茶木‧台式休閒餐廳 (東薈城名店倉)

營業中

休息中

餐廳係開放式設計，光線明亮開揚，簡潔裝修，晚飯時間都座無虛席。Menu選擇唔少，睇啱再用QR code落單，非常自助。草莓櫻姬草莓味好香，好似好多草莓打爛而成咁，飲落幾滑，朋友大讚無揀錯熱四季青萱鮮果茶茶底可以揀綠茶，紅茶，我揀左四季青萱茶，茶香飄溢，茶味淡淡嘅，多種水果浸泡，鮮果味好清甜，百香果味特別出色，係呢啲清涼嘅天氣下，喝一口暖茶，so prefect.烏魚子元貝手作麵手作麵係台灣直送，非常煙韌，有咬口，掛汁做得唔錯。元貝大粒厚身，仲有小椰菜同香菇等。茶香三文魚湯漬飯份量大份，三文魚煎得金黃香脆，重點係個茶，有煎米茶香味，變成茶漬飯，仲加上脆米，小蝦米，口感層次增加，非常出色。路邊攤小食去台灣夜市必食，黎到茶木點會唔食呀。鹽酥雞香脆唔油膩，有肉汁唔會乾。台灣腸加蒜片食，又有一番地道滋味草莓香草蜜糖磚塊歐軟蜜糖磚塊又甜又脆，加埋草莓雪糕，真係超正嘅甜品侍應服務細心有禮貌，值得一讚。

經常都會幫襯呢間台式餐廳，每一次食佢嘅牛肉麵都覺得好好食，今次去到東涌行街經過見到即刻幫襯吓。茶木台式休閒餐廳，地址喺東涌達東路20號東薈城名店倉地下。餐廳無論裝修同環境都非常舒適，喺度食飯感覺又整潔又舒服。金黃鹽酥雞 58元，鹽酥雞炸到香脆，入口熱辣辣，中間雞肉仲保留到肉汁，調味啱啱好唔會太鹹。台式烤香腸 58元，香腸口感好嫩滑帶少少微甜，肉質肥瘦均勻食落去味道特別香。肉香四溢，口感細膩又有嚼勁。紅燒牛肉麵 74元，牛肉麵係必食之選，牛肉非常嫩滑軟腍，牛肉味又香。份量又多，每一件牛肉size 都好大。紅蘿蔔，白蘿蔔超級入味。牛肉麵麵質有嚼勁，好有口感，湯底真係冇得輸，味道鮮甜。抹茶鮮果流心歐軟 88元，甜品賣相極度吸引，抹茶雪糕味道好清香，其他生果味道亦都好鮮甜，配搭埋一齊口感同味道都冇得輸。有機台灣高山巨峰烏龍茶 21 元，烏龍茶用蠟燭保持溫度，入口味道清香，淡淡的茶香，慢慢滲出味道好有層次。每次幫襯茶木都唔會令我失望，真係好好味，重點推介紅燒牛肉麵。

去開東薈城 係行outlet之前去左茶木食lunch對上一次食茶木已經係好耐之前今次再入去發現新裝潢設計行簡約風 比人一種舒適屋家嘅感覺茶香三文魚湯漬飯份糧十足嘅三文魚煎到金黃色 煎完都保持到肉質嘅柔軟度茶湯係用烏龍茶同玄米茶泡制飲落咸香茶味好出仲配有米通、木魚同櫻花蝦配搭清新得來又唔油膩紅燒牛肉麵湯底味道好濃郁蘿蔔、紅蘿蔔同牛肉都好軟冧得嚟又保持到食材嘅質感重點係牛嘅份量都多 麵條軟硬適中 浸耐左都冇發漲路邊灘小食有台式香腸、鹽酥雞、鹽酥魚蛋自家製嘅香腸烤到外脆內軟 同蒜片一齊食 係台灣嘅感覺鹽酥雞炸到外脆內嫩 香口到令人想食多幾舊櫻花蝦花枝餅櫻花蝦同墨魚嘅配搭好夾食落煙韌彈牙好有口感四季青萱鮮果茶大大杯招牌鮮果茶保持高水準 有機台灣高山茉莉龍珠茶即時萃取嘅茉莉綠茶入口清香醇厚最特別係粒龍珠冰都係用高山茉莉綠茶制作完全唔會因為溶冰而溝淡咗茶味草莓香草蜜糖磚塊歐軟賣相啱曬打卡 有成3層高每塊吐司磚外層沾有蜜糖 鬆脆可口內層仲有切好一舊舊嘅小立方吐司 配埋士多啤梨嘅cream同埋雪糕 令人無法抗拒

最近轉季同朋友去東涌東薈城買下衫，當然平日去就少人啲啦買完戰利品當然要食餐勁，就去咗茶木，原來佢最近裝潢完，坐位再舒適再文青啲我地見到門外有幾部製茶機，同埋有不同既茶葉，好似好專業，當然要試下坐底係用QR code落單 ，第一時間揀飲品先，叫咗一凍一熱🥭🥭金萱鮮芒果奶蓋茶(茶底：苿莉綠茶)真係好香芒果味，仲有大大舊芒果係杯邊添，而奶蓋亦都好濃厚，連埋茶底一齊飲，好清新四季青萱鮮果茶(茶底：苿莉綠茶)鮮果茶一向都係茶木既招牌飲品，果然水準都一樣咁高食物方面叫咗古早三杯雞配地瓜米粉，個三杯雞用住熱壺暖住，酒香keep住飄埋嚟，雞件亦都數量唔少同多汁🍗仲叫三樣小食台灣腸、櫻花蝦花枝餅、黑麻油雞翼台灣腸拼蒜片一齊食，又係無得輸，但朋友就覺得咸少少，不過我就覺得好好味🍤而櫻花蝦花枝餅，好彈牙亦多汁，配埋醬汁好夾黑麻油雞翼真係好香，同埋有少少滷水味道，同埋肉質好淋甜品方面同朋友揀都係同一樣，都係牛奶雪糕拼吉士可頌窩，不過一個配芒果，另一個配士多啤梨，可頌窩好酥香，點埋牛奶雪糕一齊食，有少少冰火感覺好豐富又同時好掛住台灣既一餐，勾起起哂對台灣既回憶

放假入咗東涌行outlet 行到累去咗茶木食啲嘢先！呢間茶木裝修好簡約舒服，仲有台式茶外賣。坐底睇吓menu 好多台式小吃同主食都好正😍紅燒牛肉麵跟餐飲紅豆薏米水牛肉麵啲牛筋好淋好入味😋個湯好香濃😋配埋啲好彈牙既手作麵好好食😋酥炸雞排肉燥飯跟餐飲四季青萱鮮果茶酥炸雞排好鬆脆啲雞肉好嫩滑食落啖啖肉好食😋配埋個糖心蛋真係正台式滷味拼盤有豆腐、牛肚、雞翼、腩片、牛腱、糖心蛋全部都好入味😋我最鍾意牛腱好淋好味😋抹茶鮮果流心歐軟❤️食埋呢個甜品真係大滿足😋

東涌台灣菜文青cafe最近經過發現佢重新裝修過 文青咗好多即加入咗去試吓先～晚嚐二人餐 нк$2582小食➕2主食➕2跟餐飲品🔵小食路邊攤小食(鹽酥雞排、鹽酥福州魚丸、台式香腸）+$16最中意香腸！係台灣夜市嘅味道紅油抄手(半份）味道又麻又香 醬汁又有啲黑醋味 好開胃🔵主食台式麻辣半筋半肉手工拌麵分量十足又有溏心蛋、鴨血、素鴨 拌麵小小麻 幾正茶香三文魚湯潰飯係飯上面自己再淋茶 食落湯飯好清香 再配搭香脆油潤三文魚 勁正 仲有三小碟配菜可以撈 增加口感 好似木魚 脆米 脆蝦仔🔵飲品熱水蜜桃花果茶 +$21加埋蜜糖好滋潤清香四季青萱粒粒紅西柚茶 +$17茶味花香 甜甜地配上西柚好易入口黑糖珍珠牛奶𣲙淇淋 $10溏心蛋(一只）$22蒜香麻辣豬耳朵（半份）$20巧克力花果流心歐軟 $88即點即做 巧克力麻糬流心加上包 夠晒香滑鬆軟北海道牛奶雪糕淋上脆皮朱古力 口感豐富同水果絕配～加一服務費茶木‧台式休閒餐廳 (東涌)東涌達東路20號東薈城名店倉地下G24號舖

相信大部分人都食過茶木，都係香港開左一段時間，好耐冇黎，原來都有啲其他野食🌱烏魚子元貝手作麵🍜 $98通常黎到台灣野都係滷肉飯牛肉麵果類，成日都食，所以今次試下其他。手作麵軟滑有彈性，個汁就有啲似carbonara，帶少少芝士味，仲有香菇、小椰菜、車厘茄，材料豐富。元貝煎得好靚，又大隻又厚肉，鋪滿烏魚子，濃香入味🪵金黃鹽酥雞🍗 $48咸咸香香，外皮炸到金黃香脆，唔油膩，仲帶九層塔嘅香味🌱櫻花蝦花枝餅🦑$58 表面係一層炸得脆脆嘅腐皮，花枝餅口感彈牙🪵紅油抄手🌶️ $62調味唔錯，唔太辣，餡料都幾多，只係皮厚左少少🌱四季青萱鮮果茶🍹$46果茶入面有多款水果，菠蘿、士多啤梨、田藍莓、紅桑子、檸檬、青檸、熱情果，飲落味道似菠蘿熱情果茶，茶底有幾款可以揀，我就揀左烏龍茶，夠晒大杯解渴🪵木柵鐵觀音草莓青檸茶🍓$42 呢個味道酸酸甜甜，茶底都係可以揀，呢杯就揀左鐵觀音茶底，飲落清新開胃🌱草莓香草蜜糖歐軟磚塊🍞$78黎到茶木點可以唔叫作地最出名嘅歐軟。想揀抹茶歐軟但賣晒，麵包有成三層，第一層嘅麵包磚蘸滿蜜糖，上面就放左草莓、草莓雪糕、忌廉、草莓醬，烘過嘅麵包夾埋啲雪糕食真係好正🤩上面裝飾嘅棉花糖好煙韌

咁啱去開東涌東薈城 outlet shopping, 經過見到呢間台式餐廳唔算多人等位, 就決定食埋晚飯先返屋企!平日夜晚8點後會較為少人,好快店員安排了卡坐位比我!環境乾淨又舒服!d裝修以木色為主!呢度係用QR Code點餐嫁!打開本餐牌,見到有好多好吸引嘅台式食物/飲品/甜品呀!!!見到全部都好想食呀，真係太掛住台灣d美食啦!好快就點咗… …台式滷水拼盤…有滷水雞中翼,金錢展,金錢肚,腩肉,豆腐, 流心蛋及花生!金錢展同腩肉炆得好冧,好入味!金錢肚有咬感!雞中翼入口冇雪味(有飛水處理過)!!櫻花蝦花枝餅…外面炸到金黃色,入面熱辣辣超香口!仲配埋甜醬!最啱小朋友!櫻花蝦魚湯浸娃娃菜…青綠色嘅娃娃菜好甜仲好"淋"添!仲配有好多櫻花蝦!大人細路都啱食!!再加埋呢柸"台式抹茶拿鐵"…唔太甜嘅台式抹茶飲品!(入面加咗: 寒天晶球)

收工時同事話不如一齊食啲嘢先走佢話呢間手工麵幾好食 所以我哋就去咗呢度啦估唔到平日六點半都有唔少人排隊而家外圍裝修到好似台式茶飲店咁 Open area感覺幾寬敞茶香三文魚湯漬飯擺盤好精緻 另配有木魚絲 櫻花蝦 脆米多重口感 微辣半筋半肉手工拌麵 同事極力推薦手工拌麵 所以一定要嗌啦真係好好食 好彈牙煙韌 如果可以再辣多少少更正半筋半肉肉質軟腍又夠香路邊攤小食脆脆黑糖奶茶加寒天晶球 奶味偏重 脆脆黑糖似係好立克粉勁好食 今次我冇要珍珠 改咗我最鍾意嘅寒天晶球 草莓櫻姬抹茶鮮果流心歐軟雖然食咗兩個主菜已經飽飽地 不過甜品係第二個胃 所以當然要嗌啦上邊除咗有新鮮生果之外仲有無花果乾切開麵包盒入邊仲有大量嘅抹茶醬流出嚟所以每一啖都可以點滿抹茶醬 再加一口雪糕 勁滿足呀食物水準唔錯 定價合理 難怪到我哋走嘅時候都仲有人排緊隊啦

久違了的台灣菜，見新裝修開張，入嚟食一個悠閒的午餐。鹽酥排骨肉燥飯$82炸排骨肉質鬆軟，不過表面炸得比較硬，肉燥飯非常開胃，肥瘦適中，味道不咸，好食。另外仲配有一杯柚子茶，幾好飲。鹽酥雞粒 加配$22都是炸得比較硬，一般。個人建議叫左酥炸排骨就不要再叫酥炸雞粒，味道差不多。主食的餐牌原本想食左主食就叫多個甜品，個士多啤梨層層疊太吸引了。但可惜一個主食，一個小食，一杯柚子茶，已經太飽了。唯有下次下午茶時段再來試下。

經過東薈城，留意到有間新開嘅文青feel木系餐廳，仔細一望，原來係茶木茶飲主題店🥰 以台式茶飲主打，設備好專業👍🏻自從疫情無得飛，真係好掛住台灣，今晚就黎個美食之旅- 四季青萱鮮果茶用料豐富，有台灣金鑽鳳梨，青檸，鮮橙，草莓等等，茶湯有多款選擇，我揀左來自花蓮嘅蜜香小葉紅茶，香氣馥郁又fresh- 木柵鐵觀音奶茶（配仙草）木柵地區嘅低溫烘焙茶，有好獨特嘅炭香味，加埋仙草凍，真係我杯茶- 台式麻辣半斤半肉手工拌麵必叫嘅微辣Q彈拌麵，牛肉牛筋炆得夠淋，仲有鴨血素鵝- 茶木紅燒牛肉麵湯麵又有另一番風味，手作麵煙靭彈牙，湯底夠香濃- 櫻花蝦花枝餅一上枱已經聞到好香嘅櫻花蝦味，香口嘅小食- 蒜香麻辣豬耳好大碟，食落係有層次嘅辣，豬耳好爽脆- 抹茶鮮果流心歐軟超吸睛嘅甜品，唔係只得打卡外表，食落都好好味，每一口吐司都佈滿麻糬，入口鬆軟，伴埋清新水果中和，唔會太漏，好滿足❤️

去完迪士尼樂園玩，黎到東薈城搵食。心血來潮想食台灣野，上網一查原來開左間茶木，二話不說即刻去試。用上QR Code 點餐環保♻️又快捷。晚市套餐： 台式麻辣半筋半牛肉拌麵+ 麻辣鴨血拼素鴨+ 茶木鳳梨酥（HKD 104):擺盤十分有心思，同上木色盤呈上。麻辣鴨血不會一夾即散，咬落滑嫩沒有異味，好想再食，素鴨外皮是腐皮，煎炸至香脆，內裡是好多層腐皮組成，整成外脆內軟。台式麻辣半筋半牛肉呈深紅麻辣湯浸泡著，牛筋好焾好入味，牛肉竟然係肥牛打邊爐個款，牛脂味香濃，重口味人士必點😍拌麵微辣即使放涼都無變一餅野，面條夠曬彈性，鍾意可以放落湯到食當湯麵🍜又得。茶木鳳梨酥: 鳳梨酥外皮不夠鬆化，而且頗硬，牛油味不夠香，內餡鳳梨比較酸，整體麻麻。茶木牛肉麵：不用多說，呷一口湯頭回味無窮，牛肉牛骨香氣撲鼻，帶有蘿蔔清甜。毫不吝嗇嘅牛筋，焾糯夠牛脂香，手工刀削麵有韌勁，好有咬口， 整體配合相得益彰。台式滷味拼盤：牛鍵、牛肚、雞腎、雞翼、五花腩肉、豆腐、雞蛋🥚滷水味一流吾係死咸個款，比較淡口不是重香料個款，但顏色上不錯，所以食物都夠焾同入味。總結：微辣拌麵真心不錯 唯鳳梨酥有待改善止癮系列

#茶木#東涌 #東薈城#新推出套餐台式麻辣半斤半牛肉 $74 套餐有自家製椒麻拌麵+一兜半牛筋半肥牛嘅餸+一嚿麻辣鴨血同一夠素鴨 去大嶼山之前，最好就喺東薈城醫飽個肚仔，唔知食咩好，最後就揀咗茶木，貪佢間間味道都差唔多😋見到佢推出咗個新嘅拌麵套餐，就試試佢！估唔到又幾好食😚😋撈麵個醬汁好惹味，少少辣，令人食一啖就不停食，好開胃！ 另外牛筋好嫩滑，食得多可以養顏😆肥牛就普普通通啦。之後麻辣鴨血同素鴨都好好食😋因為係套餐，所以可以免費有飲品，如果想飲台式飲品就要加錢喇！！ 而環境方面，餐廳同一貫嘅茶木都差唔多，枱同座位都好闊落，啱晒想坐吓吹水嘅朋友。

茶木分店遍滿全港，成日經過都見到要等位，今日自己午餐就一試吧！見到”New”, 台式的豬軟骨也不錯的，所以就點了豬軟骨麵。一送來，個麵芳香撲鼻，看來不錯。開動喇！先嚐豬軟骨，軟淋，肉不鞋，不過吃了一舊已很滯。豬軟骨份量算足，軟骨炆淋得軟化。我最不滿的是麵，有多條都是一舊舊的。麵不煙靭，也不感滿足，總之就是很一般。吃了一半就開始感覺咸，呢碗野要$80，真不值。我還叫了珍珠奶茶，很差，沒有茶香，如水般。有些店珍珠賣相圓圓滿滿，看都感吸引，軟熟煙靭就更讚。但這出名的茶木，珍珠不圓不滿，一杯珍珠奶茶都令人失望。連加一，呢餐都九十多元。或者，下次多一次機會嚐飯吧！

I’m not a fan of Taiwan cuisine, but i ordered a dinner combo and it turned out great. Sadly the sauce was slightly off and that ruined the taste. The desert was strawberry toast. The bread was well toasted and I thoroughly enjoyed it. I just wish that the restaurant could offer something more enjoyable instead of spices.