢間飲品店選擇超級多😆有茗茶系列,芝士奶蓋等等而當中以水果調製嘅飲品特別多😆見到舖頭入面都有新鮮水果賣☺️揀咗一陣決定飲呢杯之前未試過嘅芝士石榴與其話係石榴,其實應該叫番石榴🤣舖頭用咗紅心石榴嚟整見到店主係咁切係咁切超級足料🤣😍加埋個都幾濃厚嘅芝士奶蓋呢個價都心畀得心甘情願啲😛

因為貓生除左貓太之外 最愛就係台式茶飲 特別係珍珠奶茶！🤩呢間已經飲完又飲 因為佢既芝士奶蓋真係好好飲😋呢間小店開係荔枝角 門口貼左連豬貼紙 大家不妨去支持下💛.1️⃣Oreo芝士可可🧀 $45 🌟極推薦呢個係👧🏻一試難忘仲不斷要再買既野飲😍本身👧🏻唔太好台式茶飲 但呢杯既芝士奶蓋溝埋朱古力真係好正🤩*建議叫微甜 因為本身oreo已經有甜味2️⃣芝士四季春🍵 $35呢間店既芝士奶蓋真係算出色🤍質感厚實 濃濃既牛奶味 但又有陣淡淡芝士味😋溝埋四季春無咁易覺得膩 女仔就無咁易有罪惡感😝3️⃣芝士黑提🍇 $42又係芝士🧀 證明佢真係好值得一飲再飲😍店舖本身係主打水果茶 老闆每日都會去買新鮮水果即刻整架🥰佢黑提係打成沙冰 飲得出好新鮮 水果既甜絕對足夠☺️4️⃣珍珠奶茶🥛 $30 珍珠本身甜甜地 彈牙 幾好咬口奶同茶比例啱啱好 滑得黎又有茶味👦🏻最愛！.好味指數：🌕🌕🌕🌕🌑窮遊指數：🌕🌕🌕🌑🌑性價比：🌕🌕🌕🌕🌑回頭指數：🌕🌕🌕🌕🌗