茶木‧台式休閒餐廳 (屯門市廣場1期)

營業中

休息中

曾經喺尖沙咀返工記得加拿芬廣場有間荼不幾乎日日都去當左佢係我飯堂但自從轉左工就好耐都無食荼木味道服務抵食今日叫左個挑骨肉燥飯🍚鴨血雞絲拌麵🍜另外加54蚊配三款小食分別係豆腐花芋圓🍡麻辣豬耳🍖灼菜🥬餐飲係紅豆薏米水🫘同埋涼粉奶茶🥤肉燥飯份量偏少肉燥偏鹹不過好彩主角排骨炸得好酥脆上枱嘅時候仲係熱辣辣粉漿適中火候掌握得好所以炸排骨俾我秒殺左亦剛好中和返肉燥飯偏鹹嘅問題拌麵彈牙有咬口係我鐘意嘅口感鴨血厚薄適中味道鮮明但係得一片就略嫌有啲少豬耳份量適中味道普通灼菜味道正正常常甜品依然出色豆腐花好滑溜芋圓煙煙韌韌紅豆薏米水嘅薏米好多味道清新消暑去水腫一流涼粉奶茶🥤茶味香濃涼粉夠晒軟滑而且涼粉嘅分量頗多唔會太甜味道唔錯最後，我去過幾間分店都發現佢哋嘅吐司🍞成日下午就賣晒今日去到專登一坐低就問侍應仲有無吐司佢話有我勁開心😃竟然比我叫到但轉個頭去追單嘅時候先同我哋講一早賣晒跟著都費時問佢點解佢同事答有？有時唔明佢哋嘅服務點解好似越嚟越退步價錢方面已經唔係平但味道未至於好優秀餐廳環境呈現過時嘅感覺如果連最基本服務都做唔到相信好容易被呢個行業淘汰係

當日在平日非繁忙時間購買套餐，套餐的飲品，叫了黑糖珍珠奶茶，一回家發現，是冬瓜茶。出現這樣的錯誤令人非常失望，特別是非繁忙時間也可以這樣錯，希望員工可以改善情況。但因為失去信心，不會再幫襯😓😓😓

今日去咗屯門市中心食茶木，午餐時間食連加一大約$90一位左右，都唔算平我就叫咗個紅燒牛肉麵再加珍珠奶茶，佢啲珍珠奶茶太甜味道不討好，寧願出去飲其他🥹 至於個牛肉麵正常發揮，但份量唔太多！

18.04.2022 星期一茶木‧台式休閒餐廳很久沒有到茶木食飯，記得從前很受歡迎，要到門外排隊等位；今天突然又想起，想回味一下美食。見網上介紹有微辣手工拌麵，麻辣鴨血拼素鴨，可以選紅燒牛肉、半筋半牛肉，甚至花膠濃雞湯；喜歡鴨血的或可以試試。又有二、三人套餐、台風美食、小食、麵食、飯食；飲品又有茶類、咖啡和台式飲品。酥炸排骨肉燥飯$103追加白灼時蔬$28凍黑糖珍珠奶茶（少甜少冰）$22排骨脆口，肉略乾一點，但外賣來說已是不錯，再加上肉燥送飯好吃。生菜很新鮮，但份量略少。珍珠奶茶少甜甜度適中，不錯。Teawood紅燒牛肉麵$113追加白灼時蔬$28鮮果冰紅茶（走甜走冰）牛肉麵是餐廳推介熱門美食，牛肉燜得很淋、很入味，加上紅白蘿蔔，真的很好吃，難怪是餐廳著名美食。茶木比其他台式餐廳價錢偏貴少少，但食物質素又高些，所以略貴可接受。上網見推介脆脆黑糖瀑布珍珠奶茶、甜品青蘋果酪梨蜜糖專塊很吸引，遲些到餐廳試試。

今日2點幾同朋友到茶木食飯，先發現原來佢哋有下午茶，同埋比午巿晚巿優惠好多叫咗個招牌紅燒牛肉麵都只係$67，仲包一杯$38飲品（可補差額叫其他特色飲品），我就另外加咗$6叫脆脆黑糖瀑布珍珠奶茶🧋點菜一兩分鐘後我碗麵就到了，好有效率 嘩！好耐無食過，唔知宜家嘅水準點呢？我一向都超鍾意茶木嘅紅蘿蔔，今日嘅紅蘿蔔完全無令我失望，好好食，好清甜，軟硬剛剛好白蘿蔔都好好食，味道好清新，蘿蔔味都好重！希望佢哋可以考慮吓另加蘿蔔服務牛肉又點呢？嘩！食嘅時候簡直有感動嘅感覺！絕無誇張！肉質好嫩好軟，肥瘦度剛剛好，中間帶有軟軟的筋，陣陣嘅牛肉香味慢慢咁散發出嚟，堅·好·食麵底都好值得一讚！好煙靭有咬口，軟硬度亦剛剛好牛肉湯底一如既往嘅好！味道濃郁，牛肉味好香濃，簡直想成碗飲哂杯飲品超有驚喜！超靚超有誠意！我朋友都讚不絕口！味道又如何呢？出色！ 特別鍾意佢嘅朱古力脆邊，朱古力味好香濃同埋真係脆嘅飲品上面有層好厚好滑好香濃嘅奶，飲落有奶蓋奶茶嘅口感，讚！最高嗰三粒芋圓都好俾貨！整體來說，奶茶香，珍珠彈牙口感佳另外想讚一讚服務，協助我哋嗰位女職員好有禮貌好有耐性同好誠懇好愉快的一餐

肥雞一直都幾欣賞茶木，因為佢嘅menu唔會悶，每季都會出當季當造嘅食品，令到食客可以嘗鮮。位於屯門市廣場嘅茶木，肥雞又真係第一次試，今次試咗佢嘅古早紅燒牛肉拌麵，湯麵就食得多， 佢嘅紅燒牛肉湯底永遠都係肥雞頭三甲之一，反而拌麵就幾得意肥雞第一次試。佢嘅牛肉唔使講滷得非常之入味同埋淋，入口即化，但係佢嘅拌麵嘅調味今次多咗麻嘅感覺，應該有落到花椒油，所以食落去好香口。至於佢個墨汁花枝奶油意大利粉 ，佢嘅墨魚汁非常之咸香，配埋q彈嘅花枝，唔錯。甜品嗌咗佢新出嘅青蘋果牛油果蜜糖磚，一如以往，多士烤得非常之香脆 ，配上甜甜嘅青蘋果忌廉同埋牛油果嘅油香，係一個幾有趣嘅嘗試。至於佢嘅脆脆黑糖瀑布珍珠奶茶，上面配埋煙韌嘅丸子，但係杯嘢又唔係好甜， 肥雞幾鍾意。

依排Spider-Man咁hit 我同老公都專登請左假去睇，屯門市中心戲院正正對面就係茶木，岩哂等開場既時候岩岩嘆個lunch, 平時lunch set都只係八十蚊左右 仲跟杯飲品，其實價錢非常相宜，但我地就簡左menu推介紅燒牛肉伴面同埋阿嫲手作蒽油面，蔥油麵個賣相雖然不及牛肉面吸引，但估唔到好有內涵，上面鋪滿哂炸過既洋蔥，中和返油面既油膩感，不經不覺就ko一整碟，見距離開場前仲有一段時間，我地就貪心地叫多個甜品，估唔到份量驚人，相信三四個女仔都可以share,賣相打卡一流，面包焗到脆脆再伴雪糕，幸福既配搭！

[#tuenmun] [#hfortaiwanesefood] I believe everyone knows about Teawood 茶木 due to its famous Honey Brick Toast. Made a visit to Teawood recently after work and tried their new product!First we had the soft boiled egg 溏心蛋 - yessss well marinated with rich egg flavour. Then we had two main dishes, one being the Hand-made Noodles with Cuttlefish sauce and cream 烏賊汁奶油中卷手作麵 and another being the Traditional braised Beef Noodles 古早紅燒牛肉拌麵。I love both of them, the noodles were springy and chewy. And I sp

👯相約表妹晚餐去! 等表妹期間行到戲院, 對面就係茶木! 一面睇電影預告片, 一面等位, 正! 🧋脆脆黑糖瀑布珍珠奶茶 $44 ~ 睇 menu 深深被吸引, 一次過滿足多重願望, 有珍珠奶茶, 仲有最愛的粉圓! 奶茶味唔會太重太厚, 味道亦唔太甜, 配上煙靭粉圓及珍珠, 好滿足! 🍜紅燒牛頰肉麵 $80 ~ 極濃牛肉湯, 清爽唔油膩! 牛頰肉大大件, 燉得好腍好人味, 入口即溶, 滿滿的肉香! 麵條幼滑, 掛滿湯汁, 爽! 🥩古早紅燒牛肉伴麵 $74 ~ 自家製麵條, 爽滑彈牙又煙靭! 醬汁份量剛剛好, 我個人好喜歡伴麵的! 配有糖心蛋、台灣直送麻辣鴨血、素鴨、紅燒牛肉、青瓜絲! 成件事感覺好完整, 好豐富, 食落仲好滿足! 🍏青蘋果酪梨蜜糖磗塊多士 $88 ~ 見到實物當刻....好震撼! 超大件, 足有三層! 雪糕是我喜愛的焦糖雪糕, 粒粒多士配以清甜青蘋果 Cream同食, 味道相當清新獨特! 伴碟的亦不馬虎, 有香脆爆谷及焦糖香蕉! 大讚! 

今日星期三特價日，即刻落屯門掃貨，掃貨前要去醫醫肚，我地去左茶木食Lunch 。餐廳用「想你，見你」為主題，令我勾起了很多回憶，想見你就去見吧，珍惜現在。糖心蛋蛋味香濃，蛋黃入口漿住整個口腔，夠入味。紅燒牛頗肉麵湯底好濃牛骨味，麵條用上闊條麵，更掛湯，而且口感煙韌彈牙，牛頗肉超軟腍入味，啖啖肉。阿嬤手作蔥油麵麵條是手作，用上粗麵條，有咬口，蔥經過油炸，撈埋一齊食，勁香蔥油味。青蘋果酪梨蜜糖磚塊黎到茶木，當然要必食蜜糖磚塊，今次點了新出的青蘋果酪梨蜜糖磚塊，黎到嘩一聲，份量十足，色彩好夢幻，即叫即製，吐司加上蜜糖烤至外脆內軟，甜滋滋的，再將吐司層層疊，加上士多啤梨、藍莓、牛油果、爆谷，再淋上天空藍的青蘋果忌廉和一大球的蕉糖合桃雪糕，勁邪惡。黑糖珍珠鮮奶瀑布黑糖可以自己加，黑糖味香，鮮奶幼滑，珍珠夠Q彈煙韌。水蜜桃花果茶水蜜桃酸酸甜甜，清新開胃

茶木不論是正餐還是甜品，都有令人一吃就愛上的魅力，一個人慵懶發呆，好朋友約會吃美食，甚至一家大小來用餐都很適合。不得不說，烏賊汁奶油中卷手作麵真是超人氣，幾乎每張桌子都可以瞧見它的蹤跡。黑漆漆的烏賊汁奶油手作麵非常彭湃，麵條口感彈牙，烏賊汁夠味下飯，魷魚也是一個亮點，肥厚有彈性，吃得到魷魚海鮮風味。脆脆黑糖瀑布珍珠奶茶滋潤著喉嚨，也滋潤著心靈，那是一種從上到下的洗滌，全身都感受到茶與奶的對話，值得一再回味。黑糖珍珠順口不黏膩，甜度剛好，杯旁還沾滿朱古力脆脆，杯上的芋圓地瓜圓咬感軟糯，吃完蠻有飽足感。愛吃牛肉拌麵的話，可以一嚐古早紅燒牛肉拌麵，拌麵除了有主角紅燒牛肉登場，還有鴨血，素鴨，滷水蛋與青瓜絲相伴。拌麵極好吃，麵條的麻辣配方都是茶木自己調，辣味不是那種直接刺喉，大概兩三口後，麻感與後勁湧上來，好不惹味。配拌麵的紅燒牛肉亦很講究，先用藥材醃漬，然後再用滷汁去滷，紅燒牛肉細嫩不乾柴，帶有藥材滷香，肉汁豐沛。鴨血和滷水蛋同樣滷得透徹，水嫩迷人，滷水蛋橘紅色的蛋黃垂涎欲滴，蛋香十足，表現不輸給紅燒牛肉。侄兒看到青蘋果酪梨蜜糖磚塊，他說一定要點這個吃，青蘋果酪梨蜜糖磚塊附上一球雪糕，鋪滿士

.🔺 茶木‧台式休閒餐廳 (屯門)紅燒牛頰肉麵🍜湯頭不會過咸，牛頰肉炆得好淋😋.紅燒牛肉拌麵🐮小編鐘意拌麵多過湯麵，呢款拌麵辣辣地👍🏻麵嘅質感彈牙～牛肉、鴨血同溏心蛋都好食😋.青蘋果酪梨蜜糖磚塊🍞超級多料，有雪糕、爆谷、士多啤梨、牛油果etc😆麵包雖然沾上雪糕，但都保持香脆😗.脆脆黑糖瀑布珍珠奶茶🧋呢個最有驚喜！首先賣相已經好吸睛😍上面有幾粒芋圓地瓜圓，奶茶上面仲有好濃厚嘅芝士奶蓋，杯邊嘅脆脆朱古力都好好食，呢杯飲品有8分👍🏻

前兩日係冬至有得早放工就出去食晚飯啦😎好耐無食茶木，發現原來多左幾多新菜式！無論係主食、甜品定飲品都keep到個水準👍🏻員工服務都好好，離開餐廳個陣仲同我講冬至快樂💖🔸古早紅燒牛肉拌麵 (HK$74)湯麵就食得多啦，呢個拌麵都幾推介呀😛配菜有兩塊嘅紅燒牛肉、蘿蔔、麻辣鴨血拼素鴨以及溏心蛋。牛肉同蘿蔔有紅燒汁浸住，十分入味。而麵條就加入左麻辣油🌶️唔會過辣得黎都帶點惹味！🔸烏賊汁奶油中卷手作麵 (HK$86)好少食手作麵，食落煙煙韌韌，有少少似扁意粉🍝烏賊汁有陣陣香味，入面仲有魷魚、菇類，食完記得抹乾淨個嘴呀🤣🔸310糖心蛋 (HK$46)好掛住台灣7-11嘅糖心蛋，茶木嘅都可以滿足到你。蛋黃色澤好靚，入口就品嚐到香甜嘅味道，做開胃菜好fresh🥚🔸青蘋果酪梨蜜糖磚塊 (HK$88)最招牌嘅甜品當然就係蜜糖磚塊啦，以前每次黎都必叫🤩而家仲出左新口味，青蘋果味忌廉搭配焦糖雪糕，配埋香脆嘅蜜糖味磚塊，濕潤得黎又脆脆地好好食😋側邊仲有草莓、藍莓、牛油果、香蕉、焦糖爆谷，配住黎食好多層次呀！🔸脆脆黑糖瀑布珍珠奶茶 (HK$44)造型滿分嘅珍珠奶茶，杯邊圍繞住朱古力、杯面上仲有一串芋圓串，芋圓好煙韌

✅茶木.台式休閒餐廳茶木係連鎖台式餐廳中一直都keep到水準🤤最鐘意食佢哋既蠔仔泡飯同蜜糖多士！😍最近見到佢哋做緊10週年主題 冬日menu都推出左幾款新菜式就等我去試下先~~🔆古早紅燒牛肉拌麵 $74呢個新推出既拌麵好啱我口味拌麵係幼身又爽口 用左個微微麻辣汁撈起😍有少少麻辣味 但又唔會太濃而且仲有少少櫻花蝦仔 好有台式風味😝紅燒牛肉係另上的 牛肉好似牛𦟌咁 好軟腍好入味 少少藥材味 牛肉味比較重啲🤤另外仲有半隻溏心蛋 鴨血 同素雞呢個餐好足料 又有牛肉又有其他配菜😜味道: 4/5賣相: 3.6/5 🔆紅燒牛頰麵 $80呢個都係新推出的 但就好似平時既紅燒牛肉麵咁個麵質係闊條麵 食落好彈牙 好掛湯添！個牛肉湯依舊係好濃既牛骨味但個肉就轉左牛頰 肉質就更加軟腍又有少少筋位 好香牛肉味😍😍我就鐘意呢個冬日版多啲啦🤤味道: 3.8/5賣相: 3.4/5🔆青蘋果酪梨蜜糖磚塊 $88呢到既甜品最出名就係蜜糖磚😝最近出左新口味😍 青蘋果牛油果味😜賣相全個都係青BB~ 面頭有焦糖脆脆雪糕 中間仲有一粒粒焦糖碎🤤之後伴隨住既就係青蘋果忌廉😆每一啖都好香青蘋果🍏味💛蜜糖磚塊依然係保持水準！厚得黎

趁今日免費搭車日 一於入去大西北行下 行到屯門見到茶木就入去食 橫掂好耐冇食過茶木用既係比較木系色調既裝修 檯與檯既距離唔會太近 唔會太有壓迫感 營造到一個好輕鬆既環境古早紅燒牛肉拌麵🍜 $74佢呢個係椒麻拌麵黎 微辣帶小小麻 紅燒牛肉夠淋香氣亦都充足 配上鴨血 素鴨及溏心蛋 呈現出古早台灣味紅燒牛頰麵🍜 $80牛頰肉肉質比紅燒牛肉更淋且相當嫩滑 麵條彈牙有咬口 粗麵條令到湯汁更容易掛上 啖啖都能感受到湯既濃郁蜜糖磚塊(青蘋果) $88黎到茶木點可以唔叫佢d甜品啦 茶木既甜品一向都係佢既招牌 脆脆既蜜糖吐司沾上雪糕 一軟一脆 口感配搭相當好脆脆黑糖瀑布珍珠奶茶🧋 $44杯面放左一串芋圓 芋圓質感很Q彈 芋圓之下就是一層厚厚的奶蓋 提起杯飲奶蓋同時連杯杯既朱古力脆脆一齊飲落去 鹹鹹甜甜咁加上好綿密既奶蓋 組成一個複雜得黎又美味既組合到杯入面既珍珠奶茶 珍珠好彈牙 奶茶就正常水準