茶木‧台式休閒餐廳 (已結業)

今日放假，一起身已經下晝點幾，呢個時間出到去食野啱啱過左其他人既午飯時間，禁就要去d 平日要排隊又好想試既餐廳，今日，就首先去呢間-- 茶木去到已經3點幾，攞左籌，等左5分鐘就有位，yeah 一坐底，好肚餓，梗係要叫個面食下啦， 呢個係紅燒牛肉面 ($60), 好好味，牛肉整得好林，面條好彈牙，湯底好甜 再叫多個金黃鹽酥雞($38), 炸漿好薄，雞好脆，帶少少咸，正最後，係我最期待既甜品，巧克力香草磚塊蜜糖吐司 ($70) 好好味丫，多士好脆，如果多士多d 蜜糖就好喇 每枱限時個半鐘，不過上菜好快，都可以接受，有機會會再試 =]

話說baby 去旺角買公仔 無帶錢包 激死我 無車牌揸車 仲話過海接我 咁我就都好可憐 ot 到10點幾先放工 就周圍都唔知食咩 無咩好食 已經太晚 都唔知仲餓唔餓ge 時候 就諗起茶木 成日想食都無去食 去過幾次都超爆多人 lift 都出唔到 個日諗住都咁晚 可能唔洗等 就去睇睇 原來都仲有人等緊 但唔算多 就等左陣就有位叫左水果茶 麵 豬耳仔spicy過幾好食 仲有好似係豆又係spicy ge 坐得舒服 有d 好近隔離枱 可以知道隔離講咩傾d 咩 hehe 就唔知點解我都幾鍾意黎間野 但因太多人 下次都真係要天時地利人和先會再黎

突如其來既早放，即刻搵朋友食個tea,黎個happy Friday!喺旺角想食啲甜，又想輕食，同朋友決定黎茶木。星期五既4點幾，上到黎依然要等位，幸好等左十分鐘就有位，但限時個半鐘，吃個tea時間還是足夠有餘的。先來個渴的，水果茶及蘋果黑莓茶，前者水果味還算濃郁，隨茶附送蜜糖，吃甜既人升喜歡落幾多都得，後者則茶味太濃，喝不出蘋果或莓味，不好喝。之後我地足足等左7個字都未有野黎，同侍應講完要再等多2個字先黎，由唔餓等到肚餓喇終於，送黎心太軟，加vanilla ice cream ,其實我對心太軟好食定義好簡單，流心，朱古力味濃，不要過甜，同流心要暖，呢度既頭三項都可以，可惜只是涼了，要扣分。最後係椰子奶酥吐司，吐司很脆，好重椰子同牛油味，吐司一塊切開3條，細心在每邊都烘過，很值得加分。食完啱啱好夠鐘交枱，走人。

如題, 識食的一定係中午12點開門就來食,等 5 分鐘就入得去坐卡位, 食野最怕就係要排好耐隊。來得食台灣野當然會叫鹽酥雞, 紅燒牛肉麵, 仲有肉燥飯。佢 d 炸野真係唔錯, 熱辣辣上桌, 唔會好油淋淋,外脆內有雞肉, 唔會得番層皮, 加埋少少的鹽花, 正。紅燒牛肉麵, 闊闊地的面身咬落去幾有口感, 又有大塊肉, 個湯底都合格, 有餚過下, 但當然咁的價錢又唔好期望太高。雞排肉燥飯, 雞排就好大塊, 但略嫌肉燥俾得少,自己本身喜歡好多肉燥撈飯, 加埋d配菜就更正。野飲我覺得杯凍香茉好飲過熱香芋, 幾香滑,熱飲稍為覺得甜左 D。

同事介紹，這是我第一次嚟食，睇下餐牌唔算好貴，一個Lucnh Set 54-60元，不過我唔太喜歡食台式食品，所以我揀『蕃茄醬黃金玉米手作麵』，對 e 個麵期望唔高所以無影相，但食落又幾好味，個茄醬唔似用罐裝茄醬煮出嚟，似用新鮮蕃茄煮，因為食落有 D 酸夠天然，原來手作麵即系意大利粉，我就唔識分系唔系手作或是機出。不過下次都會再嚟食，主要原因系位比較多容易攞位，食品OK。

星期日等位，等左半個鐘左右，反而等食物比較耐。味道偏酸，飲到最尾有啲“乸“喉。好甜，珍珠唔係好煙靭。牛肉蘿蔔好淋好入味，但偏咸即叫即整，等足25分鐘，隔離枱不耐煩係咁催。2個人食都食唔晒，好“漏”，但係幾好食，值得一試。

一直都好想試茶木，但當幻想到要排隊排好耐嘅時候，就放棄有關嘅念頭，直至最近，我藉住要早食晚飯嘅機會，就向男人提出要去食呢間台式餐廳喇！一般嚟講，要免除排隊排到出菌，就要把握合適時間，即係中午12:00前or 下午5:00-6:00入座，仲要最好係閒日la!當日我地大約5:30去到，等咗15分鐘到就有位喇！環境方面，都唔錯la，好彩我地安排坐比較入嘅位置，如果坐門口位，就會被排隊嘅人睇到食相！由於我地打算留肚食甜品，所以只order了豬軟骨麵，鹽酥雞，綜合水果茶，藍莓果茶，因為怕甜品太早嚟到，所以我地食中段先order!麵嘅湯底有台式牛肉麵嘅味道，豬軟骨份量剛好，我食咗幾粒鹽酥雞，就同我男人講，個雞我覺得一般，無鹽酥味嘅！？之後我男人話唔係ar!原來，佢係我影相嘅時候，食哂面個層有鹽酥粉嘅雞!……作為一個出色鹽酥雞，唔應該只係面個層有鹽酥粉la!而且炸得太乾身！綜合果茶有果味無咩茶味，不過酸酸甜甜，係幾開胃嘅，記住唔好錯過飲品裡面嘅話梅！而藍莓茶就香味，但飲落都係偏淡，眼看用料都唔係落好多，唔知係特登想做到呢個效果定點呢？！終於嚟到戲肉喇！就係士多啤梨蜂蜜磚塊，睇頭十足，吐司加有蜂蜜，又

同妹妹去茶木食午餐，好早黎到唔使排隊！揀左兩個set lunch,我點左榨菜腎片，薑母鴨同肉燥飯。薑母鴨無乜肉，味道一般，腎片同肉燥飯幾好食,不過偏油！而妹妹揀左三杯雞配魚湯時蔬跟肉躁飯，三杯雞普普通通，味道偏淡！跟餐加$18有埋蛋糕！tiramisu唔夠酒香，另一個小劇院蛋榚，但無乜特別啦！

其實一路都好想試茶木，但每一次到旺角分店，打開lift門見到既人潮就會令我退回lift內打退堂鼓。但今次有朋友番香港，早一個中去等位都值得的。最後足足等了一個半小時才能入坐，環境舒適，有自然光射入餐廳非常温暖。點了甜蜜溏心蛋，溏心感覺剛剛好，一客4件，好味到，一個人都食得晒。草莓香草蜜糖磚塊，士多啤梨雪糕，配上香脆蜜糖磚塊，唔會太甜，味道適當！另外，仲叫左一個，芒果香草蜜糖磚塊，芒果唔酸，加埋香滑既cream, 真係食唔停口。加上一杯水果冰紅茶，酸酸甜甜，清新非常，好滿足呀，不過如果等位唔駛等咁耐就好啦！

以為呢區的社會運動會影響食肆的人流, 但似乎對呢間人氣食點絲毫沒有影響, 結果都係要等一粒鐘先有得食 兩個人大膽叫了3個餸加個意粉:呢個生炒骨賣相靚, 伴碟的生果好fresh, 菠蘿超甜!略為咸咗啲, 唔得um...沒有芥末味, 但好有青椒味 (我最怕), 老公好like, 食晒...仲有個炸雞扒, 味道一般食前沒有做research....結果兩個人當然食唔晒要打包, 連本來想試的甜品都試唔到, 下次夜啲嚟試

行街行到攰想在旺角找個位置坐一會也不容易，最後在瓊華樓上的茶木hea。本來打算叫多士，但快到晚餐時間所以只叫點小食，最後點了鹽酥雞和蘋果鮮桔梳打。叫鹽酥雞其實只為了止口痕，因為之前在台灣吃不夠所以又點來吃……鹽酥雞不會很油膩，但雞肉不夠，沒有咬口，略嫌炸得過脆，如果雞塊大件點會更有口感。而特飲個人覺得不錯，看menu是新品打算一試，但味道幾清新，還有蘋果肉，如果可以加點椰果會更好！（個人喜歡吃椰果喇…）總結除了價錢有點點貴和真的要排隊等好久之外也不錯的。（兩飲品一小食$120，下午5時排隊時間約半小時以上）

星期五終於可以放心出去玩啦！蘿拔妹有d事要出旺角，所以就直接約朋友在旺角食飯！友人原來無試過茶木，所以見只係七點就快快去攞飛了∼兩個人雖然要等19張檯，但半個鐘後回來已經差不多有位了！見到很多開飯食評都推介紅燒牛肉麵，當然不可錯過了。這個的麵質非常有嚼勁！不會像一般港式店鋪把麵煮得太軟。而且牛肉簡直是甘香可口，入口即溶，簡直是非一般的美味！蘿蔔和紅蘿蔔更是甜得驚喜!! 唯獨湯頭有點兒太鹹了，吃多了會口渴呢！接著上桌的是炸豬排肉燥飯。上桌後侍應才把蓋子打開，所以能夠保持溫度。豬排夠軟身，但可能在盒子焗了一會，所以都不脆了。反而肉燥卻非常好吃！充滿鹹香的肉燥加上梅菜，飯可以多吃幾碗呢！飲品巨峰珍珠乳酸也算不錯！平時喝台式飲料最怕過甜和太多冰，但這杯可能加入乳酸，反而可作解膩之效呢！珍珠都不會過軟，很彈牙∼吃完主菜，來到茶木當然要試多士∼點了朱古力脆多士磚塊！不是三層多士框那種，而是整個多士盒的那種！先搬開雪糕，多士是非常香的蜜糖味和香脆呢！蘸上雪糕還有冰火口感，雪糕是蘿拔妹喜歡的Dreyers rocky road∼唯一不足的是多士盒沒有完全挖空，底部還有厚厚的麵包呢。還好麵包是十分鬆軟，

旺角彌敦道628號瓊華中心10樓TEAWOOD 調味以味精主導, 我身體對味道反應很明顯,還是因掛念甜點, 穿3吋高跟鞋站了半小時等位。又吃台式木盒便當, 上次也是吃這款,肉燥伴飯那醬油汁的甘香, 碎肉的豐腴,香軟的口感, 米粒在牙縫的充實,山珍海味也要靠邊站。手掌大的炸豬扒, 穿上了黃金聖衣,肉燥在尖沙咀店是惡劣到油沉的地步,這裡仍然是油膩, 偏物的米飯略平衡油膩感,那台式醃雪菜爽而不死鹹, 清淡不失風味。豬軟骨麵的湯頭也是味精之作,飲了5,6口,便要不停喝水解稀釋,這徵狀是味精作祟, 飲了近一公升水,像台式牛肉麵那湯底的味道, 入口厚重又鹹。配扁身中式麵條, 豬軟骨芒果雪糕有混入JELLY, 但味道顏色皆人工,影完相雪糕開始融化, 與緩緩流下如熔岩。不過邊位焗得不夠, 與普通方包無異,中間切開再加工成蜜糖方塊,外脆富蜜糖甘甜味, 凝固了份外可口。要求不高, 茶木是等候時間相對短的台式喫茶店,料理種類亦算豐富, 價位也較是次晚餐每人消費 $100

10月14日， 茶木呢期多人去， 我和朋友又去下先， 經常看見食評個個人都話等好耐，9：52pm到達1個人也沒有，看見到的枱也有8-9成滿， 未計看不見的枱， 先攞o左張飛仔, 服務員說在收拾檯中等一下， 不到2分鐘便帶我們入座了枱上有一支水， 方便客人自行斟用 不用經常叫服務員， 我覺得幾好！ 叫了3樣食物～( 上菜勁快不用5分鐘便有了 )1. 沒有肉的拉麵( 名稱忘記了 )2. 單餸 ～？？嫩鴨 ( 名稱忘記了 )3. 朱古力蜜糖磚塊1. 拉麵口感 幾好，幾煙un , 味道也算適中沒有過鹹， 我本人喜歡食蕃茄所以我都覺得幾好食2. 鴨肉不算嫩， 有少少（鞋）口 ，就是一隻瘦巴巴沒有什麼肉的鴨子， 有薑片伴碟，共有4-5粒無乜肉嘅肉， 其他都係得b皮 味道非常甜， 鴨肉沒有什麼味3. 外觀幾好， 味道好一般， 忌廉醬 太少，難怪我入坐的時候 看見收碟的盤 放滿四方形的麵包皮，吐司烤得幾好 ， 因為上菜快， 所以沒有因放久了而淋 味道～雪糕普普通通唔算係最差嗰只， 三片吐司沒有麵包香味， 口感適中唔算鞋口， 面2片吐司食唔到有蜜糖味道， 可能用得好少 蜜糖， 最底的第3片吐司 沒有切開

黎到茶木就一定係食喱個磚架啦! 我叫左芒果味, 芒果唔酸, 上面啲cream都唔係好濟, 但係個包就真係飽到傻, 蜜糖味同個包都好夾, 不過略嫌食到最底, 個包會變到濕濕地咁, 唔係太鐘意