茶木‧台式休閒餐廳 (MOSTown新港城中心(4期))

營業中

休息中

第二次幫襯這店，原因只有兩個，一是在我家附近，二是本人很喜歡食台菜今次去茶木都是吃我最喜愛的蠔仔粥，蠔仔份量沒有上次的多，反而多了些肉碎，但個湯都幾重蠔味！牛肉麵，麵質今次偏厚，牛肉好冧，湯汁很香濃，今次兩個主菜感覺遍另外還叫了鹽酥雞，鹽酥雞也是必吃的小食之一，但炸粉太多，雞肉好細粒，沒有什麼味道，真有點失望今次水準明顯和上次很不一樣，是換了大廚？還是食物品質差了？

朋友似乎在工作上不太順利，所以就決定先看個電影轉換一下心境，再揀間可以讓佢好好放鬆的餐廳。揀餐廳的過程中，揀個戲院附近的餐廳比較方便豬扒燥肉飯，搭配滷蛋+青瓜，非常有嚼勁的絞肉，配合著大量滷汁溫潤但不會感覺到覺得膩。但價位稍微偏高不過豬扒炸得幾好，水準中上，食落唔算太油，值得一讚

同姐姊行街行到累 就決定坐低食個甜品休息下先見到茶木甜品咁正 座位又舒服 所以就決定食茶木啦叫左依個石板街雪糕蜜糖多士之前一路都好想試有三層厚厚的多士 ，多士每一面都擦上左香香甜甜既蜜糖！淨係多士已經好好食！再加埋上層既朱古力雪糕同cream 冰凍既雪糕碰上熱熱的多士粒！依個組合真係完美！雖然好邪惡！但我地都忍唔住食哂

等緊睇戲既同時，去左茶木食個靚tea。去到已經好多人排隊，我地排第八個，去行下街再過去食。原來個排隊飛有二維碼，行緊街scan一scan排隊飛就知道仲要等多幾張檯，真係好方便。差唔多到我就上左去。環境好靚，叫左個芋圓雜果冰。雖然好多人，但唔洗等好耐，雜果冰已經上菜！好正呀，有薏米，珍珠，蕃薯圓，芋圓，士多啤梨，蘆薈，火龍果等等。真係大雜燴呀！個甜品湯底食到有薑汁味，幾養生wor。個味道夹得真係岩岩好。個人認為如果士多啤梨冇擺落去會好d。芋圓一入口，食到芋頭既味道，唔會假，正！鐘意蕃薯圓，因為入口，甜甜的蕃薯味散發出黎，仲要個口感好彈牙，好幸福呀！四十幾蚊，都幾大碗，算ok架啦。最緊要有得坐，檯大座位又舒服，可以坐低吹水，氣氛又好好，值既。下次再黎呢間餐廳hea!

今天晚上打完羽毛球，便順便到附近的新港城食晚飯。雖然是閒日，但晚上7:30是晚餐的高峰期，所以幾乎這裡的所有餐廳都要等位。最後我們選擇了茶木。輪候時間大約15分鐘，新港城這間分店分內外兩種座位，我們被安排坐到外面的座位，這裡比較沒有私隱，但由於很肚餓的關係，我們就沒有再等位。我們點了這裡最出名的兩款菜色：紅燒牛肉麵和多士盒。燒牛肉麵在下單後不用5分4就已經送上，速度比食快餐還要快呢！牛肉麵中有白蘿蔔、紅燒牛肉和麵。白蘿蔔很甜，完全沒有苦澀味；紅燒牛肉炆得非常軟稔，幾乎不用咀嚼，入口即融，而且很入味，再加上肉位和筋位的質地交錯，口感和味道都是一流！芒果蜜糖雪糕多士：這個多士的製作時間要15-20分鐘。它的外表已經很吸引，有三層的蜜糖多士各一球大大的雪糕和忌廉。所用的芒果和士多啤梨都很新鮮香甜，微暖的多士配上冰凍的雪糕，是味蕾的一大衝擊！多士焗得脆脆的，沾上雪糕、忌廉和蜜糖一齊食入口中，確實令人滿足呢！

今天放工後慶祝友人生日 到了馬鞍山新港城内的 Teawood。 我們大概晚上七點半到達，大概等了十五分鐘，便可以進去了。我們點了一個柚子南瓜沙律， 一個蔥油麵， 和一個炸豬扒麵。這個沙律很新鮮。菜很多，加上淡淡的醋香和西柚粒粒， 配上南瓜蓉 ，味道清新， 很適合配上 以下油腻的食物。這個是蔥油麵。 真的十分有蔥和油的美味。味道很像手抓餅， 加上花生粒和麵條， 十分惹味， 很特別。這個是炸豬扒麵。 豬扒很大塊，炸得很香脆， 浸在面裏食 ，很好吃。 十分有台灣特色和風味。整體來說食物水準高， 環境舒適， 食物也上得快!

講真，環境舒適，食物質素不錯，之前係其他分店都食得算開心。今次第一次黎馬鞍山茶木食，真係食到一肚氣，比錢買難受。作為一間連鎖式經營既餐廳，無論你食物水準幾高，管理如何統一，但服務態度極奇差劣，等候時間過長真係令人為之卻步，唔敢黎食第二次，更加唔好講推介比朋友啦。話說當晚黎食係唔滿座既，一眼望落去亦有頗多空位，咁我地如常地落單，除左主餐，亦叫左甜品，係茶木主打既磚塊甜品，我地擔心佢上甜品時我地仲食緊正餐，所以叫左後上。咁個侍應就比左張牌，同我地講要上既時候就舉高個牌示意。然後正餐都係落單後十分鐘內送到，我地食左一陣，係差唔多食完，就舉高個甜品牌叫佢上甜品，佢係收左個牌既。就係個甜品黎料喇，佢收左個牌後，過左足足15分鐘都未有甜品上，眼見佢出左3個磚塊，全部都係其他客人既。我地心知不妙，驚佢無叫到廚房準備，於是決定催個侍應，佢經過我地張台，我地只係講到一句話：個甜品15分鐘都未黎，說話都未講完，佢無回答過，只係點左個頭，走左入廚房問，轉頭就出黎同我地講等多5分鐘，FINE諗住比多次機會。係等緊既時候，第2個侍應問我地Last Order有無野需要加，我地就話野食都仲等緊仲點加，佢就好躁咁講

假日同晉豬陪嫲嫲到新港地行街，最次都見到呢間茶木超多人、勁多人排隊等位，原本想扮睇唔到街過，係晉豬一拖二拉既情況下，我地只好乖乖拎飛等位，母愛真係好偉大，哈！排左45分鐘，我地終於都入左去卡位坐，現場坐無虛席，環境休閒舒服，果然好有台灣喫茶風味，晉豬勁開心，可以食到佢最愛既草莓蜜糖吐司。嫲嫲最愛香芋珍珠奶茶，香芋味濃，珍珠夠哂煙韌，次次黎都飲呢款，情有獨鍾菲芒冰沙，香濃新鮮芒果味，賣相好靚，唔會太甜，即製冰沙唔會水流流咁，好正呢個紫芋冰沙，無法抗拒的紫芋味，又香又濃，上面仲有甜甜既紅荳，好好飲，推介草莓香草蜜糖吐司，晉豬至愛，黎親一定要食，份量又大，正個人share一齊食都好夠，上面仲有香濃草莓味既雪糕，吐司又鬆又脆，絕對一贊再贊晉豬開心影返張相笑容絕對表現出，佢想話你知有幾好味😂

Teawood算是已經開左好耐的一間食店，今日終於有幸去試一試lu..環境是不錯簡單好舒適，唯一缺點就係等位需時。今天叫左台灣菜必吃的主要食物，如牛肉麵，鹽酥雞，蠔仔粥，花枝餅及主角的『蜜糖磚塊』啦！牛肉麵，牛肉軟嫩而且好入味，湯底就好夠濃，值得推介鹽酥雞，炸粉唔算多，但雞肉偏細粒，炸起都外脆內軟。蠔仔粥，有好多蠔仔及肉碎，都算足料！花枝餅一般，不及真正台灣的花枝餅好食，味道有d淡，要加泰式辣醬。可能太口喝，還是叫了兩杯飲品接下來就係主角出場了！當然係相機食先，拍番張靚相啦！芒果香草蜜糖磚塊，賣相好吸引，厚多士塗上蜜糖，烘得好香脆，再配上忌廉同香草雪糕，這個甜品只能少食多滋味，因為感覺甜左D。(雪糕好快溶入磚塊，所以提議大家要快手吃…)

同同事放工知道馬鞍山某衣服連鎖店有優惠，放工一於走過去逛逛，返工當然整個下午茶先啦，茶木的確係唔錯的選擇。入到去下午茶無理由食得咁heavy,事關夜晚重要食飯，咁就叫左個鮮芒果義式冰淇淋奶凍。職員一送到黎已經聞到芒果味，芒果雪糕旁邊有幾粒芒果果肉，好鮮好甜，雪糕夠凍。奶凍無油膩感，不過略嫌唔夠凍，面嗰層芒果漿好似比較甜左d。

位於馬鞍山新港城中心的茶木分店實在太就腳，偶爾也是我們出沒的食店* * * * * * * *發現她在商場內本身餐廳對出位置額外擺放着開放式餐桌家人突然想到家住附近茶木進餐，很好，有段時間沒有光顧，發現她在商場內本身餐廳對出位置額外擺放着開放式餐桌，十分開揚，地方多了，輪候時間自然相對減少。以海洋為主題的餐廳設計依舊感覺清新舒服， 被安排到四人卡位的筆者慣例第一時間翻看menu，除了幾款新推出的菜式如酒糟豆乳一雞翅和沙茶醬四季豆爆脆苗蝦，基本上其他食物均沒改動。下雨天好想來杯溫熱咖啡啊家人喜歡冰的綜合水果茶還有多款食材配搭的台灣古早肉燥飯小吃最能代表台灣夜市風味小菜款式多也精緻 酒糟、鳳梨、三杯、沙茶、九層塔、梅子、地瓜等食材都展現台灣道地特色手作麵又怎能缺少?逢星期一至五晚上六時供應晚市休閒套餐共12款，價錢大約是100多元，包括指定飲品、蛋糕或沙拉和白飯，比單點小菜划算* * * * * * * * *甜蜜溏心蛋 HK$33已成為我們到這兒必叫菜式，是次水準一般，溏心未致凝結，但肯定不是流心，倒理解偶有失準，但滷水香氣，軟滑蛋白和甘香蛋黃依舊不缺，伴清爽薄薄青瓜片同吃，還是美味之作

野食唔錯，但係竟然order左榛子拿鐵，嚟左之後咁似胚芽奶茶既? 問左店員之後都話係榛子拿鐵嚟喎！！ 大佬呀…唔好玩啦…奶茶同架啡都分唔到? 不過，野食算係唔錯既，下次會再嚟，不過一定唔好叫拿鐵系列囉

次次都唔知俾咩魔力吸引來，次次食完都呻⋯ 真係唔值得等咁耐。首先要點睛咁講下個黑面部長。大佬，次次黎食都要先食佢嘅黑面+受氣。今次試下d 之前未食過嘅野啦。首先係酥炸八爪魚。瀨野。勁似擦膠+炸漿，份量又細，千祈咪受餐牌張相所騙呀 現實只有這樣：台式香腸肉燥飯。台式腸好薄片，無乜味。肉燥個汁有點怪⋯ 嗯⋯ 其他分店係咪一樣架⋯

平常都唔太喜歡食連鎖店，一黎間間都一式一樣二黎而家d連鎖店月黎月貴，又唔好食，但身處係馬鞍山如果唔揀連鎖店真係無咩選擇，而茶木都算係比較好既選揀珍珠奶茶奶茶味唔夠濃，比較淡濃香咖啡味道都係較淡炸雞扒麵雞扒炸得香脆，唔會乾身，仲有油份雞扒份量都幾多，有兩層，麵份量就較小，但麵條係粗身，吸左湯既精華紅燒牛肉麵呢個係佢地既招牌菜，牛肉炆得好林入味，紅白羅白都好甜夠入味味道不錯，價格就偏貴，因為無套餐可以點

今日好早放工，同女朋友行完街都係6 點幾，難得呢間港女至愛既餐廳無咩人，咁就去試下。個帶位職員帶左我地去將4 人枱分兩張既細枱，放低餐牌就走左，女朋友叫佢轉枱又唔理佢，咁就令佢着左，激嬲一個女人係一件好易既事。其實係有一張二人枱，另一個男職員肯轉枱，女朋友即同個職員投訴。女人係唔空易服侍既動物.....叫左杯水果冰紅茶，第一次飲，我覺得幾清新，唔錯，女朋友第一句就話同張相唔同，同台灣果D差好遠，唔好飲....本身上叫多少少，但女朋友成日話叫多多食唔曬，最後就叫左一個麵，兩個小食徐太宇花枝麵望落去簡簡單單，但估唔到D麵都幾有咬口，個醬好濃既麻醬味，都又同平時果D唔同，都幾特別，分開上可以更好咁按個人需要而加多D醬。呢個麵都唔錯，好開胃。酒糟豆乳一雞翅呢個雞翅炸粉整得好好，外脆內軟，雞翅分左兩邊，方便食，我就唔好酒既味，但女朋友好鍾意呢個味，酒個豆板醬，都係唔錯既配撘。皮蛋肉鬆豆腐本人好鍾意食帶辣既皮蛋，味道正常，但太多餐廳都有類似既，又差一點台灣味道，相對之前兩道菜係差少少本身叫多個甜品，但都係果D好多CREAM 既多士，所以就放棄左。新港城既食肆唔多選擇，呢個都算可以，二人座都好舒適，