茶木‧台式休閒餐廳 (樂富廣場) (樂富廣場)

營業中

休息中

星期日樂富的食肆不論是早餐、午餐或晚餐，連下午茶時段都人來人往。未夠三點來到茶木，都要排了一陣隊。下午茶應該是輕食，但最後飲埋杯嘢飲就變了飽食。我們一枱叫了果個草莓蜜糖磚塊-的確打卡是不錯的，眼看如圖示，三片厚厚的多士叠起來，中間是切好一粒粒的多士磚，多人分食都不錯，不然就會食滯😅。香脆黃金雞排-有四塊，香香脆脆。黑糖芋圓水果鮮草-很豐富，芋圓口感軟軟，但不會過淋，黑糖兼有少許薑味，很口味。鮮草滑滑，口感少少實，我鍾意。照燒雞排刈包拼蚝仔麵線-包是軟熟的。蚝仔有多粒，很有蚝的鮮味，麵線味道和口感都不俗，不會糊得像湯羹。飲品有愛文芒沙冰-很吸睛，顏色美，賣相令人滿足。喝一口，香香的芒果味，但很快，像芒果汁，唔夠冰。宇治抺茶奶蓋-抺茶香，而且滑。黑糖珍珠奶茶-我最不欣賞，茶不香，感覺像飲甜的水。

每次都係為左呢個甜品黎茶木食野其實除咗甜品，佢其他野都唔錯，但因為湊住小朋友，淨係記得影最尾叫既甜品呢個麵包外脆內軟，連包邊都好好味，而且份量好大，擺置一層層好吸引，小朋友見到開心到大叫

茶木甜品好好味，叫咗個士多啤梨多士，士多啤梨醬配麵包，一啲都唔溜，配上士多啤梨健康又美味，外脆內軟，配埋雪糕一齊食更加美味可口，一層一層擺設，側邊仲有好多配料，淨係賣相都win了

上司話今日唔知幾多點先放得我走，所以安排我先去食飯，本來唸住買啲零食係街食算。唸唸下，假期都被招咗去工作，仲有一早8點就開工了，都係去餐廳食個舒服lunch 啦。疫情下星期日，餐廳中午12點幾都係得幾枱客，真係慘⋯。我叫咗個台灣牛肉麵同肉燥菜心。係牛腱肉，分量適中，每一舊都好林，個湯好濃牛肉味同香料味，麵我轉左台灣新竹米粉，分量好多。個湯好夠熱，更加加分。菜心係跟餐加20幾蚊，個肉燥夠惹味，跟菜食幾夾，菜都新鮮。整體正常水準。

突然想喝珍珠奶茶，於是到茶木買外賣吃，買了兩份午餐連飲品，一份是陳年黑醋燜豬手配古早肉燥飯及黑糖珍珠奶茶，另一份紅葱中卷炒蛋配古早肉燥飯及紅豆薏米水。肉燥飯一如以往的偏鹹，豬手的鹹味亦蓋過了陳年黑醋味，不說還以為自己在吃滷水豬手。中卷炒蛋不過不失，沒有過鹹。怎料當我差不多吃完，準備吃我最愛的糖心蛋時，發現蛋白部分内有些綠色點點，再仔細查看，懷疑是發霉，幸好沒有一口吃掉，馬上胃口全失不敢吃了🤢，實在令人非常失望！

茶木用膳令 L 感到台式餐廳原來還未到止境，還有很多不同的美食。烏賊汁奶油中卷手作麵，手作麵超級彈牙，洋蔥，雜菇及魷魚圈，完美示範何謂「我很醜但我好溫柔」的味道。古早紅燒牛肉拌麵食材很豐富，包括素鵝，鹵水溏心蛋以及熬煮12小時的紅燒半筋半牛肉，牛肉入口好腍，無牙都吃到。配上清甜紅燒湯底。台灣直送麻辣鴨血及自家製椒麻拌麵都有點辣。脆脆黑糖瀑布珍珠奶茶，奶蓋，榛子脆脆配滑滑的奶蓋及彈牙芋圓，一杯三種不同口感。翻開餐牌到甜品才發現，原來茶木不經不覺都十年了，時光飛逝。最後選蜜糖磚塊，一上桌都幾震撼，最頂層是焦糖雪糕，下層是青蘋果忌廉及牛油果。更有士多啤梨及黑莓伴碟。香蕉片有一層燒過的糖霜薄脆，超正！海藍色的青蘋果忌廉不會過甜，加配沾上朱古力醬脆脆的厚多士一口入魂。伴碟的爆谷絕對是最佳配角，一吃再吃。

「古早紅燒牛肉拌麵」拌麵是幼身手工麵，麵質係夾滑無得頂👍🏻 「紅燒牛頰肉麵」牛頰肉非常濃牛肉味，牛質十分軟身，拌麵是闊身有咬口 紅燒湯底味道正宗 「蜜糖磚塊(青蘋果) 」焦糖合桃雪糕🍦有牛油果🥑藍莓🫐+士多啤梨+色彩繽紛勁幼滑又吸睛既青蘋果🍏綠色忌廉+Tiffany Blue忌廉好靚呀 「脆脆黑糖瀑布珍珠奶茶🧋」超邪惡珍珠奶茶🧋脆脆朱古力🍫醬包圍杯邊，有一串軟糯三色芋圓，甜得黎十分之好味😋

整個木系設計裝修好有文青風❤️座位多用上軟墊梳化，寬敞舒服，富有滿滿空間感。古早紅燒牛肉拌麵($74)••••••木製托盤上，拌麵口感Q彈，相當有嚼勁😋每條麵條都均勻地沾上椒麻味道😜超上癮的！配以脆皮素鴨、鴨血、溏心蛋。紅燒牛肉熱辣辣用小碗盛載，有好幾大塊牛肉，入味軟稔，另配兩舊清甜白蘿蔔、紅蘿蔔。紅燒牛頰肉麵($80)••••••麵條用上寬麵，這類手工麵真係頗有韌性，湯頭香而清，入口絕不似顏色般重口味，牛頰肉較有牛味，非常唔錯。青蘋果酪梨蜜糖磚塊($88)••••••CP値極高，超巨型又吸睛😬而且色彩豐富😍黃金色蜜糖多士本身已經烘到脆卜卜，好香口🤤牛油果襯金磚呢個組合認真新鮮😆可以搭配焦糖香蕉、朱古力醬 或者爆谷食，同時有啲新鮮生果伴碟 🍓脆脆黑糖瀑布珍珠奶茶($44)••••••一次過滿足哂所有願望😙奶茶漸層好靚，打卡都影左好耐，感覺製作過程好費心機🤣私心最愛嗰層豐厚芝士奶蓋🥰好creamy又滑。第二愛就係朱古力脆脆😌為飲品添加口感層次。其他材料包括煙韌芋圓、彈牙珍珠、香濃黑糖，總有一款啱心意💯

已經不是第一次覺得服務差, 但估唔到會越來越差! 平日下午時段光顧, 侍應全厭世樣, 西面唔想做唔想招呼客人, 叫極都扮睇唔到, 最後要自己行出去搵人招呼。要求要兩杯熱水, 送來時倒瀉半杯冇善後走咗去。食物來到, 沒有提供餐具, 跟侍應提出要求, 之後又是冇影, 又係要自己行出去搵侍應幫忙。食物質素非常差, 食物是凍的! 要的熱茶也唔夠熱! 食到一肚子火! 幫襯過上水分店, 服務好好多, 樂富店員是否倒米想提早執笠?

.茶木❣️尋找台灣味道另一個會成日掛住既地方，就係台灣😞相信大家以前耐唔耐就飛去台灣過一過weekend，太想念哩個地方喇🥰🔸古早紅燒牛肉拌麵古早紅燒牛肉炆到好淋，有種軟淋淋入口溶化既感覺🤤加上拌麵有少少麻辣味，唔會太辣同麵質好有咬口，好鍾意食啲有質感既麵😍配菜都非常高質，有麻辣鴨血、千層腐皮、糖心蛋！成個擺盤都非常有心機，「想你，見你」既tag令到大家都聯想到台灣人既sweet😆🔸紅燒牛頰肉麵紅燒牛頰肉都係炆到非常入味，加上濃濃既牛肉湯，每條既粗麵都掛到牛肉湯，令到每啖都食到精華所在🤤牛肉湯底非常清澈而不膩👍🏻🔸青蘋果蜜糖磚塊相信大家都有聽過茶木既蜜糖磚塊，聞名不如見面😱店主一拎上枱香氣撲鼻，非常香濃既烤麵包味加上蜜糖🤤廚師好有心機咁砌到好靚，因為我地揀左青蘋果🍏口味，綠綠藍藍既cream令到忍唔住要幫佢影張靚相！加上焦糖雪糕同爆谷，非常豐富👍🏻仲有新鮮水果粒，即刻可以中和返甜膩既感覺！🔸脆脆黑糖瀑布珍珠奶茶黑糖珍珠奶茶+奶蓋+芋圓+焦糖脆脆🥰聽落好似好heavy但相信我…真係好值得你為佢第二日食少一餐！一次過滿足晒4個願望既感覺！黑糖味非常香濃，珍珠軟硬適中，香滑既奶蓋同煙韌既芋圓👍

相信很多人對茶木已經很熟悉😊， 今次到樂富廣場的分店， 兩個人坐在卡位用餐， 幾舒適。 餐廳主打台式料理， 亦時常會有新菜式推出👏🏻。兩個人的晚餐🥢 ～ 古早紅燒牛肉拌麵$74、 烏賊汁奶油中卷手作麵$86、 青蘋果酪梨蜜糖磚塊$88、 脆脆黑糖瀑布珍珠奶茶$44。🔸古早紅燒牛肉拌麵🍜 ～ 紅燒牛肉鮮嫩軟腍😋， 湯汁味道極之濃郁， 蘿蔔吸入湯汁的味道， 非常好吃。拌麵質感煙韌帶點麻香味🤤， 配菜有麻辣鴨血、素鵝和燻蛋，好豐富👍🏻。 🔸烏賊汁奶油中卷手作麵🍝 ～ 黑蚊蚊的烏賊汁， 入口好creamy， 加上口感爽滑的墨魚和非常掛汁的手作麵， 每一啖都食得很滋味✌🏻， 但食完記得立即抹嘴🤣！ 🔸脆脆黑糖瀑布珍珠奶茶🧋 ～ 黑糖瀑布般的概念， 杯外掛上粒粒朱古力，滿滿的奶蓋， 珍珠粒粒細緻煙韌， 加上芋圓串作點綴🍡， 整體甜度適中， 美味可口😋。 🔸青蘋果酪梨蜜糖磚塊🍏🍞 ～ 每一層的吐司都烤至外脆內軟， 加上甜甜的蜜糖香味🍯， 另外還有牛油果🥑、藍莓🫐、士多啤梨🍓和香蕉🍌， 配上淺藍色的忌廉和粒粒脆卜卜的焦糖爆谷， 材料豐富，賣相又靚，絕對是茶木的人氣打卡甜品👍🏻。 對茶木一向有好印象，

又到聖誕假期了，來不來就會想起茶木的拌麵，知道特選食物有85折，當然要去幫襯啦！喜歡到樂富廣場的茶木，因為坐得舒服，又不用大排長龍！情侶們可來到打卡，字卡的字句讓人感到很甜蜜！今次來到，我們特登點了期間限定85折優惠的食物和飲品古祖紅燒牛肉拌麵$74這是我來不來就會想吃的拌麵。麵條真的很煙靭彈牙，微微的麻辣，讓你停不了口。紅燒牛腩煮得入味，啖啖肉又不肥，蘿蔔也很甜。麻辣素鴨及鴨血，香辣十足，糖心蛋煮的剛好，又軟又滑。阿嬤手作蔥油麵 $74主角是蔥及手作麵條，麵條煙靭軟滑，蔥是爆香了，十分香口，加點豉油，簡簡單單的，但也讓人吃到停不下來。來到茶木當然要食蜜糖吐司啦！我們都吃過很多款，今次推出10周年限定，又有85折，一試無妨呢！青蘋果酪梨蜜糖吐司$88很吸睛的一道甜品！青蘋果忌廉，蘋果綠色讓人有一陣清新的感覺。奶油焦糖雪糕加入了脆米，配炮谷一起吃，真的天衣無縫！水果方面落配上酪梨🥑就極具創意呢！平時到茶木，必定會叫珍珠奶茶或者瀑布黑糖珍珠鮮奶，今次就點了這杯特別的黑糖脆脆瀑布珍珠奶茶。一上枱有一種嘩一聲的感覺！厚厚的奶蓋，香滑濃郁，甜度也恰到好處，杯子邊緣掛上朱古力脆脆，喝一點奶茶，再吃

冇食一排茶木，食嘢質素進步咗。味道唔錯！而且仲多咗唔少新品。落咗單好快就有嘢食。▶️古早紅燒牛肉拌麵麵質煙煙韌韌，有少少麻辣香。有腐皮卷、鴨血。腐皮卷厚身一層層卷住。牛肉夠腍，仲有白蘿蔔、紅蘿蔔🥕▶️紅燒牛頰肉麵紅燒湯底好夠味，牛味重，牛頰肉入味，幾好食！▶️脆脆黑糖瀑布珍珠奶茶🧋賣相靚靚，而且好好飲！大推！有三粒芋杯邊又有朱古力脆脆▶️青蘋果蜜糖磚塊青蜜糖味幾香，我鍾意蜜糖磚塊多士，一粒粒烘到香脆。蜜糖甜甜地，而且仲有好多焦糖爆谷，仲有雪糕添！價錢唔貴食物有幾好食！#teawood #茶木 #樂富 #抵食 #珍珠奶茶 #牛肉麵 #台灣美食 #台灣菜 #taiwanfood #taiwanesefood #hkfoodie #foodie #eat #toast

同朋友路經樂富，搵左間台式餐廳食-茶木。古早紅燒牛肉拌麵好似成個set咁，有麻辣鴨血加腐皮卷、紅燒牛肉、麻辣拌麵伴半隻糖心蛋。份量好多，我同朋友可一齊食同一份麵，麵質彈牙、食落惹味；而牛肉炆得好林同入味，唔錯！紅燒牛頰肉面啲湯汁同樣香濃入味，同剛才拌麵既牛肉係一樣既，但就湯麵尼，熱辣辣、暖胃啲，正！青蘋果味嘅蜜糖磚塊，新奇有趣，口感清新，顏色都好靚。再配埋一杯脆脆黑糖瀑布珍珠奶茶，已經10分滿足啦，奶茶杯外有少少脆脆，10分好食，一杯奶茶滿足我三個願望。

表妺十分喜愛台灣寶島美食，昨天晚上相約品嚐以台式休閑為主的《茶木》晚餐。室內面積寬躺，簡潔裝飾有舒閒感覺。選擇了卡位坐低，餐牌上很多目不暇給的選擇，令人有少許選擇困難症😅！最後決定了兩客主食，古早紅燒牛肉拌麵及烏賊汁奶油中卷手作麵。古早紅燒牛肉拌麵 $74:可媲美台灣地道的，牛肉軟嫩，湯濃味厚，超好吃😋，台灣味道番曬嚟。烏賊汁奶油中卷手作麵 $86:特製的手工麵，口感彈牙有嚼勁，加上濃郁奶油香味，咀嚼完黑墨汁麪條，咀邊被沾黑了😀。310 糖心蛋$46: 端上檯已令人垂涎欲滴😋，糖心蛋最大的賣點是蛋白熟，而蛋黃半熟不凝固，蛋白滲透醬油味。再呷一口脆脆黑糖瀑布珍珠奶茶$44: 有一串芋圓串起，再將佢將滿布水杯邊沿的melo 脆卜卜黑糖刮入奶蓋珍珠奶茶同喝，十分滋味，唔會太甜👍。最後的甜品：青蘋果酪梨蜜糖磚塊$88 更精彩，賣相吸睛，打卡一流，顏色鮮艷，引來其他食客的眼光，三大塊切好的暖暖蜜糖厚多士再配雪糕超yummy! 下班後，好好享受精美餐點，放鬆一下，忘記平時的緊繃，這兒是個休閒的chill地方。😌+++++++++++++++如果大家喜歡💕我寫既食評，麻煩比個❤️鼓勵一下我，我會寫更多