茶木‧台式休閒餐廳 (創紀之城五期(apm))

營業中

休息中

大約6：30左右經過見唔多人就即刻入左去了，以前同朋友一齊黎就會一份主菜一份甜品就啱晒，依家一個人就叫左個甜品算了。叫左個朱古力吐司，仲叫店員特登幫我加多d蜜糖，不過就是甜品的製作時間較長。。。

同朋友逛了一圈，就想找地方坐下來休息跟食飯，年紀大了..茶木座位闊落，坐得舒服。點了酥炸雞排肉燥飯，還滿期待這菜色，每次到這裡都有朋友點，但我自己就未點過（因為酥炸好熱氣，小食為妙）。雞排份量不少，咬下去很脆，感覺外皮有淡淡的蒜香味！？配上肉燥飯，令我胃口大增。不過試過就好了，對酥炸的東西還是麻麻..

同friend睇完戲搵地方食yes，因為有啲想食甜品所以就同朋友一齊去茶木度等。下午茶時間人都幾多，大概等左30分鐘左右先入去到。因為睇戲之前已經食左lunch，所以我地兩個人冇嗌到好多野，只係叫左一份蝦餅同埋一份甜品。一心黎茶木就係要食佢個麵包甜品，本身糾結緊食朱古力味定莓味嘅時候，發現佢有竹炭流心味，所以決定試一試。因為係聖誕假期關係，伴碟都有聖誕element，一開始食覺得味道麻麻地，但食食下覺得味道不錯，配cookie and cream嘅雪糕一流

觀塘APM的茶木也維持着其他分店的不俗水準。鳳梨鮮果甜酸肉其實是菠蘿咕嚕肉，不過非常開胃，咕嚕肉帶着鮮甜的菠蘿味。酥炸排骨麵這一份酥炸雞好像炸大薯條一樣香口入味。芝心雞翼這種做法也很不錯，芝士在香滑的雞肉內慢慢滲出來。還有紅油抄手，不過有點一般，略嫌餃子的肉味被辣椒汁淹蓋。其實茶木到底是台式正餐食店還是台式甜品屋呢？茶木的甜品卻是非常出色。好立克曲奇蜜糖磚塊始終亮點離不開這一款磚塊甜品。一層一層金黃色的磚塊伴着雪糕非常香口。珍珠芋圓紅豆湯小小的一碗紅豆湯，有着很多彈牙的珍珠芋園。整個茶木餐牌，最賞心悅目的始終是甜品。Eaten by CalvinCanEat

Apm 的餐廳超多人，每間都要排隊，茶木都一樣，只是朋友嚷著說要吃，那就一起等一會。是很港式的台灣菜，沒有台灣的味道，只有港味。點了一份排骨拉麵，炸排骨的份量挺多，有點驚喜！相比在中環ifc 翡翠拉麵吃到的，是兩倍量的炸排骨！面的份量都係十分足夠。手多多用了filter 食物的顏色比較好看。朋友的麵是豬軟骨拉麵，沒有問他借來拍照影相，又是那一句不是openrice 專業食家唔記得每次食飯都要 #相機食先，各位唔好意思！要讚的是服務員很勤力過來加水，沒有點飲了有點不好意思。

話說今日冇帶飯，同同事去左食茶木，12點半walk in去到，大約等左10分鐘就有位啦。裡面座位之間寬闊，坐得幾舒服，可以好relax咁食個lunch。lunch set款式都算幾多，價位$69或以上，已包一杯指定ge飲品，如果唔夠飽仲可以加$18追加蛋糕。紅燒牛肉手作麵套餐我最愛的紅燒牛肉麵！先講牛肉麵，湯底都好夠味，但個麵份量偏少，食4、5啖就冇；牛肉亦只有一片，肉質都算淋，另外也沒其他配料了。呢set有前菜，有鹽酥四季豆、炸魚豆腐、古早滷水蛋，味道就不過不失啦。仲有跟一碟有驚喜ge芝麻醬手撕雞喎，份量都幾多，雞肉肉質好嫩滑，食埋就岩岩好夠飽！酥炸雞排麵套餐同事就叫左呢個酥炸雞排麵，雞排同麵係分開上，咁雞就唔會被沈淋。呢個麵同湯底都係同紅燒牛肉麵一樣ge，酥炸雞排份量都幾多，入口鬆脆，雞肉肉汁仲保留到，但肉質有點鞋，整體泥講都係唔錯ge。紅豆薏米水跟餐飲品，我地都一樣揀左紅豆薏米水，每啖都飲到紅豆薏米，而且又唔會太甜。

實在太耐無嚟食過茶木嘅甜品啦，今次係特登為咗個蜜糖磚嚟食！喺APM行咗陣街之後，就去茶木high tea 😋🔹 草莓香草蜜糖磚塊 $79好鍾意食茶木嘅蜜糖磚塊，忌廉同雪糕份量配搭啱啱好，切哂麵包磚塊都夠點嚟食。草莓味酸酸甜甜，唔會太膩，而且每塊磚塊都有清香蜜糖味，同人happy share好快就成個食哂😋🔹 芝心雞翅 $62除咗叫甜品之外，額外再叫多咗個小食。茶木小食價位同一個麵食差唔多價，算係高價位，所以揀咗個吸引啲嘅芝心雞翅。呢個真係要推薦，因為咬落去已經feel到芝士湧出嚟，而且雞肉好嫩滑，會食唔停口。📍茶木觀塘觀塘道418號創紀之城五期(apm)4樓L4-19號舖．．環境分數：8/10食物分數：7.8/10Encore分數：8/10

上次無食到佢地嘅招牌甜品吐司今次決定再食唔洗等位就入得 一入去就講定用餐時間個半鐘 呢個好合理嘅 但上菜時間就耐咗啲囉我地都唔算肚餓 所以淨係叫咗個面同吐司唔鍾意莞茜嘅記得走青 唔好學我要自己整走佢呢個唔知係咪刀削麵啦 可以睇到好油下 麵嘅份量比較少 啲豬扒雖然好多但又係好油。。。可能台灣嘢就係咁油？到咗呢個主角啦 配埋曲奇雪糕係幾好食嘅 但係出邊果層好硬 食起來有啲汙穢 緊記食完照顧下啲牙齒🦷 小心啲麵包痴牙🙈🙈🙊🙊下次都係食第二款好啲

幾次同屋企人 朋友 去食飯, 午餐又好, 晚餐又好,6-7個人 都係安排個卡位 逼到根本坐唔到好心就早d話比人知啦等左成粒幾鐘 得到咁既安排仲要大大聲話「你唔滿意 可以出去再排過」野食係幾好食台式飲品幾好食物也ok蜜糖磚磚 小朋友好鐘意食不過服務態度係勁差講真個場唔算大 100個座位都唔知有無待應都有3-4個落完單 就無左人揮極手都扮睇唔到一間食店 除左食物質素服務態度 環境 都十分重要如果做唔到 6-7人以上既生意 就唔好要客人花時間輪候然後安排一個坐唔到既卡位不知所謂

每次来都要等餐等半小时，无论点什么餐，不知道餐厅怎么搞的，隔壁餐厅的披萨都烤好了吧一般的饭面味道都不错，特别是牛肉面和各式意粉等等。猪蹄鸭汤三杯鸡也可以。不过奶茶超级甜，喝不下去

一星期既開始⋯放左工約左朋友食晚飯，揀左觀塘茶木開餐😄APM哩間茶木有晚餐set👍🏻一款主菜+$30（飯+甜品/沙津+野飲）我叫鳳梨鮮果甜酸肉，哩個主菜份量勁多，酸酸甜甜既肉，送飯十分開胃，沙津就一般般，主要係甜品無晒🤣🤣焗住要揀沙津，我加錢補差價飲芒果冰沙🍹哩杯野好飲😋另外叫左芝心雞翼小食，哩款雞翼幾好味，料有芝士、菇❤️哩期做緊小丸子主題，亦都有小丸子既主題野食，鍾意小丸子朋友唔無錯過😄😄環境舒服，食飯不限時👍🏻👍🏻👍🏻

味道唔錯嘅台式餐廳茶木黎左香港咁耐，都去左食唔少次呢到係分兩次去食嘅呢排promote四色雞肉冷麵，睇落幾靚，食落除左硬少少味道都okay仲有夜晚去食甜品，個人覺得茶木嘅甜品好味過正餐

好日都唔會泥觀塘，今次同姊妹ss gathering約左係觀塘，lunch hr想揾間有位既都難。行左幾層，得茶木等左唔洗2分鐘就有得入，太好了。呢期係小丸子theme, 但小丸子menu個幾款野食都冇咩興趣，所以都係叫番主menu d野食~叫左個紅燒牛肉麵，紅糟黑松露闊條麵，鹽酥雞，同個竹炭流心芝士厚吐司。食物都ok, 大家最期待都係個厚吐司甜品，比想像中細份，但見住d芝士流出泥幾有治癒感。 味道唔算濃，淡淡地咁。 但會覺得最classic個隻吐司甜品好食d.

係觀塘工作一排今日係是星期五， 係出外搵食最難嘅一日😂12:00 放lunch ,周圍都係人今日好想食茶木四個女仔就去攞位都要等成15分鐘。終於有位了，我哋就叫咗幾個餐而我呢就揀咗中午套餐黃金酥炸排骨，佢中午套餐係包一杯野飲㗎(奶茶咖啡嗰啲)，(另外可加$9叫$32留下特飲， 例如珍珠奶茶，而選擇$32以上嘅係就補差價。送餐時間非常之快少於10分鐘已經送上面前，餐包括三小菜， 包括有攞蛋炸魚腐芽菜,而主菜選擇了黃金炸排骨個皮就厚咗少少但係個肉質都OK。而個牛肉麵就不過不失個湯都好有牛肉味。整體非常之滿足。

女侍應態度太差，影響心情話說一嚟到就叫左幾樣野，其中一樣係麻辣雞腎，其實佢地出餐速度好快，冇野挑剔，就係麻辣雞腎未到，咁我咪問下同佢講囉，佢話幫我問，問完之後佢即刻係對講機講：其實都係過左8分鐘。我都係問左一次姐，唔駛咁講啊嗎？之後我地差不多食完有個女侍應話幫我執枱，因為我有小朋友係度，係會亂小小，跟住一路執一路啤住我個仔，大佬3歲都未夠駛唔駛咁嘅樣？apm 呢間真係麻麻，下次真係唔會再嚟食，後會冇期