茶木‧台式休閒餐廳 (創紀之城五期(apm))

營業中

休息中

夜晚嚟到茶木，都係要等位不過兩個人有卡位，夠闊落坐得舒適同朋友一人叫咗一個主食，再叫多個小食share小食上先，係麻辣豬耳其實覺得呢道菜式冇咩特別，同台灣一啲關係都冇，不過又口痕麻辣嘅味道適中，辣椒油都好惹味，啲豬耳嘅處理都幾細心，就算係薄薄嘅一條都切開埋，方便食用青瓜係手拍嘅感覺，切口不一，酸酸辣辣咁好入味，有啲細細粒嘅蒜粒帶出淡淡嘅蒜味我叫嘅鹽酥雞排肉燥飯正常水準雞排外皮好酥，內裡好嫩滑，好大塊，不過雞肉唔算厚，反而有啲位淨係得炸粉冇肉，唔知係咪台式酥炸雞排都係咁呢度啲燈都幾靚，整體設計都令人幾舒服，唔怪得之茶木做極都有生意，仲開分店啦

又係食台灣嘢，茶木都食過好多次，今日嚟到apm唔知食乜好，求其去咗茶木， 都係為咗佢個蜜糖磚塊，雖然唔係話好好食，但係次次食完都好滿足。 同朋友分別叫咗兩碗香辣牛肉麵（＄７７）， 湯底濃郁，幾重嘅牛味，略嫌少少咸， 份量黎講就唔太多，食一碗都未必夠飽，味道ＯＫ，但畢竟唔係主角。食完牛肉麵之後，當然食番個主角甜品蜜糖磚塊，呢次我哋食：石板街巧克力蜜糖磚塊（＄７８）， 三層厚厚嘅麵包， 中間已經切開一塊塊，每一塊都已經沾滿咗蜜糖，再配上忌廉、雲呢拿雪糕同埋朱古力醬， 可以話甜到入心。每塊麵包點上雪糕忌廉嚟食，好滿足！

香港這幾年進駐了好幾間台灣fusion/咖啡店，有茶木、咖啡弄、Dazzling Cafe，本人覺得各有千秋，當然總有喜好先後，最愛還是咖啡弄，它的生果茶和沙律真的無出其右，非常好喝/吃；Dazzling Cafe就甜品出色，厚多士種類多又好味；而茶木就比較全面，有齊飲品、甜品，還有另外兩間沒有的飯、套餐，價錢亦較另外兩間便宜少少。今次和男友晚餐來到茶木，點了兩個套餐，再加$30x2份，要了沙律及蛋糕各一，埋單$230。飽肚，全餐，說不上很好味，都是不錯啦！鳳梨鮮果甜酸肉 加沙律套餐 - 即是菠蘿雜果咕嚕肉，生果入菜，有菠蘿、士多啤梨及藍莓，吃得出新鮮，雖然覺得生果還是新鮮生吃有益好味，不過偶爾入加入菜餚煮，清甜生津，都也不錯，尤其是夏天，甜甜酸酸，非常開胃；麻醬水耕沙律開胃新鮮，以麻醬加上沙律吃，只要生菜新鮮，總不會失手吧！咕嚕肉無骨，肉多粉少，不錯！凍紅豆薏米水都不錯，有姜在裹邊竟又很match。沙茶大䓤牛小排 加蛋糕套餐 - 牛小排以沙茶醬煮，牛小排肉多又淋，可惜醬多味過濃，太乾身，非常咸，有套餐飯送都咸，不能想像無飯如何下肚。黑森林櫻桃蛋糕是musse為主，吃下去不會太ful

見到茶木的春日限定蚵仔四色麵賣相好吸引，昨天食晏就去試試。等了20分鐘左右，有位了。點了蚵仔四色麵，煎餃子和涷仙草奶茶。蚵仔四色麵是濃湯，小妹我最愛喝濃湯，而且有一陣胡椒粉味，除四色麵外，有菜同乾蝦仔，真的不錯。我本身有鼻敏感，喝了胡椒湯，怪怪的會感覺舒暢了。煎餃子不是煎得脆脆的那種，而是乾得來軟熟的，我比較喜歡這樣。只是點的醬比較一般，面頭還有厚厚一層油，不太吸引。仙草奶茶，不過不失，茶味還可以。已經很飽了，要不然我還想試一試甜品蛋糕。下次來一定要試著。

今日lunch同同事黎到茶木，依舊仲係咁多人，派飛既職員有d亂，搞到唔少人鼓噪。一時要求排隊，一時要求拎飛，一時又話要用app拎位，搞左一陣先無咁亂。最後都等左15分鐘左右先入到去。自選套餐好吸引，幾位同事都試左依個。出面display放晒cake出來，忍唔住都加了$18自選套餐來了，有前菜，麵或飯，主食。牛肉麵得1塊牛肉，麵質適中，牛肉湯香濃。前菜一式3款，芽菜有d麻香味。花枝丸細細粒，夠香脆。加埋半隻滷蛋，略為淡左少少。主食有醬燒燉肉排，夠淋唔太肥，但咸左少少。三杯豬手，唔夠辣，大大舊，夠入味薑蔥油嫩鴨，好多舊呀，薑蔥味多，鴨唔太穌。 加埋甜品一流，好滿足整體午餐都唔錯，係人手安排過少，有待改善。

小女生喜愛台式食品，記得第一次去茶木是被厚多士吸引去的，自從APM 開了茶木，又多了一個假日飯堂的好去處。星期天十二時來到，可能時間尚早，可以立刻入座，以前的星期日，起碼等上一小時。我們今天來吃午餐，小女生二話不說點了兩個台式便當。這裡食物價格不算便宜，但味道可口，讓人回味！我點了香煎沙朗肉燥飯，茶木的肉燥味道甜鹹適中，加入酸菜和飯一起吃，更惹味開胃。青瓜增加了清新感，厚切的沙朗牛肉，很有口感和牛肉味，沒有太多梳打粉醃製。小女生必點的台式香腸肉燥飯，香腸烤得香脆，味道甜甜，但又不似臘腸般多油及鹹味，生蒜頭切成薄片，味道嗆辣，十分刺激。總的來說，上菜速度很快，味道合適我和小女生的口味，份量適中,我們每人也吃剩了少許。

近年 茶木越開越多分店仲記得當年𤧶華長期要排隊為ge就係佢個蜜糖多士而家 𤧶華都變左sincere lu今次黎食 純粹係為左想食台式野（大家如果有好食ge台式料理推介 請inbox 我 極想食好食ge台灣味道）裝修好小清新cafe感覺 幾舒服Menu比起束當年多左好多野食一時間 我又揀唔到食咩好最後拍板食梅子豆乳燉肉排($66 加$30轉套餐）豬軟骨面（$72）😐豬軟骨面面質彈牙有口感 可惜湯底太咸同太油 😐梅子豆乳燉肉排肉質好淋 但都係同樣問題太咸都太油☹️跟餐小茶木劇院太甜同寫得太硬😐宇治抹茶奶蓋可能我飲唔慣 奶蓋咸咸地 抺茶又唔唔夠抺茶味 2頭唔到岸ge感覺

孩子考試趕溫習，所以準備出門時已經頗夜。幸好apm 食店不少，就看看哪一間最快能上座。逛了一圈，似乎是茶木比較好。外子點的食物 ，據說味道不錯，份量剛好。海鮮扁意粉，不錯！孩子點他的最愛，百吃不厭。當晩客人不少，食物及服務仍能保持水準，值得讚賞。只是當中發生了一些小意外，有員工接二連三地摔掉了食具及杯子；㬨了不少客人一跳。相信與人手不足有關，若是稍作改善會更好。另外，吃了多次後，希望能有更多新款食品及飲品選擇。

今日返半day，又黎公司附近嘅茶木食晏。今日超lucky ，唔洗等好耐就有位。叫咗個招牌牛肉麵，花枝餅同仙草奶茶。牛肉麵湯依然濃郁好味，只係其中一件牛肉好䞚，趙很久都食不到。花枝餅等咗好耐，成碗麵都食完哂都未黎。終於有喇，剛炸起，好熱，有點彈，好味嘅。點個醬呢就差咗少少喇。仙草奶茶，味道ok嘅。我比較鍾意飲台式奶茶，附近東廣場有間哩渴賣台式奶茶都唔錯嘅。座嘅環境舒服，下次黎要食蠔仔粥先得😋。

年初三中午到觀塘茶木食lunch，睇餐牌見到張甜酸肉嘅相上面有又大又多嘅士多啤梨，落order嘅時候就口快快講咗士多啤梨甜酸肉，點知某女職員，態度十分之差，其實喺order甜酸肉前我已經order咗兩個餸，但佢已經係板起塊臉冇回應，當我order甜酸肉之後，佢就用一個好不屑嘅態度答"我哋冇士多啤梨甜酸肉"，我回答"我喺餐牌見到個甜酸肉喎"，點知佢冇反應不特止仲用一個不屑嘅眼神望住我，咁我咪唯有續頁揭個餐牌搵返個餸出嚟，當搵到之後我就指比佢睇，點知佢好不屑好串咁講咗一句"呢個係菠蘿"，即時火都嚟，點呀！講錯幾個字啫，我都已經講出係甜酸肉啦，你成個餐牌得一款甜酸肉，你唔即時提點我要我自己續頁搵返個餸出嚟都算，仲要用啲咁不屑嘅態度回應，之後我再order果汁，佢仍然都係用嗰個好不屑嘅語氣答"今日冇果汁"，嬲到我真係想拍枱走!，當時店內人流唔多，但佢啲態度好似做到唔想做咁，我見其他職員嘅態度都唔係咁。以後都唔會再去呢度食飯!

飯後指定動作就是飯後甜品， 其實係觀塘的甜品選擇非常少， 唸來唸去，都係去必定大排長龍的茶木。 去到雖然過左晚飯高峰期， 但排隊是在所難免的， 剛剛食完飯，排下隊企下當幫助消化都唔錯， 一路排一路吹水，不經不覺已可以入座，被安排坐在近門口的圓形卡位，都算闊落，坐得幾舒服。剛食完晚飯，所以四個人只點了兩個甜品：黑糖芋圓仙草，丹麥花之戀， 三個飲品： 熱帶水果茶，水蜜桃花果茶， 熱latte.之前係台灣食過的芋圓台好好食，所以一直對芋圓念念不忘， 來茶木試下尼個黑糖芋圓仙草， 一解嘴饞，可惜芋圓令人有點失望， 不夠Q 彈，比較粉， 而且偏甜，只算一般。丹麥花之戀，係厚多士上面加了雪糕球和士多啤梨，多士很脆，不過雪糕溶得好快，多士比佢浸淋左， 下次叫尼個要食快d. 水蜜桃水果茶，一倒出來立即聞到撲鼻的水蜜桃味， 香得來又唔會覺得好人工（雖然有d自欺欺人）， 飲落有淡淡既茶味加水蜜桃味，好fresh.另外果款熱帶水果茶，有好多種水果味，但最槍既係熱情果，無論聞同飲都係，飲落果陣酸酸甜甜既味，好開胃，不過如果怕酸的，最好唔好試啦

同男朋友係apm行完街，我地就揀左teawood，上網拎左飛都見去得幾快，不過到我地個號碼之前一個就停左，冇辦法啦，岩岩入曬人就等下啦，等左半個中左右就入去，入到去第1下就好奇怪，點解?因為我見我地左邊起碼有3張4人既吉枱，唔係未執，係乾淨既，心諗點解頭先唔放人入，不過算啦。。唔諗咁多。。。但點知到我地坐低嗌左野食，黎埋食緊，佢地都未放人入黎，我係心諗門口重好多人等緊，咁做法好似唔多妥，最令我覺得嬲，係佢地竟然留左一張卡位係比員工食飯同玩手機。。。果時都係8點半鬆d。。。其實唔係話員工唔比食飯，但個個都知餐飲業既話，通常員工放飯都會係晚市前，唔會係係正黃金晚市時間黎食囉，眼見門口重有10個8個等緊，真係唔知佢地要等幾耐，明明有枱但唔放人入。。服務差，野食都唔好得去邊！整體真係好失望，唔想再黎。。

午市自選套餐花之丸、地瓜火燜牛腹腩、紅燒牛肉手作麵HK $66綜合鮮果茶HK $37前菜揀左花之丸，兩粒細細粒。牛腹腩肉質偏鞋身。紅燒牛肉手作麵係平時嘅迷你版，有兩塊牛肉。湯底較油，不過麵幾彈牙。綜合鮮果茶有西瓜、橙、青檸、番石榴、火龍果、話梅係入面，飲落酸酸甜甜。茶木‧台式休閒餐廳

是日經過apm眼見好多店都要等位，就隨意選一間試試。茶木在哪一區都好似要等位般，想必有吸引之處。等了差不多一小時，終於可以入座。。。三人簡單食，選擇指定晚餐另加30元就可以有飲品及甜品。。。。選了黑糖薑母鴨湯，煎蠔餅同三杯雞，飲品就選了紅豆薏米水，柚子蜜及檸水。一上枱就是鴨湯，用爐邊食邊座熱，一陣藥材味，以為會很難入口，誰不知，有黑糖的加入，令到成個湯都很易入口，感覺很暖胃，保身煎蠔餅熱騰騰且鬆脆，蠔仔飽滿；三杯雞很惹味，雞肉入味，唯份量較少，薑蔥蒜頭配料佔半數份量。。。。紅豆薏米水，比想像中多料，有口感，紅豆煮得很淋，加入少少薑絲，不錯之選。甜品方面，選擇了開心果橙皮蛋糕。。。精美而味道都尚可。。。。茶木是穩陣之選，食物味道佳，保持水準；唯等候時間過長（試過最長等候了90分鐘，這個數對於我來說就太過長了，未必會再試），座位少，令大家都等到有點氣餒。。。超想轉另一間店舖。。。。😕

今日一行七個女仔黎到觀塘覓食（可想而知我地有幾吵）係無book位嘅情況下，我地去左幾間舖頭拿籌，最後茶木最快有位，所以就入左去食。果陣差唔多九點，所以我地已經好肚餓，即刻叫左好多嘢食。炸雞粒？都炸得幾香脆，略嫌唔夠juicy哈哈呢個意粉我食第一淡嚇親，因為有陣酸味，原來入面加了washabi，個人唔係好習慣第一次食茶木嘅蠔餅，咬落去好空虛，入面係空氣😂好似無麵粉，而且頗油膩雞翼好肥美，可惜雞肉較淡，如果有醃就更好。呢款雞翼我無食到，但聽朋友講好味過上面果款，入面有芝士。食物整體還可以，但服務就一般，我地七個人，服務員俾左六人台我地，我地問如果等陣有搭台可唔可以幫我地換下，佢態度就好差甘話得啦得啦，影響了少少心情，不過後來掛住傾計已經無理了哈哈。