茶舍 (儲金閣)

營業中

休息中

大明里一帶的餐廳很多，平常不煮飯都會在這一帶搵食，趁平日放假可以早點避開人潮不用等位。上openrice見到好多人吃鐵板餐，所以來訪前已決定要試，另外還點了他們冬日火鍋系列❄️鐵板餐附一份胡麻醬沙律及濃蝦湯，沙律菜新鮮爽脆；濃蝦湯質地creamy之餘名符其實的濃郁。紐西蘭肉眼扒(10oz)配薯條及蒜蓉汁($138)，上枱已見到肉眼扒超大塊而且有油亮感，急不及待要切開試試🥩點了五成熟，肉質仍然好juicy，本身用黑椒醃過，不蘸醬汁已經好夠味；薯條是連皮的，所以外層會帶酥脆感。不得不提伴碟的翠肉瓜超甜超好吃👍🏻再來有冬日限定的濃蝦湯海鮮鍋($138)，選了扁意粉，湯底原來就是剛才附餐的濃蝦湯，煮過大蝦﹑青口及蜆後，再用來煮蔬菜﹑芋絲及豆皮串，非常掛湯入味🦐大蝦肉質爽口鮮甜，蝦頭還有滿滿的蝦膏。另外湯底內還有蟹柳及豆腐等配料，兩個人分著吃都很滿足～飲品都要一讚，朱古力沖得很濃，檸茶茶底也濃而不澀🍋

個別女員工服務態度超差，上一個客人食嘢唔俾錢想搵下一個客人幫手找數？客人質疑訂單有問題，不是應該查明真相？還竪持認定客人的問題！另一女店員態度更為囂張，認定係我落錯單，大義凜然咁講：唔想要咪幫你取消咯！真是打落牙齒和血吞！之後我翻查記錄細看，根本就是上一個客人叫咗嘢食無俾錢。但她們沒有一絲歉意，仍然很有態度！我是這里的常客，知道個別女員工態度欠佳也－直視若無睹，淡然處之，即使有時食物上有不滿意也不會追究但今日發生這件事，讓我深受委屈，憤怒，難過這樣的態度這樣的處事方法，實在太令人失望！只要果兩個女店員仲係度都唔會再入去，花錢買難受

叫左個凱撒沙律，居然落日式芝麻醬再加一推冇味的所謂煙肉，不如索性叫芝麻醬沙律，簡直劣食！個蜆肉意粉更差，只係用水煮煮D意粉淋D蒜油加D冇味煙肉加雪藏蜆落去就算😡😡吾會再幫親！

呢度嘅下午茶餐係主食配田園沙律或者薯條，加飲品，抵食。炸大雞髀 配薯條 $42嚟呢度食炸雞髀，佢即叫即炸，預10分鐘吧。雞髀本身好厚肉，炸完唔乾，仲好juicy！而且脆卜卜，好好味呀。氹仔風味豬扒包配田園沙律 @38覺得呢度啲麵包好正，咬落軟綿綿，烘過又帶點脆身，配埋豬扒一齊食，正！加上呢個豬扒包入面有蕃茄、生菜、沙律醬，食落整體又新鮮又啖啖肉，好食！香烤雞扒包 配薯條 $38另外仲叫埋雞扒包，雞扒本身已經醃好味，又厚身；雞皮亦煎到好香脆，忍唔住大啖大啖食🤭每個茶餐都跟田園沙律或薯條，所以揀晒兩款試一試先。田園沙律主打蔬菜，似意式沙律：有羅馬生菜、車厘茄、芝麻醬，啲菜好新鮮，想fresh d呢個沙律係不二之選。煉奶一口西多士 $32一客西多士有六大件，每件都係厚多士，所以好抵食。鍾意呢啲西多士有煉奶味得嚟又唔太甜，而且面頭炸得微脆，好香口，真係一件又一件接住食。即磨咖啡，邊飲邊聞到陣陣咖啡香，大推！檸檬茶底好香濃，一杯有4、5片檸檬，掂。

食物價錢經濟實惠，份量又夠多相當適合一家人過嚟食晚餐時間食物種類都多，連Pizza都有得食牛扒質素都唔錯，唔會話好硬好老我仔最鍾意蕃茄焗豬扒飯夠晒多汁，豬扒好大塊而且好淋

大埔最近開左好多新餐廳，呢日行到黎大明里見到咁多人幫襯，入面環境又闊落乾淨，於是就決定試試佢。呢間餐廳同好多餐廳一樣，都係用電話落order，我同朋友兩個人一共嗌咗兩個主食、一個沙律同兩杯嘢飲。首先係煙三文魚沙律，之後係濃蝦湯海鮮飯，一上台就聞到好香蝦味，入邊仲有好多海鮮，有魷魚、青口、扇貝同蜆。緊住就係軟殼蟹白酒海鮮天使面，賣相好吸引！！！軟殼蟹炸得好香，朋友好快就食曬。最後好想推介呢杯芒果沙冰，飲落唔會好甜，仲要有芒果肉，而家大熱天時飲真係好正。呢間餐廳樣樣嘢食都咁大份，咁嘅價錢真係超抵食。

閒日夜晚嚟到都好街坊幫襯，餐牌食物選擇多，係幾新派企理嘅茶餐廳。🥢三層芝士焗鮮茄牛脷飯 $58牛脷份量都多，肉質軟腍；我鍾意食多芝士嘅焗飯，呢個焗飯就完全滿足到我嘅要求，每一啖都會食到濃郁嘅芝士同茄醬😋🥢穀飼安格斯牛 $148配餐湯、沙律同埋白飯/扁意粉或薯條，今次嘅餐湯係龍蝦湯，沙律係撈埋芝麻醬噉上。我哋揀咗扁意粉，面質彈牙有咬口，唔會過腍；牛扒叫咗五成熟，賣相對辦，軟腍冇筋，牛味都濃。醬汁可以揀黑椒汁或蒜蓉汁，我哋揀咗前者，不過其實塊扒本身都夠味，所以個汁主要用嚟撈意粉；拌碟嘅配茶都燒得唔錯，粟米好甜😋🥢熱華田、熱檸水兩個餐都包飲品，抵食。

看著這chill很的店名，原來不是喝茶的cafe？看價格十分平民，但份量卻有夠大我是去了點外賣而非坐下來吃，不過外賣自取時店員服務不錯午餐濃蝦湯海鮮泡飯$68外賣早已細心地分好湯跟飯相當濃郁的蝦湯底充滿著海鮮，裏面有蝦，青口，蜆肉， 帆立貝，完全就試過豪華版的外買飯盒！把湯底倒進大大盒的白飯內，入口啖啖蝦湯香味，每啖都熱辣辣，還有適量冬菇跟洋蔥調味，是夏天開胃良品呢！日式特製蒲燒鰻魚飯 $62有一塊漂亮的厚切鰻魚， 鋪墊在白飯上，另外還細心地加上木魚調味日本風味濃厚，十分意外有小居酒屋的水準咖哩雞焗飯 $58非常重秤！很濃厚 深啡的咖哩汁，厚厚的雞扒，濃濃的拉絲芝士，炒底的飯份量夠大，超飽肚，惹味得很！

我一個人去TEA, SAT 15:30, 有個男侍應唔比我坐卡位, 話只給4人坐, 要我坐單邊位, 我食左一半有個男人一個人入來, 照坐卡位又得, 都冇人阻止佢.....勁氣, 你話14:00 多人我理解; 佢地啲卡位好似樓宇或係車位咁貴重, 好多錢一尺, 所以唔比單身人坐, 之后埋單我同收銀姐姐講, 佢話可以坐的, 只係如有客來要撘枱, 我話冇唔比人撘枱, 你話我知咪得囉, 你間玻璃喺中間可以喎, 唔我唔比我坐

茶舍 大埔大明里20號儲金閣12-20號地下A號舖睇落係茶餐廳，不過裏面嘢食都幾多元化西式台式意大利Pizza甜品西餅水果茶鋸扒樣樣都有魚籽三文魚蛋炒飯三文魚既油脂炒飯特別香口感豐富 用料多種類 香蔥 三文魚 魚子 蘑菇 洋蔥粒用日本珍珠米粒粒飽滿分明 炒得金香成個飯顏色都幾好睇蒜蓉汁香草雞扒滑蛋包飯大大塊雞胸雞扒煎得香脆蒜蓉汁係提高食慾！：）厚蛋包飯 淡淡滑蛋風味鮮茄汁香煎豬扒滑蛋包飯大塊有骨豬扒 搭配上酸甜可口的番茄汁豬扒來講，最貼近骨頭最鮮嫩可口咁大個份量先至$48 米飯都係同樣採用日本珍珠米綜合水果紅茶混合了多種水果的茶飲料 解渴又健康富含維生素和抗氧化劑檸檬 草莓 藍莓 青檸 火龍果肉 柑桔

辛苦工作完幾日，梗係要對自己好啲😏😏之前已經食過一次茶舍，不過就唔係喺大埔😊難得今次見到😌梗係要食啦😆😆仲要豪食好好對自己😊😊因為上一次見到人地食已經好想食😍😍芝士焗波士頓龍蝦海鮮意大利飯🦞🦞拎出嚟就已經好吸引🤩🤩係大大隻龍蝦放上面而且仲要係爆膏😋😋龍蝦肉彈牙👍🏽冇得頂😬😬個飯就都係重點，飯入邊有好多芝士，可以做到每一啖都有拉絲嘅感覺😏濃蝦味重，而且飯度軟硬適中，入口粒粒分明😌😌海鮮亦算多😉分別有，魷魚🦑青口🦪蜆，總括黎講係好食👍🏽👍🏽大麥若葉紅豆爆爆珠鮮奶特調🧋🧋非常有趣嘅一杯飲品🤩🤩嚟到個賣相都好吸引😍綠色加上白色嘅忌廉。仲好有心思咁放咗兩片薄荷葉🤩成杯飲品都好清新😬最特別係紅豆爆珠😛好有驚喜，咬落去佢真係有爆嘅感覺，而且仲係好實在嘅紅豆蓉👍🏽👍🏽總括嚟講都係好滿意🤤🤤下次一定會再食😬

【大埔區】【HI TEA】走到入嚟大埔嘅大明里，已經唔係好知食咩好。好似想食或者有興趣食嘅都已經食過晒，剩返嘅就可能真係冇乜機會會食嗰啲，令我好苦惱。之但係一場嚟到，又真係冇乜理由餓住個肚咁走，求其搵啲嘢食吓寫吓嘢都要啦。見到呢間好似係開咗冇耐嘅疑似西餐廳，感覺有啲似高級少少嘅茶餐廳咁，睇個餐廳名就更加係似啲茶飲店。不過裡面都幾多人，咁啱有枱卡位客走咗我先有得一條友獨霸卡位咁爽。坐低叫嘢食，佢哋係用 QR Code 點餐嘅。叫咗個 $68 嘅「原條魚柳包」配薯條，佢嗰條炸魚柳當然就冇柴灣澤記嗰條咁誇張，不過都算可以嘅，至少普通漢堡包都冚唔晒。啲薯條得鋪油同熱氣，老實講都幾難食吓，結果我係好難得地食唔晒啲嘢，放低咗啲薯條。杯「熱奶茶」反而幾好飲，茶記中上水準。另外見佢有龍蝦系列，就花 $28 叫個「濃蝦湯」，結果有啲失望，係麥當勞都不如嘅。再用 $21 叫個「原味芝士蛋糕」，細件到我第一吓都打咗個突。反正冇下次，唔理幾多錢了。。。（地址：大埔大明里20號儲金閣12-20號地下A號舖）#1amfoodie #foodie #hkfoodie #thatfoodiething #hkfood

今日喺大埔做完嘢,見到呢間好似茶餐廳，但係裝修相對得比較靚嘅餐廳，一於試吓佢佢嘅餸菜選擇非常之多元化而亦都偏向西式，連一啲日式嘅主食都有選擇亦都利用咗電子落單，可以慢慢睇叫咗個美國牛柳扒餐，跟餐會送餐湯同埋沙律沙律醬可以分開上，啱晒啲減緊肥嘅朋友塊牛柳嘅size超大，絕對值得係呢個價位肉味好濃厚，煎得亦都岩岩好佢嘅黑椒汁亦都係分開上但就我個人以來唔需要點汁都好夠味而下面亦都配有薯菜同埋小小嘅蔬菜薯條炸得非常之脆口完全冇諗過喺一間茶餐廳食到一個咁高質素嘅扒餐另外亦都叫咗一個日式鰻魚蛋包飯鰻魚同木魚嘅配搭非常之夾個炒蛋亦都做得非常之出色配搭鰻魚嘅燒汁，加埋白飯，簡直就係最好嘅催化劑就以整體黎計環境同食物嘅質素CP值都非常之高

開舖食到而家，但因上星期六想去食早餐發生不合理事而唔再幫襯。約上午9時去到已full，所以喺門口攞飛排隊。睇佢攞飛係1或2人係排同一條隊的，我1個人攞咗9號飛，之後10號同11號飛都係2個人。等了一陣有位，白衫女士(可能係經理級)就叫10號飛2位搭唔搭枱？10號飛話唔搭跟著又問11號飛2位搭唔搭枱？.......我嬲嬲哋即係過咗隔離港里食。點解我1個人9號飛唔叫？因為我1個人？咁攪法即係要我等到所以2人飛入晒去先叫1人飛？

我系到食嘢已經好耐，基本上一個星期食3～4次，最近出嘅套票我都買咗，因為收銀哥哥真係解釋得好仔細，仲要個時一大堆人埋單，佢都冇嫌我煩繼續解釋我聽，好專業，講真個句唯一唔好就係野食耐咗小小，但個人覺得系可接受範圍，服務員態度亦吾覺有問題，問野食幾耐到都會反嚟答我，大眾茶餐廳想要乜野服務，如果要5星級服務我覺得吾好食茶餐廳，去半島或者高級餐廳